‏1 إِزْڒِي ن ؤُڭعّذْ.

نشّْ سّْڭعّْذغْ ثِيطَّاوِينْ إِنُو غَارْ إِذُورَارْ،

مَانِيسْ د غَا ثَاسْ ثْوِيزَا إِنُو؟

‏2 ثْوِيزَا إِنُو زِي سِيذِي،

ونِّي إِڭِّينْ أَجنَّا ذ ثمُّورْثْ.

‏3 نتَّا وَارْ إِتّجِّي أَضَارْ نّكْ أَذْ إِفَارْغْ،

ونِّي شكْ إِحطَّانْ وَارْ إِتّْنُوذُومْ.

‏4 خْزَارْ، ونِّي إِحطَّانْ إِسْرَائِيل وَارْ إِتّْنُوذُومْ ؤُ وَارْ إِتّطّصْ.

‏5 سِيذِي ذ أَمحْضَايْ نّكْ،

سِيذِي ذ ثِيڒِي نّكْ غَارْ ؤُفُوسْ أَفُوسِي نّكْ.

‏6 ذڭْ وَاسّْ ثَافُوشْثْ وَارْ شكْ ثشِّيثْ شَا،

ؤُڒَا ذ ثَازِيرِي س دْجِيڒثْ.

‏7 سِيذِي أَذْ شكْ إِحْضَا زِي مَارَّا ڒْغَارْ،

نتَّا أَذْ إِحْضَا ڒعْمَارْ نّكْ. ^▫  

‏8 سِيذِي أَذْ إِحْضَا ؤُفُّوغْ نّكْ ذ وَاذَافْ نّكْ،

زِي ڒخُّو أَڒْ إِ ڒبْذَا.