‏1 إِزْڒِي ن ؤُڭعّذْ.

نشّْ سّْڭعّْذغْ ثِيطَّاوِينْ إِنُو غَاركْ،

شكْ إِ إِقِّيمنْ خْ ڒْكُورْسِي ذڭْ ؤُجنَّا. ^▪  

‏2 خْزَارْ، أَمْ ثِيطَّاوِينْ ن إِسمْغَانْ غَارْ ؤُفُوسْ ن بَابْ نْسنْ،

أَمْ ثِيطَّاوِينْ ن ثسْمغْثْ غَارْ ؤُفُوسْ ن لَالَّاسْ،

أَمُّو إِ خزَّارنْثْ ثِيطَّاوِينْ نّغْ غَارْ سِيذِي، أَربِّي نّغْ،

أَڒْ خَانغْ إِ غَا إِحِينّْ.

‏3 حِينّْ خَانغْ، أَ سِيذِي، حِينّْ خَانغْ،

مَاغَارْ يُوزَا غَارْنغْ ؤُسحْقَارْ.

‏4 ڒعْمَارْ نّغْ يُوزَا غَارسْ أَطَّاسْ زڭْ ؤُسْثهْزِي ن أَيْثْ بُو-نّْفَاخثْ،

ؤُڒَا زڭْ ؤُسحْقَارْ ن إِغبَّاننْ.