‏1 إِزْڒِي ن ؤُقَاذِي.

أجّْ أَذْ ثسْغُويّْ مَارَّا ثمُّورْثْ سْ ڒفْرَاحثْ زَّاثْ إِ سِيذِي.

‏2 سخَّارمْ إِ سِيذِي س ڒفْرَاحثْ،

أَسمْ-د زَّاثْ إِ وُوذمْ نّسْ س ؤُسْڒِيوْڒوْ.

‏3 سْنمْ، أَقَا سِيذِي ذ أَربِّي إِ يدْجْ.

نتَّا إِخْڒقْ أَنغْ-د ؤُ نشِّينْ نّسْ إِ ندْجْ،

ڒْڭنْسْ نّسْ ذ وُودْجِي ن ثَاروْسَا نّسْ. ^▪  

‏4 أَذْفمْ ثِيوُّورَا نّسْ س ؤُقَاذِي،

ڒمْرَاحَاثْ نّسْ س إِزْڒَانْ ن ؤُصبّحْ،

قَاذَامْ ث، بَارْكمْ إِسمْ نّسْ.

‏5 مَاغَارْ سِيذِي ذ أَصبْحَانْ،

ثَامخْسِيوْثْ نّسْ إِشوَّارنْ ثتّْغِيمَا إِ ڒبْذَا،

ڒَامَانْ نّسْ زِي جِّيڒْ أَڒْ جِّيڒْ.