‏1 سِيذِي إِحكّمْ، أجّْ أَذْ أَرْجِيجنْ ڒڭْنُوسْ.

نتَّا إِقِّيمْ سنّجْ إِ إِكِيرُوبنْ، ثَامُّورْثْ ثبْذَا أَذْ ثنْهزّْ. ^▫  

‏2 سِيذِي ذ أَمقّْرَانْ ذِي صِيهْيُونْ،

نتَّا يُوعْڒَا أَطَّاسْ خْ مَارَّا ڒڭْنُوسْ.

‏3 أجّْ إِ-ثنْ أَذْ قَاذَانْ إِسمْ نّكْ أَمقّْرَانْ إِسَّاڭّْوَاذنْ،

أَذْ إِنِينْ: ”أَقَا نتَّا ذ أَمْقدَّاسْ!“

‏4 جّهْذْ ن ؤُجدْجِيذْ أَقَا نتَّا إِتّخْسْ ڒْحقّْ.

شكْ ثڭِّيذْ أَمْشَانْ إِمْثنْ إِ ثْسڭْذَا،

ثڭِّيذْ ڒْحقّْ ذ ثْسڭْذَا ذِي يَاعْقُوبْ.

‏5 سْعُودْجمْ سِيذِي، أَربِّي نّغْ،

أَضَارمْ زَّاثْ إِ ثْنبْذَاثْ ن إِضَارنْ نّسْ.

أَقَا نتَّا ذ أَمْقدّسْ!

‏6 مُوسَا ذ هَارُونْ ثُوغَا أَثنْ زڭْ إِكهَّاننْ نّسْ،

شَامْوِيلْ ثُوغَا زڭْ إِنِّي إِڒَاغَانْ إِسمْ نّسْ.

نِيثْنِي ڒَاغَانْ غَارْ سِيذِي ؤُشَا نتَّا إِسْڒَا أَسنْ.

‏7 إِسِّيوڒْ أَكِيذْسنْ زڭْ ؤُقلِّيجْ ن ؤُسيْنُو.

نِيثْنِي حْضَانْ شّْهَاذَاثْ نّسْ،

ؤُڒَا ذ ثِيوصَّا نّسْ نِّي ذ أَسنْ إِوْشَا.

‏8 أَ سِيذِي، أَربِّي نّغْ، شكْ ثسْڒِيذْ أَسنْ.

شكْ ذ إِجّْ ن أَربِّي إِغفَّارنْ،

مَاشَا ؤُڒَا ذ ؤُمْثَاقمْ خْ ثْمڭَّا نْسنْ.

‏9 سْعُودْجمْ سِيذِي، أَربِّي نّغْ،

أَضَارمْ زَّاثْ إِ وذْرَارْ نّسْ إِقدّْسنْ،

مَاغَارْ سِيذِي، أَربِّي نّغْ، ذ أَمْقدّسْ إِ إِدْجْ.