‏1 سِيذِي إِحكّمْ، نتَّا يَارْضْ س لْعَاضَامَا،

سِيذِي يَارْضْ س جّهْذْ أَمْ س يِيجّْ ن ؤُحزَّامْ.

وَاهْ، دُّونشْثْ ثْبدّْ ثمْثنْ،

وَارْ ثتّنْهزِّي شَا.

‏2 ڒْكُورْسِي إِڭلّْذنْ نّكْ إِمْثنْ زِي مشْحَاڒْ ؤُيَا،

شكْ ثدْجِيذْ زِي ڒبْذَا.

‏3 إِغزْرَانْ سّْڭعّْذنْ، أَ سِيذِي، إِغزْرَانْ سّْڭعّْذنْ ثْمِيجَّا نْسنْ.

إِغزْرَانْ أَذْ سّْڭعّْذنْ زّْهِيرْ نْسنْ.

‏4 سِيذِي ذِي ڒُوعْڒَا إِجْهذْ خْ زّْهِيرْ ن وَاطَّاسْ ن وَامَانْ إِجهْذنْ،

ؤُ خْ ؤُهَاجِي ن ڒبْحَارْ.

‏5 شّْهَاذَاثْ نّكْ أَقَا ذَايْسنْثْ ڒَامَانْ.

ثَاقدَّاسْثْ ثكَّارْ أَسْ-د إِ ثَادَّارْثْ نّكْ، أَ سِيذِي،

غَارسْ أَڒْ مَارَّا ؤُسَّانْ.