‏1 إِ ؤُمقّْرَانْ ن إِمغْنَاجنْ، س ثغْنِينْثْ ن ؤُجِيتِّي.

زڭْ أَيْثْ ن قُورَاحْ. أَزهّذْ.

‏2 مَامّشْ تّْعِيزّنْثْ ثْزذِّيغِينْ نّكْ،

أَ سِيذِي ن ڒْعسْكَارَاثْ!

‏3 ڒعْمَارْ إِنُو ذَايسْ مژْرِي، وَاهْ إِفنَّا س ؤُوحّشْ

خْ ڒمْرَاحَاثْ ن سِيذِي،

ؤُڒْ إِنُو ذ دَّاثْ إِنُو سْڒِيوْڒِيونْ إِ أَربِّي إِدَّارنْ. ^▪  

‏4 ؤُڒَا ذ ژَّاوشْ إِتَّافْ عَاذْ إِشْثْ ن ثَادَّارْثْ،

ؤُ ثَافَارْدْجسْثْ ثُوفَا إِجّْ ن ڒْعُوشّْ إِ يِيخفْ نّسْ

إِ ذِي ثسّْرُوسَّا إِسّْضَاونْ نّسْ،

غَارْ إِعَالْطَارنْ نّكْ، أَ سِيذِي ن ڒْعسْكَارَاثْ،

أَجدْجِيذْ إِنُو ذ أَربِّي إِنُو!

‏5 سّعْذْ نْسنْ إِ يِينِّي إِزدّْغنْ ذِي ثَادَّارْثْ نّكْ،

أَقَا-ثنْ تّْصبَّاحنْ إِ شكْ بْڒَا قطُّو. سِيلَاهْ.

‏6 سّعْذْ ن إِوْذَانْ إِنِّي إِتَّافنْ جّهْذْ نْسنْ ذَايكْ،

إِنِّي إِحطَّانْ إِبْرِيذنْ إِڭعّْذنْ غَارْ زَّاوشْثْ نّكْ ثَامقّْرَانْثْ ذڭْ وُوڒْ نْسنْ.

‏7 خْمِي تّْشُوقَّانْ ذڭْ إِجّْ ن ڒوْضَا ن ثغْزُورْثْ ن ثْشجِّيرَا ن ؤُمتِّينْ،

أَرِّينْ ث ذ ڒْعُونْصَارْ.

ؤُڒَا ذ أَنْژَارْ أَمزْوَارُو أَذْ ثنْ إِسّْذُوڒِي س لْبَارَاكَاثْ.

‏8 نِيثْنِي ڭُّورنْ زِي جّهْذْ أَڒْ جّهْذْ،

أَذْ د-بَاننْ غَارْ أَربِّي ذِي صِيهْيُونْ.

‏9 أَ سِيذِي، أَربِّي ن ڒْعسْكَارَاثْ، سڒْ إِ ثْژَادْجِيثْ إِنُو،

سْحسّْ، أَ أَربِّي ن يَاعْقُوبْ! سِيلَاهْ.

‏10 أَ أَربِّي، شكْ ذ ثَاسدَّارْثْ نّغْ ن ؤُسڒْقِي،

أَقَا خْزَارْ غَارْ وُوذمْ ن ؤُمذْهُونْ نّكْ!

‏11 مَاغَارْ إِجّْ ن وَاسّْ ذِي ڒمْرَاحَاثْ نّكْ إِحْڒَا خْ وَاڒفْ ن وُوسَّانْ نّغْنِي.

مَاعْلِيكْ ؤُفِيغْ أَذْ بدّغْ خْ ثْنبْذَاثْ ن ثَادَّارْثْ ن أَربِّي إِنُو،

ؤُڒَا ذ أَثْلَاعْ ذڭْ إِقِيضَانْ ن ثُوعفّْنَا.

‏12 مَاغَارْ سِيذِي أَربِّي ذ ثَافُوشْثْ ذ ثْسدَّارْثْ إِ ؤُسڒْقِي،

سِيذِي أَذْ إِوْشْ أَحِينِّي ذ ؤُعُودْجِي.

نتَّا وَارْ إِسّْعِيزِّي ڒْخَارْ ذڭْ إِنِّي إِڭُّورنْ س ڒكْمَارثْ.

‏13 أَ سِيذِي ن ڒْعسْكَارَاثْ،

سّعْذْ ن بْنَاذمْ نِّي ذَايكْ إِتِّيقَّانْ. ^▪