‏1 إِزْڒِي. أَزهّذْ ن أَسَافْ.

‏2 أَ أَربِّي، وَارْ سّغْذْ،

وَارْ تّڭّْ إِخفْ نّكْ ذ أَذهْشُورْ،

وَارْ سقَّارْ شَا، أَ أَربِّي.

‏3 مَاغَارْ خْزَارْ، ڒْعذْيَانْ نّكْ تَّارُّودْجُوذنْ،

إِنِّي شكْ إِشَارّْهنْ سّْڭعّْذنْ أَزدْجِيفْ.

‏4 تّْخَارّْصنْ ذڭْ إِشْثْ ن ثْمعْمُوتْشْ ذِي ثْنُوفَّارْ ضِيدّْ إِ ڒْڭنْسْ نّكْ،

تّمْشَاوَارنْ خْ ينِّي إِتّْوَاحطَّانْ زَّايكْ.

‏5 قَّارنْ: ”أَسمْ-د، أجّْ أَنغْ أَذْ ثنْ نْثحَّا أَمْ ڒْڭنْسْ،

أَڒَامِي وَارْ إِتِّيذَارْ عَاذْ ذڭْ يِيسمْ ن إِسْرَائِيل.“

‏6 مَاغَارْ تّمْشَاوَارنْ س وُوڒْ ذ إِجّْ،

أَقَا تّڭّنْ إِجّْ ن ڒْعَاهْذْ ضِيدّْ إِ شكْ:

‏7 إِقِيضَانْ ن إِذُومْ ذ أَيْثْ ن إِسْمَاعِيلْ،

مُوآبَ ذ أَيْثْ ن هَاجَارْ،

‏8 جَابَالْ ذ عَامُّونْ ذ عَامَالِيقْ،

فِيلِيشِيثْ ذ إِمزْذَاغْ ن صُورْ.

‏9 ؤُڒَا ذ أَشُّورْ إِمَّارْنِي غَارْسنْ.

نِيثْنِي ثُوغَا أَثنْ ذ أَفُوسْ إِجْهذْ إِ أَيْثْ ن لُوطْ. سِيلَاهْ.

‏10 أڭّْ أَسنْ أَمْ مِيذْيَانْ ذ سِيسَارَا،

أَمْ يَابِينْ غَارْ يغْزَارْ ن قِيشُونْ.

‏11 نِيثْنِي تّْوَاثحَّانْ غَارْ عَايْنْ-ذُورْ،

ذوْڒنْ ذ ڒغْبَارْ خْ ثمُّورْثْ.

‏12 أڭّْ إِ-ثنْ ذ ثَارْوَا ن ثَاصِيڒثْ نْسنْ أَمْ غُورَابْ ذ ذِي‘بْ،

مَارَّا أَيْثْ ن جّهْذْ نْسنْ أَمْ زَابَاحْ ذ صَالْمُونَاعْ،

‏13 إِنِّي إِقَّارنْ:

”أجّْ أَنغْ أَذْ نطّفْ ثِيزذِّيغِينْ ن أَربِّي إِ يِيخفْ نّغْ ذ ڒْوَارْثْ.“

‏14 أَ أَربِّي إِنُو، أڭّْ إِ-ثنْ أَمْ يِيجّْ ن ؤُقلِّيجْ إِتّنّْضنْ ذِي ڒعْوِينْ،

أَمْ ؤُڒُومْ زَّاثْ إِ وُوذمْ ن ؤُسمِّيضْ.

‏15 أَمشْنَاوْ ثِيمسِّي ثسّْرقَّا أَزْغَارْ،

أَمشْنَاوْ أَشعَّاڒْ إِتّتّْ إِذُورَارْ، ^▫  

‏16 أَژّڒْ أَمُّو خَاسنْ س ؤُسمِّيضْ نّكْ،

سْنخْڒعْ إِ-ثنْ س ثْحَارْيَاضْثْ نّكْ.

‏17 ڒحّفْ ؤُذمْ نْسنْ س ڒحْيَا،

مَاحنْذْ نِيثْنِي، أَ سِيذِي، أَذْ أَرْزُونْ خْ يِيسمْ نّكْ.

‏18 أجّْ إِ-ثنْ أَذْ بَارّْقنْ ؤُ أَذْ أَرجْفنْ إِ ڒبْذَا،

أجّْ إِ-ثنْ أَذْ سّضْحَانْ ؤُشَا أَذْ تّْوَاهلّْكنْ،

‏19 حِيمَا أَذْ سّْننْ، أَقَا شكْ وَاهَا إِ غَارْ إِدْجْ يِيسمْ ’سِيذِي‘،

أَمْعُودْجِي خْ مَارَّا ثَامُّورْثْ.