‏1 إِ ؤُمقّْرَانْ ن إِمغْنَاجنْ. سَاذُو ؤُفُوسْ ن يَاذُوثُونْ.

أَزهّذْ ن أَسَافْ.

‏2 نشّْ سّْڭعّْذغْ ثْمِيجَّا إِنُو غَارْ أَربِّي ؤُشَا ڒَاغِيغْ،

سّْڭعّْذغْ ثْمِيجَّا إِنُو غَارْ أَربِّي،

نتَّا أَذْ أَيِي إِسڒْ.

‏3 ذڭْ وَاسّْ ن ڒحْصَارثْ إِنُو أَرْزُوغْ سِيذِي إِنُو.

س دْجِيڒثْ سّْوِيژّْضغْ أَفُوسْ إِنُو بْڒَا مَا أَذْ أَسْ أَرْخُوغْ،

ڒعْمَارْ إِنُو يُوڭِي أَذْ إِتّْوَاعزَّا.

‏4 ؤُمِي ثُوغَا تِّيذَارغْ أَربِّي، خنِّي تّْزهَّارغْ، تّْخمَّامغْ،

خنِّي يَارْخُو بُوحْبڒْ إِنُو. سِيلَاهْ.

‏5 شكْ ثَارّذْ ثِيطَّاوِينْ إِنُو أَذْ قِّيمنْثْ فَاقنْثْ،

نْهوْڒغْ، وَارْ سِّيوْڒغْ.

‏6 نشّْ تّْخمَّامغْ ذڭْ وُوسَّانْ ن وشْحَاڒْ ؤُيَا،

ذڭْ إِسڭّْوُوسَا ن إِكُوذنْ إِعْذُونْ أَطَّاسْ زڭْ وَامِي.

‏7 نشّْ تِّيذَارغْ ذڭْ ؤُزنْزُونْ إِنُو س دْجِيڒثْ،

خْمِي تّْخمَّامغْ ذڭْ وُوڒْ إِنُو ؤُ بُوحْبڒْ إِنُو يَارزُّو:

‏8 مَا أَذْ أَنغْ إِنْضَارْ سِيذِي إِنُو إِ ڒبْذَا،

ؤُ وَارْ خَافِي إِتّْحِينِّي عَاذْ؟

‏9 مَا ثْبدّْ ثْمخْسِيوْثْ نّسْ إِشوَّارنْ إِ ڒبْذَا؟

مَا إِتّْوَابْضڒْ لْوَاعْذْ زِي جِّيڒْ أَڒْ جِّيڒْ؟

‏10 مَا إِتُّو أَربِّي أَحِينِّي نّسْ؟

مَا ذڭْ وغْضَابْ نّسْ إِبلّعْ أَرّحْمثْ نّسْ؟“ سِيلَاهْ.

‏11 نِّيغْ: ”وَا ذ ڒعْذَابْ إِنُو،

أَقَا ذ إِسڭّْوُوسَا زڭْ ؤُفُوسْ ن ؤُمْعُودْجِي خْ كُوڒْشِي.“

‏12 نشّْ أَذْ إِذَارغْ ثِيمڭَّا ن سِيذِي،

أَذْ عقْڒغْ خْ لْمُوعْجِيزَاثْ نّكْ ن زِيشْ.

‏13 نشّْ أَذْ خمَّامغْ ذِي مَارَّا ڒخْذَايمْ نّكْ،

أَذْ سِّيوْڒغْ خْ مَارَّا مِينْ ثڭِّيذْ.

‏14 أَ أَربِّي، أَبْرِيذْ نّكْ أَقَا ذِي ثْقدَّاسْثْ إِ يدْجْ!

مَانْ ونْ إِ يدْجَانْ ذ أَربِّي أَمقّْرَانْ أَمْ أَربِّي؟

‏15 شكْ ذ أَربِّي ونِّي إِتّڭّنْ لْمُوعْجِيزَاثْ،

شكْ ثسّشْنذْ ثِيزمَّارْ نّكْ جَارْ ڒڭْنُوسْ. ^▪  

‏16 شكْ ثفْذِيذْ ڒْڭنْسْ نّكْ س ؤُغِيڒْ نّكْ،

ثَارْوَا ن يَاعْقُوبْ ذ يُوسُوفْ. سِيلَاهْ.

‏17 أَمَانْ ژْرِينْ شكْ، أَ أَربِّي، أَمَانْ ژْرِينْ شكْ ؤُشَا أَرْجِيجنْ،

وَاهْ أَمَانْ يُوژْغنْ نّْهوْڒنْ. ^▪  

‏18 إِسيْنُوثنْ إِذقّْڒنْ فَارّْغنْ-د أَمَانْ نْسنْ،

إِسيْنُوثنْ يُوعْڒَانْ سّْڭعّْذنْ ثْمِيجَّا نْسنْ،

ؤُ فْڒِيثْشَاثْ ن ڒْقوْسْ نّكْ ضْوِينْثْ ذَا ذ ذِيهَا. ^▫  ▪  

‏19 إِتّنّضْ ڒْحسّْ ن وَاجَّاجْ نّكْ،

أَسَّامنْ ڭِّينْ ثَافَاوْثْ خْ دُّونشْثْ،

ثَامُّورْثْ ثنْهزّْ ثَارْجِيجْ.

‏20 أَبْرِيذْ نّكْ إِشُوقّْ ذِي ڒبْحَارْ،

أَمسْرَاقْ نّكْ ذڭْ وَامَانْ إِمقّْرَاننْ،

وَارْ بِيننْ عَاذْ إِصُورَافْ ن إِضَارنْ نّكْ.

‏21 شكْ ثْنذْهذْ ڒْڭنْسْ نّكْ أَمْ إِشْثْ ن ثْحِيمَارْثْ ن وُودْجِي،

س ؤُفُوسْ ن مُوسَا ذ هَارُونْ. ^▪