70
1 إِ ؤُمقّْرَانْ ن إِمغْنَاجنْ. ن ذَاوُوذْ. إِ ڒِيذَارثْ. 2 أَ أَربِّي، ذغْيَاثْ حِيمَا أَذْ أَيِي ثسّْنجْمذْ،
أَ سِيذِي، حِيمَا أَذْ أَيِي ثْعَاوْنذْ. ▪
3 أجّْ إِنِّي يَارزُّونْ ڒعْمَارْ إِنُو
أَذْ تّْوَاخَاروْضنْ ؤُ أَذْ سّْنُوفَّارنْ إِخفْ نْسنْ،
أجّْ إِنِّي يَارطَّانْ خْ ڒْغَارْ إِ ذَايِي إِڒقّْفنْ،
أَذْ ذوْڒنْ غَارْ ضفَّارْ ؤُ أَذْ تّْوَاسْبهْذْڒنْ. ▪
4 أجّْ إِ-ثنْ أَذْ طّْفنْ ڒْمُونثْ إِ إِسّْذَاهدْجنْ أَڒَامِي إِ غَا تّْوَاسْبهْذْڒنْ،
إِنِّي ذِينْ إِقَّارنْ: ”هَا، هَا!“
5 أجّْ مَارَّا إِنِّي خَاكْ يَارزُّونْ، أَذْ أَرْشْقنْ، أَذْ فَارْحنْ ذَايكْ.
أجّْ إِنِّي إِتّخْسنْ أَسنْجمْ نّكْ أَذْ إِنِينْ ڒبْذَا:
”أَربِّي ذ أَمقّْرَانْ!“
6 نشّْ ذِي ڒغْبنْ ؤُ زڒْضغْ، أَ أَربِّي، ذغْيَاثْ غَارِي.
شكْ ذ ثْوِيزَا إِنُو ذ أَمْسنْجمْ إِنُو، أَ سِيذِي،
وَارْ تّْعطَّاڒْ شَا!