53
1 إِ ؤُمقّْرَانْ ن إِمغْنَاجنْ. س ثغْنِينْثْ ن ’إِزْڒِي ن وشْضَانْ‘. أَخمِّي ن ذَاوُوذْ.
2 أَپُوهَاڒِي إِنَّا ذڭْ وُوڒْ نّسْ: ”وَارْ ذِينْ بُو أَربِّي!“
نِيثْنِي تَّاردّْدْجنْ، تّڭّنْ ڒْغشّْ،
وَارْ ذِينْ ؤُڒَا ذ إِجّْ إِتّڭّْ مِينْ إِشْنَانْ. ▪
3 أَربِّي إِخزَّارْ-د زڭْ ؤُجنَّا غَارْ ثَارْوَا ن بْنَاذمْ،
حِيمَا أَذْ إِژَارْ مَا ذِينْ حذْ غَارسْ ڒفْهَامثْ،
إِجّنْ إِ يَارزُّونْ أَربِّي. ▪
4 مَارَّا فّْغنْ زڭْ وبْرِيذْ،
أَقَا-ثنْ جْمِيعْ ذوْڒنْ ذ إِعفَّاننْ،
وَارْ ذِينْ ؤُڒَا ذ إِجّْ إِتّڭّْ ڒْخَارْ،
ؤُڒَا ذ إِجّْ.
5 إِنِّي إِتّڭّنْ ڒْمُوعْصِييّثْ مَا وَارْ غَارْسنْ ثُوسّْنَا،
إِنِّي إِتّتّنْ ڒْڭنْسْ إِنُو أَخْمِي تّتّنْ أَغْرُومْ؟
نِيثْنِي وَارْ تّْڒَاغَانْ خْ أَربِّي.
6 أَقَا ذِينْ إِ خَاسنْ ثوْضَا ثِيڭّْوُوذِي إِمْغَارنْ،
ؤُمِي وَارْ ذِينْ مِينْ زِي إِ غَا ڭّْوذنْ،
مَاغَارْ أَربِّي إِطَارّشْ إِخْسَانْ ن يِينِّي خَاكْ إِهجّْمنْ.
شكْ ثسّْبهْذْڒذْ إِ-ثنْ، مِينْزِي أَربِّي إِنْضَارْ إِ-ثنْ.
7 أَهْ، أَقَا أَسنْجمْ ن إِسْرَائِيل أَذْ د-يَاسْ زِي صِيهْيُونْ!
خْمِي د غَا إِسّعْقبْ أَربِّي إِمحْبَاسْ ن ڒْڭنْسْ نّكْ،
أَذْ يَارْشقْ يَاعْقُوبْ،
أَذْ إِفَارْحْ إِسْرَائِيل.