‏1 إِ ؤُمقّْرَانْ ن إِمغْنَاجنْ. س ثغْنِينْثْ ن ’ثْلِيلِّيشِينْ‘.

زڭْ أَيْثْ ن قُورَاحْ. أَخمِّي. إِزْڒِي ن ثَايْرِي. ^▫  

‏2 زڭْ وُوڒْ إِنُو إِدُّوقّزْ-د إِجّْ ن وَاوَاڒْ ذ أَصبْحَانْ،

قَّارغْ إِ ؤُجدْجِيذْ مِينْ د-سّْوجْذغْ،

إِڒسْ إِنُو ذ ڒقْڒمْ ن إِجّْ ن ؤُمَارِيرْ إِمحْضنْ. ^▫  

‏3 ”شكْ ثشْنِيذْ خْ مَارَّا ثَارْوَا ن بْنَاذمْ،

ڒْخَاضَارْ إِتّْوَازدْجعْ خْ إِينْشِيشنْ نّكْ،

س ؤُينِّي إِ شكْ إِبَاركْ أَربِّي إِ ڒبْذَا.

‏4 بْيسْ سِّيفْ خْ ثْمسَّاضْثْ نّكْ، أَ بُو-ثغْرُوضْثْ،

ثِيسِّيقْثْ نّكْ ذ ڒْعزّْ نّكْ.

‏5 ڒْعزّْ نّكْ، إِڒِي ثْفڒْحذْ،

نْذهْ ذِي طّْوعْ ن وَاوَاڒْ ن ثِيذتّْ،

زِي سِّيبّثْ ن ڒحْصَارثْ ن ؤُمْسڭّذْ.

أَفُوسْ نّكْ أَفُوسِي أَذْ شكْ إِسّڒْمذْ ثِيمسْڒَايِينْ سَّاڭّْوَاذنْثْ.

‏6 فْڒِيثْشَاثْ نّكْ قضْعنْثْ،

- وَاهْ ڒڭْنُوسْ أَذْ وْضَانْ سَاذُو ؤُفُوسْ نّكْ - ،

شُوقّنْثْ ؤُڒْ ن ڒْعذْيَانْ ن ؤُجدْجِيذْ.

‏7 ڒْكُورْسِي نّكْ إِڭلّْذنْ، أَ أَربِّي، أَقَا-ث إِ ڒبْذَا قَاعْ.

ثَاغَّارْشْثْ ن ثْڭلْذِيثْ نّكْ ذ إِشْثْ ن ثغَّارْشْثْ ن ثْسڭْذَا. ^▪  

‏8 شكْ ثتّخْسذْ ثَاسڭْذَا ؤُ ثْشَارّْهذْ ڒْغَارْ.

س ؤُينِّي إِ شكْ إِذْهنْ، أَ أَربِّي، أَربِّي نّكْ،

س زّشْثْ ن ڒفْرَاحثْ ثِيوَا إِ إِعْشِيرنْ نّكْ.

‏9 مَارَّا ڒعْبَايَاثْ نّكْ أَمشْنَاوْ مِيرُّو ذ وشْفِيڒْ ذ ڒْقَارْفَا،

زِي ڒقْصُورْ ن ڒْعَاجْ سّْفَارَّاحنْثْ شكْ ^▫  

‏10 يسِّيسْ ن ؤُجدْجِيذْ جَارْ ثِينوْجِيوِينْ نّكْ إِوقَّارنْ،

ثَاسْڒِيثْ ن ؤُجدْجِيذْ ثْبدّْ أَشْ خْ ؤُفُوسِي،

س ورُّوضْ زڭْ وُورغْ إِغْڒَانْ قَاعْ زِي ؤُفِيرْ.

‏11 سڒْ، أَ يدْجِي، خْزَارْ، أوْشْ أَمزُّوغْ نّمْ!

تُّو ڒْڭنْسْ نّمْ ذ ثَادَّارْثْ ن بَابَامْ!

‏12 خنِّي أَجدْجِيذْ أَذْ إِمّژْرِي ذڭْ وَاژْرِي نّمْ،

مَاغَارْ نتَّا ذ سِيذِي نّمْ!

أَضَارْ زَّاثسْ!

‏13 يدْجِيسْ ن صُورْ س إِشْثْ ن ثَارْزفْثْ،

أَيْثْ ن بُو-وَاڭْڒَا ن إِجّْ ن ڒْڭنْسْ أَذْ أَرْزُونْ أَذْ خَامْ أَرْضَانْ. ^▪  

‏14 يدْجِيسْ ن ؤُجدْجِيذْ أَقَا-ت ذ أَعُودْجِي مَارَّا غَارْ ذَاخڒْ،

أَرُّوضْ نّسْ ذ إِجّْ ن ؤُمُوذِي زڭْ ؤُفِيڒُو ن وُورغْ.

‏15 أَذْ ثتّْوَانْذهْ غَارْ ؤُجدْجِيذْ ذڭْ وَارُّوضْ س ثِينْثَاثْ إِفَارْزنْ.

ثِيعْزَارِييِّينْ ثِينِّي ت إِضفَّارَانْ،

أَقَا أَثنْثْ ذ ثِيمدُّوكَّاڒْ نّسْ نِّي د غَاركْ تّْوَاوْينْثْ.

‏16 أَقَا تّْوَاوْينْثْ س ڒفْرَاحثْ ذ وَارْشقْ،

أَمُّو إِ غَا أَذْفنْثْ غَارْ ڒقْصَارْ ن ؤُجدْجِيذْ.

‏17 ثَارْوَا نّكْ أَذْ إِڒِينْ ذڭْ ومْشَانْ ن إِبَابَاثنْ نّكْ،

شكْ أَذْ ثنْ ثڭّذْ ذ ڒْحُوكَّامْ ذِي مَارَّا ثَامُّورْثْ.

‏18 نشّْ أَذْ إِذَارغْ إِسمْ نّكْ ذِي كُوڒْ جِّيڒْ ذ كُوڒْ جِّيڒْ أَوَارْنِي أَسْ.

س ؤُينِّي، أَذْ شكْ قَاذَانْ مَارَّا ڒڭْنُوسْ إِ ڒبْذَا قَاعْ.“