‏1 أَغْ أَيِي ثَاسْغَارْثْ، أَ أَربِّي، ؤُ ثْنذْهذْ دّعْوثْ إِنُو.

فكّْ أَيِي زڭْ إِجّْ ن ڒْڭنْسْ وَارْ ذَايسْ بُو ثْمخْسِيوْثْ،

زڭْ ورْيَازْ ن ثحْرَايْمشْثْ ذ دّدْجْ.

‏2 أَقَا شكْ ذ أَربِّي ن جّهْذْ إِنُو، مَايمِّي خنِّي ذ أَيِي ثنْضَارذْ؟

مَايمِّي ڭُّورغْ ذڭْ ورُّوضْ ذ أَبَارْشَانْ زِي سِّيبّثْ ن دّدْجْ ن ڒعْذُو؟“ ^▪  

‏3 سكّْ-د ثَافَاوْثْ نّكْ ذ ثِيذتّْ نّكْ، مَاحنْذْ أَذْ أَيِي ڭوّْذنْثْ،

أَذْ أَيِي نذْهنْثْ غَارْ وذْرَارْ نّكْ إِقدّْسنْ ؤُ غَارْ ثْزذِّيغِينْ نّكْ

‏4 ؤُشَا أَذْ د-أَسغْ غَارْ ؤُعَالْطَارْ، ڒْمذْبحْ ن وشْمَاضْ ن أَربِّي،

غَارْ أَربِّي ن ڒفْرَاحثْ، ونِّي ذ أَرْشقْ إِنُو.

نشّْ أَذْ شكْ قَاذِيغْ س ڒْڭَامْبْرِي، أَ أَربِّي، أَربِّي إِنُو!

‏5 أَ ڒعْمَارْ إِنُو، مَايمِّي ثْقنْضذْ أَمُّو، ؤُ ثْغوّْغذْ خَافِي؟

رَاجَا أَربِّي، مَاغَارْ أَذْ ث قَاذِيغْ عَاذْ

خْ إِسنْجَامنْ زڭْ وُوذمْ نّسْ، أَقَا-ث ذ أَربِّي إِنُو. ^▪