‏1 أَزهّذْ ن ذَاوُوذْ.

أَغْ أَيِي ثَاسْغَارْثْ إِنُو، أَ سِيذِي،

مَاغَارْ ڭُّورغْ ذِي ڒصْفَايثْ إِنُو.

نشّْ تّشْڒغْ خْ سِيذِي،

وَارْ تّفْرِيغغْ شَا. ^▪  

‏2 قدْجبْ أَيِي، أَ سِيذِي، جَارّبْ أَيِي،

سصْفَا ثِيژَّاڒْ إِنُو ذ وُوڒْ إِنُو. ^▫  

‏3 مِينْزِي ثَامخْسِيوْثْ نّكْ إِشوَّارنْ أَقَا-ت زَّاثْ إِ ثِيطَّاوِينْ إِنُو،

نشّْ ڭُّورغْ ذِي ثِيذتّْ نّكْ.

‏4 نشّْ وَارْ تّْغِيمِيغْ أَكْ-ذ إِرْيَازنْ وَارْ إِسكّْوِينْ،

وَارْ تّْمُونغْ أَكْ-ذ ينِّي إِشمّْثنْ. ^▪  

‏5 نشّْ شَارّْهغْ أَڭْرَاوْ ن ثَارْوَا ن ڒهْرَامْ،

وَارْ تّْغِيمِيغْ أَكْ-ذ إِعفَّاننْ.

‏6 نشّْ سِّيرِيذغْ إِفَاسّنْ إِنُو أَمْ وَارْ ذَايِي ڒْعِيبْ،

تّنّْضغْ إِ ؤُعَالْطَارْ نّكْ، ڒْمذْبحْ نّكْ ن وشْمَاضْ، أَ سِيذِي،

‏7 مَاحنْذْ أَذْ ڭّغْ أَذْ سْڒنْ إِ ثْمِيجَّا ثشُّورْ س ؤُقَاذِي،

مَاحنْذْ أَذْ بَارّْحغْ س مَارَّا لْمُوعْجِيزَاثْ نّكْ.

‏8 أَ سِيذِي، نشّْ تّخْسغْ ثْزذِّيغْثْ ن ثَادَّارْثْ نّكْ،

ؤُڒَا ذ أَمْشَانْ ن ثْزذِّيغْثْ ن ؤُعُودْجِي نّكْ.

‏9 وَارْ سْمُونَا ڒعْمَارْ إِنُو أَكْ-ذ إِمذْنَابْ،

ؤُڒَا ذ ثُوذَارْثْ إِنُو غَارْ إِرْيَازنْ إِ إِسَّازَّاڒنْ إِذَامّنْ.

‏10 إِنِّي غَارْ إِدْجْ إِفَاسّنْ شُّورنْ س ثُوعفّْنَا،

أَفُوسْ نْسنْ أَفُوسِي إِشُّورْ س ڒْغشّْ.

‏11 نشّْ ڭُّورغْ ذِي ڒصْفَايثْ إِنُو،

فْذِي أَيِي ؤُ حِينّْ خَافِي.

‏12 أَضَارْ إِنُو إِبدّْ خْ ثمُّورْثْ إِوَاطَانْ.

نشّْ أَذْ بَارْكغْ سِيذِي ذِي ثْمسْمُونِينْ.