‏1 إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.

‏2 أَذْ خَاكْ د-يَارّْ سِيذِي ذڭْ وَاسّْ ن ڒحْصَارثْ،

أَذْ شكْ إِسِّيزْذغْ إِسمْ ن أَربِّي ن يَاعْقُوبْ ذڭْ ومْشَانْ يُوعْڒَانْ إِفَارْينْ.

‏3 أَذْ أَشْ إِوْشْ أَفُوسْ زِي زَّاوشْثْ إِقدّْسنْ،

أَذْ شكْ د-إِعَاونْ زِي صِيهْيُونْ.

‏4 أَذْ شكْ يِيذَارْ ذِي ثوْهِيبِينْ ن ڒْغِيدْجثْ نّكْ،

أَذْ ثِيڒِي ثْغَارْصْثْ ن وشْمَاضْ نّكْ أَمشْنَاوْ ثَاذُونْثْ إِ نتَّا. سِيلَاهْ.

‏5 أَذْ أَشْ إِوْشْ عْلَاحْسَابْ مِينْ إِمّژْرِي وُوڒْ نّكْ،

ؤُ أجّْ إِ-ث أَذْ إِكمّڒْ مَارَّا إِنْوَاينْ نّكْ.

‏6 نشِّينْ أَذْ نسْڒِيوْڒوْ خْ ؤُسنْجمْ نّكْ،

أَذْ نسُّوعْڒَا إِبَانْذُوثنْ ذڭْ يِيسمْ ن أَربِّي.

أَذْ إِسّْجِيونْ سِيذِي مَارَّا مژْرِي نّكْ.

‏7 ڒخُّو سّْنغْ، أَقَا سِيذِي أَذْ يَاوِي أَسنْجمْ إِ ؤُمذْهُونْ نّسْ.

نتَّا أَذْ ث-إِ-د-يَارّْ زڭْ إِجنْوَانْ ن زَّاوشْثْ نّسْ إِقدّْسنْ،

س ثْمڭَّا ثِيمقّْرَانِينْ ن ؤُسنْجمْ س ؤُفُوسْ أَفُوسِي نّسْ.

‏8 إِنَا تّْخَارَّاصنْ ذڭْ إِكَارُّوثنْ ؤُ إِنَا ذڭْ إِيْسَانْ،

مَاشَا نشِّينْ أَذْ نْخَارّصْ ذڭْ إِسمْ ن سِيذِي، أَربِّي نّغْ.

‏9 نِيثْنِي ؤُضَارنْ ؤُشَا وْضَانْ،

نشِّينْ نكَّارْ ؤُ نقِّيمْ نْبدّْ.

‏10 أَ سِيذِي، أَوِي-د أَسنْجمْ!

أجّْ أَذْ أَنغْ د-يَارّْ ؤُجدْجِيذْ ذڭْ وَاسّْ إِ ذِي نْڒَاغَا.