‏1 إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.

أَپُوهَاڒِي إِنَّا ذڭْ وُوڒْ نّسْ: ”وَارْ ذِينْ بُو أَربِّي!“

نِيثْنِي تَّاردّْدْجنْ، تّڭّنْ ثِيمسْڒَايِينْ إِضخْسنْ ،

وَارْ ذِينْ ؤُڒَا ذ إِجّْ إِتّڭّْ مِينْ إِشْنَانْ. ^▪  

‏2 سِيذِي إِخزَّارْ-د زڭْ ؤُجنَّا غَارْ ثَارْوَا ن بْنَاذمْ،

حِيمَا أَذْ إِژَارْ، مَا ذِينْ حذْ ذَايسْ ڒفْهَامثْ،

إِجّْ ونِّي يَارزُّونْ أَربِّي.

‏3 مَارَّا فّْغنْ زڭْ وبْرِيذْ،

أَقَا-ثنْ جْمِيعْ ذوْڒنْ ذ إِعفَّاننْ،

وَارْ ذِينْ ؤُڒَا ذ إِجّْ إِتّڭّْ ڒْخَارْ،

ؤُڒَا ذ إِجّْ.

‏4 مَارَّا إِنِّي إِتّڭّنْ ڒْمُوعْصِييّثْ مَا وَارْ غَارْسنْ بُو ثُوسّْنَا،

إِنِّي إِتّتّنْ ڒْڭنْسْ إِنُو أَخْمِي تّتّنْ أَغْرُومْ؟

نِيثْنِي وَارْ تّْڒَاغَانْ خْ سِيذِي.

‏5 أَقَا ثوْضَا-د خَاسنْ ذِينْ ثِيڭّْوُوذِي ثمْغَارْ،

مَاغَارْ أَربِّي أَقَا-ث أَكْ-ذ جِّيڒْ نْ إِمْسڭَّاذنْ.

‏6 كنِّيوْ ثْنفْضمْ أَرَّايْ ن ڒْمُوسَاكِينْ،

مِينْزِي سِيذِي ذ أَمْشَانْ نّسْ ن ثَاروْڒَا.

‏7 إِهْ، أَقَا أَسنْجمْ ن إِسْرَائِيل أَذْ د-يَاسْ زِي صِيهْيُونْ!

خْمِي د غَا يَارّْ سِيذِي إِمحْبَاسْ ن ڒْڭنْسْ نّكْ،

أَذْ يَارْشقْ يَاعْقُوبْ،

أَذْ إِفَارْحْ إِسْرَائِيل.