‏1 أَزهّذْ ن ذَاوُوذْ.

أَ سِيذِي، مَانْ ونْ إِ غَا إِقِّيمنْ ذڭْ ؤُقِيضُونْ نّكْ؟

مَانْ ونْ إِ غَا إِزذْغنْ خْ وذْرَارْ نّكْ إِقدّْسنْ؟

‏2 ونِّي إِڭُّورنْ ذِي ڒكْمَاڒثْ ن ثُوذَارْثْ نّسْ ؤُ إِتّڭّْ ثَاسڭْذَا،

ونِّي إِسَّاوَاڒنْ ثِيذتّْ ذڭْ وُوڒْ نّسْ. ^▪  

‏3 ونِّي وَارْ إِتّْشقَّافنْ س يِيڒسْ نّسْ،

ونِّي وَارْ إِتّڭّنْ ڒْغَارْ إِ إِمْعَاشَارنْ نّسْ،

ؤُ وَارْ إِتّْزَاوَارْ أَجَّارْ نّسْ.

‏4 ونِّي إِمّنْضَارنْ زِي أَربِّي أَقَا إِتّْوَاسّحْقَارْ ذِي ثِيطَّاوِينْ نّسْ،

مَاشَا إِنِّي إِتّڭّْوذنْ سِيذِي، إِتّْوقَّارْ إِ-ثنْ.

إِجِّيدْجْ ذِي ثْخسَّارْثْ نّسْ

وَارْ ث إِتّْبذِّيڒْ.

‏5 ونِّي وَارْ إِتِّيشنْ ثْمنْيَاثْ ن نُّوقَارْثْ نّسْ س أَرِّيبَا،

ؤُ وَارْ إِتّطّفْ أَرّشْوثْ ضِيدّْ ن يِينِّي وَارْ إِڭِّينْ س شَا.

ونِّي إِتّڭّنْ مَانْ أَيَا،

وَارْ إِڭُّورْ أَذْ إِفَارْغْ إِ ڒبْذَا.