6
1 إِ ؤُمقّْرَانْ ن إِمغْنَاجنْ. أَكْ-ذ ؤُزنْزُونْ خْ ؤُفِيڒُو وِيسّْ ثْمنْيَا. أَزهّذْ ن ذَاوُوذْ. 2 أَ سِيذِي، وَارْ ذ أَيِي تّْودَّابْ ذڭْ وغْضَابْ نّكْ،
وَارْ ذ أَيِي تَّاربِّي شَا ذڭْ وسْعَارْ نّكْ! ▪
3 حِينّْ خَافِي، أَ سِيذِي، مَاغَارْ نشّْ أَقَا أَرْخُوغْ.
سْڭنْفَا أَيِي، أَ سِيذِي، مَاغَارْ إِخْسَانْ إِنُو تَّارْجِيجِينْ!
4 وَاهْ، ڒعْمَارْ إِنُو يَارْجفْ أَطَّاسْ،
ؤُ شكْ، أَ سِيذِي، أَڒْ مڒْمِي؟
5 ذْوڒْ-د، أَ سِيذِي، فكّْ ڒعْمَارْ إِنُو،
سنْجمْ أَيِي ذِي طّْوعْ ن ثْمخْسِيوْثْ نّكْ إِشوَّارنْ.
6 مِينْزِي ذِي ڒْموْثْ وَارْ ذِينِّي بُو ڒِيذَارثْ نّكْ.
وِي شكْ إِ غَا إِقَاذَانْ ذِي ڒَاخَارْثْ؟
7 نشّْ ؤُحْڒغْ س إِنِيخْسِيسنْ إِنُو.
دْجِيڒثْ ثكْمڒْ سُّوفّغْ قَامَا إِنُو،
ؤُڒَا ذ ثَاسُّوثْ إِنُو ثطّبْطبْ قَاعْ س إِمطَّاونْ.
8 ثِيطّْ إِنُو ثغْڒِي س وشْضَانْ،
أَقَا-ت ثتّْوَاشّْ زِي مَارَّا إِغْرِيمنْ إِنُو.
9 أَڭّْوجمْ خَافِي، مَارَّا إِنِّي إِتّڭّنْ ڒْمُوعْصِييّثْ،
مِينْزِي سِيذِي إِسْڒَا إِ ثْمِيجَّا ن إِمطَّاونْ إِنُو. ▪
10 سِيذِي إِسْڒَا إِ ؤُزَاوڭْ إِنُو،
سِيذِي أَذْ إِقْبڒْ ثَاژَادْجِيثْ إِنُو.
11 مَارَّا ڒْعذْيَانْ إِنُو أَذْ ثنْ ثڒْقفْ ڒفْضِيحثْ ذ ؤُنخْڒِيعْ،
أَذْ د-ذوْڒنْ غَارْ ضفَّارْ،
أَكْ-ذ ورْمَاشْ ن وَابْڒِيونْ أَذْ سّضْحَانْ.