‏1 يَارْنِي أَيُوبْ ذِي ڒْهَارْذْ ن لْمَاثَالْ نّسْ، إِنَّا:

‏2 س ثِيذتّْ أَمْ إِدَّارْ أَربِّي نِّي إِ ذ أَيِي إِكّْسنْ ثَاسْغَارْثْ إِنُو،

أَمْزمَّارْ خْ كُوڒْشِي نِّي إِسَّارْزَاڭنْ ڒعْمَارْ إِنُو،

‏3 مِينْ غَا يكّْ نّفْسْ عَاذْ ذَايِي،

ؤُ أَرُّوحْ ن أَربِّي عَاذْ ذڭْ ونْزَارنْ إِنُو،

‏4 وَارْ قَّارنْ إِينْشِيشنْ إِنُو ڒْغشّْ،

ؤُ إِڒسْ إِنُو وَارْ إِقَّارْ إِخَارِّيقنْ!

‏5 ذ ڒفْضِيحثْ إِ نشّْ مَاڒَا ڭِّيغْ كنِّيوْ ذِي ثْسيَّارسْثْ ن ثِيذثْ.

أَڒْ غَا سُّوفّْغغْ بُوحْبڒْ إِنُو،

وَارْ تّجِّيغْ أَذْ خَافِي كّْسنْ أَسڭّذْ إِنُو.

‏6 أَذْ طّْفغْ ذِي ثْسڭْذَا إِنُو، وَارْ زَّايسْ أَرخُّوغْ شَا.

ؤُڒْ إِنُو وَارْ ذ أَسْ يَارخُّو ؤُڒَا خْ إِجّنْ زڭْ وُوسَّانْ إِنُو.

‏7 مْڒِي د-إِبَانْ ڒعْذُو إِنُو ذ أَعفَّانْ،

ونِّي أَكِيذِي إِتّْمنْغَانْ ذ مِّيسْ ن ڒْمُوعْصِييّثْ.

‏8 مَاغَارْ مَانْ أَسِيثمْ ن ؤُمْنَافقْ،

خْمِي إِ غَا ثتّْوَاقْضعْ ثُوذَارْثْ نّسْ،

خْمِي زَّايسْ إِ غَا إِقْڒعْ أَربِّي ڒعْمَارْ نّسْ؟ ^▪  

‏9 مَا أَذْ إِسڒْ أَربِّي إِ إِغُويَّانْ نّسْ،

خْمِي خَاسْ د غَا إِوْضَا ڒْحصْرَانْ؟ ^▪  

‏10 مَا أَذْ إِفَارْحْ غَارْ ؤُمْزمَّارْ خْ كُوڒْشِي؟

مَا أَذْ إِڒَاغَا خْ أَربِّي مڒْمِي مَا؟

‏11 نشّْ أَذْ أَومْ سّْڒمْذغْ خْ ؤُفُوسْ ن أَربِّي،

مِينْ إِعوّڒْ ؤُمْزمَّارْ خْ كُوڒْشِي، وَارْ ث سّْنُوفَّارغْ.

‏12 خْزَارْ، كنِّيوْ مَارَّا إِذْومْ ثژْرِيمْ ث.

مَايمِّي ثَارنّْيمْ ثسُّوفُّوغمْ مِينْ إِخْوَانْ، ثقَّارمْ:

‏13 ”ثَا ذ ثَاسْغَارْثْ ن بْنَاذمْ أَعفَّانْ غَارْ سِيذِي،

ثَاسْغَارْثْ ن أَيْثْ ن بُو-ڒخْشُونثْ نِّي إِ غَا طّْفنْ زڭْ ؤُمْزمَّارْ خْ كُوڒْشِي: ^▪  

‏14 خْمِي إِ غَا مَّارنْينْ إِحنْجِيرنْ نّسْ، إِ سِّيفْ ؤُمِي ؤُرِينْ.

إِغدُّوثنْ نّسْ وَارْ تّْيَاوَاننْ أَغْرُومْ، ^▫  ▪  

‏15 وِي زَّايسْ إِ غَا إِقِّيمنْ أَذْ تّْوَانضْڒنْ س طَّاعُونْ،

ؤُ ثِيجَّاڒْ نّسْ وَارْ تّْرُونْثْ شَا. ^▪  

‏16 وَاخَّا إِجَارُّووْ نُّوقَارْثْ أَنشْثْ ن ؤُشَاڒْ،

ؤُ إِسّوْجَاذْ أَرُّوضْ أَنشْثْ ن ؤُشَاڒْ،

‏17 إِوَا أَذْ ث إِسّوْجذْ، مَاشَا أَمْسڭّذْ أَذْ زَّايسْ يَارْضْ،

ؤُ أَمزْذَاڭْ أَذْ إِبْضَا نُّوقَارْثْ. ^▪  

‏18 أَذْ إِبْنَا ثَادَّارْثْ نّسْ أَمْ ثْشِينْذَا،

أَمشْنَاوْ ثَانْوَالْثْ إِ إِسّْبدَّا ؤُعسَّاسْ إِ يِيخفْ نّسْ.

‏19 أَذْ ذَايسْ إِطّسْ ذ بُو-وَاڭْڒَا، مَاشَا وَارْ يَارنِّي ذڭْ وَاڭْڒَا نّسْ.

مَاڒَا يَارْزمْ ثِيطَّاوِينْ نّسْ، وَارْ ذِينْ إِتّْغِيمِي عَاذْ وَالُو. ^▪  

‏20 إِنخْڒِيعنْ أَذْ ث أَرنْينْ أَمْ إِغزْرَانْ ن وَامَانْ،

ثَاحَارْيَاضْثْ أَذْ ث إِ-د ثقْضعْ س دْجِيڒثْ. ^▪  

‏21 أَصمِّيضْ زِي شَّارْقْ أَذْ ث إِكْسِي، إِوَا ذِينِّي إِتّْرَاحْ،

أَذْ ث إِ-د إِقْڒعْ زڭْ ومْشَانْ نّسْ.

‏22 أَربِّي أَذْ إِسِّيوضْ مَارَّا أَيَا خْ ؤُزدْجِيفْ نّسْ ؤُ وَارْ خَاسْ إِسّْعِيزِّي شَا.

أَذْ يَارْوڒْ ذغْيَا زِي ثشْثِي ن ؤُفُوسْ نّسْ.

‏23 إِوْذَانْ أَذْ خَاسْ وّْثنْ ذڭْ إِفَاسّنْ نْسنْ أَمْ زَّايسْ سْثْهزَّانْ

ؤُشَا أَذْ خَاسْ د-صفَّارنْ زڭْ ومْشَانْ ن ثْزذِّيغْثْ نّسْ.“