‏1 سّعْذْ ن ورْيَازْ،

ونِّي وَارْ إِڭُّورنْ ذِي شّْوَارْ ن إِعفَّاننْ،

ذ ونِّي وَارْ إِبدّنْ ذڭْ وبْرِيذْ ن إِمذْنَابْ،

ذ ونِّي وَارْ إِقِّيمنْ خْ ڒْكُورْسِي ن إِمسْثهْزَاينْ، ^▪  

‏2 مَاشَا ڒفْرَاحثْ نّسْ أَقَا-ت ذِي شَّارِيعَا ن سِيذِي،

ؤُ إِتّْخَارّصْ ذِي شَّارِيعَا نّسْ أَسّْ ذ دْجِيڒثْ. ^▪  

‏3 أَذْ يِيڒِي أَمْ إِشْثْ ن ثْشجَّارْثْ إِ إِتّْوَاژُّونْ غَارْ إِغزْرَانْ ن وَامَانْ،

ثنِّي إِتِّيشنْ ڒْغِيدْجثْ نّسْ ذِي ڒْوقْثْ نّسْ،

أَفَارْ نّسْ وَارْ إِتِّيژغْ.

مَارَّا مِينْ إِتّڭّْ، أَذْ يِيڒِي. ^▫  ▪  

‏4 وَارْ تِّيڒِينْ إِعفَّاننْ أَمُّو،

مِينْزِي نِيثْنِي أَمْ إِشَارْفَا إِتَّاوْيْ-إِ-ث ؤُسمِّيضْ. ^▪  

‏5 س ؤُيَا إِعفَّاننْ وَارْ تّْبذِّينْ شَا ذڭْ وَاسّْ ن ڒحْسَابْ،

ؤُڒَا ذ إِمذْنَابْ ذِي ثْمسْمُونْثْ ن إِمْسڭَّاذنْ،

‏6 مِينْزِي سِيذِي إِسّنْ أَبْرِيذْ ن إِمْسڭَّاذنْ،

مَاشَا أَبْرِيذْ ن إِعفَّاننْ أَذْ إِفْنَا.