ڒْحَارْضْ وِيسّْ ثْڒَاثَا ن بِيلْذَاذْ
25
1 خَاسْ ؤُشَا يَارَّا-د بِيلْذَاذْ، إِ د-يُوسِينْ زِي شُوحَا، إِنَّا: 2 صُّولْطَا ذ جّهْذْ إِسَّاڭّْوَاذنْ أَقَا-ثنْ غَارسْ،
نتَّا إِتّڭّْ ڒهْنَا ذِي ڒُوعْڒَا نّسْ.
3 مَا إِزمَّارْ أَذْ حسْبنْ مشْحَاڒْ إِ غَارسْ ن ڒْعسْكَارْ؟
مَا وَارْ ثْعدُّو ثْفَاوْثْ نّسْ مَارَّا؟
4 مَامّشْ خنِّي إِزمَّارْ بْنَاذمْ أَذْ يِيڒِي ذ أَمْسڭّذْ زَّاثْ إِ أَربِّي،
مَامّشْ إِزمَّارْ ونِّي د-إِتّْوَارْونْ زِي ثمْغَارْثْ أَذْ يِيڒِي ذ أَمزْذَاڭْ؟ ▪
5 خْزَارْ، عَاذْ ثَازِيرِي سِيمَانْثْ نّسْ وَارْ ثْ˚تّْوسّڭْ س ڒصْفَايثْ،
ؤُ إِثْرَانْ وَارْ صْفِينْ ذِي ثِيطَّاوِينْ نّسْ. ▪
6 أَهْثَا عَاذْ بْنَاذمْ، ونِّي ذ أَوكِّي،
ؤُ مِّيسْ ن بْنَاذمْ، ونِّي ذ أَكشَّاوْ. ▪