‏1 مَايمِّي وَارْ تّْوَاخمّْڒنْثْ ڒْمِيجَاڒَاثْ ن ؤُخدْجصْ

زڭْ ونِّي إِدْجَانْ ذ أَمْزمَّارْ خْ كُوڒْشِي،

ؤُ إِنِّي ث إِسّْننْ،

مَايمِّي خنِّي وَارْ تّْوِيڒِينْ ؤُسَّانْ نّسْ ن نّقْمثْ؟

‏2 نِيثْنِي سّْمُوطُّوينْ ڒهْذُوذْ،

تَّاشَارنْ ثَاحِيمَارْثْ ؤُشَا أَركّْوْسنْ ت. ^▪  

‏3 أَغْيُوڒْ ن إِيُوجِيڒنْ سَّاڭّْوَاجنْ ث،

تّْحوّْسنْ أَفُونَاسْ ن ثَاجَّاتْشْ.

‏4 نِيثْنِي عَارّْننْ إِمزْڒَاضْ زڭْ وبْرِيذْ.

إِنِّي إِتّْوَاحْصَارنْ ذِي ثمُّورْثْ تّْنُوفَّارنْ جْمِيعْ. ^▪  

‏5 خْزَارْ، أَقَا أَثنْ أَمْ إِغْيَاڒْ ن ڒخْڒَا.

تّفّْغنْ غَارْ ڒْخذْمثْ نْسنْ، أَرزُّونْ ثَانيْمَارْثْ.

ڒخْڒَا إِوْشَا أَسْ مَاشَّا إِ إِحنْجِيرنْ نْسنْ.

‏6 ذڭْ إِيَّارْ حتّْشنْ ڒحْثِيشْ نّسْ،

ڒقّْضنْ ذڭْ إِمَارْجَاعنْ ن ؤُضِيڒْ نْ إِعفَّاننْ.

‏7 سّْعدُّونْ دْجِيڒثْ ذ إِعَارْيَاننْ، نْهْڒَا أَرُّوضْ،

وَارْ غَارْسنْ بُو دُّورِي ذِي ثصْمضْ.

‏8 زڭْ ونْژَارْ إِشَّاثنْ زڭْ إِذُورَارْ تُّوفّنْ،

تّْشبَّارنْ ذِي جَّارْفْ مَاغَارْ وَارْ غَارْسنْ أَذُورِّي.

‏9 زڭْ إِفَّانْ ن يمَّاثْسنْ تّكّْسنْ أَيُوجِيڒْ،

ؤُشَا تّطّْفنْ أَضْمَانْ زڭْ ؤُمزْڒُوضْ.

‏10 ڭُّورنْ ذ إِعَارْيَاننْ، نْهْڒَا أَرُّوضْ،

أَمْ دْجُوژنْ أَربُّونْ إِشوَّافنْ ن إِمنْذِي. ^▪  

‏11 جَارْ ڒحْيُوضْ تّْعسَّارنْ زّشْثْ،

عفّْسنْ خْ ثْسِيرْثْ ن ؤُضِيرْ، وَاخَّا أَمنِّي مَاشَا فُّوذنْ. ^▪  

‏12 زِي ثنْذِينْثْ إِتّفّغْ-د ڒْحسّْ ن ؤُسغْنفْ ن يرْيَازنْ،

ڒعْمَارْ ن يِينِّي إِسُّوفّْغنْ بُوحْبڒْ إِسْغُويُّو ذڭْ ؤُجنَّا.

وَاخَّا أَمنِّي أَربِّي وَارْ إِحطِّي مِينْ وَارْ إِحْڒِينْ.

‏13 إِنّغْنِي ذ إِمْغوّْغنْ خْ ثْفَاوْثْ،

وَارْ سِّيننْ إِبْرِيذنْ نّسْ،

وَارْ تّْغِيمِينْ ذِي ثِيبْرِيذِينْ نّسْ.

‏14 قْبڒْ مَا د-ثَاسْ ثْفَاوْثْ، إِتّكَّارْ ؤُمنْغِي،

إِنقّْ ڒْمسْكِينْ ذ ؤُمزْڒُوضْ،

ؤُ ذِي دْجِيڒثْ إِڭَّا أَمْ ؤُخوَّانْ. ^▪  

‏15 ثِيطّْ ن ؤُزنَّايْ ثْحطَّا ثَادْجسْثْ.

إِقَّارْ: ’ؤُڒَا ذ إِشْثْ ن ثِيطّْ وَارْ ذ أَيِي ثْحطِّي!‘

إِڒحّفْ إِ ؤُغمْپُوبْ نّسْ. ^▪  

‏16 ذِي ثَادْجسْثْ تَّاذْفنْ غَارْ ثُوذْرِينْ.

س وَاسّْ تّْنُوفَّارنْ،

وَارْ سِّيننْ وَالُو خْ ثْفَاوْثْ. ^▪  

‏17 مَاغَارْ ثُوفُّوثْ ثْبَانْ أَسنْ-د أَمْ ثِيڒِي ن ڒْموْثْ،

مَاغَارْ سّْننْ إِنخْڒِيعنْ ن ثِيڒِي ن ڒْموْثْ.

‏18 أَمْ ؤُكُوفُّو خْ وُوذمْ ن وَامَانْ إِ يدْجْ.

ثتّْوَانْعڒْ ثسْغَارْثْ نْسنْ خْ ثمُّورْثْ.

وَارْ إِتّطّفْ عَاذْ أَبْرِيذْ غَارْ إِمَارْجَاعنْ ن ؤُضِيڒْ.

‏19 ڒَاژَاغْ ذ ڒحْمُو قطَّانْ خْ وَامَانْ ن وذْفڒْ،

أَمُّو إِ ثتّكسْ ڒَاخَارْثْ ؤُڒَا ذ إِنِّي إِخْضَانْ.

‏20 أَعذِّيسْ ن يمَّاسْ أَذْ ث إِتُّو،

إِكشَّاونْ أَذْ زَّايسْ أَرّنْ مژْرِي.

عمَّارْصْ وَارْ ث تِّيذَارنْ عَاذْ.

إِتّْوَارْژْ ڒْغشّْ أَمْ إِشْثْ ن ثْفْروْثْ ن ؤُكشُّوضْ،

‏21 أَمُّو إِ إِتّْوَارْژْ ونِّي إِتّڭّنْ ڒْغَارْ ذِي ثمْغَارْثْ بْڒَا ثَارْوَا،

ذِي ثنِّي وَارْ إِتِّيرْونْ،

ؤُڒَا ذ ونِّي وَارْ إِتّڭّنْ مِينْ إِصبْحنْ أَكْ-ذ ثَاجَّاتْشْ.

‏22 س جّهْذْ نّسْ إِسّْبدَّا إِنِّي غَارْ ثدْجْ صُّولْطَا.

مَاڒَا إِكَّارْ وَانِيثَا، وَارْ إِسِّينْ نِيشَانْ أَقَا ثُوذَارْثْ نّسْ ذِي ڒَامَانْ،

‏23 مَاشَا نتَّا إِوْشَا أَسْ ڒَامَانْ، أَڒَامِي غَارسْ د-ثُوذفْ تِّيقّثْ،

عَاذْ ثِيطَّاوِينْ نّسْ أَقَا أَثنْثْ خْ وبْرِيذْ نْسنْ.

‏24 تّْوَاسُّوعْڒَانْ إِ يِيجّْ ن ڒْحَاڒْ ذ أَقُوضَاضْ، خنِّي وَارْ دْجِينْ عَاذْ.

أَذْ هْوَانْ، أَذْ تّْوَاكّْسنْ أَمْ مَارَّا إِوْذَانْ،

أَمْ إِخْفَاونْ ن ثِيذْرِينْ أَذْ تّْوَاقسّنْ.

‏25 مَا وَارْ إِدْجِي أَمنِّي؟!! مَانْ ونْ إِ ذ أَيِي غَا إِطّْفنْ إِخَارِّيقنْ،

مَانْ ونْ إِ غَا إِسّبْضڒْ ڒْهَارْضْ إِنُو؟