أَيُوبْ إِسِّيوڒْ أَكْ-ذ صُوفَارْ خْ ڒْموْثْ
14
1 بْنَاذمْ إِ د-إِتّْوَاخڒْقنْ زِي ثمْغَارْثْ، أَقَا ؤُسَّانْ ن ثُوذَارْثْ نّسْ ؤُذْرُوسنْ، ؤُ نتَّا إِشُّورْ س ڒحْوڒْ. ▪
2 نتَّا إِغمِّي أَمْ ثْنوَّاشْثْ، خنِّي إِتّْوَاقْضعْ.
إِتّْرَاكّْوَاڒْ أَمْ ثِيڒِي، وَارْ إِتّْغِيمِي. ▪
3 وَاخَّا أَمنِّي ثَارزْمذْ ثِيوَا نّسْ ثِيطَّاوِينْ نّكْ،
ؤُشَا ثتَّاوْيذْ أَيِي-د ذِي دّعْوثْ أَكِيذكْ. ▪
4 مَانْ ونْ إِزمَّارنْ أَذْ إِسُّوفّغْ إِجّْ ن ؤُمزْذَاڭْ زڭْ ؤُمخْمُوجْ؟
ؤُڒَا ذ إِجّْ! ▪
5 مَارَا ؤُسَّانْ نّسْ ؤُرِينْ،
ڒْقدّْ ن إِيُورنْ نّسْ أَقَا إِتّْوَاسّنْ غَاركْ،
ؤُشَا ثڭِّيذْ أَسْ ڒحْذُوذْ نّسْ نِّي وَارْ ذ أَسْ إِعدّڒْ أَذْ ثنْ إِعْذُو، ▪
6 نقْڒبْ خنِّي خَاسْ مَاحنْذْ أَذْ يَاريّحْ،
خنِّي إِزمَّارْ أَذْ يَارّْ مژْرِي أَمْ إِجّْ ن ؤُشوَّاڒْ ذڭْ وَاسّْ نّسْ. ▪
7 مَاغَارْ إِ ثْشجَّارْثْ أَقَا ذِينْ عَاذْ أَسِيثمْ!
مَاڒَا ثتّْوَاقسّْ، أَذْ ثسُّوفّغْ عَاوذْ ڒفْرُوعْ،
ؤُ ڒفْرُوعْ نّسْ وَارْ تّْبذِّينْ زڭْ ؤُغمِّي.
8 وَاخَّا إِوْسَارْ وژْوَارْ نّسْ ذِي ثمُّورْثْ،
إِمُّوثْ جّْذعْ نّسْ ذڭْ ؤُشَاڒْ،
9 أَذْ ثغْمِي ثْشجَّارْثْ عَاوذْ خْمِي إِ غَا ثَاشَا أَكْ-ذ وَامَانْ،
أَذْ ثسُّوفّغْ عَاوذْ ڒفْرُوعْ أَمشْنَاوْ إِشْثْ ن ثْشجَّارْثْ ژُّونْ ت بحْڒَا.
10 مَاشَا مَاڒَا إِمُّوثْ إِجّْ ن ورْيَازْ إِجْهذْ، إِفنَّا،
مَاڒَا إِفّغْ أَسْ بُوحْبڒْ إِ بْنَاذمْ، مَانِي إِدْجْ خنِّي؟
11 أَمَانْ تّفّْغنْ-د زِي ڒبْحَارْ،
ؤُ إِغْزَارْ إِتَّاژغْ ؤُ إِخكّْوَا.
12 إِزّڒْ بْنَاذمْ ذِينْ، وَارْ إِتّكَّارْ عَاذْ.
أَڒْ وَارْ تِّيڒِينْ عَاذْ إِجنْوَانْ، وَارْ ذ تّْفِيقِينْ،
وَارْ تّْوَاسكَّارنْ زڭْ إِضسْ نْسنْ.
13 أَخْ، مْڒِي ذ أَيِي غَا ثَارّذْ غَارْ ڒَاخَارْثْ،
أَذْ أَيِي ثسّْنُوفَّارذْ أَڒْ غَا إِحيّذْ وغْضَابْ نّكْ،
مْڒِي ذ أَيِي ثُورِيذْ إِجّْ ن ڒْمِيجَاڒْ إِمْثنْ ؤُشَا خنِّي إِذَارْ أَيِي!
14 مَاڒَا إِجّْ ن ورْيَازْ إِمُّوثْ، مَا أَذْ د-إِذْوڒْ غَارْ ثُوذَارْثْ؟
خنِّي أَذْ قِّيمغْ تّْرَاجِيغْ مَارَّا ؤُسَّانْ ن ؤُمنْغِي إِنُو،
غَارسْ أَڒَامِي د-يُوسَا ؤُفكِّي إِنُو.
15 مَاڒَا خنِّي شكْ ثْڒَاغِيذْ، نشّْ أَذْ شكْ د-أَرّغْ،
ؤُشَا شكْ أَذْ ثمّژْڒذْ غَارْ ڒْخذْمثْ ن إِفَاسّنْ نّكْ.
16 مَاشَا ڒخُّو ثْحسّْبذْ إِصُورَافْ إِنُو،
وَارْ ثْمنّْعذْ لْغَاضَابْ نّكْ خْ دّْنُوبْ إِنُو. ▪
17 أَخطُّو إِنُو إِتّْوَاشمّعْ ذِي ثْشمُّوسْثْ،
ؤُ غَارْ ڒْمُوعْصِييّثْ إِنُو ثَارْنِيذْ ذَايسْ كْثَارْ.
18 وَاهْ، أَذْرَارْ إِوطَّانْ، إِفسِّي،
ؤُشَا إِحْرُودْجذْ جَّارْفْ زڭْ ومْشَانْ نّسْ،
19 أَمَانْ تّدّْزنْ إِژْرَا،
إِغزْرَانْ نّسْ تّكّْسنْ أَشَاڒْ ن ثمُّورْثْ،
أَمُّو إِ ثَاردّْدْجذْ أَسِيثمْ ن بْنَاذمْ.
20 شكْ ثَارنِّيذْ ذَايسْ إِ ڒبْذَا، خنِّي يُويُورْ.
ثتّْبدَّاڒذْ ؤُذمْ نّسْ ؤُشَا ثسّكّذْ ث.
21 مَاڒَا إِحنْجِيرنْ نّسْ طّْفنْ شَّانْ، نتَّا وَارْ ث إِسِّينْ،
مَاڒَا ثنْ ذدْجنْ، وَارْ كِيذْسنْ إِتِّيشِي.
22 مَاشَا أَرِّيمثْ نّسْ ثتّْنزْبَارْ ذِي طّْوعْ ن يِيخفْ نّسْ وَاهَا،
ؤُ ڒعْمَارْ نّسْ إِتّشْضِينْ ذِي طّْوعْ نّسْ.