1 ⵎⴰⵛⴰ ⴰⵔⵔⵓⵃ ⵉⵇⵇⴰⵔ ⵏⵉⵛⴰⵏ ⴱⴻⵍⵍⵉ ⴷⴻⴳ ⵉⴽⵓⴷⴻⵏ ⵉⵏⴻⴳⴳⵓⵔⴰ, ⵛⴰ ⴰⴷ ⵃⴻⵢⵢⴷⴻⵏ ⵅ ⵍ’ⵉⵎⴰⵏ ⵓⵎⵉ ⵖⴰ ⴹⴼⴰⵔⴻⵏ ⵍⴰⵔⵢⴰⵃ ⵉⵙⵙⵖⴻⴽⴽⵡⴰⵏ ⴷ ⵜⵖⵓⵔⵉ ⵏ ⵛⵛⵡⴰⵟⴻⵏ. ^■   2 ⵏⵉⵜⵏⵉ ⵙⵖⴻⴽⴽⵡⴰⵏ ⴰⵎ ⵙⵙⵏⵉⵄⵎⵉⵍⴻⵏ ⵉⵅⴻⴼ ⵏⵙⴻⵏ, ⵙⵙⵅⴰⵔⵔⵉⵇⴻⵏ ⵓ ⵜⵜⴻⵇⵇⴷⴻⵏ ⵜⴰⵏⴻⴼⵙⴻⵛⵜ ⵏⵙⴻⵏ. 3 ⵏⵉⵜⵏⵉ ⴰⴷ ⵟⵟⴼⴻⵏ ⵍⴻⵎⵍⴰⵛ ⵓⵛⴰ ⴰⴷ ⵓⵎⵓⵔⴻⵏ ⴰⵙⴱⴻⵄⵄⴻⴷ ⵅ ⵎⴰⵛⵛⴰ ⵜⴻⵏⵏⵉ ⴷⴷ-ⵉⵜⵜⵡⴰⴳⴳⴻⵏ ⵥⵉ ⴰⵔⴻⴱⴱⵉ ⵎⴰⵃⴻⵏⴷ ⴰⴷ ⵜᵉⵜⵜⵡⴰⵛⵛ ⵙ ⵓⵇⴰⴷⵉ, ⵉ ⵢⴻⵏⵏⵉ ⵉⵜⵜⴰⵎⵏⴻⵏ ⵓ ⵙⵙⵏⴻⵏ ⵜⵉⴷⴻⵜⵜ. ^■   4 ⵎⵉⵏⵥⵉ ⵎⴰⵔⵔⴰ ⵎⵉⵏ ⴷⴷ-ⵉⵜⵜⵡⴰⵅⴻⵍⵇⴻⵏ ⵥⵉ ⴰⵔⴻⴱⴱⵉ ⵉⵚⴱⴻⵃ ⵓⵛⴰ ⵡⴰⵔ ⴷⴰⵢⴻⵙ ⵎⵉⵏ ⵖⴰ ⵏⴰⴳⵉ ⵎⴰⵍⴰ ⵏⴻⵇⴱⴻⵍ ⵥⵥⴰⵢⴻⵙ ⵙ ⵓⵇⴰⴷⵉ, ^■   5 ⵎⵉⵏⵥⵉ ⴰⴷ ⵉⵜⵜⵡⴰⵇⴻⴷⴷⴻⵙ ⵙ ⵡⴰⵡⴰⵍ ⵏ ⴰⵔⴻⴱⴱⵉ ⴷ ⵜⵥⴰⴵⵉⵜ.

6 ⵎⴰⵍⴰ ⵜⴻⵙⵙⵍⴻⵎⴷⴻⴷ ⵎⴰⵏ ⴰⵢⴰ ⵉ ⵡⴰⵡⵎⴰⵜⴻⵏ ⵏⵏⴻⴽ, ⴰⴷ ⵜⵉⵍⵉⴷ ⵛⴻⴽ ⴷ ⴰⵎⵙⴻⵅⵅⴰⵔ ⵏ ⵢⴻⵛⵛⵓ ⵍⵎⴰⵙⵉⵃ, ⴰⵎ ⵎⴰⵎⵎⴻⵛ ⵜᵉⵜⵜⵡⴰⵔⴻⴱⴱⵉⴷ ⴷⴻⴳ ⵡⴰⵡⴰⵍⴻⵏ ⵏ ⵍ’ⵉⵎⴰⵏ ⴷ ⵜⵖⵓⵔⵉ ⵏ ⵚⵚⴰⵃ, ⵜⴻⵏⵏⵉ ⴷⵉ ⵜᵉⵜⵜⵡⴰⵙⵙⵍⴻⵎⴷⴻⴷ. ^■   7 ⵎⴰⵛⴰ ⴰⴳⴳⵯⴻⵊ ⵅ ⵜⵃⵓⵊⴰ ⵉⵅⵡⴰⵏ ⵏ ⵜⵡⴻⵙⵙⵓⵔⴰ, ⵎⴰⵛⴰ ⵎⴰⵔⵔⴻⵙ ⵉⵅⴻⴼ ⵏⵏⴻⴽ ⴷⵉ ⵜⵙⴻⴳⴷⴰ. ^■   8 ⵎⵉⵏⵥⵉ ⴰⵔⵔⵉⵢⴰⴹⴰ ⵏ ⴰⵔⵔⵉⵎⴻⵜ ⵜᵉⵜⵜⴰⵡⵉ ⵖⴰⵔ ⵏⵏⴼⴰⵄ ⵉ ⴷⵔⵓⵙ ⵏ ⵍⵡⴻⵇⵜ ⵡⴰⵀⴰ, ⵎⴰⵛⴰ ⵜⴰⵙⴻⴳⴷⴰ ⵜⵏⴻⴼⴼⴻⵄ ⵍⴻⴱⴷⴰ, ⵓⵛⴰ ⴰⵇⴰ ⵖⴰⵔⴻⵙ ⵍⵡⴰⵄⴷ ⵏ ⵜⵓⴷⴰⵔⵜ ⵉ ⵢⵉⴹⴰ ⵓ ⵉ ⵜⴻⵏⵏⵉ ⵉ ⴷⴷ ⵖⴰ ⵢⴰⵙⴻⵏ. ^■  

9 ⵡⴰ ⴷ ⴰⵡⴰⵍ ⴷⴰⵢⴻⵙ ⵍⴰⵎⴰⵏ, ⵉⵙⴷⴰⵀⴻⴵ ⴰⴷ ⵉⵜⵜⵡⴰⵇⴱⴻⵍ.

10 ⵎⵉⵏⵥⵉ ⵉ ⵎⴰⵏ ⴰⵢⴰ ⵓⵎⵉ ⵏⵅⴻⴷⴷⴻⵎ ⵓ ⵏⴻⵜⵜⵡⴰⵙⴻⵃⵇⴰⵔⴰ ⵄⴰⵡⴻⴷ, ⵎⵉⵏⵥⵉ ⴰⵙⵉⵜⴻⵎ ⵏⵏⴻⵖ ⴰⵇⴰ-ⵜ ⴷⵉ ⴰⵔⴻⴱⴱⵉ ⵉⴷⴷⴰⵔⴻⵏ, ⵡⴻⵏⵏⵉ ⵉⴵⴰⵏ ⴷ ⵍⵄⵓⵏⵚⴰⵔ ⵏ ⵜⵓⴷⴰⵔⵜ ⵏ ⵎⴰⵔⵔⴰ ⵉⵡⴷⴰⵏ, ⴰⵎⴻⵥⵡⴰⵔⵓ ⵏ ⵢⵉⵏⵏⵉ ⵉⵜⵜⴰⵎⵏⴻⵏ.

11 ⵙⴻⵍⵎⴻⴷ ⵓⵛⴰ ⵓⵎⵓⵔ ⵙ ⵎⴰⵏ ⴰⵢⴰ.

12 ⵓⵍⴰ ⴷ ⵉⵊⵊ ⵡⴰⵔ ⵛⴻⴽ ⵉⵙⵙⴻⵃⵇⵉⵔⵉ ⵛⴰ ⵅ ⵜⴻⵎⵥⵉ ⵏⵏⴻⴽ, ⵎⴰⵛⴰ ⵉⵍⵉ ⴷ ⵍⵎⴰⵜⴰⵍ ⵉ ⵍⵎⵓⵎⴻⵏⵉⵏ ⵙ ⵡⴰⵡⴰⵍ, ⵙ ⵡⴻⵏⴷⴰⵀ, ⵙ ⵜⴰⵢⵔⵉ, ⵙ ⵍ’ⵉⵎⴰⵏ ⵓ ⵙ ⵜⴰⵥⴷⵓⴳⵉ. ^■  

13 ⵉⵍⵉ ⵜⴻⵛⴹⴰⵔⴻⴷ ⴷⵉ ⵜⵖⵓⵔⵉ ⵉ ⵜⵎⴻⵙⵎⵓⵏⵜ, ⴷⵉ ⵟⵥⴰⴵⵉⵜ ⵓ ⴷⴻⴳ ⵓⵙⴻⵍⵎⴻⴷ ⴰⵍ ⴷⴷ ⵖⴰ ⵢⴰⵙⴻⵖ.

14 ⵡⴰⵔ ⵙⵃⴻⵇⵇⴰⵔⴰ ⵛⴰ ⵜⴰⵎⴻⵡⵛⵉ ⵉ ⴷⴰⵢⴻⴽ, ⵜⴻⵏⵏⵉ ⵉ ⴷ ⴰⵛ ⵉⵎⵎⴻⵡⵛⴻⵏ ⵓⵎⵉ ⵜⵓⵖⴰ ⵜⵜⵏⴰⴱⴱⴻⵏ ⵓ ⵙⵙⴰⵔⵙⴻⵏ ⵉⵎⵖⴰⵔⴻⵏ ⵅⴰⴽ ⵉⴼⴰⵙⵙⴻⵏ. ^■  

15 ⵄⵇⴻⵍ ⵅ ⵜⵎⴻⵙⵍⴰⵢⵉⵏ-ⴰ, ⵛⴻⴱⴱⴰⵔ ⴷⴰⵢⵙⴻⵏⵜ, ⵃⵉⵎⴰ ⵜⵉⵛⵍⵉ ⵏⵏⴻⴽ ⵖⴰⵔ ⵥⵥⴰⵜ ⴰⴷ ⵜⴱⴰⵏ ⵉ ⵎⴰⵔⵔⴰ.

16 ⵃⴹⴰ ⵉⵅⴻⴼ ⵏⵏⴻⴽ ⵓ ⵃⴹⴰ ⵅ ⵓⵙⴻⵍⵎⴻⴷ, ⵚⴱⴰⵔ ⴷⵉ ⵎⴰⵏ ⴰⵢⴰ, ⵎⵉⵏⵥⵉ ⵎⴰⵍⴰ ⵜⴻⴳⴳⵉⴷ ⴷⴷⴻⴳⴳⴰ, ⴰⴷ ⵜⴻⵙⵙⵏⴻⵊⵎⴻⴷ ⵉⵅⴻⴼ ⵏⵏⴻⴽ ⴷ ⵉⵏⵏⵉ ⴷ ⴰⵛ ⵉⵜⵜⴻⵙⵍⴰⵏ.