1 ⴱⵓⵍⵓⵙ ⴷ ⵙⵉⵍⵡⴰⵏⵓⵙ ⴷ ⵜⵉⵎⵓⵜⵉⵢⵓ, ⵉ ⵜⵎⴻⵙⵎⵓⵏⵜ ⵏ ⵉⵜⵉⵙⵙⴰⵍⵓⵏⵉⴽⵉⵢⵢⴻⵏ, ⵜⴻⵏⵏⵉ ⵉⴵⴰⵏ ⴷⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⴷⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ. 2 ⴰⵔⴹⴰ ⴷ ⵍⴻⵀⵏⴰ ⵥⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⵥⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴰⴷ ⴽⵉⵡⴻⵎ ⵉⵍⵉⵏ. ^■  

3 ⵉⵛⵓⵡⵡⴰⵔ ⴰⴷ ⵏⵇⴰⴷⴰ ⴰⵔⴻⴱⴱⵉ ⵉ ⴽⴻⵏⵏⵉⵡ ⵍⴻⴱⴷⴰ, ⴰ ⴰⵢⵜⵎⴰ, ⴰⵎ ⵎⴰⵎⵎⴻⵛ ⵉⵜⵜⵍⵉⵇ, ⵎⵉⵏⵥⵉ ⵍ’ⵉⵎⴰⵏ ⵏⵡⴻⵎ ⵉⵎⴻⵇⵇⴰⵔ ⴰⵟⵟⴰⵙ ⵓⵛⴰ ⵜⴰⵢⵔⵉ ⵏ ⴽⵓⵍ ⵉⵊⵊⴻⵏ ⵥⵥⴰⵢⵡⴻⵎ ⵎⴰⵔⵔⴰ ⵉ ⵡⴻⵏⵏⴻⵖⵏⵉ ⵜⴰⵔⴻⵏⵏⵉ ⵜⵎⴻⵇⵇⴰⵔ ⴽⵜⴰⵔ, ^■   4 ⴰⵍ ⵉ ⵖⴰ ⵏⴻⵜⵜⴼⴻⵢⵢⴻⵛ ⵅⴰⵡⴻⵎ ⴰⵟⵟⴰⵙ ⴷⵉ ⵜⵎⴻⵙⵎⵓⵏⵉⵏ ⵏ ⴰⵔⴻⴱⴱⵉ ⵅ ⵙⵙⵉⴱⴱⴻⵜ ⵏ ⵚⵚⴱⴰⵔ ⵏⵡⴻⵎ ⴷ ⵍ’ⵉⵎⴰⵏ ⵏⵡⴻⵎ ⴷⵉ ⵎⴰⵔⵔⴰ ⴰⴷⴰⵔⵔⴻⵛ ⵏⵡⴻⵎ ⵓ ⴷⵉ ⵍⴻⵎⵃⴰⵢⴻⵎ ⵏⵏⵉ ⵜⴻⴽⵙⵉⵎ. ^■   5 ⵎⴰⵏ ⴰⵢⴰ ⴷ ⵍⴱⵓⵔⵀⴰⵏ ⵏ ⵍⵃⵓⴽⵎ ⵉⵙⵙⴻⴳⴳⴷⴻⵏ ⵏ ⴰⵔⴻⴱⴱⵉ, ⴰⵇⴰ ⵜᵉⵜⵜⵡⴰⵃⴰⵙⴱⴻⵎ ⵜⴻⵙⴷⴰⵀⴻⴵⴻⵎ ⵜⴰⴳⴻⵍⴷⵉⵜ ⵜⴻⵏⵏⵉ ⵉ ⵅⴻⴼ ⵜⴻⴽⵙⵉⵎ ⴰⵎⴰⵔⵔⴻⵜ. ^□  ■   6 ⵓ ⵎⵉⵏⵥⵉ ⴷ ⵍⵃⴻⵇⵇ ⵥⵥⴰⵜ ⵉ ⴰⵔⴻⴱⴱⵉ ⵓⵎⵉ ⵖⴰ ⵉⵅⴻⴵⴻⵚ ⵙ ⵍⴻⵃⵚⴰⵔⴻⵜ ⵉ ⵢⴻⵏⵏⵉ ⴽⴻⵏⵏⵉⵡ ⵉⵃⴻⵚⵚⴰⵔⴻⵏ, ^■   7 ⵅⴻⵏⵏⵉ ⴰⴷ ⴰⵡⴻⵎ ⵉⵙⵙⴻⴷⴷⴰⵔ, ⴽⴻⵏⵏⵉⵡ ⵉⵏⵏⵉ ⵉⵜⵜⵡⴰⵃⵚⴰⵔⴻⵏ ⴰⴽⵉⴷⵏⴻⵖ, ⵖⴰⵔ ⵓⵙⴰⵔⴳⴻⴱ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵥⴻⴳ ⵓⵊⴻⵏⵏⴰ ⴰⴽ-ⴷ ⵍⵎⴰⵍⴰⴽⴰⵜ ⵏⵏⴻⵙ, ^■   8 ⵅ ⵎⵉⵏⵏⵉ ⵉ ⵖⴰ ⵉⵏⵜⴰⵇⴻⵎ ⴷⵉ ⵜⵎⴻⵙⵙⵉ ⵉⵜⵜⴻⵃⴷⵓⴷⵓⵇⴻⵏ ⵅ ⵢⴻⵏⵏⵉ ⵡⴰⵔ ⵉⵙⵙⵉⵏⴻⵏ ⵛⴰ ⴰⵔⴻⴱⴱⵉ ⵓ ⵅ ⵢⴻⵏⵏⵉ ⵡⴰⵔ ⵉⵙⵍⵉⵏ ⵉ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ. ^■   9 ⵎⵉⵏⵥⵉ ⵉⵏⴰ ⴰⴷ ⵜⵜⵡⴰⵄⴰⵇⴱⴻⵏ ⴷⵉ ⵍⵃⵓⴽⵎ ⵙ ⵓⵀⴻⵍⵍⴻⴽ ⵉ ⵍⴻⴱⴷⴰ, ⴰⴷ ⵉⵍⵉⵏ ⵉⴳⴳⵯⴻⵊⴻⵏ ⵅ ⵡⵓⴷⴻⵎ ⵏ ⵙⵉⴷⵉⵜⵏⴻⵖ ⵓ ⵅ ⵓⵄⵓⴵⵉ ⵏ ⵊⵊⴻⵀⴷ ⵏⵏⴻⵙ, ^■  

10 ⵅⵎⵉ ⴷⴷ ⵖⴰ ⵢⴰⵙ ⵏⴻⵜⵜⴰ ⵃⵉⵎⴰ ⴰⴷ ⵉⵜⵜⵡⴰⵄⵓⴵⵉ ⴷⴻⴳ ⵡⴰⵙⵙ ⵏⵏⵉ ⴷⵉ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵏⵏⴻⵙ ⵓ ⵃⵉⵎⴰ ⴰⴷ ⵉⵙⵙⵛⴻⵏ ⵍⴻⵄⵊⴰⵢⴻⴱ ⵏⵏⴻⵙ ⵙ ⵢⴻⵏⵏⵉ ⴷⴰⵢⴻⵙ ⵢⵓⵎⵏⴻⵏ, ⵎⵉⵏⵥⵉ ⵜⵓⵎⵏⴻⵎ ⵥⵉ ⵛⵛⵀⴰⴷⴻⵜ ⵏⵏⴻⵖ ⵉ ⴽⴻⵏⵏⵉⵡ ⴷⴻⴳ ⵡⴰⵙⵙ ⵏⵏⵉ. ^■  

11 ⵙ ⵓⵢⴻⵏⵏⵉ ⵏⴽⴻⵙⵙⵉ ⴰⵡⴻⵎ ⵍⵎⴻⵄⵔⵓⴼ ⵍⴻⴱⴷⴰ, ⵃⵉⵎⴰ ⴰⵔⴻⴱⴱⵉ ⵏⵏⴻⵖ ⴰⴷ ⴽⴻⵏⵏⵉⵡ ⵢⴻⴳⴳ ⴰⴷ ⵜⵉⵍⵉⵎ ⵜⴻⵙⴷⴰⵀⴵⴻⵎ ⵜⴰⵍⴰⵖⵉⵜ ⵏⵡⴻⵎ ⵓ ⵃⵉⵎⴰ ⴰⴷ ⵉⴽⴻⵎⵎⴻⵍ ⴷⴰⵢⵡⴻⵎ ⵙ ⵊⵊⴻⵀⴷ ⵎⴰⵔⵔⴰ ⴰⵔⴹⴰ ⴷⵉ ⵜⵛⵓⵏⵉ ⵓ ⴷⵉ ⵍⴻⵅⴷⴰⵢⴻⵎ ⵏ ⵍ’ⵉⵎⴰⵏ,

12 ⵃⵉⵎⴰ ⴰⴷ ⴷⴰⵢⵡⴻⵎ ⵉⵜⵜⵡⴰⵄⵓⴵⵉ ⵉⵙⴻⵎ ⵏ ⵙⵉⴷⵉⵜⵏⴻⵖ ⵢⴻⵛⵛⵓ, ⵓⵛⴰ ⵓⵍⴰ ⴷ ⴽⴻⵏⵏⵉⵡ ⴷⴰⵢⴻⵙ, ⵄⵍⴰⵃⵙⴰⴱ ⴰⵔⴹⴰ ⵏ ⴰⵔⴻⴱⴱⵉ ⵏⵏⴻⵖ ⵓ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ.