1 ⴰⵇⴰ ⵏⴻⵜⵜⴰⵔ ⵥⵥⴰⵢⵡⴻⵎ, ⴰ ⴰⵢⵜⵎⴰ, ⵥⵉ ⵊⵊⵉⵀⴻⵜ ⵏ ⵜⵡⴰⵙⵉⵜ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴷ ⵓⵎⵓⵏⵉ ⵏⵏⴻⵖ ⴰⴽⵉⴷⴻⵙ, 2 ⴰⵇⴰ ⵡⴰⵔ ⵜⵜⵏⴻⵅⵍⵉⵄⴻⵎ ⵏⵉⵖ ⵜⴻⵙⵃⵉⵙⵙⴼⴻⵎ ⵛⴰ ⴷⴻⵖⵢⴰ, ⵡⴰⵔ ⵉⴵⵉ ⵙ ⵉⵊⵊ ⵏ ⵡⴰⵡⴰⵍ ⵏⵉⵖ ⵙ ⵛⴰ ⵏ ⴰⵔⵔⵓⵃ ⵏⵉⵖ ⵙ ⵉⵛⵜ ⵏ ⵜⴻⴱⵔⴰⵜ ⴰⵅⵎⵉ ⵥⵥⴰⵢⵏⴻⵖ ⵉ ⵉⵇⵇⴰⵔⴻⵏ: “ⵅⵥⴰⵔ, ⴰⵙⵙ ⵏ ⵙⵉⴷⵉⵜⵏⴻⵖ ⵢⵓⵙⴰ-ⴷⴷ!” ^■   3 ⵡⴰⵔ ⵜⴻⵊⵊⵉ ⵓⵍⴰ ⴷ ⵉⵊⵊ ⴰⴷ ⴽⴻⵏⵏⵉⵡ ⵉⵖⵡⴰ ⵙ ⵛⴰ ⵏ ⵡⴻⴱⵔⵉⴷ, ⵎⵉⵏⵥⵉ ⴰⵙⵙ ⵏⵏⵉ ⵡⴰⵔ ⴷⴷ-ⵉⵜⵜⵉⵙ ⵇⴱⴻⵍ ⵉ ⴷⴷ ⵖⴰ ⵢⴰⵙ ⵓⵖⴻⵡⵡⴻⵖ ⵓⵛⴰ ⴰⴷ ⴷⴷ-ⵉⴱⴰⵏ ⴱⵏⴰⴷⴻⵎ ⵏ ⴷⴷⵏⵓⴱ, ⴰⵇⴰ-ⵜ ⴷ ⵎⵎⵉⵙ ⵏ ⵜⴻⵀⵍⵉⴽⴻⵜ. ^□  ■   4 ⵏⴻⵜⵜⴰ ⵉⵜⵜⴻⵎⵄⴰⵍⴰ ⵓ ⵉⵙⵙⵄⵓⴵⴰ ⵉⵅⴻⴼ ⵏⵏⴻⵙ ⵅ ⵎⴰⵔⵔⴰ ⵎⵉⵏ ⵉⵜⵜⵡⴰⵙⴻⵎⵎⴰⵏ ‘ⴰⵔⴻⴱⴱⵉ’ ⵏⵉⵖ ‘ⴰⵄⴱⴰⴷ’, ⴰⵍ ⵖⴰ ⵉⵇⵇⵉⵎ ⴷⵉ ⵣⵥⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵏ ⴰⵔⴻⴱⴱⵉ ⵓⵛⴰ ⴰⴷ ⵉⴳⴳ ⵉⵅⴻⴼ ⵏⵏⴻⵙ ⴰⵅⵎⵉ ⵏⴻⵜⵜⴰ ⴷ ⴰⵔⴻⴱⴱⵉ. ^■  

5 ⵎⴰ ⵡⴰⵔ ⵜⴻⵄⵇⵉⵍⴻⵎ ⵛⴰ ⵓⵎⵉ ⵜⵓⵖⴰ ⴰⵢⵉ ⴽⵉⵡⴻⵎ, ⴰⵇⴰ ⵏⵏⵉⵖ ⴰⵡⴻⵎ-ⵜ? 6 ⵎⴰⵛⴰ ⵍⴻⵅⵅⵓ ⵜⵉⵡⴹⴻⵎ ⵜⴻⵙⵙⵏⴻⵎ ⵎⵉⵏ ⴷ ⴰⵙ ⵉⴱⴻⴷⴷⴻⵏ ⵄⴰⴷ ⴷⴻⴳ ⵡⴻⴱⵔⵉⴷ ⵃⵉⵎⴰ ⴰⴷ ⴷⴷ-ⵉⴱⴰⵏ ⴷⵉ ⵍⵡⴻⵇⵜ ⵏⵏⴻⵙ. 7 ⵙⵙⵉⵔⵔ ⵏ ⵍⵎⵓⵄⵚⵉⵢⵢⴻⵜ ⴰⵇⴰ ⵉⵅⴻⴷⴷⴻⵎ ⵍⴻⵅⵅⵓ, ⵎⴰⵛⴰ ⵎⴰⵍⴰ ⵎⵉⵏ ⴷ ⴰⵙ ⵉⵙⵙⴱⴻⴷⴷⴻⵏ ⵄⴰⴷ ⴷⴻⴳ ⵡⴻⴱⵔⵉⴷ ⴰⴷ ⵉⵎⵎⴻⴽⵙⵉ ⵥⵉ ⵍⵡⴻⵙⵜ, 8 ⴰⴷ ⴷⴷ-ⵉⴹⵀⴰⵔ ⴱⴰⴱ ⵏ ⵍⵎⵓⵄⵚⵉⵢⵢⴻⵜ, ⵡⴻⵏⵏⵉ ⵉ ⵖⴰ ⵉⵙⵙⵀⴻⵍⵍⴻⴽ ⵙⵉⴷⵉⵜⵏⴻⵖ ⵢⴻⵛⵛⵓ ⵙ ⵜⵡⴰⵔⵔⵉⵜ ⵏ ⵏⵏⴻⴼⵙ ⵥⴻⴳ ⵓⵇⴻⵎⵎⵓⵎ ⵏⵏⴻⵙ ⵓⵛⴰ ⴰⴷ ⵜ ⵉⵙⵙⴻⴱⴹⴻⵍ ⵅⵎⵉ ⴷⴷ ⵖⴰ ⵉⴹⵃⴰⵔ ⵖⴰⵔ ⵜⵡⴰⵙⵉⵜ ⵏⵏⴻⵙ. ^■   9 ⵎⴰⵖⴰⵔ ⵜⴰⵡⴰⵙⵉⵜ ⵏ ⴱⴰⴱ ⵏ ⵍⵎⵓⵄⵙⵉⵢⵢⴻⵜ ⵡⴰⵏⵉⵜⴰ ⴰⵇⴰ-ⵜ ⴷ ⵍⵅⴻⴷⵎⴻⵜ ⵏ ⵛⵛⵉⵟⴰⵏ ⵙ ⵎⴰⵔⵔⴰ ⵊⵊⴻⵀⴷ ⴷ ⵍⴻⵄⵍⴰⵎⴰⵜ ⴷ ⵍⵎⵓⵄⵊⵉⵥⴰⵜ ⵉⵙⵙⵅⴰⵔⵔⵉⵇⴻⵏ, ^■  

10 ⵓ ⵙ ⵎⴰⵔⵔⴰ ⵍⵖⴻⵛⵛ ⵏ ⵍⵎⵓⵄⵚⵉⵢⵢⴻⵜ ⴷⴻⴳ ⵢⴻⵏⵏⵉ ⵉ ⵖⴰ ⵉⵀⴻⵍⵍⴽⴻⵏ, ⵎⵉⵏⵥⵉ ⵏⵉⵜⵏⵉ ⵡⴰⵔ ⵇⴱⵉⵍⴻⵏ ⵛⴰ ⵜⴰⵢⵔⵉ ⵏ ⵜⵉⴷⴻⵜⵜ ⵃⵉⵎⴰ ⴰⴷ ⵥⵥⴰⵢⴻⵙ ⴷⴷⴰⵔⴻⵏ. ^■  

11 ⵙ ⵓⵢⴻⵏⵏⵉ ⴰⵔⴻⴱⴱⵉ ⴰⴷ ⵖⴰⵔⵙⴻⵏ ⴷⴷ-ⵉⵙⵙⴻⴽⴽ ⵎⵉⵏ ⵜⴻⵏ ⵖⴰ ⵢⴰⵔⵔ ⵙ ⵊⵊⴻⵀⴷ ⵖⴰⵔ ⵓⵡⴻⴷⴷⴰⵔ, ⴰⵍ ⵖⴰ ⵢⴰⵎⵏⴻⵏ ⴷⴻⴳ ⵉⵅⴰⵔⵔⵉⵇⴻⵏ. ^■  

12 ⵎⴰⵔⵔⴰ ⵉⵏⵏⵉ ⵡⴰⵔ ⵢⵓⵎⵉⵏⴻⵏ ⵛⴰ ⴷⵉ ⵜⵉⴷⴻⵜⵜ, ⵎⴰⵛⴰ ⵉⵅⴹⴰⵔⴻⵏ ⵍⵎⵓⵄⵚⵉⵢⵢⴻⵜ, ⴰⴷ ⵜⵜⵡⴰⵃⴰⴽⵎⴻⵏ.

13 ⵎⴰⵛⴰ ⵉⵛⵓⵡⵡⴰⵔ ⴰⵏⴻⵖ ⴰⴷ ⵅⴰⵡⴻⵎ ⵏⵇⴰⴷⴰ ⴰⵔⴻⴱⴱⵉ ⵍⴻⴱⴷⴰ, ⴰ ⴰⵡⵎⴰⵜⴻⵏ ⵉⵏⵏⵉ ⵅⴻⴼ ⵉⵄⵉⵥⵥ ⵙⵉⴷⵉⵜⵏⴻⵖ, ⴱⴻⵍⵍⵉ ⴰⵔⴻⴱⴱⵉ ⴰⵇⴰ ⵉⵅⴹⴰⵔ ⵉ ⴽⴻⵏⵏⵉⵡ ⵥⴻⴳ ⵓⵎⴻⵥⵡⴰⵔⵓ ⵉ ⵓⵙⴻⵏⵊⴻⵎ ⵙ ⵜⵇⴻⴷⴷⴰⵙⵜ ⵥⵉ ⴰⵔⵔⵓⵃ ⵓ ⵙ ⵍ’ⵉⵎⴰⵏ ⵏ ⵜⵉⴷⴻⵜⵜ.

14 ⴰⵇⴰ ⵉⵍⴰⵖⴰ-ⴷⴷ ⵅⴰⵡⴻⵎ ⵉ ⵎⴰⵏ ⴰⵢⴰ ⵙ ⵓⴱⴰⵔⵔⴻⵃ ⵏⵏⴻⵖ ⵙ ⵍⴻⵅⴱⴰⵔ ⴰⵚⴻⴱⵃⴰⵏ, ⵃⵉⵎⴰ ⴰⴷ ⵜⵉⵍⵉⵎ ⵉ ⵓⵄⵓⴵⵉ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ.

15 ⵙ ⵓⵢⴻⵏⵏⵉ, ⴰ ⴰⵢⵜⵎⴰ, ⴱⴻⴷⴷⴻⵎ ⵏⵉⵛⴰⵏ ⵓⵛⴰ ⵟⵟⴼⴻⵎ ⴷⵉ ⵜⵡⴻⵚⵚⴰ ⵉ ⴷ ⴰⵡⴻⵎ ⵉⵜⵜⵡⴰⵙⵍⴻⵎⴷⴻⵏ ⵥⵥⴰⵢⵏⴻⵖ, ⵎⴰ ⵙ ⵡⴰⵡⴰⵍ ⵏⵉⵖ ⵙ ⵜⴻⴱⵔⴰⵜ ⵏⵏⴻⵖ. ^■  

16 ⵎⴰⵛⴰ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⵓ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵡⴻⵏⵏⵉ ⴷ ⴰⵏⴻⵖ ⵉⵅⵙⴻⵏ ⴷ ⵡⴻⵏⵏⵉ ⴷ ⴰⵏⴻⵖ ⵉⵡⵛⴻⵏ ⴰⴼⴻⵡⵡⴻⵊ ⵉⵜⵜⴷⵓⵎⴰⵏ ⴷ ⵓⵙⵉⵜⴻⵎ ⵉⵛⵏⴰⵏ ⵙ ⴰⵔⴹⴰ ⵏⵏⴻⵙ,

17 ⴰⴷ ⵉⵙⵙⴼⴻⵡⵡⴻⵊ ⵓⵍⴰⵡⴻⵏ ⵏⵡⴻⵎ ⵓⵛⴰ ⴰⴷ ⴽⴻⵏⵏⵉⵡ ⵉⵙⵙⴻⵊⵀⴻⴷ ⴷⵉ ⵎⴰⵔⵔⴰ ⴰⵡⴰⵍ ⵓ ⴷⵉ ⵎⴰⵔⵔⴰ ⵍⵅⴻⴷⵎⴻⵜ ⵜⴰⵚⴻⴱⵃⴰⵏⵜ. ^■