1 ⵍⵃⴰⵙⵓⵍ, ⴰ ⴰⵡⵎⴰⵜⴻⵏ, ⴽⵙⵉⵎ ⴰⵏⴻⵖ ⵍⵎⴻⵄⵔⵓⴼ ⵃⵉⵎⴰ ⴰⵡⴰⵍ ⵏ ⵙⵉⴷⵉⵜⵏⴻⵖ ⴰⴷ ⴷⴷ-ⵉⴼⴼⴻⵖ ⴷⴻⵖⵢⴰ ⵓ ⴰⴷ ⵉⵜⵜⵡⴰⵙⵙⵄⵓⴵ ⴰⵎ ⵎⴰⵎⵎⴻⵛ ⵜⵓⵖⴰ ⵉⵎⵙⴰⵔ ⵊⴰⵔ ⴰⵡⴻⵎ ⵄⴰⵡⴻⴷ, ^■   2 ⵓ ⵃⵉⵎⴰ ⴰⴷ ⵏⴻⵜⵜⵡⴰⴼⴻⴽⴽ ⵥⴻⴳ ⵉⵡⴷⴰⵏ ⵡⴰⵔ ⵉⵃⵍⵉⵏ ⵉⵄⴻⴼⴼⴰⵏⴻⵏ, ⵎⵉⵏⵥⵉ ⵍ’ⵉⵎⴰⵏ ⵡⴰⵔ ⵉⴵⵉ ⵖⴰⵔ ⵎⴰⵔⵔⴰ. ^■  

3 ⵎⴰⵛⴰ ⵙⵉⴷⵉ ⴷ ⴰⵎⵜⵉⵇⵇⵉ, ⵏⴻⵜⵜⴰ ⴰⴷ ⵅⴰⵡⴻⵎ ⵉⵃⴹⴰ ⵓⵛⴰ ⴰⴷ ⴽⴻⵏⵏⵉⵡ ⵉⴼⴻⴽⴽ ⵥⴻⴳ ⵓⵎⵄⴻⴼⴼⴰⵏ. ^■   4 ⵎⴰⵛⴰ ⵏⴻⵛⵛⵉⵏ ⵏⴻⵜⵜⵉⵇⵇ ⴷⴰⵢⵡⴻⵎ ⴷⵉ ⵙⵉⴷⵉⵜⵏⴻⵖ, ⴱⴻⵍⵍⵉ ⵎⵉⵏ ⵅⴻⴼ ⵏⵡⴻⵚⵚⴰ ⴽⴻⵏⵏⵉⵡ, ⴰⵇⴰ ⵜᵉⵜⵜⴻⴳⴳⴻⵎ ⵜ ⵓⵛⴰ ⴰⴷ ⵜⴻⵇⵇⵉⵎⴻⵎ ⵜᵉⵜⵜⴻⴳⴳⴻⵎ ⵜ. 5 ⴰⴷ ⵉⵏⴷⴻⵀ ⵙⵉⴷⵉⵜⵏⴻⵖ ⵓⵍⴰⵡⴻⵏ ⵏⵡⴻⵎ ⵖⴰⵔ ⵜⴰⵢⵔⵉ ⵏ ⴰⵔⴻⴱⴱⵉ ⵓ ⵖⴰⵔ ⵓⴱⴰⵔⵔⴻⵃ ⵙ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵍⵎⴰⵙⵉⵃ.

6 ⵏⵡⴻⵚⵚⴰ ⴽⴻⵏⵏⵉⵡ, ⴰ ⴰⵢⵜⵎⴰ, ⴷⴻⴳ ⵢⵉⵙⴻⵎ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⴰⴷ ⵜⵃⴻⵢⵢⴷⴻⵎ ⵉ ⴽⵓⵍ ⵓⵎⴰ ⵉ ⵉⴳⴳⵓⵔⴻⵏ ⴷⵉ ⵎⵉⵏ ⵡⴰⵔ ⵉⵃⵍⵉⵏ, ⵡⴰⵔ ⵉⴵⵉ ⵄⵍⴰⵃⵙⴰⴱ ⵜⵉⵡⴻⵚⵚⴰ ⵉ ⵥⵥⴰⵢⵏⴻⵖ ⵉⴽⵙⵉ. ^■   7 ⴰⵇⴰ ⴽⴻⵏⵏⵉⵡ ⵜⴻⵙⵙⵏⴻⵎ ⵎⴰⵎⵎⴻⵛ ⵉⵛⵓⵡⵡⴰⵔ ⴰⴷ ⴰⵏⴻⵖ ⵜⴻⴹⴼⴰⵔⴻⵎ, ⵎⵉⵏⵥⵉ ⵏⴻⵛⵛⵉⵏ ⵡⴰⵔ ⵏⵓⵢⵓⵔ ⵊⴰⵔ ⴰⵡⴻⵎ ⴷⵉ ⵎⵉⵏ ⵡⴰⵔ ⵉⵃⵍⵉⵏ. ^■   8 ⵡⴰⵔ ⵏⴻⵛⵛⵉ ⴰⵖⵔⵓⵎ ⴰⴽ-ⴷ ⵃⴻⴷ ⴱⴰⵟⴻⵍ, ⵎⴰⵛⴰ ⵙ ⵍⵅⴻⴷⵎⴻⵜ ⴷ ⵜⴰⵎⴰⵔⴰ ⵜⵓⵖⴰ ⴰⵏⴻⵖ ⵏⵅⴻⴷⴷⴻⵎ ⴵⵉⵍⴻⵜ ⴷ ⵡⴰⵙⵙ, ⵃⵉⵎⴰ ⵡⴰⵔ ⴷⴷ-ⵏⴻⵜⵜⵉⵙ ⵏⴻⴹⵇⴻⵍ ⵅ ⵛⴰ ⵏ ⵉⵊⵊⴻⵏ ⵥⵥⴰⵢⵡⴻⵎ. ^■   9 ⵡⴰⵔ ⵉⴵⵉ ⵎⵉⵏⵥⵉ ⵡⴰⵔ ⵖⴰⵔⵏⴻⵖ ⵜⵜⴻⵙⵔⵉⵃ ⵉ ⵎⴰⵏ ⴰⵢⴰ, ⵎⴰⵛⴰ ⵃⵉⵎⴰ ⴰⴷ ⵏⴻⴳⴳ ⵉⵅⴻⴼ ⵏⵏⴻⵖ ⴷ ⵍⵎⴰⵜⴰⵍ ⵉ ⵖⴰ ⵜⴻⴹⴼⴰⵔⴻⵎ. ^■  

10 ⵎⵉⵏⵥⵉ ⵍⴰⵎⵉ ⵜⵓⵖⴰ ⴰⵏⴻⵖ ⵏⴻⴵⴰ ⴰⴽⵉⴷⵡⴻⵎ, ⴰⵇⴰ ⵏⵡⴻⵚⵚⴰ ⴰⵎⵎⵓ: ⵎⴰⵍⴰ ⵃⴻⴷ ⵡⴰⵔ ⵉⵅⵙ ⴰⴷ ⵉⵅⴷⴻⵎ, ⵡⴰⵔ ⵉⵜⵜⴻⵜⵜ ⵄⴰⵡⴻⴷ.

11 ⵎⵉⵏⵥⵉ ⵏⴻⵙⵍⴰ ⴰⵇⴰ ⴷⵉⵏ ⵛⴰ ⵊⴰⵔ ⴰⵡⴻⵎ ⵉⵏⵏⵉ ⵉⴳⴳⵓⵔⴻⵏ ⴷⵉ ⵎⵉⵏ ⵉⵄⴻⴼⴼⵏⴻⵏ, ⵡⴰⵔ ⵅⴻⴷⴷⵎⴻⵏ ⵇⴰⵄ, ⵎⴰⵛⴰ ⵜⵜⴻⴳⴳⴻⵏ ⵎⵖⵉⵔ ⵎⵉⵏ ⵡⴰⵔ ⵉⵙⴻⴽⴽⵡⵉⵏ.

12 ⴰⵇⴰ ⵏⵓⵎⵓⵔ ⵓ ⵏⵥⵉⵢⵢⴰⵔ ⵉ-ⵜⴻⵏ ⴷⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⵃⵉⵎⴰ ⴰⴷ ⵅⴻⴷⵎⴻⵏ ⴷⵉ ⵍⵀⵓⴷⵏⴻⵜ, ⴰⴷ ⵛⵛⴻⵏ ⴰⵖⵔⵓⵎ ⵏⵙⴻⵏ. ^■  

13 ⵎⴰⵛⴰ ⴽⴻⵏⵏⵉⵡ, ⴰ ⴰⵢⵜⵎⴰ, ⵡⴰⵔ ⵜⵜⵓⵃⵉⵍⴻⵎ ⵛⴰ ⵎⴰⵃⴻⵏⴷ ⴰⴷ ⵜⴻⴳⴳⴻⵎ ⵎⵉⵏ ⵉⵛⵏⴰⵏ. ^■  

14 ⵎⴰⵛⴰ ⵎⴰⵍⴰ ⵛⴰ ⵏ ⵉⵊⵊⴻⵏ ⵡⴰⵔ ⵉⵟⴰⵄ ⵉ ⵡⴰⵡⴰⵍⴻⵏ ⵉ ⵢⵓⵔⴰⵏ ⴷⵉ ⵜⴻⴱⵔⴰⵜ-ⴰ, ⴱⴹⴰⵎ ⵅⴰⵙ, ⵡⴰⵔ ⵜⵜⵅⴻⴵⴰⴹⴻⵎ ⵛⴰ ⴰⴽⵉⴷⴻⵙ, ⵃⵉⵎⴰ ⴰⴷ ⵉⴷⵡⴻⵍ ⵉⵜⵜⵙⴻⴹⵃⴰ, ^■  

15 ⵎⴰⵛⴰ ⵡⴰⵔ ⵜ ⵜⵜⵃⴻⵙⵙⴱⴻⵎ ⴷ ⵍⴻⵄⴷⵓ ⵎⴰⵛⴰ ⵏⴻⴷⵀⴻⵎ ⵜ ⵖⴰⵔ ⵡⴻⴱⵔⵉⴷ ⴰⵎ ⵉⵊⵊⴻⵏ ⵜⴰⵡⵎⴰⵜ.

16 ⵎⴰⵛⴰ ⵙⵉⴷⵉ ⵏ ⵍⴻⵀⵏⴰ ⵙⵉⵎⴰⵏⵜ ⵏⵏⴻⵙ ⴰⴷ ⴰⵡⴻⵎ ⵉⵡⵛ ⵍⴻⵀⵏⴰ ⵏⵏⴻⵙ ⵉ ⵍⴻⴱⴷⴰ ⵅ ⵎⴰⵔⵔⴰ ⵉⵖⴻⵥⴷⵉⵙⴻⵏ. ⵙⵉⴷⵉⵜⵏⴻⵖ ⴰⴷ ⵢⵉⵍⵉ ⴰⴽⵉⴷⵡⴻⵎ ⵎⴰⵔⵔⴰ. ^■  

17 ⵉⵊⵊ ⵏ ⵓⵙⴻⴵⴻⵎ ⵙ ⵓⴼⵓⵙ ⵉⵏⵓ. ⵏⴻⵛⵛ, ⴱⵓⵍⵓⵙ, ⵓⵔⵉⵖ ⴰⵢⴰ. ⵜⴰ ⴷ ⵍⴻⵄⵍⴰⵎⴻⵜ ⴷⵉ ⵎⴰⵔⵔⴰ ⵜⵉⴱⵔⴰⵜⵉⵏ ⵉⵏⵓ. ⴰⵎⵎⵓ ⵉ ⴷ ⵓⵔⵉⵖ. ^■  

18 ⴰⵔⴹⴰ ⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴰⴷ ⴰⴽⵉⴷⵡⴻⵎ ⵢⵉⵍⵉ ⵎⴰⵔⵔⴰ, ⴰ ⴰⵡⵎⴰⵜⴻⵏ ⵉⵏⵓ. ⴰⵎⵉⵏ.