1 ⵡⴰⵔ ⵜⵉⵍⵉⴷ ⵜⴻⵡⵄⴰⵔⴻⴷ ⵉ ⵓⵡⴻⵙⵙⴰⵔ, ⵎⴰⵛⴰ ⵏⴻⵙⵃ ⵉ-ⵜ ⴰⵎ ⵉⵊⵊ ⵏ ⵜⴱⴰⴱⴰⵜ ⵓⵛⴰ ⵉⴱⵍⵉⵖⴻⵏ ⴰⵎ ⵡⴰⵡⵎⴰⵜⴻⵏ, ^■   2 ⵓ ⵜⵉⵡⴻⵙⵙⵓⵔⴰ ⴰⵎⴻⵛⵏⴰⵡ ⵅ ⵜⵢⴻⵎⵎⴰⵜⵉⵏ ⵓⵛⴰ ⵜⵉⵄⴻⵥⵔⵉⵢⵢⵉⵏ ⴰⵎⴻⵛⵏⴰⵡ ⵅ ⵜⵡⴻⵞⵎⴰⵜⵉⵏ ⵙ ⵎⴰⵔⵔⴰ ⵍⴻⵚⴼⴰⵢⴻⵜ.

3 ⵡⴻⵇⵇⴰⵔ ⵜⵉⵊⵊⴰⵍ, ⵜⵉⵏⵏⵉ ⴷ ⵜⵉⴷⴻⵜⵜ ⴵⴰⵏⵜ ⴷ ⵜⵉⵊⵊⴰⵍ. 4 ⵓⵛⴰ ⵎⴰⵍⴰ ⵛⴰ ⵏ ⵜⴰⵊⵊⴰⵞ ⵖⴰⵔⴻⵙ ⵉⵃⴻⵏⵊⵉⵔⴻⵏ ⵏⵉⵖ ⴰⵢⵢⴰⵡⴻⵏ, ⴻⵊⵊ ⵉ-ⵜⴻⵏ ⴰⴷ ⵍⴻⵎⴷⴻⵏ ⴷ ⴰⵎⴻⵥⵡⴰⵔ ⵎⴰⵃⴻⵏⴷ ⴰⴷ ⴳⴳⴻⵏ ⵎⵉⵏ ⵉⵜⵜⵍⵉⵇⴻⵏ ⴷⵉ ⵟⵟⵡⴻⵄ ⵏ ⵍⴰⴵ ⵏⵙⴻⵏ, ⴰⴷ ⴷⴷ-ⴰⵔⵔⴻⵏ ⵉ ⵍⵡⴰⵍⵉⴷⵉⵏ ⵎⵉⵏ ⵜⵜⵓⵔⵙⴻⵏ, ⵎⵉⵏⵥⵉ ⴷⴷⴻⴳⴳⴰ ⵢⵓⵙⴰ-ⴷⴷ ⵅ ⵍⵅⴰⴹⴰⵔ ⵏ ⴰⵔⴻⴱⴱⵉ. ^■   5 ⵎⴰⵛⴰ ⵜⴰⵊⵊⴰⵞ ⵏⵉⵛⴰⵏ ⴷ ⵜⴻⵏⵏⵉ ⵉⴵⴰⵏ ⵡⴻⵃⵃⴷⴻⵙ, ⵜⴻⵙⵙⵉⵜⵉⵎ ⵉ ⴰⵔⴻⴱⴱⵉ ⵓⵛⴰ ⵜⵚⴻⴱⴱⴰⵔ ⴷⵉ ⵜⵓⵜⵔⴰ ⴷ ⵜⵥⴰⴵⵉⵜⵉⵏ, ⴵⵉⵍⴻⵜ ⴷ ⵡⴰⵙⵙ. ^■   6 ⵎⴰⵛⴰ ⵜⴻⵏⵏⵉ ⵉⵡⴹⴰⵏ ⴷⵉ ⵜⵓⴷⴰⵔⵜ ⵏ ⵏⵏⴻⵛⵡⴻⵜ, ⴰⵇⴰ ⵜⴻⵎⵎⵓⵜ ⵡⴰⵅⵅⴰ ⵜⴻⴷⴷⴰⵔ. 7 ⵓⵎⵓⵔ ⵜⵉⵎⴻⵙⵍⴰⵢⵉⵏ-ⴰ, ⵃⵉⵎⴰ ⴰⴷ ⵉⵍⵉⵏⵜ ⴱⵍⴰ ⵍⵄⵉⴱ. 8 ⵎⵉⵏⵥⵉ ⵎⴰⵍⴰ ⵛⴰ ⵏ ⵢⵉⵊⵊ ⵡⴰⵔ ⵉⵜⵜⵀⵉⵍⵍⵉ ⵛⴰ ⴷⵉ ⵡⵉ ⵉⴵⴰⵏ ⵏⵏⴻⵙ, ⴷ ⴰⵎⴻⵥⵡⴰⵔⵓ ⵉ ⵉⵏⵏⵉ ⵢⵓⵎⵏⴻⵏ ⵏ ⴰⵢⵜⴱⴰⴱ ⵏ ⵜⴰⴷⴷⴰⵔⵜ, ⴰⵇⴰ ⵡⴰⵏⵉⵜⴰ ⵉⵎⵎⴻⵏⴹⴰⵔ ⵍ’ⵉⵎⴰⵏ ⵓⵛⴰ ⵏⴻⵜⵜⴰ ⵎⴰⵀⵓ ⵅ ⵢⴻⵏⵏⵉ ⵡⴰⵔ ⵢⵓⵎⵉⵏⴻⵏ ⵛⴰ. ^■  

9 ⵉⵅⴹⴰⵔ ⵅⴻⵏⵏⵉ ⵉⵛⵜ ⵏ ⵜⴰⵊⵊⴰⵞ, ⵜⴻⵏⵏⵉ ⵡⴰⵔ ⵜⵉⵡⵉⴹ ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ, ⵜⴻⵏⵏⵉ ⵜⵓⵖⴰ ⴷ ⵜⴰⵎⵖⴰⵔⵜ ⵏ ⵉⵊⵊ ⵏ ⵡⴻⵔⵢⴰⵥ,

10 ⵜⴻⵏⵏⵉ ⵖⴰⵔ ⵉⴵⴰ ⵛⵛⵀⴰⴷⴻⵜ ⴰⵇⴰ ⵜⴻⴳⴳⴰ ⵍⴻⵅⴷⴰⵢⴻⵎ ⵜⵉⵚⴻⴱⵃⴰⵏⵉⵏ: ⵏⵉⵖ ⵜⴻⵙⵙⴻⵢⵎⵉ ⵜⴰⵔⵡⴰ ⵏⵏⴻⵙ, ⵏⵉⵖ ⵜⴰⵔⴻⵃⵃⴻⴱ ⵙ ⵉⴱⴰⵔⵔⴰⵏⵉⵢⵢⴻⵏ, ⵏⵉⵖ ⵜⴻⵙⵙⵉⵔⴻⴷ ⵉⴹⴰⵔⴻⵏ ⵏ ⵉⵎⵇⴻⴷⴷⴰⵙⴻⵏ, ⵏⵉⵖ ⵜⴻⵡⵛⴰ ⴼⵓⵙ ⵉ ⵢⴻⵏⵏⵉ ⵉⵜⵜⵡⴰⵃⵚⴰⵔⴻⵏ, ⵏⵉⵖ ⴰⵇⴰ ⵜⴻⴳⴳⴰ ⵎⴰⵔⵔⴰ ⵍⵅⴻⴷⵎⴻⵜ ⵜⴰⵚⴻⴱⵃⴰⵏⵜ. ^■  

11 ⵎⴰⵛⴰ ⵡⴰⵔ ⵇⴻⴱⴱⴻⵍ ⵜⵉⵊⵊⴰⵍ ⵜⵉⵎⴻⵥⵢⴰⵏⵉⵏ, ⵎⵉⵏⵥⵉ ⵏⵉⵜⴻⵏⵜⵉ ⵉⴳⴳⵯⴻⵊⴻⵏⵜ ⵅ ⵍⵎⴰⵙⵉⵃ, ⴰⵔⴻⵥⵥⵓⵏⵜ ⵅ ⵉⵊⵊ ⵏ ⵡⴻⵔⵢⴰⵥ.

12 ⴰⵇⴰ ⵛⵛⵔⴻⵄ ⵏⵙⴻⵏⵜ ⵉⵎⵜⴻⵏ ⵎⵉⵏⵥⵉ ⵙⵙⴰⵔⵙⴻⵏⵜ ⵍ’ⵉⵎⴰⵏ ⵏⵙⴻⵏⵜ ⴰⵎⴻⵥⵡⴰⵔ ⵖⴰⵔ ⵓⵖⴻⵥⴷⵉⵙ.

13 ⵎⴰⵖⴰⵔ ⵏⵉⵜⴻⵏⵜⵉ ⵙⵙⵍⴻⵎⴷⴻⵏⵜ ⵉⵏⵏⴻⵖⵏⵉ ⵍⴻⵄⵇⴻⵥ, ⴰⵎ ⴳⴳⵓⵔⴻⵏⵜ ⵅ ⵜⵓⴷⵔⵉⵏ, ⵓ ⵡⴰⵔ ⵉⴵⵉ ⵙⵙⵍⴻⵎⴷⴻⵏⵜ ⵡⴰⵀⴰ ⵍⴻⵄⵇⴻⵥ, ⵎⴰⵛⴰ ⵏⵉⵜⴻⵏⵜⵉ ⵜⵜⵄⴰⵡⴰⴷⴻⵏⵜ ⵍⴻⵅⴱⵓⵔⴰⵜ, ⵜⵜⴰⴷⴼⴻⵏⵜ ⴷⵉ ⵛⵖⵓⵍⴰⵜ ⵏ ⵎⵉⴷⴷⴻⵏ, ⵇⵇⴰⵔⴻⵏⵜ ⵎⵉⵏ ⵡⴰⵔ ⵉⵛⵓⵡⵡⴰⵔⴻⵏ. ^■  

14 ⵙ ⵓⵢⴻⵏⵏⵉ ⵅⵙⴻⵖ ⴰⴷ ⵎⴻⵍⵛⴻⵏⵜ ⵜⵉⵊⵊⴰⵍ ⵜⵉⵎⴻⵥⵢⴰⵏⵉⵏ, ⴰⴷ ⴷⴷ-ⵊⵊⴻⵏⵜ ⵉⵃⴻⵏⵊⵉⵔⴻⵏ, ⴰⴷ ⵙⵙⵓⵢⵓⵔⴻⵏⵜ ⵜⴰⴷⴷⴰⵔⵜ, ⵡⴰⵔ ⵜⵜⴻⵊⵊⵉⵏⵜ ⵛⴰ ⵉ ⵍⴻⵄⴷⵓ ⵙⵙⵉⴱⴱⴻⵜ ⵃⵉⵎⴰ ⴰⴷ ⴷⴰⵢⵙⴻⵏⵜ ⵉⵛⴻⵇⵇⴻⴼ. ^■  

15 ⵎⵉⵏⵥⵉ ⴰⵇⴰ ⵛⴰ ⵥⵥⴰⵢⵙⴻⵏⵜ ⴱⴷⴰⵏⵜ ⴰⴷ ⴼⴼⵖⴻⵏⵜ ⴰⴱⵔⵉⴷ, ⴹⴻⴼⴼⴰⵔⴻⵏⵜ ⵛⵛⵉⵟⴰⵏ.

16 ⵎⴰⵍⴰ ⴷⵉⵏ ⵜⵉⵎⵖⴰⵔⵉⵏ ⵢⵓⵎⵏⴻⵏ ⵜⵉⵊⵊⴰⵍ ⵖⴰⵔ ⵢⴻⵔⵢⴰⵥⴻⵏ ⵢⵓⵎⵏⴻⵏ, ⴻⵊⵊ ⵉ-ⵜⴻⵏ ⴰⴷ ⵥⵥⴰⵢⵙⴻⵏⵜ ⴽⵓⵏⴻⵏ ⵎⴰⵃⴻⵏⴷ ⵡⴰⵔ ⵉⵜⵜⵉⵍⵉ ⴷⴷⵇⴻⵍ ⵄⴰⴷ ⵅ ⵜⵎⴻⵙⵎⵓⵏⵜ, ⵃⵉⵎⴰ ⵜⴰⵎⴻⵙⵎⵓⵏⵜ ⴰⴷ ⵖⴰⵔⴻⵙ ⵢⵉⵍⵉ ⵎⴰⵀⴻⵏⴷ ⴰⴷ ⵜⵄⴰⵡⴻⵏ ⵜⵉⵏⵏⵉ ⵉⴵⴰⵏ ⴷ ⵜⵉⵊⵊⴰⵍ ⵏⵉⵛⴰⵏ.

17 ⵉⵎⵖⴰⵔⴻⵏ ⵏⵏⵉ ⵉⵜⵜⴹⴻⴱⴱⴰⵔⴰⵏ ⵎⵍⵉⵃ, ⵙⴷⴰⵀⴵⴻⵏ ⴰⵡⴻⵇⵇⴰⵔ ⵜⵏⴰⵢⴻⵏ ⵏ ⵉⵎⵓⵔⴻⵏ, ⴰⴱⴻⵄⴷⴰ ⵉⵏⵏⵉ ⵉⵅⴻⴷⴷⵎⴻⵏ ⴷⴻⴳ ⵡⴰⵡⴰⵍ ⵓ ⴷⴻⴳ ⵓⵙⴻⵍⵎⴻⴷ. ^■  

18 ⵎⵉⵏⵥⵉ ⵜⵉⵔⴰ ⵉⵇⴻⴷⴷⵙⴻⵏ ⵇⵇⴰⵔⴻⵏ: “ⵡⴰⵔ ⵜⵜⴻⴳⴳ ⵜⴰⵛⵎⴰⵏⵜ ⵉ ⵓⵢⴻⵏⴷⵓⵥ ⵉⵙⵙⴰⵔⵡⴰⵜⴻⵏ!”, ⵓ: “ⴰⵅⴻⴷⴷⴰⵎ ⵉⵙⴷⴰⵀⴻⴵ ⵍⵎⵓⵏⴻⵜ ⵏⵏⴻⵙ!” ^■  

19 ⵡⴰⵔ ⵇⴻⴱⴱⴻⵍ ⵛⴰ ⵜⴰⵏⴼⵓⵞ ⴹⵉⴷⴷ ⵉ ⵓⵎⵖⴰⵔ ⵎⵖⵉⵔ ⵅ ⵓⵇⴻⵎⵎⵓⵎ ⵏ ⵜⵏⴰⵢⴻⵏ ⵏⵉⵖ ⵏ ⵜⵍⴰⵜⴰ ⵏ ⵍⴻⵛⵀⵓⴷ. ^■   20 ⵉⵏⵏⵉ ⵉⵅⴹⴰⵏ, ⵄⴻⵢⵢⴻⴱ ⵉ-ⵜⴻⵏ ⵥⵥⴰⵜ ⵉ ⵎⴰⵔⵔⴰ, ⵃⵉⵎⴰ ⵉⵏⵏⴻⵖⵏⵉ ⴰⴷ ⴳⴳⵯⴻⴷⴻⵏ ⵄⴰⵡⴻⴷ. 21 ⵣⵉⵢⵢⴰⵔⴻⵖ ⵅⴰⴽ ⵥⵥⴰⵜ ⵉ ⴰⵔⴻⴱⴱⵉ ⴷ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴷ ⵍⵎⴰⵍⴰⴽⴰⵜ ⵏⵏⴻⵙ ⵉⵜⵜⵡⴰⴼⴰⵔⵥⴻⵏ, ⴰⴷ ⵜⴻⵃⴹⵉⴷ ⵎⴰⵏ ⴰⵢⴰ ⴱⵍⴰ ⵍⴼⴰⵔⵥ, ⵡⴰⵔ ⵜⴻⴳⴳ ⵓⵍⴰ ⴷ ⵉⵛⵜ ⵏ ⵜⵎⴻⵙⵍⴰⵛⵜ ⵄⵍⴰⵃⵙⴰⴱ ⵉⵖⴻⵎⴱⴰⴱ. ^■   22 ⵡⴰⵔ ⵙⵙⵔⵓⵙⴰ ⵉⴼⴰⵙⵙⴻⵏ ⵏⵏⴻⴽ ⵅ ⵃⴻⴷ ⵙ ⵓⵇⴻⴵⴻⵇ, ⵡⴰⵔ ⵛⴰⵔⵔⴻⵛ ⴷⵉ ⴷⴷⵏⵓⴱ ⵏ ⵉⵏⵏⴻⵖⵏⵉ, ⵃⴹⴰ ⵉⵅⴻⴼ ⵏⴻⴽⴽ ⴷⵉ ⵍⴻⵚⴼⴰⵢⴻⵜ. ^■  

23 ⵡⴰⵔ ⵙⴻⵙⵙ ⴰⵎⴰⵏ ⵡⴰⵀⴰ, ⵎⴰⵛⴰ ⵙⵓ ⴷⵔⵓⵙ ⵏ ⴱⵉⵏⵓ ⵉ ⵙⵜⵓⵎⴰⵖⵓ ⵏⵏⴻⴽ ⵓ ⵉ ⵍⴻⵃⵍⴰⵛ ⵏⵏⴻⴽ ⴰⵥⵉⵔⴰⵔ. ^■  

24 ⴰⵇⴰ ⴷⵉⵏ ⵛⴰ ⵏ ⵉⵡⴷⴰⵏ ⴷⴷⵏⵓⴱ ⵏⵙⴻⵏ ⴱⴰⵏⴻⵏ ⵎⵍⵉⵃ ⴷⴻⵖⵢⴰ, ⴰⵇⴰ ⴷⴷⵏⵓⴱ ⵏⵙⴻⵏ ⵜⵜⵉⵥⵥⴰⵔⴻⵏ ⴰⵙⴻⵏ ⵖⴰⵔ ⵛⵛⵔⴻⵄ, ⵓⵛⴰ ⴰⵇⴰ ⴷⵉⵏ ⵛⴰ ⵏⵏⴻⵖⵏⵉ ⴹⴻⴼⴼⴰⵔⴻⵏ ⵜⴻⵏ ⴷⴷⵏⵓⴱ ⵏⵙⴻⵏ. ^■   25 ⴰⵎⵎⵓ ⴷⴷ-ⴱⴰⵏⴻⵏⵜ ⵓⵍⴰ ⴷ ⵍⴻⵅⴷⴰⵢⴻⵎ ⵜⵉⵚⴻⴱⵃⴰⵏⵉⵏ, ⵎⴰⵛⴰ ⵎⴰⵍⴰ ⵡⴰⵔ ⵉⴵⵉ ⴰⵎⵎⵓ, ⵡⴰⵔ ⵥⴻⵎⵎⴰⵔⴻⵏⵜ ⵏⵉⵜⴻⵏⵜⵉ ⴰⴷ ⵇⵇⵉⵎⴻⵏⵜ ⵏⵏⵓⴼⴼⴰⵔⴻⵏⵜ.