1 ⵓⵎⵉ ⵡⴰⵔ ⵏⵥⴻⵎⵎⴰⵔ ⴰⴷ ⵜ ⵏⴻⵚⴱⴰⵔ ⴽⵜⴰⵔ, ⵜⵓⵖⴰ ⵉⵜⵜⵖⵉⵍ ⴰⵏⴻⵖ ⵎⵍⵉⵃ ⵎⴰⵃⴻⵏⴷ ⴰⴷ ⵏⴻⵇⵇⵉⵎ ⴷⵉ ⴰⵜⵉⵏⴰ ⵡⴻⵃⵃⴻⴷⵏⴻⵖ, 2 ⵓⵛⴰ ⵏⴻⵙⵙⴻⴽⴽ ⴰⵡⴻⵎ-ⴷⴷ ⵓⵎⴰⵜⵏⴻⵖ ⵜⵉⵎⵓⵜⵉⵢⵓ. ⵏⴻⵜⵜⴰ ⴷ ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ ⴷ ⴰⵎⵄⴰⵡⴻⵏ ⵏⵏⴻⵖ ⴷⵉ ⵜⴱⴰⵔⵔⴻⵃⵜ ⵏ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵍⵎⴰⵙⵉⵃ, ⴰⵍⴰⵎⵉ ⵉⵥⴻⵎⵎⴰⵔ ⴰⴷ ⴽⴻⵏⵏⵉⵡ ⵉⵙⵙⴻⵊⵀⴻⴷ ⵓ ⴰⴷ ⵉⵇⴻⴵⴻⴱ ⵍ’ⵉⵎⴰⵏ ⵏⵡⴻⵎ, ^■   3 ⵃⵉⵎⴰ ⵓⵍⴰ ⴷ ⵉⵊⵊ ⵥⵥⴰⵢⵡⴻⵎ ⵡⴰⵔ ⵉⵇⴻⵟⵟⴻⵄ ⵍⴰⵢⴰⵙ ⵥⵉ ⵙⵙⵉⴱⴱⴻⵜ ⵏ ⵍⴻⵎⵃⴰⵢⴻⵎ-ⴰ. ⴰⵇⴰ ⴽⴻⵏⵏⵉⵡ ⵜⴻⵙⵙⵏⴻⵎ ⵙⵉⵎⴰⵏⵜ ⵏⵡⴻⵎ, ⴱⴻⵍⵍⵉ ⵏⴻⵜⵜⵡⴰⴳⴳ ⵉ ⵎⴰⵏ ⴰⵢⴰ, ^■   4 ⵎⵉⵏⵥⵉ, ⵍⴰⵎⵉ ⴷ ⴰⵏⴻⵖ ⵜⵓⵖⴰ ⴰⴽⵉⴷⵡⴻⵎ, ⵏⵉⵥⵥⴰⵔ ⵏⴻⵏⵏⴰ, ⴱⴻⵍⵍⵉ ⴰⴷ ⵅⴰⵏⴻⵖ ⵜⴻⴽⴽ ⵍⴻⵃⵚⴰⵔⴻⵜ ⵓⵛⴰ ⴰⵎⵎⵓ ⵉ ⵉⵎⵙⴰⵔ ⴰⵎ ⵎⴰⵎⵎⴻⵛ ⵜⴻⵙⵙⵏⴻⵎ ⴽⴻⵏⵏⵉⵡ. 5 ⵙ ⵓⵢⴻⵏⵏⵉ, ⵓⵎⵉ ⵡⴰⵔ ⵥⴻⵎⵎⴰⵔⴻⵖ ⴰⴷ ⵚⴱⴰⵔⴻⵖ ⴽⵜⴰⵔ, ⴰⵇⴰ ⵙⵙⴻⴽⴽⴻⵖ ⵜ-ⵉ-ⴷⴷ ⵃⵉⵎⴰ ⴰⴷ ⵙⵙⵏⴻⵖ ⵅ ⵍ’ⵉⵎⴰⵏ ⵏⵡⴻⵎ, ⵎⴰ ⴰⴷ ⵜⴰⵖ ⵡⴻⵏⵏⵉ ⵉⵜⵜⵊⴰⵔⵔⴰⴱⴻⵏ ⴰⵇⴰ ⵉⵊⴰⵔⵔⴻⴱ ⴽⴻⵏⵏⵉⵡ ⵓⵛⴰ ⴰⴷ ⵜⴻⴼⴼⴻⵖ ⵍⵅⴻⴷⵎⴻⵜ ⵏⵏⴻⵖ ⴷ ⵡⴰⵍⵓ.

6 ⵎⴰⵛⴰ ⵍⴻⵅⵅⵓ ⵉⴷⵡⴻⵍ-ⴷⴷ ⵖⴰⵔⵏⴻⵖ ⵜⵉⵎⵓⵜⵉⵢⵓ ⵡⴻⵏⵏⵉ ⵥⵥⴰⵢⵡⴻⵎ ⵓⵛⴰ ⵉⵙⵙⵉⵡⴻⴹ ⴰⵏⴻⵖ-ⴷⴷ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵍ’ⵉⵎⴰⵏ ⵏⵡⴻⵎ ⴷ ⵜⴰⵢⵔⵉ ⵏⵡⴻⵎ, ⴰⵇⴰ ⴽⴻⵏⵏⵉⵡ ⵍⴻⴱⴷⴰ ⵜᵉⵜⵜⵉⴷⴰⵔⴻⵎ ⴰⵏⴻⵖ ⵙ ⵍⵅⴰⵔ ⵥⵉ ⵎⴰⵔⵔⴰ ⵉⵖⴻⵥⴷⵉⵙⴻⵏ ⵓ ⴷⴰⵢⵡⴻⵎ ⵎⴻⵥⵔⵉ ⵎⴰⵃⴻⵏⴷ ⴰⴷ ⴰⵏⴻⵖ ⵜⵥⴰⵔⴻⵎ, ⴰⵎ ⵎⴰⵎⵎⴻⵛ ⵓⵍⴰ ⴷ ⵏⴻⵛⵛⵉⵏ ⴷⴰⵢⵏⴻⵖ ⵎⴻⵥⵔⵉ ⴰⴷ ⴽⴻⵏⵏⵉⵡ ⵏⵥⴰⵔ. 7 ⵙ ⵓⵢⴻⵏⵏⵉ ⵏⴻⵜⵜⵡⴰⴼⴻⵡⵡⴻⵊ ⵥⵥⴰⵢⵡⴻⵎ, ⴰ ⴰⵡⵎⴰⵜⴻⵏ, ⴷⵉ ⵎⴰⵔⵔⴰ ⵜⴰⵎⴰⵔⴰ ⵏⵏⴻⵖ ⴷ ⵍⴻⵎⵃⴰⵢⴻⵎ ⵏⵏⴻⵖ, ⵥⵉ ⵙⵙⵉⴱⴱⴻⵜ ⵏ ⵍ’ⵉⵎⴰⵏ ⵏⵡⴻⵎ. 8 ⵓⵛⴰ ⵍⴻⵅⵅⵓ ⵏⴻⴷⴷⴰⵔ, ⵎⴰⵍⴰ ⴽⴻⵏⵏⵉⵡ ⵜⴱⴻⴷⴷⴻⵎ ⵏⵉⵛⴰⵏ ⴷⵉ ⵙⵉⴷⵉⵜⵏⴻⵖ. 9 ⵎⴰⵎⵎⴻⵛ ⵉ ⵖⴰ ⵏⴻⴳⴳ ⴰⴷ ⵏⵇⴰⴷⴰ ⴰⵔⴻⴱⴱⵉ ⵥⵉ ⵙⵙⵉⴱⴱⴻⵜ ⵏⵡⴻⵎ ⵅ ⵎⴰⵔⵔⴰ ⵍⴻⴼⵔⴰⵃⴻⵜ ⵉ ⵥⵉ ⵏⴼⴰⵔⵔⴻⵃ ⵥⵥⴰⵢⵡⴻⵎ,

10 ⵎⵖⵉⵔ ⵓⵎⵉ ⵏⴻⵜⵜᵉⵜⵜⴰⵔ ⴰⵔⴻⴱⴱⵉ ⴵⵉⵍⴻⵜ ⴷ ⵡⴰⵙⵙ ⵙ ⵡⴰⵟⵟⴰⵙ, ⵃⵉⵎⴰ ⴰⴷ ⴽⴻⵏⵏⵉⵡ ⵏⵥⴰⵔ ⵙ ⵓⵖⴻⵎⴱⵓⴱ ⵓⵛⴰ ⴰⴷ ⵏⴽⴻⵎⵎⴻⵍ ⵎⵉⵏ ⵉⵜⵜⴻⵃⴷⴰⵊⴰ ⵄⴰⴷ ⵍ’ⵉⵎⴰⵏ ⵏⵡⴻⵎ. ^■  

11 ⵎⴰⵛⴰ ⴱⴰⴱⴰⵜⵏⴻⵖ ⵓ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ, ⵏⴻⵜⵜⴰ ⴰⴷ ⵉⵙⴻⴳⴳⴻⵎ ⴰⴱⵔⵉⴷ ⵏⵏⴻⵖ ⵖⴰⵔⵡⴻⵎ.

12 ⵏⴻⵜⵜⴰ ⴰⴷ ⵉⴽⴻⵜⵜⴰⵔ ⵓ ⴰⴷ ⵢⴰⵔⵏⵉ ⴷⵉ ⵜⴰⵢⵔⵉ ⵏⵡⴻⵎ ⵏ ⵉⵊⵊⴻⵏ ⵉ ⵡⴻⵏⵏⴻⵖⵏⵉ, ⵓ ⵜⴰⵢⵔⵉ ⵏⵡⴻⵎ ⵉ ⵎⴰⵔⵔⴰ, ⴰⵎ ⵎⴰⵎⵎⴻⵛ ⵏⴻⵜⵜⴻⵅⵙ ⵏⴻⵛⵛⵉⵏ ⵓⵍⴰ ⵉ ⴽⴻⵏⵏⵉⵡ,

13 ⵓⵛⴰ ⴰⴷ ⵉⵙⵎⴻⵃⵃⴻⴷ ⵓⵍⴰⵡⴻⵏ ⵏⵡⴻⵎ, ⵃⵉⵎⴰ ⴰⴷ ⵜⵉⵍⵉⵎ ⴱⵍⴰ ⵍⵄⵉⴱ ⴷⵉ ⵜⵇⴻⴷⴷⴰⵙⵜ ⵇⵉⴱⴰⵞ ⵉ ⴰⵔⴻⴱⴱⵉ ⴱⴰⴱⴰⵜⵏⴻⵖ, ⵅ ⵎⵉⵏⵏⵉ ⴷⴷ ⵖⴰ ⵢⴰⵙ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴰⴽ-ⴷ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵏⵏⴻⵙ. ^■