1 ⵙ ⵓⵢⴻⵏⵏⵉ ⵅⴻⵏⵏⵉ, ⴰ ⴰⵢⵜⵎⴰ, ⴰⵇⴰ ⵏⴻⵜⵜⵥⴰⵡⴻⴳ ⴽⴻⵏⵏⵉⵡ ⵓ ⵏⴻⵜⵜⵥⴰⴵⴰ ⵉ ⴽⴻⵏⵏⵉⵡ ⴷⵉ ⵙⵉⴷⵉⵜⵏⴻⵖ ⵢⴻⵛⵛⵓ, ⵃⵉⵎⴰ, ⴰⵎ ⵥⵥⴰⵢⵏⴻⵖ ⵜⵍⴻⵎⴷⴻⵎ ⵎⴰⵎⵎⴻⵛ ⵉⵜⵜⵅⴻⵚⵚⴰ ⴰⴷ ⵜⵓⵢⵓⵔⴻⵎ ⵓ ⴰⴷ ⵜⴰⵔⴹⴰⵎ ⵉ ⴰⵔⴻⴱⴱⵉ, ⴰⴷ ⵜⴻⵢⵎⴰⵎ ⴷⵉ ⵎⴰⵏ ⴰⵢⴰ ⴽⵜⴰⵔ, ^■   2 ⵎⵉⵏⵥⵉ ⴽⴻⵏⵏⵉⵡ ⵜⴻⵙⵙⵏⴻⵎ ⵜⵉⵡⴻⵚⵚⴰ ⵏⵏⵉ ⴷ ⴰⵡⴻⵎ ⵏⴻⵡⵛⴰ ⵥⵉ ⵙⵉⴷⵉⵜⵏⴻⵖ ⵢⴻⵛⵛⵓ. 3 ⴰⵇⴰ ⴷ ⵎⴰⵏ ⴰⵢⴰ ⵎⵉⵏ ⵉⵅⵙ ⴰⵔⴻⴱⴱⵉ, ⴰⵇⴰ ⴰⴷ ⵜⴻⵢⵎⴰⵎ ⴷⵉ ⵜⵇⴻⴷⴷⴰⵙⵜ, ⴰⴷ ⵜⵃⴻⵢⵢⴷⴻⵎ ⵅ ⵎⴰⵔⵔⴰ ⴼⴰⵔⵇ-ⵛⵛⵖⴻⵍ, ^■   4 ⵓ ⵎⴰⵃⴻⵏⴷ ⴽⵓⵍ ⵉⵊⵊⴻⵏ ⵥⵥⴰⵢⵡⴻⵎ ⴰⴷ ⵉⵙⵙⴻⵏ ⵎⴰⵃⴻⵏⴷ ⴰⴷ ⵢⴰⵡⵉ ⵜⴰⵎⵖⴰⵔⵜ ⵏⵏⴻⵙ ⵙ ⵜⵇⴻⴷⴷⴰⵙⵜ ⴷ ⵛⵛⴰⵏ, 5 ⵡⴰⵔ ⵉⴵⵉ ⴷⵉ ⵛⵛⴻⵀⵡⴰ ⵏ ⵏⵏⴻⵛⵡⴰⵜ ⴰⵎ ⵍⴻⴳⵏⵓⵙ ⵉⵏⵏⵉ ⵡⴰⵔ ⵉⵙⵙⵉⵏⴻⵏ ⵛⴰ ⴰⵔⴻⴱⴱⵉ. ^■   6 ⴻⵊⵊ ⵓⵍⴰ ⴷ ⵉⵊⵊ ⵥⵥⴰⵢⵡⴻⵎ ⴰⴷ ⵉⵥⵄⴻⵎ ⴰⴷ ⵉⵙⵙⴻⵀⵍⴻⵛ ⵓⵎⴰⵙ ⵏⵉⵖ ⴰⴷ ⵜ ⵉⵖⴻⵛⵛ ⴷⵉ ⵜⵎⴻⵙⵍⴰⵛⵜ-ⴰ, ⵎⵉⵏⵥⵉ ⵙⵉⴷⵉⵜⵏⴻⵖ ⴰⴷ ⵉⵏⴻⵇⵇⴻⵎ ⴷⵉ ⵎⴰⵏ ⴰⵢⴰ ⵎⴰⵔⵔⴰ, ⴰⵎ ⵎⴰⵎⵎⴻⵛ ⵏⵉⵥⵥⴰⵔ ⵏⴻⵏⵏⴰ ⵓ ⵏⴻⵛⵀⴻⴷ ⴰⵡⴻⵎ. 7 ⵎⵉⵏⵥⵉ ⴰⵔⴻⴱⴱⵉ ⵡⴰⵔ ⵅⴰⵏⴻⵖ ⴷⴷ-ⵉⵍⴰⵖⴰ ⵉ ⵍⴻⵅⵎⴻⵊ ⵎⴰⵛⴰ ⵉ ⵜⵇⴻⴷⴷⴰⵙⵜ. ^■   8 ⵙ ⵓⵢⴻⵏⵏⵉ ⵡⴻⵏⵏⵉ ⵉ ⵖⴰ ⵉⵙⵙⴷⴻⴵⴻⵏ, ⵡⴰⵔ ⵉⵙⵙⴷⴻⴵⵉ ⵛⴰ ⴱⵏⴰⴷⴻⵎ ⵎⴰⵛⴰ ⴰⵔⴻⴱⴱⵉ ⵡⴻⵏⵏⵉ ⵉⵡⵛⵉⵏ ⴰⵔⵔⵓⵃ ⵏⵏⴻⵙ ⵉⵇⴻⴷⴷⵙⴻⵏ ⴷⴰⵢⵡⴻⵎ. ^■  

9 ⵏⵀⵍⴰ ⵎⴰ ⵏⵓⵔⴰ ⴰⵡⴻⵎ-ⴷⴷ ⵅ ⵜⴰⵢⵔⵉ ⵜⴻⵏⵏⵉ ⵊⴰⵔ ⵡⴰⵡⵎⴰⵜⴻⵏ, ⴰⵇⴰ ⴽⴻⵏⵏⵉⵡ ⵙ ⵢⵉⵅⴻⴼ ⵏⵡⴻⵎ ⵜⵜⵡⴰⵙⵙⵍⴻⵎⴷⴻⵎ ⵥⵉ ⴰⵔⴻⴱⴱⵉ ⵃⵉⵎⴰ ⴰⴷ ⵜⴻⵅⵙⴻⵎ ⴰⵢⴰⵡⵢⴰ. ^■  

10 ⵎⴰⵖⴰⵔ ⴰⵎⵎⵓ ⵉ ⵜᵉⵜⵜⴻⴳⴳⴻⵎ ⴰⴽ-ⴷ ⵎⴰⵔⵔⴰ ⴰⵡⵎⴰⵜⴻⵏ ⴷⵉ ⵎⴰⴽⵉⴷⵓⵏⵉⵢⴰ ⵜⵎⵓⵏ. ⵎⴰⵛⴰ ⵜⵜⵥⵥⴰⵡⴳⴻⵖ ⴽⴻⵏⵏⵉⵡ, ⴰ ⴰⵢⵜⵎⴰ, ⵃⵉⵎⴰ ⴰⴷ ⵜⴼⴻⵢⵢⴹⴻⵎ ⴷⵉ ⵎⴰⵏ ⴰⵢⴰ,

11 ⵓⵛⴰ ⴰⵔⵥⵓⵎ ⴰⴷ ⵜⴻⴷⴷⴰⵔⴻⵎ ⴷⵉ ⵍⵀⵓⴷⵏⴻⵜ, ⴰⴷ ⵜⴻⵡⵛⴻⵎ ⵜⴰⵢⵏⵉⵜ ⵉ ⵎⵉⵏ ⵉⴵⴰⵏ ⵏⵡⴻⵎ, ⴰⴷ ⵜⵅⴻⴷⵎⴻⵎ ⵙ ⵉⴼⴰⵙⵙⴻⵏ ⵏⵡⴻⵎ, ⴰⵎ ⵎⴰⵎⵎⴻⵛ ⴽⴻⵏⵏⵉⵡ ⵏⵓⵎⵓⵔ, ^■  

12 ⵓ ⵃⵉⵎⴰ ⴰⴷ ⵜⵓⵢⵓⵔⴻⵎ ⵙ ⵓⵡⴻⵇⵇⴰⵔ ⴰⴽ-ⴷ ⵢⴻⵏⵏⵉ ⵉⴵⴰⵏ ⴷⵉ ⴱⴰⵔⵔⴰ, ⵓⵛⴰ ⵡⴰⵔ ⴽⴻⵏⵏⵉⵡ ⵜᵉⵜⵜⵅⴻⵚⵚⵉ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ.

13 ⴰ ⴰⵢⵜⵎⴰ, ⴰⵇⴰ ⵅⵙⴻⵖ ⴰⴷ ⵜⴻⵙⵙⵏⴻⵎ ⴱⴻⵍⵍⵉ ⵡⴰⵔ ⵉⵜⵜⵅⴻⵚⵚⵉ ⴰⴷ ⵜⴻⴽⵙⵉⵎ ⵙ ⵡⴻⵎⵏⵓⵙ, ⴰⵎ ⵉⵡⴷⴰⵏ ⵉⵏⵏⴻⵖⵏⵉ ⵉⵏⵏⵉ ⵓⵎⵉ ⵉⵇⴹⴻⵄ ⴰⵙⴻⵏ ⵍⴰⵢⴰⵙ, ⵅ ⵢⴻⵏⵏⵉ ⵉⴷⴻⵡⵍⴻⵏ ⵟⵟⵚⴻⵏ. ^■  

14 ⵎⵉⵏⵥⵉ ⵎⴰⵍⴰ ⵏⵓⵎⴻⵏ ⴱⴻⵍⵍⵉ ⵢⴻⵛⵛⵓ ⵜⵓⵖⴰ ⵉⵎⵎⵓⵜ ⵓⵛⴰ ⵉⴽⴽⴰⵔ-ⴷⴷ, ⵅⴻⵏⵏⵉ ⴰⴷ ⵢⴰⵡⵉ ⴰⵔⴻⴱⴱⵉ ⵄⴰⵡⴻⴷ ⴰⵎⵎⵓ ⵉⵏⵏⵉ ⵉⴷⴻⵡⵍⴻⵏ ⵟⵟⵚⴻⵏ ⴷⴻⴳ ⵡⴻⵏⴹⴻⵍ ⵖⴰⵔ ⵉⵅⴻⴼ ⵏⵏⴻⵙ ⴰⴽⵉⴷⴻⵙ.

15 ⵎⴰⵛⴰ ⴰⴷ ⴰⵡⴻⵎ ⵏⵉⵏⵉ ⵎⴰⵏ ⴰⵢⴰ ⵙ ⵡⴰⵡⴰⵍ ⵏ ⵙⵉⴷⵉⵜⵏⴻⵖ, ⴰⵇⴰ ⵏⴻⵛⵛⵉⵏ, ⵉⵏⵏⵉ ⵉ ⵖⴰ ⵉⵇⵇⵉⵎⴻⵏ ⴰⵍ ⴷⴷ ⵖⴰ ⵢⴰⵙ ⵙⵉⴷⵉⵜⵏⴻⵖ, ⵉⵏⵏⵉ ⵄⴰⴷ ⵉⴷⴷⴰⵔⴻⵏ, ⵡⴰⵔ ⵏᵉⵜⵉⵥⵥⴰⵔ ⵉ ⵢⴻⵏⵏⵉ ⵉⴷⴻⵡⵍⴻⵏ ⴰⴷ ⵟⵟⵚⴻⵏ ⴷⴻⴳ ⵡⴻⵏⴹⴻⵍ. ^■  

16 ⵎⵉⵏⵥⵉ ⵙⵉⴷⵉⵜⵏⴻⵖ ⵙ ⵉⵅⴻⴼ ⵏⵏⴻⵙ ⴰⴷ ⴷⴷ-ⵉⵀⵡⴰ ⵥⴻⴳ ⵓⵊⴻⵏⵏⴰ ⵅ ⵎⵉⵏⵏⵉ ⴷⴷ ⵖⴰ ⵉⴼⴼⴻⵖ ⵍⵓⵎⵓⵔ ⴷ ⵜⵎⵉⵊⵊⴰ ⵏ ⵍⵎⴰⵍⴰⴽ ⵉⵎⵖⴰⵔⴻⵏ ⵓ ⵅ ⵎⵉⵏⵏⵉ ⵉ ⵖⴰ ⵢⵉⵍⵉ ⵍⴱⵓⵇ ⵏ ⴰⵔⴻⴱⴱⵉ, ⵓⵛⴰ ⵉⵎⴻⵜⵜⴰⵏ ⵉⵏⵏⵉ ⵉⴵⴰⵏ ⴷⵉ ⵍⵎⴰⵙⵉⵃ ⴰⴷ ⴷⴷ-ⴽⴽⴰⵔⴻⵏ ⴷ ⵉⵎⴻⵥⵡⵓⵔⴰ. ^■  

17 ⵅⴰⵙ ⵓⵛⴰ ⵏⴻⵛⵛⵉⵏ, ⵉⵏⵏⵉ ⵉⵇⵇⵉⵎⴻⵏ ⴷⴷⴰⵔⴻⵏ, ⴰⴷ ⴽⵉⴷⵙⴻⵏ ⵏⴻⵜⵜⵡⴰⴽⴽⴻⵙ ⴷⴻⴳ ⵉⵙⴻⵢⵏⵓⵜⴻⵏ ⵖⴰⵔ ⵉⵊⵊ ⵏ ⵓⵎⴻⵍⵇⵉ ⴰⴽ-ⴷ ⵙⵉⴷⵉⵜⵏⴻⵖ ⴷⴻⴳ ⵓⵊⴻⵏⵏⴰ ⵓⵛⴰ ⴰⵎⵎⵓ ⵉ ⵖⴰ ⵏⵉⵍⵉ ⵍⴻⴱⴷⴰ ⴰⴽ-ⴷ ⵙⵉⴷⵉⵜⵏⴻⵖ.

18 ⵙ ⵓⵢⴻⵏⵏⵉ ⴳⴳⴻⵎ ⵓⵍ ⴷⴻⴳ ⵡⴰⵢⴰⵡⵢⴰ ⵙ ⵡⴰⵡⴰⵍⴻⵏ-ⴰ.