1 ⵎⴰⵖⴰⵔ ⴽⴻⵏⵏⵉⵡ ⵙⵉⵎⴰⵏⵜ ⵏⵡⴻⵎ, ⴰ ⴰⵢⵜⵎⴰ, ⵜⴻⵙⵙⵏⴻⵎ ⴱⴻⵍⵍⵉ ⴰⴷⴰⴼ ⵏⵏⴻⵖ ⵏⵏⵉ ⴷ ⵖⴰⵔⵡⴻⵎ ⵏⴻⴳⴳⴰ, ⵡⴰⵔ ⵜⵓⵖⵉ ⵉⴵⴰ ⴱⴰⵟⴻⵍ. ^■   2 ⵜⵓⵖⴰ ⵅⴰⵏⴻⵖ ⵉⴽⴽⴰ ⵓⵡⴻⴷⴷⴻⴱ ⴷ ⵍⵃⴰⴳⵔⴰ ⴷⵉ ⴼⵉⵍⵉⴱⴱⵉ ⵇⴱⴻⵍ, ⴰⵎ ⵎⴰⵎⵎⴻⵛ ⵜⵓⵖⴰ ⵜⴻⵙⵙⵏⴻⵎ. ⴰⵡⴰⵔⵏⵉ ⵎⴰⵏ ⴰⵢⴰ, ⴰⵇⴰ ⵏⴱⴰⵔⵔⴻⵃ ⴰⵡⴻⵎ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⵍⵎⴰⵙⵉⵃ ⵙ ⵜⴻⵔⵢⴰⵙⵜ ⴷⵉ ⴰⵔⴻⴱⴱⵉ ⵓ ⵙ ⵓⵎⴻⵏⵖⵉ ⴰⵎⴻⵇⵇⵔⴰⵏ. ^■   3 ⵙ ⵎⵉⵏⵥⵉ ⴰⴼⴻⵡⵡⴻⵊ ⵏⵏⴻⵖ ⵡⴰⵔ ⵉⴵⵉ ⵛⴰ ⵥⴻⴳ ⵓⵖⴻⴽⴽⵡⵉ ⵏⵉⵖ ⵥⵉ ⵍⴻⵅⵎⴻⵊ ⵏⵉⵖ ⵥⵉ ⵍⵖⴻⵛⵛ, 4 ⵎⴰⵛⴰ ⵏⴻⵙⵙⴰⵡⴰⵍ ⴰⵎ ⵉⵡⴷⴰⵏ ⵉ ⵉⵜⵜⵡⴰⵃⴻⵙⴱⴻⵏ ⵏⵉⵛⴰⵏ ⵥⵉ ⴰⵔⴻⴱⴱⵉ ⴰⵍⴰⵎⵉ ⴷ ⴰⵏⴻⵖ ⵉⵡⴻⴽⴽⴻⵍ ⵜⴰⴱⴰⵔⵔⴻⵃⵜ ⵏ ⵍⴻⵅⴱⴰⵔ ⴰⵚⴻⴱⵃⴰⵏ, ⵡⴰⵔ ⵉⴵⵉ ⵉ ⴰⵔⴹⴰ ⵏ ⵉⵡⴷⴰⵏ, ⵎⴰⵛⴰ ⵉ ⴰⵔⴹⴰ ⵏ ⴰⵔⴻⴱⴱⵉ ⵡⴻⵏⵏⵉ ⵉⵇⴻⴵⴱⴻⵏ ⵓⵍⴰⵡⴻⵏ ⵏⵏⴻⵖ. ^■   5 ⵎⵉⵏⵥⵉ ⵄⴻⵎⵎⴰⵔⵚ ⵡⴰⵔ ⵜⵓⵖⵉ ⵏⴻⵜⵜⴻⴳⴳ ⵜⵉⵇⴻⴷⴷⵓⵃⵉⵏ, ⴰⵇⴰ ⴽⴻⵏⵏⵉⵡ ⵜⴻⵙⵙⵏⴻⵎ ⵜⵜ, ⵓ ⵡⴰⵔ ⴵⵉ ⵛⴰ ⴷⵉ ⵛⴰ ⵏ ⵟⵟⵎⴻⵄ ⵏⵏⴻⵖ, ⴰⵔⴻⴱⴱⵉ ⴰⵇⴰ-ⵜ ⴷⵉⵏ! ^■   6 ⵡⴰⵔ ⵏⴰⵔⴻⵥⵥⵓ ⴰⵄⵓⴵⵉ ⵏ ⵉⵡⴷⴰⵏ ⵓⵍⴰ ⵥⵥⴰⵢⵡⴻⵎ ⵓⵍⴰ ⵥⴻⴳ ⵉⵏⵏⴻⵖⵏⵉ, ⵡⴰⵅⵅⴰ ⵜⵓⵖⴰ ⵏⵥⴻⵎⵎⴰⵔ ⴰⴷ ⵏⴻⴳⴳ ⵉⵅⴻⴼ ⵏⵏⴻⵖ ⵊⴰⵔ ⴰⵡⴻⵏ ⴰⵎ ⵔⵔⵓⵙⵓⵍ ⵏ ⵍⵎⴰⵙⵉⵃ. ^□  ■   7 ⵎⴰⵛⴰ ⵜⵓⵖⴰ ⴰⵏⴻⵖ ⴷ ⵉⵃⵏⵉⵏⴻⵏ ⴰⴽⵉⴷⵡⴻⵎ, ⴰⵎ ⵉⵛⵜ ⵏ ⵜⴻⴱⵍⵉⵖⵜ ⵜᵉⵜⵜⵀⵉⵍⵍⴰ ⴷⴻⴳ ⵉⵃⴻⵏⵊⵉⵔⴻⵏ ⵏⵏⴻⵙ. 8 ⴰⵎⵎⵓ ⵄⴰⵡⴻⴷ ⵉ ⴽⴻⵏⵏⵉⵡ ⵏⴻⵜⵜⴻⵅⵙ ⵓ ⵜⵓⵖⴰ ⴷⴰⵢⵏⴻⵖ ⵎⴻⵥⵔⵉ ⵎⴰⵃⴻⵏⴷ ⴰⴷ ⵏⵛⴰⵔⵛ ⴰⴽⵉⴷⵡⴻⵎ, ⵡⴰⵔ ⵉⴵⵉ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⴰⵔⴻⴱⴱⵉ ⵡⴰⵀⴰ, ⴰⵃⴻⵇⵇⴰ ⵓⵍⴰ ⴷ ⵜⵓⴷⴰⵔⵜ ⵏⵏⴻⵖ, ⵎⵉⵏⵥⵉ ⵜⴷⴻⵡⵍⴻⵎ ⴷ ⵉⵎⵄⵉⵥⵥⴻⵏ ⵖⴰⵔⵏⴻⵖ. 9 ⵄⴻⵇⵍⴻⵎ ⵅⴻⵏⵏⵉ, ⴰ ⴰⵡⵎⴰⵜⴻⵏ, ⵎⴰⵎⵎⴻⵛ ⵜⵓⵖⴰ ⵏᵉⵜⵜⴰⵎⴰⵔ ⵓ ⵏⵅⴻⴷⴷⴻⵎ ⵙ ⵉⴼⴰⵙⵙⴻⵏ ⵏⵏⴻⵖ ⴵⵉⵍⴻⵜ ⴷ ⵡⴰⵙⵙ, ⵃⵉⵎⴰ ⵡⴰⵔ ⵅⴰⵡⴻⵎ ⵏⴻⵜⵜⴻⴳⴳ ⴷⴷⵇⴻⵍ. ^■  

10 ⴽⴻⵏⵏⵉⵡ ⴷ ⴰⵔⴻⴱⴱⵉ ⴰⵇⴰ ⴷ ⵍⴻⵛⵀⵓⴷ ⵅ ⵎⴰⵎⵎⴻⵛ ⴷ ⴰⵡⴻⵎ ⵜⵓⵖⴰ ⵏⴻⵜⵜⴱⴰⵔⵔⴻⵃ ⵙ ⵍⴻⵅⴱⴰⵔ ⴰⵚⴻⴱⵃⴰⵏ ⵏ ⴰⵔⴻⴱⴱⵉ ⴷⵉ ⵍⴻⵚⴼⴰⵢⴻⵜ ⴷ ⵜⵏⵉⵛⴰⵏⵜ ⵏ ⵡⵓⵍ, ⵓ ⵎⴰⵎⵎⴻⵛ ⵜⵓⵖⴰ ⵏⴻⴳⴳⵓⵔ ⴱⵍⴰ ⵍⵄⵉⴱ ⵊⴰⵔ ⵎⴰⵔⵔⴰ ⵉⵏⵏⵉ ⵢⵓⵎⵏⴻⵏ.

11 ⴰⵇⴰ ⵜⴻⵙⵙⵏⴻⵎ ⵄⴰⵡⴻⴷ ⵎⴰⵎⵎⴻⵛ ⵜⵓⵖⴰ ⵏⵄⴻⴵⴻⵎ ⵉⵊⵊ-ⵉⵊⵊ ⵥⵥⴰⵢⵡⴻⵎ ⴰⵎ ⵉⵊⵊ ⵏ ⴱⴰⴱⴰⵙ ⵉ ⵉⵃⴻⵏⵊⵉⵔⴻⵏ ⵏⵏⴻⵙ, ⵏⴻⴳⴳⴰ ⴷⴰⵢⵡⴻⵎ ⵓⵍ ⵓ ⵏⴻⵛⵀⴻⴷ

12 ⵎⴰⵃⴻⵏⴷ ⴰⴷ ⵜⵓⵢⵓⵔⴻⵎ ⴰⵎ ⵎⴰⵎⵎⴻⵛ ⵉⵙⴷⴰⵀⴻⴵ ⵇⵉⴱⴰⵞ ⵉ ⴰⵔⴻⴱⴱⵉ, ⵡⴻⵏⵏⵉ ⴷ ⴰⵡⴻⵎ ⴷⴷ-ⵉⵍⴰⵖⴰⵏ ⵖⴰⵔ ⵜⴳⴻⵍⴷⵉⵜ ⵏⵏⴻⵙ ⴷ ⵓⵄⵓⴵⵉ ⵏⵏⴻⵙ. ^■  

13 ⵙ ⵓⵢⴻⵏⵏⵉ ⵏⴻⵜⵜⵇⴰⴷⴰ ⴰⵔⴻⴱⴱⵉ ⴱⵍⴰ ⵇⴻⵟⵟⵓ, ⵓⵎⵉ ⴽⴻⵏⵏⵉⵡ ⵜⵇⴻⴱⵍⴻⵎ ⴰⵡⴰⵍ ⵏ ⴰⵔⴻⴱⴱⵉ ⵉ ⵜᵉⵟⵟⴼⴻⵎ ⵥⵥⴰⵢⵏⴻⵖ, ⵡⴰⵔ ⵉⴵⵉ ⴰⵎ ⵉⵊⵊ ⵏ ⵡⴰⵡⴰⵍ ⵏ ⵉⵡⴷⴰⵏ, ⵎⴰⵛⴰ ⴰⵎ ⵡⴰⵡⴰⵍ ⵏ ⴰⵔⴻⴱⴱⵉ ⵓⵛⴰ ⴷ ⵎⴰⵏ ⴰⵢⴰ ⵉ ⵢⴻⴵⴰⵏ ⴷ ⵜⵉⴷⴻⵜⵜ ⵓ ⴰⵡⴰⵍ-ⴰ ⵉⵅⴻⴷⴷⴻⵎ ⴷⴰⵢⵡⴻⵎ ⵙ ⵍⴻⵅⴷⴰⵢⴻⵎ ⵏ ⵢⵉⵏⵏⵉ ⵢⵓⵎⵏⴻⵏ.

14 ⵎⵉⵏⵥⵉ ⴽⴻⵏⵏⵉⵡ, ⴰ ⴰⵢⵜⵎⴰ, ⵜⴷⴻⵡⵍⴻⵎ ⴷ ⵉⵎⴻⴹⴼⴰⵔⴻⵏ ⵏ ⵜⵎⴻⵙⵎⵓⵏⵉⵏ ⵏ ⴰⵔⴻⴱⴱⵉ ⵉ ⵉⴵⴰⵏ ⴷⵉ ⵢⴰⵀⵓⴷⵉⵢⵢⴰ ⴷⵉ ⵢⴻⵛⵛⵓ ⵍⵎⴰⵙⵉⵃ, ⵎⵉⵏⵥⵉ ⴽⴻⵏⵏⵉⵡ ⵜⴻⴽⵙⵉⵎ ⵄⴰⵡⴻⴷ ⴰⵔⵔⵎⴻⵃ ⵥⴻⴳ ⵉⵡⴷⴰⵏ ⵏⵡⴻⵎ, ⴰⵎ ⵎⴰⵎⵎⴻⵛ ⵜ ⴽⵙⵉⵏ ⵓⵍⴰ ⴷ ⵏⵉⵜⵏⵉ ⵥⴻⴳ ⵡⵓⴷⴰⵢⴻⵏ, ^■  

15 ⵉⵏⵏⵉ ⵉⵏⵖⵉⵏ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⴷ ⵉⵏⴰⴱⵉⵢⵢⴻⵏ ⵏⵙⴻⵏ ⵓⵛⴰ ⴷⴰⵔⵔⵛⴻⵏ ⵅⴰⵏⴻⵖ. ⴰⵇⴰ ⴰⵜⴻⵏ ⵡⴰⵔ ⴰⵔⴻⵟⵟⵉⵏ ⵛⴰ ⵉ ⴰⵔⴻⴱⴱⵉ ⵓⵛⴰ ⴷⴻⵡⵍⴻⵏ ⴹⵉⴷⴷ ⵏ ⵉⵡⴷⴰⵏ ⵎⴰⵔⵔⴰ. ^■  

16 ⵎⴰⵖⴰⵔ ⵎⴻⵏⵄⴻⵏ ⴰⵏⴻⵖ ⵎⴰⵃⴻⵏⴷ ⴰⴷ ⵏⴻⵙⵙⵉⵡⴻⵍ ⵖⴰⵔ ⵍⴻⴳⵏⵓⵙ, ⵃⵉⵎⴰ ⴰⴷ ⵇⵇⵉⵎⴻⵏ ⴷⴷⴰⵔⴻⵏ ⵎⴰⵃⴻⵏⴷ ⴰⴷ ⵄⴻⵎⵎⴰⵔⴻⵏ ⵍⵎⵉⵥⴰⵏ ⵏ ⴷⴷⵏⵓⴱ ⵏⵙⴻⵏ ⵉ ⵍⴻⴱⴷⴰ. ⵎⴰⵛⴰ ⴰⵖⴹⴰⴱ ⴰⵇⴰ ⵉⵡⴹⴰ-ⴷⴷ ⵅⴰⵙⴻⵏ ⴰⵍ ⴰⵏⴻⴳⴳⴰⵔ. ^■  

17 ⴰ ⴰⵢⵜⵎⴰ, ⴰⵇⴰ ⵏⴻⴷⵡⴻⵍ ⴷ ⵉⵢⵓⵊⵉⵍⴻⵏ ⵏⵡⴻⵎ ⵥⵉ ⵊⵊⵉⵀⴻⵜ ⵏ ⵓⵖⴻⵎⴱⵓⴱ, ⵡⴰⵅⵅⴰ ⵖⴰⵔ ⴷⵔⵓⵙ ⵏ ⵍⵡⴻⵇⵜ ⵡⴰⵀⴰ, ⵎⴰⵛⴰ ⵡⴰⵔ ⵉⴵⵉ ⵥⵉ ⵊⵊⵉⵀⴻⵜ ⵏ ⵡⵓⵍ. ⴰⵇⴰ ⵜⵓⵖⴰ ⵏⴰⵔⴻⵥⵥⵓ ⵙ ⵎⴻⵥⵔⵉ ⴽⵜⴰⵔ ⴰⴷ ⵏⵥⴰⵔ ⴰⵖⴻⵎⴱⵓⴱ ⵏⵡⴻⵎ.

18 ⵜⵓⵖⴰ ⵏⴻⵅⵙ ⴰⴷ ⵖⴰⵔⵡⴻⵎ-ⴷⴷ ⵏⴰⵙ, ⵓ ⵏⴻⵛⵛ ⴱⵓⵍⵓⵙ ⵉⵛⵜ ⵏ ⵜⵡⴰⵍⴰ ⴷ ⵉⵛⵜ ⵏ ⵜⵡⴰⵍⴰ ⵏⵏⴻⵖⵏⵉ, ⵎⴰⵛⴰ ⵛⵛⵉⵟⴰⵏ ⵉⴱⴻⴷⴷ ⴰⵢⵉ ⴷⴻⴳ ⵡⴻⴱⵔⵉⴷ. ^■  

19 ⵎⵉⵏⵥⵉ ⵎⴰⵏ ⵡⴻⵏ ⵉ ⵉⴵⴰⵏ ⴷ ⴰⵙⵉⵜⴻⵎ ⵏⵏⴻⵖ, ⴷ ⵍⴻⴼⵔⴰⵃⴻⵜ ⵏⵏⴻⵖ ⵏⵉⵖ ⴷ ⵜⵜⴰⵊ ⵏ ⵓⵄⵓⴵⵉ ⵏⵏⴻⵖ ⵉⵍⵍⴰ ⴽⴻⵏⵏⵉⵡ ⵡⴰⵀⴰ ⵥⵥⴰⵜ ⵉ ⵙⵉⴷⵉⵜⵏⴻⵖ ⵢⴻⵛⵛⵓ ⵍⵎⴰⵙⵉⵃ ⵅⵎⵉ ⴷⴷ ⵖⴰ ⵢⴰⵙ? ^■   20 ⴰⵇⴰ ⴽⴻⵏⵏⵉⵡ ⴷ ⴰⵄⵓⴵⵉ ⵏⵏⴻⵖ ⴷ ⵍⴻⴼⵔⴰⵃⴻⵜ ⵏⵏⴻⵖ.