1 “ⵉⴼⵔⴰⵢⵉⵎ ⵉⵜⵜⴻⵏⵏⴻⴹ ⴰⵢⵉ ⵙ ⵓⵅⴰⵔⵔⵉⵇ ⵓ ⵜⴰⴷⴷⴰⵔⵜ ⵏ ⵉⵙⵔⴰⵉⵍ ⵙ ⵍⵖⴻⵛⵛ, ⵎⴰⵛⴰ ⵢⴰⵀⵓⴷⴰ ⵉⵜⵜⴻⵜⵍⵉⵄ ⵄⴰⴷ ⴰⴽ-ⴷ ⴰⵔⴻⴱⴱⵉ ⵓ ⴰⴽ-ⴷ ⵓⵎⵇⴻⴷⴷⴰⵙ ⴰⵎⴻⵇⵇⵔⴰⵏ ⴷ ⴰⵎⵜⵉⵇⵇⵉ. 2 ⵉⴼⵔⴰⵢⵉⵎ ⴷ ⵉⵊⵊ ⵏ ⵓⵎⴻⴽⵙⴰ ⵢⵓⵢⵓⵔ ⴰⵡⴰⵔⵏⵉ ⵉ ⵓⵙⴻⵎⵎⵉⴹ. ⴰⵙⵙ ⵎⴰⵔⵔⴰ ⵢⴰⵔⴻⵏⵏⵉ ⵉⵅⴰⵔⵔⵉⵇⴻⵏ ⴷ ⵓⵔⴻⴷⴷⴻⴵ. ⵏⵉⵜⵏⵉ ⵜⵜⴻⴳⴳⴻⵏ ⵉⵊⵊ ⵏ ⵍⵄⴰⵀⴷ ⴰⴽ-ⴷ ⴰⵛⵛⵓⵔ ⵓⵛⴰ ⵜⵜⴰⵡⵢⴻⵏ ⵥⵥⴻⵛⵜ ⵖⴰⵔ ⵎⵉⵚⵔⴰ.

3 ⵙⵉⴷⵉ ⵖⴰⵔⴻⵙ ⵉⵊⵊ ⵏ ⵓⵎⵛⵓⴱⴱⴻⵛ ⴰⴽ-ⴷ ⵢⴰⵀⵓⴷⴰ ⵓ ⵏⴻⵜⵜⴰ ⴰⴷ ⵉⴳⴳ ⵙ ⵢⴰⵄⵇⵓⴱ ⵄⵍⴰⵃⵙⴰⴱ ⵉⴱⵔⵉⴷⴻⵏ ⵏⵏⴻⵙ, ⴰⴷ ⵜ ⵉⵅⴻⴵⴻⵚ ⴰⵎ ⵎⴰⵎⵎⴻⵛ ⵜⵉⵎⴻⴳⴳⴰ ⵏⵏⴻⵙ. 4 ⴷⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰⵙ ⵉⵟⵟⴻⴼ ⵓⵎⴰⵙ ⵖⴰⵔ ⵓⵏⵉⵔⵥ ⵓ ⵍⴰⵎⵉ ⵜⵓⵖⴰ ⴷ ⴰⵔⵢⴰⵥ ⵉⵊⵀⴻⴷ ⵉⵎⵎⵄⴰⵍⴰ ⴰⴽ-ⴷ ⴰⵔⴻⴱⴱⵉ. ^■   5 ⵏⴻⵜⵜⴰ ⵜⵓⵖⴰ ⵉⵎⵏⴻⵖ ⴰⴽ-ⴷ ⵍⵎⴰⵍⴰⴽ ⵓⵛⴰ ⵉⵖⵍⴻⴱ. ⵉⵔⵓ, ⵉⵃⴻⵛⵛⴻⵎ ⵉ-ⵜ. ⵢⵓⴼⴰ ⵉ-ⵜ ⴷⵉ ⴱⴰⵢⵜ-ⵉⵍ ⵓ ⴷⵉⵏⵏⵉ ⵉⵙⵙⵉⵡⴻⵍ ⵏⴻⵜⵜⴰ ⴰⴽⵉⴷⵏⴻⵖ. ^■   6 ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ, ⵙⵉⴷⵉ ⴷ ⵉⵙⴻⵎ ⵏⵏⴻⵙ ⵉ ⵍⵉⴷⴰⵔⴻⵜ. 7 ⴷⵡⴻⵍ ⵖⴰⵔ ⴰⵔⴻⴱⴱⵉ ⵏⵏⴻⴽ, ⵃⴹⴰ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⵍⵃⴻⵇⵇ, ⵓ ⵙⵉⵜⵉⵎ ⵍⴻⴱⴷⴰ ⵉ ⴰⵔⴻⴱⴱⵉ ⵏⵏⴻⴽ.

8 ⴽⴻⵏⵄⴰⵏ ⵖⴰⵔⴻⵙ ⵉⵊⵊ ⵏ ⵍⵎⵉⵥⴰⵏ ⵉⵖⴻⵛⵛ ⴷⴻⴳ ⵓⴼⵓⵙ ⵏⵏⴻⵙ, ⵉⵜⵜⴻⵄⵊⵉⴱ ⴰⵙ ⴰⴷ ⵉⴱⴻⵄⵄⴻⵊ. 9 ⵎⴰⵛⴰ ⵉⴼⵔⴰⵢⵉⵎ ⵉⵇⵇⴰⵔ: ‘ⵏⴻⵛⵛ ⴷⴻⵡⵍⴻⵖ ⴷ ⴱⵓ-ⵡⴰⴳⵍⴰ, ⵢⴰⵔⵡⴻⵖ ⵉⵛⵜ ⵏ ⵍⴻⴽⵙⵉⴱⴻⵜ ⴷ ⵜⴰⵎⴻⵇⵇⵔⴰⵏⵜ ⵉ ⵢⵉⵅⴻⴼ ⵉⵏⵓ. ⴷⵉ ⵎⴰⵔⵔⴰ ⵍⵅⴻⴷⵎⴻⵜ ⵉⵏⵓ ⵡⴰⵔ ⴷⴰⵢⵉ ⵜⵜⵉⴼⴻⵏ ⵛⴰ ⵍⵎⵓⵄⵚⵉⵢⵢⴻⵜ ⵏⵏⵉ ⵉⴵⴰⵏ ⴷ ⴷⴷⴻⵏⴱ.’

10 ⵏⴻⵛⵛ ⴷ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ, ⵥⴻⴳ ⵡⴰⵎⵉ ⵜⴻⴼⴼⵖⴻⵎ ⴽⴻⵏⵏⵉⵡ ⵥⵉ ⵜⴻⵎⵎⵓⵔⵜ ⵏ ⵎⵉⵚⵔⴰ. ⵏⴻⵛⵛ ⴰⴷ ⵛⴻⴽ ⵊⵊⴻⵖ ⴰⴷ ⵜⵥⴻⴷⵖⴻⴷ ⴷⴻⴳ ⵉⵇⵉⴹⴰⵏ ⴰⵎ ⴷⴻⴳ ⵡⵓⵙⵙⴰⵏ ⵏ ⵜⵎⴻⵙⵎⵓⵏⵜ ⴷⵉ ⵍⴻⵅⵍⴰ. ^■  

11 ⵏⴻⵛⵛ ⵙⵙⵉⵡⵍⴻⵖ ⵖⴰⵔ ⵉⵏⴰⴱⵉⵢⵢⴻⵏ ⵓ ⵏⴻⵛⵛ ⴰⴷ ⴰⵔⵏⵉⵖ ⵜⵉⵎⴻⵥⵔⵉⵡⵉⵏ ⴰⵟⵟⴰⵙ ⵓ ⵙ ⵓⴼⵓⵙ ⵏ ⵉⵏⴰⴱⵉⵢⵢⴻⵏ ⴰⴷ ⵡⵛⴻⵖ ⵍⴻⵎⵜⵓⵍ.

12 ⵎⴰⵍⴰ ⵜⵓⵖⴰ ⵊⵉⵍⵄⴰⴷ ⴷ ⵍⵎⵓⵄⵚⵉⵢⵢⴻⵜ, ⵅⴻⵏⵏⵉ ⴷⴻⵡⵍⴻⵏ ⵏⵉⵜⵏⵉ ⵅⵡⴰⵏ ⵇⴰⵄ ⴷⵉ ⵊⵉⵍⵄⴰⴷ. ⴰⵇⴰ ⵇⴻⴷⴷⵎⴻⵏ ⴷⵉⵏ ⵉⴼⵓⵏⴰⵙⴻⵏ. ⵓⵍⴰ ⴷ ⵉⵄⴰⵍⵟⴰⵔⴻⵏ ⵏⵙⴻⵏ ⴷⴻⵡⵍⴻⵏ ⴷ ⵉⵄⵓⵔⵔⵉⵛⴻⵏ ⵏ ⵉⵥⵔⴰ ⴷⵉ ⵍⴻⵅⴹⵓⴹ ⵏ ⵉⵢⵢⴰⵔⴻⵏ. ^■  

13 ⵢⴰⵄⵇⵓⴱ ⵢⴰⵔⵡⴻⵍ ⵖⴰⵔ ⵊⵊⵡⴰⵢⴻⵀ ⵏ ⴰⵔⴰⵎ ⵓ ⵉⵙⵔⴰⵉⵍ ⵜⵓⵖⴰ ⵉⵜⵜⵙⴻⵅⵅⴰⵔ ⵅ ⵢⵉⵛⵜ ⵏ ⵜⴻⵎⵖⴰⵔⵜ ⵓ ⵢⴰⵔⵡⴻⵙ ⵜⴰⵃⵉⵎⴰⵔⵜ ⴷⵉ ⵟⵟⵡⴻⵄ ⵏ ⵢⵉⵛⵜ ⵏ ⵜⴻⵎⵖⴰⵔⵜ. ^■  

14 ⵙ ⵢⵉⵊⵊ ⵏ ⵓⵏⴰⴱⵉ ⵉⵙⵙⴳⴻⵄⵄⴻⴷ ⵙⵉⴷⵉ ⵉⵙⵔⴰⵉⵍ ⵥⵉ ⵎⵉⵚⵔⴰ ⵓ ⵙ ⵢⵉⵊⵊ ⵏ ⵓⵏⴰⴱⵉ ⵢⴰⵔⵡⴻⵙ ⵉ-ⵜ.

15 ⵉⴼⵔⴰⵢⵉⵎ ⵜⵓⵖⴰ ⵉⵙⵄⴰⵔ ⵉ-ⵜ ⴰⵟⵟⴰⵙ. ⵙ ⵓⵢⴻⵏⵏⵉ ⴰⴷ ⵢⴻⵊⵊ ⵙⵉⴷⵉ ⵉⴷⴰⵎⵎⴻⵏ ⵏⵏⴻⵙ ⴰⴷ ⵅⴰⵙ ⴷⴷ-ⴰⵙⴻⵏ ⵓ ⵙⵉⴷⵉ ⵏⵏⴻⵙ ⴰⴷ ⴰⵙ ⵉⵅⴻⴵⴻⵚ ⵍⵃⴻⴳⵔⴰ ⵏⵏⴻⵙ.”