1 ⴰⵡⴰⵍ ⵏ ⵙⵉⴷⵉ ⵉ ⴷⴷ-ⵢⵓⵙⵉⵏ ⵖⴰⵔ ⵢⵓⵡⵉⵍ, ⵎⵎⵉⵙ ⵏ ⴼⴰⵜⵡⵉⵢⵉⵍ. ^□  

2 “ⵙⵍⴻⵎ ⴰⵢⴰ, ⴰ ⵉⵡⴻⵙⵙⵓⵔⴰ, ⵙⵃⴻⵙⵙⴻⵎ, ⵎⴰⵔⵔⴰ ⴽⴻⵏⵏⵉⵡ ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ! ⵎⴰ ⵉⵎⵙⴰⵔ ⵓⵢⴰ ⵄⴻⵎⵎⴰⵔⵚ ⴷⴻⴳ ⵡⵓⵙⵙⴰⵏ ⵏⵡⴻⵎ ⵏⵉⵖ ⴷⴻⴳ ⵡⵓⵙⵙⴰⵏ ⵏ ⵉⴱⴰⴱⴰⵜⴻⵏ ⵏⵡⴻⵎ? ^□   3 ⵃⴰⵊⴰⵎ ⵉⵃⴻⵏⵊⵉⵔⴻⵏ ⵏⵡⴻⵎ ⵅ ⵓⵢⴰ ⵓ ⵊⵊⴻⵎ ⵉⵃⴻⵏⵊⵉⵔⴻⵏ ⵏⵡⴻⵎ ⴰⴷ ⵜ ⵃⴰⵊⴰⵏ ⵉ ⵉⵃⴻⵏⵊⵉⵔⴻⵏ ⵏⵙⴻⵏ ⵓ ⵉⵃⴻⵏⵊⵉⵔⴻⵏ ⵏⵙⴻⵏ ⵉ ⵊⵊⵉⵍ ⵉ ⴷⴷ ⵖⴰ ⵢⴰⵙⴻⵏ. 4 ⵎⵉⵏ ⵉⵊⵊⴰ ⴱⵓ-ⵡⴻⵇⴹⴻⵄ, ⵜⴻⵛⵛⴰ ⵉ-ⵜ ⵜⵎⵓⵔⵖⵉ, ⵎⵉⵏ ⵜⴻⵊⵊⴰ ⵜⵎⵓⵔⵖⵉ, ⵉⵛⵛⴰ ⵉ-ⵜ ⴱⵓ-ⵡⴻⵍⵙⴰⵃ, ⵎⵉⵏ ⵉⵊⵊⴰ ⴱⵓ-ⵡⴻⵍⵙⴰⵃ, ⵉⵛⵛⴰ ⵉ-ⵜ ⴱⵓ-ⵓⵚⴰⵔⴷ.

5 ⴼⴰⵇⴻⵎ, ⴽⴻⵏⵏⵉⵡ ⵉⵙⴽⴰⵔⵊⵉⵢⵢⴻⵏ, ⵙⵖⵓⵢⵢⴻⵎ ⵓ ⵜⵔⵓⵎ, ⵎⴰⵔⵔⴰ ⵉⵏⵏⵉ ⵉⵙⵙⴻⵙⵙⴻⵏ ⴱⵉⵏⵓ, ⵥⵉ ⵙⵙⵉⴱⴱⴻⵜ ⵏ ⴱⵉⵏⵓ ⵥⴻⵎⵎⴻⵏ ⵜ ⵊⴷⵉⴷ, ⵎⴰⵖⴰⵔ ⵉⵜⵜⵡⴰⵇⴹⴻⵄ ⵥⴻⴳ ⵓⵇⴻⵎⵎⵓⵎ ⵏⵡⴻⵎ. 6 ⵎⴰⵖⴰⵔ ⵉⵊⵊ ⵏ ⵍⴳⴻⵏⵙ ⵉⴳⴻⵄⵄⴻⴷ ⴹⵉⴷⴷ ⵉ ⵜⴻⵎⵎⵓⵔⵜ ⵉⵏⵓ. ⵖⴰⵔⴻⵙ ⵜⵉⵥⴻⵎⵎⴰⵔ ⵓ ⵍⵇⴻⴷⴷ ⵏⵏⴻⵙ ⴱⵍⴰ ⵍⴻⵃⵙⴰⴱ. ⵜⵉⵖⵎⴰⵙ ⵏⵏⴻⵙ ⴰⵎ ⵜⴻⵖⵎⴰⵙ ⵏ ⵡⴰⵢⵔⴰⴷⴻⵏ ⵓ ⵜⵉⵖⵎⴰⵙ ⵏ ⵜⴻⵖⵎⴰⵔⵜ ⵏⵏⴻⵙ ⴰⵎ ⵜⵉⵏⵏⵉ ⵏ ⵜⴻⵢⵔⴰⴷⵜ. 7 ⴰⵇⴰ ⵢⴰⵔⴻⴷⴷⴻⴵ ⵜⴰⵥⴰⵢⴰⵔⵜ ⵉⵏⵓ ⵓ ⵢⴰⵔⵥⴰ ⵡⴰⵔⵜⵓ ⵉⵏⵓ, ⵢⴰⵔⵔⴰ ⵉ-ⵜ ⵇⴰⵄ ⴷ ⴰⵇⴻⵛⵛⴰⵔ ⵓⵛⴰ ⵉⵏⴹⴰⵔ ⵉ-ⵜ, ⵜⵉⵙⴻⴹⵡⵉⵏ ⵏⵏⴻⵙ ⴷⴻⵡⵍⴻⵏⵜ ⴷ ⵜⵉⵛⴻⵎⵍⴰⵍⵉⵏ. 8 ⵛⴻⵜⵛⴰⵜ ⴰⵎ ⵉⵛⵜ ⵏ ⵜⴻⵄⵥⴰⵔⴻⵛⵜ ⵜⴻⵏⵏⵉ ⵉⴱⴻⴽⴽⵙⴻⵏ ⵙ ⵉⵛⵜ ⵏ ⵜⵅⴰⵏⵛⴻⵜ ⵏ ⵡⴻⵛⴹⴰⵏ ⵅ ⵡⴻⵔⵢⴰⵥ ⵏ ⵜⴻⵎⵥⵉ ⵏⵏⴻⵙ. 9 ⵜⴻⵜⵜⵡⴰⵇⴹⴻⵄ ⵜⴻⵡⵀⵉⴱⵜ ⵏ ⵍⵖⵉⴵⴻⵜ ⴷ ⵜⴻⵡⵀⵉⴱⵜ ⵏ ⵓⵙⴻⵢⵢⴻⴱ ⵥⵉ ⵜⴰⴷⴷⴰⵔⵜ ⵏ ⵙⵉⴷⵉ. ⵉⴽⴻⵀⵀⴰⵏⴻⵏ, ⵉⵎⵙⴻⵅⵅⴰⵔⴻⵏ ⵏ ⵙⵉⴷⵉ, ⵛⴻⵟⵟⴻⵏ.

10 ⴰⵇⴰ ⵉⵜⵜⵡⴰⵔⴻⴷⴷⴻⴵ ⵢⵉⵢⵢⴰⵔ, ⵜⴻⵛⴹⴻⵏ ⵜⴻⵎⵎⵓⵔⵜ, ⵎⵉⵏⵥⵉ ⵉⵎⴻⵏⴷⵉ ⵉⴹⴻⵢⵢⴻⵄ, ⵢⵓⵥⴻⵖ ⴱⵉⵏⵓ ⵏ ⵊⴷⵉⴷ, ⵜⴻⵊⵎⴻⴷ ⵥⵥⴻⵛⵜ.

11 ⵉⴼⴻⴵⴰⵃⴻⵏ ⵜⵜⵙⴻⴹⵃⴰⵏ, ⴰⵢⵜ ⵏ ⵜⵥⴰⵢⴰⵔⵜ ⵙⵖⵓⵢⵢⵓⵏ ⵅ ⵢⵉⵔⴷⴻⵏ ⴷ ⵉⵎⴻⵏⴷⵉ, ⵎⴰⵖⴰⵔ ⵚⵚⴰⴱⴻⵜ ⵏ ⵢⵉⵢⵢⴰⵔ ⵜⵡⴻⴷⴷⴰⵔ.

12 ⵜⴰⵥⴰⵢⴰⵔⵜ ⵜⵓⵥⴻⵖ, ⴰⵔⵜⵓ ⵏ ⵜⴰⵥⴰⵔⵜ ⵉⵙⵍⴰⵡ, ⵜⴰⵛⴻⵊⵊⴰⵔⵜ ⵏ ⴰⵔⴻⵎⵎⴰⵏ, ⵓⵍⴰ ⴷ ⵜⵉⵏⵉ ⴷ ⵜⵛⴻⵊⵊⴰⵔⵜ ⵏ ⵜⵜⴻⴼⴼⴰⵃⵜ, ⵡⴰⵀ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵢⵉⵢⵢⴰⵔ ⵙⵍⴰⵡⴻⵏⵜ, ⵄⴰⴷ ⵍⴻⴼⵔⴰⵃⴻⵜ ⵏ ⵜⴰⵔⵡⴰ ⵏ ⴱⵏⴰⴷⴻⵎ ⵜⵔⵓⵃ.

13 ⴱⴻⵢⵙⴻⵎ ⵉⵅⴻⴼ ⵏⵡⴻⵎ ⵓ ⵡⵜⴻⵎ ⴰⴳⴻⵊⴷⵓⵔ, ⴽⴻⵏⵏⵉⵡ ⵉⴽⴻⵀⵀⴰⵏⴻⵏ! ⵙⵢⵓⵢⵢⴻⵎ ⴽⴻⵏⵏⵉⵡ ⵉⵎⵙⴻⵅⵅⴰⵔⴻⵏ ⵏ ⵓⵄⴰⵍⵟⴰⵔ, ⴰⵙⴻⵎ-ⴷⴷ ⵓ ⵜⴻⵙⵙⴻⵏⵙⴻⵎ ⴷⵉ ⵜⵅⵓⵏⵛⴰⵢ, ⴽⴻⵏⵏⵉⵡ ⵉⵎⵙⴻⵅⵅⴰⵔⴻⵏ ⵏ ⴰⵔⴻⴱⴱⵉ, ⵎⴰⵖⴰⵔ ⵜⴰⵡⵀⵉⴱⵜ ⵏ ⵍⵖⵉⴵⴻⵜ ⴷ ⵜⴻⵡⵀⵉⴱⵜ ⵏ ⵓⵙⴻⵢⵢⴻⴱ ⵜⵜⵡⴰⴽⴽⵙⴻⵏⵜ ⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⵏⵡⴻⵎ.

14 ⵄⴻⵍⵎⴻⵎ ⵉ ⵢⵉⵊⵊ ⵏ ⵓⵥⵓⵎⵎⵉ ⵉⵇⴻⴷⴷⴻⵙ, ⴱⴰⵔⵔⵃⴻⵎ ⵙ ⵢⵉⵊⵊ ⵏ ⵓⵎⵓⵏⵉ ⵉⴼⴰⵔⵥⴻⵏ, ⵙⵎⵓⵏⴻⵎ ⵉⵎⵖⴰⵔⴻⵏ ⴷ ⵎⴰⵔⵔⴰ ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ, ⵓ ⵍⴰⵖⴰⵎ ⵖⴰⵔ ⵙⵉⴷⵉ. ^■  

15 ⵡⵉⵀ, ⴰⵙⵙ ⵏⵏⵉ! ⵎⵉⵏⵥⵉ ⵢⵓⴷⴻⵙ-ⴷⴷ ⵡⴰⵙⵙ ⵏ ⵙⵉⴷⵉ ⵓ ⴰⴷ ⴷⴷ-ⵢⴰⵙ ⴰⵙⵙ ⵏⵏⵉ ⴰⵎⴻⵛⵏⴰⵡ ⵉⵊⵊ ⵏ ⵓⵔⴻⴷⴷⴻⴵ ⵏ ⵓⵥⴻⵎⵎⴰⵔ ⵅ ⴽⵓⵍⵛⵉ. ^■  

16 ⵎⴰ ⵡⴰⵔ ⴷ ⴰⵏⴻⵖ ⵜᵉⵜⵜⵡⴰⴽⴽⴻⵙ ⵎⴰⵛⵛⴰ ⵊⴰⵔ ⵜⵉⵟⵟⴰⵡⵉⵏ ⵏⵏⴻⵖ? ⵓⵍⴰ ⴷ ⵍⴻⴼⵔⴰⵃⴻⵜ ⴷ ⴰⵔⵛⵓⵇ ⵥⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⵏⵏⴻⵖ.

17 ⵉⵄⴻⵇⵇⴰⵢⴻⵏ ⵏ ⵥⵥⴰⵔⵉⵄⴻⵜ ⵓⵥⵖⴻⵏ ⵙⴰⴷⵓ ⵉⴱⵓⵔⵙⴰ, ⵉⵅⵅⴰⵎⴻⵏ ⵏ ⵍⴻⵅⵥⴻⵏ ⵜⵜⵡⴰⵔⴻⴷⴷⴵⴻⵏ, ⵍⴻⵀⵔⵉⵜ ⵀⴻⴷⵎⴻⵏ, ⵎⵉⵏⵥⵉ ⵉⵎⴻⵏⴷⵉ ⵉⵏⵥⴻⵖ.

18 ⵎⴰⵎⵎⴻⵛ ⵉⵙⵙⵎⵓⵀⵔⵓⵜ ⵍⵎⴰⵔ! ⵜⵉⵃⵉⵎⵔⵉⵡⵉⵏ ⵏ ⵉⴼⵓⵏⴰⵙⴻⵏ ⴷ ⵜⴼⵓⵏⴰⵙⵉⵏ ⵇⵇⵉⵎⴻⵏⵜ ⵃⴰⵢⴰⵔ, ⵎⴰⵖⴰⵔ ⵡⴰⵔ ⵖⴰⵔⵙⴻⵏⵜ ⴱⵓ ⵀⴻⴷⴷⵓ! ⵓⵍⴰ ⴷ ⵜⵉⵃⵉⵎⵔⵉⵡⵉⵏ ⵏ ⵡⵓⴵⵉ ⴼⵏⴰⵏⵜ.

19 ⵖⴰⵔⴻⴽ ⵉ ⵜⵜⵍⴰⵖⵉⵖ ⵏⴻⵛⵛ, ⴰ ⵙⵉⴷⵉ, ⵎⵉⵏⵥⵉ ⵜⵉⵎⴻⵙⵙⵉ ⵜⴻⵛⵛⴰ ⴷⴷⵎⴰⵏⵉ ⵏ ⵍⴻⵅⵍⴰ ⵓ ⵢⵉⵊⵊ ⵏ ⵓⵛⴻⵄⵄⴰⵍ ⴰⵇⴰ ⵉⵙⵙⴻⵛⵎⴻⴹ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵢⵉⵢⵢⴰⵔ. 20 ⵓⵔⴰ ⴷ ⵍⵎⴰⵍ ⴷⴻⴳ ⵉⵢⵢⴰⵔ ⵙⴻⴽⴽⵯⴹⴻⵏ-ⴷⴷ ⵖⴰⵔⴻⴽ, ⵎⵉⵏⵥⵉ ⵜⵖⴻⵥⵔⴰⵜⵉⵏ ⵓⵥⵖⴻⵏⵜ ⵓ ⵜⵉⵎⴻⵙⵙⵉ ⵜⴻⵛⵛⴰ ⴷⴷⵎⴰⵏⵉ ⵏ ⵍⴻⵅⵍⴰ.”