1 “ⵙⴰⵎⴰⵔⵢⴰ ⴰⴷ ⵜᵉⵟⵟⴻⴼ ⴰⵅⴻⴵⴻⵚ, ⵎⵉⵏⵥⵉ ⵜⵖⴻⵡⵡⴻⵖ ⵅ ⴰⵔⴻⴱⴱⵉ ⵏⵏⴻⵙ. ⴰⴷ ⵡⴹⴰⵏ ⵙ ⵙⵙⵉⴼ. ⵉⵃⴻⵏⵊⵉⵔⴻⵏ ⵉⵎⴻⵥⵢⴰⵏⴻⵏ ⵏⵙⴻⵏ ⴰⴷ ⵜⵜⵡⴰⵍⴻⴱⵥⴻⵏ ⵓ ⵜⵉⵎⵖⴰⵔⵉⵏ ⵏⵙⴻⵏ ⵙ ⴷⴷⴻⵢⵙⴻⵜ ⴰⴷ ⵜⵜⵡⴰⵛⴰⵔⵔⴳⴻⵏⵜ.” ^■  

2 ⴰ ⵉⵙⵔⴰⵉⵍ, ⴷⵡⴻⵍ-ⴷⴷ ⵖⴰⵔ ⵙⵉⴷⵉ, ⴰⵔⴻⴱⴱⵉ ⵏⵏⴻⴽ, ⵎⴰⵖⴰⵔ ⵜⴻⵏⴷⴻⵔⴼⴻⴷ ⵙ ⵍⵎⵓⵄⵚⵉⵢⵢⴻⵜ ⵏⵏⴻⴽ. ^■   3 ⴽⵙⵉⵎ ⴰⵡⴰⵍⴻⵏ-ⴰ ⴰⴽⵉⴷⵡⴻⵎ ⵓ ⴷⴻⵡⵍⴻⵎ-ⴷⴷ ⵖⴰⵔ ⵙⵉⴷⵉ. ⵉⵏⵉⵎ ⴰⵙ: ⴽⵙⵉ ⵅⴰⵏⴻⵖ ⵍⵎⵓⵄⵚⵉⵢⵢⴻⵜ ⵎⴰⵔⵔⴰ ⵓ ⵇⴱⴻⵍ ⵥⵥⴰⵢⵏⴻⵖ ⵎⵉⵏ ⵉⵛⵏⴰⵏ, ⵅⴻⵏⵏⵉ ⴰⴷ ⵏⴰⵡⵉ ⵙ ⵜⵉⴷⴻⵜⵜ ⵉⵢⴻⵏⴷⵓⵥⴻⵏ ⵉⵎⴻⵥⵢⴰⵏⴻⵏ ⵏ ⵍⵡⵓⵄⵓⴷ ⵏ ⵉⵢⴻⵏⵛⵉⵛⴻⵏ ⵏⵏⴻⵖ. 4 ⴰⵛⵛⵓⵔ ⵡⴰⵔ ⴷ ⴰⵏⴻⵖ ⵉⵙⵙⴻⵏⵊⴰⵎ, ⵡⴰⵔ ⵏⴻⴳⴳⵓⵔ ⵅ ⵢⴻⵢⵙⴰⵏ ⵓ ⵡⴰⵔ ⵏⴻⵇⵇⴰⵔ ⵉ ⵜⵎⴻⴳⴳⴰ ⵏ ⵉⴼⴰⵙⵙⴻⵏ ⵏⵏⴻⵖ: ‘ⴰⵔⴻⴱⴱⵉ ⵏⵏⴻⵖ’, ⵎⴰⵖⴰⵔ ⵥⵥⴰⵢⴻⴽ ⵉ ⵖⴰ ⵉⵜⵜⵡⴰⵔⵃⴻⵎ ⵓⵢⵓⵊⵉⵍ.

5 ⵏⴻⵛⵛ ⴰⴷ ⵜⴻⵏ ⵙⵙⴳⴻⵏⴼⵉⵖ ⵥⵉ ⵜⵖⴻⵏⵏⴰⵏⵜ ⵏⵙⴻⵏ, ⴰⴷ ⵜⴻⵏ ⵜⵜⴻⵅⵙⴻⵖ ⵙ ⵍⵅⴰⴹⴰⵔ, ⵎⴰⵖⴰⵔ ⴰⵖⴹⴰⴱ ⵉⵏⵓ ⵉⵃⴻⵢⵢⴻⴷ ⵅⴰⵙ. 6 ⵏⴻⵛⵛ ⴰⴷ ⵉⵍⵉⵖ ⵉ ⵉⵙⵔⴰⵉⵍ ⴰⵎ ⵏⵏⴷⴰ. ⵏⴻⵜⵜⴰ ⴰⴷ ⵉⵏⵓⵡⵡⴰⵔ ⴰⵎ ⵜⵏⴻⵡⵡⴰⵛⵜ ⵏ ⵜⴻⵍⵍⵉⵍⵉⵛⵜ, ⴰⴷ ⵉⵡⵡⴻⵜ ⵉⵙⵔⴰⵉⵍ ⵉⵥⴻⵡⵔⴰⵏ ⵏⵏⴻⵙ ⴰⵎ ⵉⴷⵓⵔⴰⵔ ⵏ ⵍⵓⴱⵏⴰⵏ. ^□   7 ⵍⴻⴼⵔⵓⵄ ⵏⵏⴻⵙ ⴰⴷ ⵥⵥⵓⴳⴳⴰⵔⵜⴻⵏ ⵓ ⴰⵡⴻⵇⵇⴰⵔ ⵏⵏⴻⵙ ⴰⴷ ⵢⵉⵍⵉ ⴰⵎ ⵓⵥⴻⵎⵎⵓⵔ ⵓ ⵍⴻⴼⵡⴰⵃ ⵏⵏⴻⵙ ⴰⵎ ⵍⴻⴼⵡⴰⵃ ⵏ ⵜⵛⴻⵊⵊⵓⵔⴰ ⵅ ⵉⴷⵓⵔⴰⵔ ⵏ ⵍⵓⴱⵏⴰⵏ. 8 ⵏⵉⵜⵏⵉ ⴰⴷ ⴷⴷ-ⴷⴻⵡⵍⴻⵏ, ⴰⴷ ⵇⵇⵉⵎⴻⵏ ⴷⵉ ⵜⵉⵍⵉ ⵏⵏⴻⵙ, ⴰⴷ ⵙⵙⴻⴷⴷⴰⵔⴻⵏ ⵉⵎⴻⵏⴷⵉ, ⴰⴷ ⵏⴻⵡⵡⴰⵔⴻⵏ ⴰⵎ ⵜⵥⴰⵢⴰⵔⵜ. ⵍⵉⴷⴰⵔⴻⵜ ⵏⵏⴻⵙ ⴰⴷ ⵜⵉⵍⵉ ⴰⵅⵎⵉ ⴱⵉⵏⵓ ⵏ ⵍⵓⴱⵏⴰⵏ. 9 ⴰ ⵉⴼⵔⴰⵢⵉⵎ, ⵎⵉⵏ ⵖⴰⵔⵉ ⵄⴰⴷ ⴰⴽ-ⴷ ⵍⴻⵅⵢⴰⵍⴰⵜ ⵏ ⵚⵚⴰⵏⴰⵎ? ⵏⴻⵛⵛ ⵙⵍⵉⵖ ⴰⵙ ⵓ ⴰⴷ ⵅⴰⵙ ⵙⵙⵉⵊⵊⴻⵖ. ⴰⴷ ⵉⵍⵉⵖ ⴰⵎ ⵉⵛⵜ ⵏ ⵜⵛⴻⵊⵊⴰⵔⵜ ⵏ ⵓⵎⴻⵔⵥⵉ ⴰⵥⵉⵥⴰ, ⵥⵥⴰⵢⵉ ⵉ ⵜᵉⵜⵜⵡⴰⴼ ⵍⵖⵉⴵⴻⵜ ⵏⵏⴻⴽ. ^□  

10 ⵎⴰⵏ ⵡⴻⵏ ⵉⴵⴰⵏ ⴷ ⴰⵎⵉⵖⵉⵙ ⵓ ⴷ ⴰⴼⴻⵀⵀⴰⵎ ⴷⵉ ⵜⵎⴻⵙⵍⴰⵢⵉⵏ-ⴰ, ⵎⴰⵏ ⵡⴻⵏ ⵉ ⵖⴰⵔ ⵜⴻⴵⴰ ⵍⴻⴼⵀⴰⵎⴻⵜ ⵓ ⵎⴰⵏ ⵡⴻⵏ ⵉ ⵜⴻⵏⵜ ⵉⵙⵙⵏⴻⵏ? ⵡⴰⵀ, ⵉⴱⵔⵉⴷⴻⵏ ⵏ ⵙⵉⴷⵉ ⵏⵉⵛⴰⵏ ⵉ ⵢⴻⴵⴰⵏ ⵓ ⵉⵎⵙⴻⴳⴳⴰⴷⴻⵏ ⴰⴷ ⴷⴰⵢⵙⴻⵏ ⵓⵢⵓⵔⴻⵏ, ⵎⴰⵛⴰ ⵉⵏⵏⵉ ⵉⵄⴻⴷⴷⴰⵏ ⴰⴷ ⴷⴰⵢⵙⴻⵏ ⵏⵏⴷⴻⵔⴼⴻⵏ.