1 ⴰⵡⴰⵍ ⵏ ⵙⵉⴷⵉ ⵉ ⴷⴷ-ⵢⵓⵙⵉⵏ ⵖⴰⵔ ⵃⵓⵛⵉⵄⴰ, ⵎⵎⵉⵙ ⵏ ⴱⵉⵔⵉ, ⴷⴻⴳ ⵡⵓⵙⵙⴰⵏ ⵏ ⵄⵓⵥⵥⵉⵢⴰ, ⵢⵓⵜⴰⵎ, ⴰⵃⴰⵥ ⴷ ⵃⵉⵥⵇⵉⵢⴰ, ⵉⵊⴻⴵⵉⴷⴻⵏ ⵏ ⵢⴰⵀⵓⴷⴰ, ⵓ ⴷⴻⴳ ⵡⵓⵙⵙⴰⵏ ⵏ ⵢⴰⵔⵓⴱⵄⴰⵎ, ⵎⵎⵉⵙ ⵏ ⵢⵓⵡⴰⵛ, ⴰⵊⴻⴵⵉⴷ ⵏ ⵉⵙⵔⴰⵉⵍ. ^□  

2 ⴰⴱⴻⴷⴷⵓ ⵏ ⵡⴰⵡⴰⵍ ⵏ ⵙⵉⴷⵉ ⵙ ⵀⵓⵛⵉⵄⴰ.

ⵙⵉⴷⵉ ⵉⵏⵏⴰ ⵉ ⵀⵓⵛⵉⵄⴰ: “ⵔⵓⵃ, ⴰⵡⵉ ⵉⵛⵜ ⵏ ⵜⴻⵎⵖⴰⵔⵜ ⵏ ⴼⴰⵔⵇ-ⵛⵛⵖⴻⵍ ⵓⵍⴰ ⴷ ⵜⴰⵔⵡⴰ ⵏ ⴼⴰⵔⵇ-ⵛⵛⵖⴻⵍ, ⵎⴰⵖⴰⵔ ⵙ ⴼⴰⵔⵇ-ⵛⵛⵖⴻⵍ ⵏⵏⴻⵙ ⵜⴻⵥⵏⴰ ⵜⴻⵎⵎⵓⵔⵜ ⵜⴻⴼⴼⴻⵖ ⵥⴻⴳ ⴰⵡⴰⵔⵏⵉ ⵉ ⵙⵉⴷⵉ.”

3 ⵓⵛⴰ ⵢⵓⵢⵓⵔ ⵏⴻⵜⵜⴰ, ⵢⵉⵡⵉ ⵊⵓⵎⴰⵔ, ⵢⴻⴵⵉⵙ ⵏ ⴷⵉⴱⵍⴰⵢⵉⵎ ⵓ ⵏⴻⵜⵜⴰⵜ ⵜⴻⴽⵙⵉ ⵙ ⴷⴷⴻⵢⵙⴻⵜ, ⵜⵓⵔⵓⵡ ⴰⵙ-ⴷⴷ ⵉⵊⵊ ⵏ ⵎⵎⵉⵙ. ^□   4 ⵅⴻⵏⵏⵉ ⵉⵏⵏⴰ ⴰⵙ ⵙⵉⴷⵉ: “ⵍⴰⵖⴰ ⴰⵙ ⵙ ⵢⵉⵙⴻⵎ ⵏ ‘ⵢⴰⵥⵔⴰⵄⵉⵍ’, ⵎⴰⵖⴰⵔ ⵛⵡⴰⵢⵜ ⵏ ⵍⵡⴻⵇⵜ ⵡⴰⵀⴰ ⵓ ⵅⴻⵏⵏⵉ ⵏⴻⵛⵛ ⴰⴷ ⵅⴻⴵⵚⴻⵖ ⵉⴷⴰⵎⵎⴻⵏ ⵏ ⵢⴰⵥⵔⴰⵄⵉⵍ ⵅ ⵜⴰⴷⴷⴰⵔⵜ ⵏ ⵢⴰⵀⵓ ⵓ ⵏⴻⵛⵛ ⴰⴷ ⵇⴹⵉⵖ ⵅ ⵜⴳⴻⵍⴷⴰ ⵏ ⵜⴰⴷⴷⴰⵔⵜ ⵏ ⵉⵙⵔⴰⵉⵍ. ^□   5 ⴷⴻⴳ ⵡⴰⵙⵙ ⵏⵏⵉ ⴰⴷ ⵢⵉⵍⵉ, ⴰⵇⴰ ⵏⴻⵛⵛ ⴰⴷ ⴰⵔⵥⴻⵖ ⵍⵇⴻⵡⵙ ⵏ ⵉⵙⵔⴰⵉⵍ ⴷⵉ ⵍⴻⵡⴹⴰ ⵏ ⵜⴻⵖⵥⵓⵔⵜ ⵏ ⵢⴰⵥⵔⴰⵄⵉⵍ.” ^□  

6 ⵓⵛⴰ ⵜⴻⴽⵙⵉ ⵏⴻⵜⵜⴰⵜ ⵄⴰⵡⴻⴷ ⵙ ⴷⴷⴻⵢⵙⴻⵜ ⵓⵛⴰ ⵜⵓⵔⵓⵡ-ⴷⴷ ⵢⴻⴵⵉⵙ ⵓⵛⴰ ⵏⴻⵜⵜⴰ ⵉⵏⵏⴰ ⴰⵙ: “ⵍⴰⵖⴰ ⴰⵙ ⵙ ⵢⵉⵙⴻⵎ ⵏ ⵍⵓ-ⵔⵓⵃⴰⵎⴰ, ⵎⴰⵖⴰⵔ ⵡⴰⵔ ⴰⵔⵔⴻⵃⵃⵎⴻⵖ ⵄⴰⴷ ⵅ ⵜⴰⴷⴷⴰⵔⵜ ⵏ ⵉⵙⵔⴰⵉⵍ, ⵡⴰⵔ ⵜⵜⵖⵉⵎⵉⵖ ⵙⴻⵎⵎⵃⴻⵖ ⴰⵙⴻⵏ. ^□   7 ⵎⴰⵛⴰ ⴰⴷ ⴰⵔⵔⴻⵃⵎⴻⵖ ⵅ ⵜⴰⴷⴷⴰⵔⵜ ⵏ ⵢⴰⵀⵓⴷⴰ ⵓ ⵏⴻⵛⵛ ⴰⴷ ⵜⴻⵏ ⵙⵙⵏⴻⵊⵎⴻⵖ ⵙ ⵓⴼⵓⵙ ⵏ ⵙⵉⴷⵉ, ⴰⵔⴻⴱⴱⵉ ⵏⵙⴻⵏ! ⵏⴻⵛⵛ ⵡⴰⵔ ⵜⴻⵏ ⵙⵙⴻⵏⵊⵎⴻⵖ ⵙ ⵍⵇⴻⵡⵙ ⵏⵉⵖ ⵙ ⵙⵙⵉⴼ ⵏⵉⵖ ⵙ ⵉⵢⵙⴰⵏ ⵓⵍⴰ ⵙ ⵉⵎⵏⴰⵢⴻⵏ.”

8 ⴰⵍⴰⵎⵉ ⵜⴻⴽⴽⴻⵙ ⵓⵟⵟⵓⴹ ⵉ ⵍⵓ-ⵔⵓⵃⴰⵎⴰ, ⵜⴻⴽⵙⵉ ⵄⴰⵡⴻⴷ ⵙ ⴷⴷⴻⵢⵙⴻⵜ ⵓ ⵜⵓⵔⵓⵡ-ⴷⴷ ⵉⵊⵊ ⵏ ⵎⵎⵉⵙ. 9 ⵓ ⵏⴻⵜⵜⴰ ⵉⵏⵏⴰ: “ⵍⴰⵖⴰ ⴰⵙ ⵙ ⵢⵉⵙⴻⵎ ⵏ ⵍⵓ-ⵄⴰⵎⵎⵉ, ⵎⴰⵖⴰⵔ ⴽⴻⵏⵏⵉⵡ ⵡⴰⵔ ⵜⴻⴵⵉⵎ ⵄⴰⴷ ⴷ ⵍⴳⴻⵏⵙ ⵉⵏⵓ ⵓ ⵏⴻⵛⵛ ⵡⴰⵔ ⴵⵉⵖ ⵄⴰⴷ ⴷⴰ ⵉ ⴽⴻⵏⵏⵉⵡ.” ^□