1 “ⴰⵙⴻⵎ-ⴷⴷ, ⴰⴷ ⴷⴷ-ⵏⴻⴷⵡⴻⵍ ⵖⴰⵔ ⵙⵉⴷⵉ, ⵎⴰⵖⴰⵔ ⵏⴻⵜⵜⴰ ⵉⵇⴻⵥⵥⴰⵔ ⵓ ⵍⴻⵅⵅⵓ ⴰⴷ ⴰⵏⴻⵖ ⵉⵙⵙⴳⴻⵏⴼⴰ, ⵏⴻⵜⵜⴰ ⵉⵡⵜⴰ ⵓ ⵍⴻⵅⵅⵓ ⴰⴷ ⴰⵏⴻⵖ ⵉⵊⴱⴰⵔ. 2 ⴰⵡⴰⵔⵏⵉ ⵉ ⵜⵏⴰⵢⴻⵏ ⵏ ⵡⵓⵙⵙⴰⵏ ⴰⴷ ⴰⵏⴻⵖ ⵉⵙⵙⴻⴷⴷⴰⵔ, ⴷⴻⴳ ⵡⴰⵙⵙ ⵡⵉⵙⵙ ⵜⵍⴰⵜⴰ ⴰⴷ ⴰⵏⴻⵖ ⵉⵙⵙⵏⴻⴽⴽⴰⵔ ⵓ ⵏⴻⵛⵛⵉⵏ ⴰⴷ ⵏⴻⴷⴷⴰⵔ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ. 3 ⵅⴻⵏⵏⵉ ⴰⴷ ⵏⴻⵙⵙⴻⵏ, ⴰⴷ ⵏⴻⴹⴼⴰⵔ ⵎⴰⵃⴻⵏⴷ ⴰⴷ ⵏⴻⵙⵙⴻⵏ ⵙⵉⴷⵉ. ⵓⴼⵓⵖ ⵏⵏⴻⵙ ⵉⵎⵜⴻⵏ ⴰⵎ ⵜⵓⴼⴼⵓⵜ ⵏ ⵍⴻⴼⵊⴰⵔ. ⴰⴷ ⵖⴰⵔⵏⴻⵖ ⴷⴷ-ⵢⴰⵙ ⴰⵎ ⵡⴻⵏⵥⴰⵔ, ⴰⵎ ⵡⴻⵏⵥⴰⵔ ⵏ ⴰⵔⵔⴱⵉⵄ ⵏⵏⵉ ⵉⵙⵙⴰⵔⴹⴰⴱⴻⵏ ⵜⴰⵎⵎⵓⵔⵜ.”

4 ⵎⵉⵏ ⴰⴽⵉⴷⴻⴽ ⵖⴰ ⴳⴳⴻⵖ, ⴰ ⵉⴼⵔⴰⵢⵉⵎ, ⵎⵉⵏ ⴰⴽⵉⴷⴻⴽ ⵖⴰ ⴳⴳⴻⵖ, ⴰ ⵢⴰⵀⵓⴷⴰ. ⵜⴰⵎⴻⵅⵙⵉⵡⵜ ⵏⵡⴻⵎ ⵉⵛⴻⵡⵡⴰⵔⴻⵏ ⵜᵉⵜⵜⴻⴳⴳ ⴰⵎⴻⵛⵏⴰⵡ ⴰⵙⴻⵢⵏⵓ ⵖⴰⵔ ⵜⴻⴼⴼⵓⵜ ⵓ ⴰⵎⴻⵛⵏⴰⵡ ⵏⵏⴷⴰ ⵉⴳⴻⵄⵄⴷⴻⵏ ⵓⵛⴰ ⵅⴻⵏⵏⵉ ⵉⵇⴻⵟⵟⴰ. 5 ⵙ ⵓⵢⴻⵏⵏⵉ ⵏⴻⵛⵛ ⵇⴻⵙⵙⴻⵖ ⵜⴻⵏ ⵙ ⵜⵎⵉⵊⵊⴰ ⵏ ⵉⵏⴰⴱⵉⵢⵢⴻⵏ ⴰⵎ ⵙ ⵉⵊⵊ ⵏ ⵓⵢⴻⵍⵥⵉⵎ. ⵏⴻⵛⵛ ⵏⵖⵉⵖ ⵜⴻⵏ ⵙ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ. ⵍⵃⵓⴽⴻⵎ ⵅⴰⴽ ⴰⵎⴻⵛⵏⴰⵡ ⵜⴼⴰⵡⵜ ⵉⵏⵏⵓⴼⵙⵍⴻⵏ. 6 ⵎⵉⵏⵥⵉ ⵜⵜⴻⵅⵙⴻⵖ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ, ⵡⴰⵔ ⵉⴵⵉ ⵜⴰⵖⴰⵔⵚⵜ, ⵓ ⵜⵓⵙⵙⵏⴰ ⵏ ⵙⵉⴷⵉ ⵜⵜⴻⵅⵙⴻⵖ ⵜⵜ ⵅ ⵜⵖⴰⵔⵚⴰ ⵏ ⵡⴻⵛⵎⴰⴹ.” ^■  

7 “ⵏⵉⵜⵏⵉ ⵄⴻⴷⴷⴰⵏ ⵅ ⵍⵄⴰⵀⴷ ⴰⵎ ⴰⴷⴰⵎ, ⴷⵉⵏⵏⵉ ⵉ ⴷ ⴰⵢⵉ ⵖⴷⴰⵔⴻⵏ. ^■   8 ⵊⵉⵍⵄⴰⴷ ⴷ ⵉⵛⵜ ⵏ ⵜⴻⵏⴷⵉⵏⵜ ⵏ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ, ⵜⴻⵛⵛⵓⵔ ⵙ ⵉⴷⴰⵎⵎⴻⵏ. 9 ⴰⵎ ⵢⵉⵊⵊ ⵏ ⴱⴰⵏⴷⵉⵢⵢⴰ ⵏ ⵉⵅⴻⵡⵡⴰⵏⴻⵏ ⵏⵏⵉ ⵉⵜⵜⵔⴰⵊⴰⵏ ⵛⴰ ⵏ ⵢⵉⵊⵊⴻⵏ, ⴰⵎⵎⵓ ⵉ ⵜⴻⴵⴰ ⵜⴻⵔⴼⵉⵇⵜ ⵏ ⵉⴽⴻⵀⵀⴰⵏⴻⵏ. ⵏⵉⵜⵏⵉ ⵏⴻⵇⵇⴻⵏ ⴷⴻⴳ ⵡⴻⴱⵔⵉⴷ ⵉ ⴷⴷ ⵉⵜⵜⴰⵡⵢⴻⵏ ⵖⴰⵔ ⵛⴰⴽⵉⵎ, ⵎⴰⵖⴰⵔ ⵏⵉⵜⵏⵉ ⵜⵜⴻⴳⴳⴻⵏ ⵍⴻⴼⴹⴰⵢⴻⵃ ⵡⴰⵀⴰ.

10 ⵏⴻⵛⵛ ⵜⵜⵡⴰⵍⵉⵖ ⵎⵉⵏ ⵉⵙⵙⵏⴻⵅⵍⴰⵄⴻⵏ ⴷⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ, ⵅⵥⴰⵔ, ⴼⴰⵔⵇ-ⵛⵛⵖⴻⵍ ⵏ ⵉⴼⵔⴰⵢⵉⵎ, ⵉⵙⵔⴰⵉⵍ ⵜⴻⵙⵙⴻⵅⵎⴻⵊ ⵉⵅⴻⴼ ⵏⵏⴻⵙ.

11 ⵓⵍⴰ ⵉ ⵛⴻⴽ, ⵢⴰⵀⵓⴷⴰ, ⴰⵇⴰ ⵜⴻⵎⵎⴰⵔⵙ ⵉⵛⵜ ⵏ ⵚⵚⴰⴱⴻⵜ ⵅⵎⵉ ⵉ ⴷⴷ ⵖⴰ ⵙⵙⵄⴻⵇⴱⴻⵖ ⵉⵎⴻⵃⴱⴰⵙ ⵏ ⵍⴳⴻⵏⵙ ⵉⵏⵓ.”