1 “ⵙⵍⴻⵎ ⴰⵢⴰ, ⴽⴻⵏⵏⵉⵡ ⵉⴽⴻⵀⵀⴰⵏⴻⵏ, ⵃⴹⴰⵎ ⴽⴻⵏⵏⵉⵡ ⴰⵢⵜ ⵏ ⵜⴰⴷⴷⴰⵔⵜ ⵏ ⵉⵙⵔⴰⵉⵍ ⵓ ⵡⵛⴻⵎ ⴰⵎⴻⵥⵥⵓⵖ ⴽⴻⵏⵏⵉⵡ ⴰⵢⵜⴱⴰⴱ ⵏ ⵜⴰⴷⴷⴰⵔⵜ ⵏ ⵓⵊⴻⴵⵉⴷ, ⵎⴰⵖⴰⵔ ⵜⴷⴻⵡⵍⴻⵎ ⴷ ⵉⵊⵊ ⵏ ⵍⴼⴻⵅ ⴷⵉ ⵎⵉⵚⴼⴰⵜ ⴷ ⵉⵛⵜ ⵏ ⵜⵔⴰⵛⵛⴰ ⵢⴰⵔⴻⵥⵎⴻⵏ ⵅ ⵡⴻⴷⵔⴰⵔ ⵏ ⵜⴰⴱⵓⵔ. 2 ⵉⵏⵏⵉ ⵉ ⴷⴷ-ⵉⵜⵜⴻⴼⴼⵖⴻⵏ ⵥⴻⴳ ⵡⴻⴱⵔⵉⴷ ⵙⵙⵉⴵⵖⴻⵏ ⵜⴰⵙⵔⴰⴼⵜ ⵏ ⵡⴻⵏⵖⴰⵢ, ⵎⴰⵛⴰ ⵏⴻⵛⵛ ⴰⴷ ⵜⴻⵏ ⵄⴰⵇⴱⴻⵖ ⵎⴰⵔⵔⴰ. 3 ⵏⴻⵛⵛ ⵙⵙⵏⴻⵖ ⵉⴼⵔⴰⵢⵉⵎ ⵓ ⵉⵙⵔⴰⵉⵍ ⵡⴰⵔ ⵉⵥⴻⵎⵎⴰⵔ ⴰⴷ ⵥⵥⴰⵢⵉ ⵉⵏⵏⵓⴼⴼⴰⵔ. ⵎⴰⵖⴰⵔ ⵍⴻⵅⵅⵓ ⵉⵙⵙⴻⴼⵙⴻⴷ ⵉⴼⵔⴰⵢⵉⵎ ⵉⵅⴻⴼ ⵏⵏⴻⵙ, ⵉⵙⵔⴰⵉⵍ ⵉⵙⵙⴻⵅⵎⴻⵊ ⵉⵅⴻⴼ ⵏⵏⴻⵙ.

4 ⵜⵉⵎⴻⴳⴳⴰ ⵏⵙⴻⵏ ⵜⵎⴻⵏⵏⴻⵄ ⵉ-ⵜⴻⵏ ⴰⴷ ⴷⴷ-ⴷⴻⵡⵍⴻⵏ ⵖⴰⵔ ⴰⵔⴻⴱⴱⵉ, ⵎⴰⵖⴰⵔ ⵉⵊⵊ ⵏ ⴱⵓⵃⴱⴻⵍ ⵏ ⴼⴰⵔⵇ-ⵛⵛⵖⴻⵍ ⴰⵇⴰ-ⵜ ⴷⵉ ⵍⵡⴻⵙⵜ ⵏⵙⴻⵏ ⵓⵛⴰ ⵡⴰⵔ ⵙⵙⵉⵏⴻⵏ ⵙⵉⴷⵉ. ^■   5 ⵜⵓⵏⴼⴰⵅⵜ ⵏ ⵉⵙⵔⴰⵉⵍ ⴰⴷ ⵜ ⵉⴷⵄⴰ ⵙ ⴱⵟⴰⵢⵟⴰⵢ. ⵉⵙⵔⴰⵉⵍ ⴷ ⵉⴼⵔⴰⵢⵉⵎ ⴰⴷ ⵏⵇⴰⵔⴹⴻⵏ ⵥⵉ ⵍⵎⵓⵄⵚⵉⵢⵢⴻⵜ ⵏⵙⴻⵏ ⵓⵍⴰ ⴷ ⵢⴰⵀⵓⴷⴰ ⴰⴷ ⴽⵉⴷⵙⴻⵏ ⵉⵏⵇⴰⵔⴹ. ^■   6 ⵏⵉⵜⵏⵉ ⴰⴷ ⴰⴳⴳⵯⴻⵊⴻⵏ ⴰⴽ-ⴷ ⵡⵓⴵⵉ ⵏⵙⴻⵏ ⴷ ⵉⴼⵓⵏⴰⵙⴻⵏ ⴷ ⵜⴼⵓⵏⴰⵙⵉⵏ ⵏⵙⴻⵏ ⵃⵉⵎⴰ ⴰⴷ ⴰⵔⵥⵓⵏ ⵅ ⵙⵉⴷⵉ, ⵎⴰⵛⴰ ⵏⵉⵜⵏⵉ ⵡⴰⵔ ⵜ ⵜⵜⵉⴼⴻⵏ. ⵏⴻⵜⵜⴰ ⴰⵇⴰ ⵉⵙⵙⵏⵓⴼⴼⴰⵔ ⵉⵅⴻⴼ ⵏⵏⴻⵙ ⵅⴰⵙⴻⵏ. 7 ⵏⵉⵜⵏⵉ ⵖⴷⴰⵔⴻⵏ ⵙⵉⴷⵉ ⵎⴰⵖⴰⵔ ⵏⵉⵜⵏⵉ ⵊⵊⵉⵏ-ⴷⴷ ⵜⴰⵔⵡⴰ ⵏ ⴼⴼⴰⵔⵇ-ⵛⵛⵖⴻⵍ. ⵍⴻⵅⵅⵓ ⴰⴷ ⵜⴻⵏ ⵢⴻⵛⵛ ⵓⵢⵓⵔ ⴰⵎⴰⵢⵏⵓ ⴰⴽ-ⴷ ⵜⵙⴻⵇⵇⴰⵍ ⵏⵙⴻⵏ ⵏ ⵍⵡⴰⵔⵜ.

8 ⵚⵓⴹⴻⵎ ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ ⴷⵉ ⵊⵉⴱⵄⴰ, ⴷⵉ ⵍⵖⴰⵢⵟⴰ ⴷⵉ ⵔⴰⵎⴰ, ⴰⴷ ⵙⵖⵓⵢⵢⴻⵏ ⵉⵎⴻⵥⴷⴰⵖ ⵏ ⴱⴰⵢⵜ-ⴰⵡⴰⵏ: ‘ⴰⵡⴰⵔⵏⵉ ⴰⵛ, ⴰ ⴱⵉⵏⵢⴰⵎⵉⵏ!’ 9 ⵉⴼⵔⴰⵢⵉⵎ ⴰⴷ ⵉⴷⵡⴻⵍ ⴷ ⵉⵛⵜ ⵏ ⵍⵅⴰⵔⴱⴻⵜ ⴷⴻⴳ ⵡⴰⵙⵙ ⵏ ⵍⵄⵉⵇⴰⴱ. ⵏⴻⵛⵛ ⴱⴰⵔⵔⵃⴻⵖ ⵊⴰⵔ ⵜⵇⴻⴱⴱⴰⵍ ⵏ ⵉⵙⵔⴰⵉⵍ ⵎⵉⵏ ⵉⵜⵜⵡⴰⴳⴳ ⴰⴷ ⵉⵎⵙⴰⵔ.

10 ⵍⵃⵓⴽⴽⴰⵎ ⵏ ⵢⴰⵀⵓⴷⴰ ⵜⵜⴻⴳⴳⴻⵏ ⴰⵎ ⵢⴻⵏⵏⵉ ⵉⵙⵙⵎⵓⵟⵟⵓⵢⴻⵏ ⵉⵥⵔⴰ ⵏ ⵡⴻⵢⵎⵉⵔ. ⵏⴻⵛⵛ ⴰⴷ ⵅⴰⵙⴻⵏ ⵥⴻⴵⵄⴻⵖ ⴰⴷⵓⵇⵇⴻⵥ ⵉⵏⵓ ⵏ ⵓⴼⵓⴳⴻⵎ ⴰⵎⴻⵛⵏⴰⵡ ⴰⵎⴰⵏ.

11 ⵉⴼⵔⴰⵢⵉⵎ ⵉⵜⵜⵡⴰⵃⵚⴰⵔ, ⵍⵃⴻⵇⵇ ⵉⵜⵜⵡⴰⵍⴱⴻⵥ, ⵎⴰⵖⴰⵔ ⵉⴹⴻⴼⴼⴰⵔ ⵉⵛⵜ ⵏ ⵜⴻⵡⵚⴻⵢⵢⴻⵜ ⵏ ⵍⴱⴰⵟⴻⵍ.

12 ⵅ ⵓⵢⴻⵏⵏⵉ ⵏⴻⵛⵛ ⴰⵎ ⵜⵛⵉⵏⴷⴰ ⵉ ⵉⴼⵔⴰⵢⵉⵎ ⵓ ⴰⵎ ⵓⵔⴻⵚⵚⵓⴹ ⵉ ⵜⴰⴷⴷⴰⵔⵜ ⵏ ⵢⴰⵀⵓⴷⴰ.

13 ⵓⵎⵉ ⵉⵥⵔⴰ ⵉⴼⵔⴰⵢⵉⵎ ⵍⴻⵀⵍⴰⵛ ⵏⵏⴻⵙ ⵓ ⵢⴰⵀⵓⴷⴰ ⵜⴰⵔⴻⵃⵙⵉⵜ ⵏⵏⴻⵙ, ⵢⵓⵢⵓⵔ ⵉⴼⵔⴰⵢⵉⵎ ⵖⴰⵔ ⴰⵛⵛⵓⵔ, ⵉⵙⵙⴻⴽⴽ ⵉⵊⵊ ⵏ ⵓⵔⴻⵇⵇⴰⵙ ⵖⴰⵔ ⵓⵊⴻⴵⵉⴷ ⵢⴰⵔⵉⴱ. ⵎⴰⵛⴰ ⵡⴰⵏⵉⵜⴰ ⵡⴰⵔ ⵉⵥⴻⵎⵎⴰⵔ ⴰⴷ ⴽⴻⵏⵏⵉⵡ ⵉⵙⵙⴳⴻⵏⴼⴰ ⵓ ⵡⴰⵔ ⵅⴰⵡⴻⵎ ⵉⴽⴻⵙⵙⵉ ⵜⴰⵔⴻⵃⵙⵉⵜ ⵏⵡⴻⵎ. ^□  

14 ⵎⴰⵖⴰⵔ ⵏⴻⵛⵛ ⴰⴷ ⵉⵍⵉⵖ ⵉ ⵉⴼⵔⴰⵢⵉⵎ ⴰⵎ ⵡⴻⵢⵔⴰⴷ ⵉⵥⴻⵀⵀⴰⵔⴻⵏ ⵓ ⴰⵎ ⵡⴻⵢⵔⴰⴷ ⴰⵎⴻⵥⵢⴰⵏ ⵉ ⵜⴰⴷⴷⴰⵔⵜ ⵏ ⵢⴰⵀⵓⴷⴰ. ⵏⴻⵛⵛ, ⵡⴰⵀ ⵏⴻⵛⵛ, ⴰⴷ ⵎⴻⵥⵥⵇⴻⵖ ⵓ ⵅⴻⵏⵏⵉ ⴰⴷ ⵓⵢⵓⵔⴻⵖ, ⴰⴷ ⵜ ⴰⵡⵢⴻⵖ ⵓⵛⴰ ⵡⴰⵔ ⴷⵉⵏ ⵡⵉ ⵉ ⵖⴰ ⵉⴼⴻⴽⴽⴻⵏ.

15 ⵏⴻⵛⵛ ⴰⴷ ⴼⴼⵖⴻⵖ ⵓ ⵅⴻⵏⵏⵉ ⴰⴷ ⵄⴻⵇⴱⴻⵖ ⵖⴰⵔ ⵡⴻⵎⵛⴰⵏ ⵉⵏⵓ, ⵖⴰⵔⴻⵙ ⴰⵍ ⵖⴰ ⵏⴻⵄⵎⴻⵏ ⵓ ⴰⴷ ⴰⵔⵥⵓⵏ ⵓⴷⴻⵎ ⵉⵏⵓ. ⴷⵉ ⵍⴻⵃⵚⴰⵔⴻⵜ ⵏⵙⴻⵏ ⴰⴷ ⵅⴰⴼⵉ ⴰⵔⵥⵓⵏ ⵥⵉⵛ ⵖⴰⵔ ⵚⵚⴱⴻⵃ.”