1 ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⵃⵉⵟⴰⵛ, ⴷⴻⴳ ⵓⵢⵓⵔ ⵡⵉⵙⵙ ⵜⵍⴰⵜⴰ, ⴷⴻⴳ ⵡⴰⵙⵙ ⴰⵎⴻⵥⵡⴰⵔⵓ ⵏ ⵓⵢⵓⵔ ⵉⵎⵙⴰⵔ ⴱⴻⵍⵍⵉ ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ, ⵉⵏⵏⴰ:

2 “ⴰ ⵎⵎⵉⵙ ⵏ ⴱⵏⴰⴷⴻⵎ, ⵉⵏⵉ ⵉ ⴼⵉⵔⵄⵓⵏ, ⴰⵊⴻⴵⵉⴷ ⵏ ⵎⵉⵚⵔⴰ, ⵓ ⵉ ⵎⴰⵔⵔⴰ ⵍⵖⴰⵛⵉ ⵏⵏⴻⵙ ⵉⵏⵀⴻⵡⵍⴻⵏ:

ⵡⵉ ⴰⴽⵉⴷⴻⴽ ⵉⵎⵇⵓⴷⴷⴰⵏ ⵙ ⵎⴰⵔⵔⴰ ⵍⴻⵎⵖⴰⵔⴻⵜ ⵏⵏⴻⴽ?

3 ⵅⵥⴰⵔ, ⵜⵓⵖⴰ ⴰⵛⵛⵓⵔ ⴷ ⵜⴰⵛⴻⵊⵊⴰⵔⵜ ⵏ ⵜⴻⵏⴳⴻⵍⵜ ⵅ ⵉⴷⵓⵔⴰⵔ ⵏ ⵍⵓⴱⵏⴰⵏ

ⴰⴽ-ⴷ ⵜⵙⴻⴹⵡⵉⵏ ⵉⵛⵏⴰⵏ ⴷ ⵜⵉⴼⵔⴰⵢ ⵉ ⵉⵜⵜⵉⵛⴻⵏ ⵜⵉⵍⵉ ⵎⵍⵉⵃ

ⵓ ⴰⴽ-ⴷ ⵜⵉⴷⴷⵉ ⴷ ⴰⵥⵉⵔⴰⵔ ⵢⵓⵄⵍⴰⵏ,

ⴰⵍⴰⵎⵉ ⵜⵓⵛⵛⴻⵏⵜ ⵏⵏⴻⵙ ⵜⵉⵡⴻⴹ-ⴷⴷ ⴰⵍ ⵉⵙⴻⵢⵏⵓⵜⴻⵏ. ^■  

4 ⴰⵎⴰⵏ ⴰⵔⵔⵉⵏ ⵜⵜ ⴰⴷ ⵉⵢⵎⴰ,

ⴰⵎⴰⵏ ⵢⵓⴵⵖⴻⵏ ⵙⵙⴳⴻⵄⵄⴷⴻⵏ ⵜⵜ ⴰⵟⵟⴰⵙ.

ⵉⵖⴻⵥⵔⴰⵏ ⵏ ⵡⴰⵎⴰⵏ ⵏⵏⴻⵙ ⵙⵙⵉⵥⵥⵍⴻⵏ

ⴷⴻⴳ ⵡⴻⵏⵏⴻⴹ ⵏ ⵜⴰⵙⵙⵓⵜ ⵏ ⵍⵎⴻⵀⵎⵓⴷ ⵏⵙⴻⵏ,

ⵓⵛⴰ ⵍⵎⴻⵀⵎⵓⴷ ⵢⴰⵔⵔⴰ ⵉⵖⴻⵥⵔⴰⵏ ⵏⵏⴻⵙ ⴰⴷ ⵔⴰⵃⴻⵏ

ⵖⴰⵔ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵢⴻⵢⵢⴰⵔ.

5 ⵙ ⵓⵢⴰ ⵉⵜⵜⵡⴰⵙⵙⵓⵄⵍⴰ ⵜⵉⴷⴷⵉ ⵏⵏⴻⵙ ⵅ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵢⴻⵢⵢⴰⵔ,

ⵓ ⵜⵉⵙⴻⴹⵡⵉⵏ ⵏⵏⴻⵙ ⴷⴻⵡⵍⴻⵏⵜ ⵙ ⵡⴰⵟⵟⴰⵙ

ⵓ ⵉⴼⴻⵜⵡⴰⵏ ⵏⵏⴻⵙ ⵥⵥⵓⴳⴳⴰⵔⵜⴻⵏ ⵙ ⵡⴰⵎⴰⵏ ⵉⴼⴻⵢⵢⴹⴻⵏ,

ⵅⵎⵉ ⵜⵓⵖⴰ ⵜⴻⵙⵙⵖⴻⵎⵎⵉ.

6 ⵎⴰⵔⵔⴰ ⵉⵊⴹⴰⴹ ⵏ ⵓⵊⴻⵏⵏⴰ ⴳⴳⵉⵏ ⵍⵄⵓⵛⵛ ⵏⵙⴻⵏ ⴷⵉ ⵜⵙⴻⴹⵡⵉⵏ ⵏⵏⴻⵙ,

ⵎⴰⵔⵔⴰ ⵍⵎⴰⵍ ⵏ ⵢⴻⵢⵢⴰⵔ ⴼⴻⵔⵅⴻⵏ ⵙⴰⴷⵓ ⵉⴼⴻⵜⵡⴰⵏ ⵏⵏⴻⵙ,

ⵓ ⵎⴰⵔⵔⴰ ⵍⴻⴳⵏⵓⵙ ⵎⵖⴰⵔⴻⵏ ⵜⵓⵖⴰ ⵜⵜⵖⵉⵎⴰⵏ ⴷⵉ ⵜⵉⵍⵉ ⵏⵏⴻⵙ. ^■  

7 ⵜⵓⵖⴰ-ⵜⵜ ⵜⴻⵛⵏⴰ ⵙ ⵍⴻⵎⵖⴰⵔⴻⵜ ⵏⵏⴻⵙ

ⵓ ⵙ ⵜⵓⵥⵥⴻⴳⴳⴰⵔⵜ ⵏ ⵜⵙⴻⴹⵡⵉⵏ ⵏⵏⴻⵙ,

ⵎⴰⵖⴰⵔ ⴰⵥⵡⴰⵔ ⵏⵏⴻⵙ ⵜⵓⵖⴰ-ⵜ ⴰⴽ-ⴷ ⵡⴰⵟⵟⴰⵙ ⵏ ⵡⴰⵎⴰⵏ.

8 ⵜⵉⵛⴻⵊⵊⵓⵔⴰ ⵏ ⵜⴻⵏⴳⴻⵍⵜ ⴷⵉ ⵊⵊⴻⵏⵏⴻⵜ ⵏ ⴰⵔⴻⴱⴱⵉ ⵡⴰⵔ ⵅⴰⵙ ⵄⴷⵓⵏⵜ,

ⵜⵉⵛⴻⵊⵊⵓⵔⴰ ⵏ ⵓⵎⴻⵔⵥⵉ ⵡⴰⵔ ⵙⴻⴽⴽⵡⵉⵏⵜ ⵜⵙⴻⴹⵡⵉⵏ ⵏⵏⴻⵙ

ⵓⵛⴰ ⵜⵉⵛⴻⵊⵊⵓⵔⴰ ⵏ ⴷⵓⵍⴱ ⵡⴰⵔ ⵙⴻⴽⴽⵡⵉⵏⵜ ⵉⴼⴻⵜⵡⴰⵏ ⵏⵏⴻⵙ.

ⵓⵍⴰ ⴷ ⵉⵛⵜ ⵏ ⵜⵛⴻⵊⵊⴰⵔⵜ ⴷⵉ ⵊⵊⴻⵏⵏⴻⵜ ⵏ ⴰⵔⴻⴱⴱⵉ

ⵜⴰⵔⵡⴻⵙ ⴷⴰⵢⴻⵙ ⴷⴻⴳ ⵡⴰⵥⵔⵉ ⵏⵏⴻⵙ. ^□  ■  

9 ⴳⴳⵉⵖ ⵜⵜ ⵜⴻⵛⵏⴰ ⴰⴽ-ⴷ ⵡⴰⵟⵟⴰⵙ ⵏ ⵜⵙⴻⴹⵡⵉⵏ ⵏⵏⴻⵙ,

ⴰⵍⴰⵎⵉ ⵥⵥⴰⵢⴻⵙ ⵓⵙⵎⴻⵏⵜ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵄⴰⴷⵏ,

ⵜⵉⵏⵏⵉ ⵜⵓⵖⴰ ⴷⵉ ⵊⵊⴻⵏⵏⴻⵜ ⵏ ⴰⵔⴻⴱⴱⵉ.”

10 “ⵙ ⵓⵢⴰ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ:

ⵓⵎⵉ ⵜⴻⵙⵙⴳⴻⵄⵄⴷⴻⴷ ⵉⵅⴻⴼ ⵏⵏⴻⵎ ⵙ ⵜⵉⴷⴷⵉ ⵏⵏⴻⵎ,

ⵡⴰⵀ ⵏⴻⵜⵜⴰⵜ ⵜⴻⴳⴳⴰ ⵜⵓⵛⵛⴻⵏⵜ ⵏⵏⴻⵙ ⵊⴰⵔ ⵉⵙⴻⵢⵏⵓⵜⴻⵏ

ⵓ ⵓⵍ ⵏⵏⴻⵙ ⵉⵙⵙⴳⴻⵄⵄⴻⴷ ⵉⵅⴻⴼ ⵏⵏⴻⵙ ⵥⵉ ⵙⵙⵉⴱⴱⴻⵜ ⵏ ⵍⵓⵄⵍⴰ ⵏⵏⴻⵙ,

11 ⵙ ⵓⵢⴻⵏⵏⵉ ⵡⵛⵉⵖ ⵜⵜ ⴷⴻⴳ ⵓⴼⵓⵙ ⵏ ⵡⴻⵏⵏⵉ ⴷ ⴰⵎⵥⴻⵎⵎⴰⵔ ⵇⴰⵄ ⵊⴰⵔ ⵍⴻⴳⵏⵓⵙ,

ⵃⵉⵎⴰ ⵡⴰⵏⵉⵜⴰ ⴰⴷ ⴽⵉⵙ ⵢⴻⴳⴳ ⵙ ⵜⵉⴷⴻⵜⵜ.

ⵏⴻⵛⵛ ⵓⵥⵥⵍⴻⵖ ⵅⴰⵙ ⴷⵉ ⵙⵙⵉⴱⴱⴻⵜ ⵏ ⵜⵓⵄⴻⴼⴼⵏⴰ ⵏⵏⴻⵙ.

12 ⵣⴻⴷⵎⴻⵏ ⵜⵜ ⵉⴱⴰⵔⵔⴰⵏⵉⵢⵢⴻⵏ, ⵍⴻⴳⵏⵓⵙ ⵉⵇⴻⵙⵃⴻⵏ ⴰⵟⵟⴰⵙ,

ⵥⴻⴷⵎⴻⵏ ⵜ ⵓⵛⴰ ⵊⵊⵉⵏ ⵜⵜ.

ⵜⵉⵙⴻⴹⵡⵉⵏ ⵏⵏⴻⵙ ⵡⴹⴰⵏⵜ ⵅ ⵉⴷⵓⵔⴰⵔ ⵓ ⴷⵉ ⵎⴰⵔⵔⴰ ⵜⵉⵖⵥⵓⵔⵜⵉⵏ,

ⵉⴼⴻⵜⵡⴰⵏ ⵏⵏⴻⵙ ⵜⵜⵡⴰⵔⵥⴻⵏ ⴷⵉ ⵎⴰⵔⵔⴰ ⵜⵉⵖⴻⵥⵔⴰⵜⵉⵏ ⵏ ⵜⴻⵎⵎⵓⵔⵜ,

ⵓ ⵎⴰⵔⵔⴰ ⵍⴻⴳⵏⵓⵙ ⵏ ⵜⴻⵎⵎⵓⵔⵜ

ⵀⵡⴰⵏ-ⴷⴷ ⵥⵉ ⵙⴰⴷⵓ ⵜⵉⵍⵉ ⵏⵏⴻⵙ ⵓⵛⴰ ⵊⵊⵉⵏ ⵜⵜ. ^■  

13 ⵎⴰⵔⵔⴰ ⵉⵊⴹⴰⴹ ⵏ ⵓⵊⴻⵏⵏⴰ ⵥⴻⴷⵖⴻⵏ ⵅ ⵓⴽⴻⵛⵛⵓⴹ ⵏⵏⴻⵙ ⵏⵏⵉ ⵉⵡⴹⴰⵏ,

ⵓⵛⴰ ⵎⴰⵔⵔⴰ ⵍⵎⴰⵍ ⵏ ⵢⴻⵢⵢⴰⵔ ⵜⵓⵖⴰ ⴰⵜⴻⵏ ⵅ ⵉⴼⴻⵜⵡⴰⵏ ⵏⵏⴻⵙ.

14 ⵏⴻⵛⵛ ⴳⴳⵉⵖ ⵜⵜ,

ⵃⵉⵎⴰ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵡⴰⵔ ⴷⵉⴽⴽⵡⵉⵍⴻⵏⵜ ⵄⴰⴷ ⵜⵜⵏⴻⴼⴼⵅⴻⵏⵜ ⵙ ⵜⵉⴷⴷⵉ ⵏⵙⴻⵏⵜ

ⵓⵛⴰ ⴰⴷ ⴳⴳⴻⵏⵜ ⵜⵓⵛⵛⴻⵏⵜ ⵏⵙⴻⵏ ⴷⴻⴳ ⵉⵙⴻⵢⵏⵓⵜⴻⵏ,

ⵓ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏⵏⵉ ⵉⵙⵡⵉⵏ ⴰⵎⴰⵏ ⵙ ⵓⴼⴻⵢⵢⴻⴹ

ⵡⴰⵔ ⵜⵜⴱⴻⴷⴷⵉⵏⵜ ⵄⴰⴷ ⵙ ⵢⵉⵅⴻⴼ ⵏⵙⴻⵏⵜ ⴷⵉ ⵏⵏⴼⴰⵅⴻⵜ ⵏⵙⴻⵏⵜ,

ⵎⴰⵖⴰⵔ ⵏⵉⵜⴻⵏⵜⵉ ⵎⴰⵔⵔⴰ ⵜⵜⵡⴰⵎⴻⵡⵛⴻⵏⵜ ⵉ ⵍⵎⴻⵡⵜ,

ⵖⴰⵔ ⵍⴰⴵⴰⵖ ⵏ ⵜⴻⵎⵎⵓⵔⵜ, ⴷⵉ ⵍⵡⴻⵙⵜ ⵏ ⵜⴰⵔⵡⴰ ⵏ ⴱⵏⴰⴷⴻⵎ,

ⴰⴽ-ⴷ ⵉⵏⵏⵉ ⵉⵀⴻⴽⴽⵡⴰⵏ ⴷⴻⴳ ⵡⴻⵃⴼⵓⵔ ⵏ ⵡⴻⵏⴹⴻⵍ.”

15 “ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ:

ⴷⴻⴳ ⵡⴰⵙⵙ ⵏⵏⵉ ⴷⵉ ⵜⴻⵀⵡⴰ ⵖⴰⵔ ⵍⴰⵅⴰⵔⵜ, ⴳⴳⵉⵖ ⵉⵊⵊ ⵡⴻⵛⴹⴰⵏ.

ⴷⵉ ⵟⵟⵡⴻⵄ ⵏⵏⴻⵙ ⴷⵍⵉⵖ ⴰⵎⴰⵏ ⵢⵓⴵⵖⴻⵏ

ⵓⵛⴰ ⵙⵙⴱⴻⴷⴷⴻⵖ ⵉⵖⴻⵥⵔⴰⵏ ⵏⵏⴻⵙ

ⵓⵛⴰ ⴼⴻⵛⵍⴻⵏ ⵡⴰⵎⴰⵏ ⵉⵎⵖⴰⵔⴻⵏ.

ⴷⵉ ⵟⵟⵡⴻⵄ ⵏⵏⴻⵙ ⵙⵙⴱⴰⵔⵔⴻⵛⵏⴻⵖ ⵉⴷⵓⵔⴰⵔ ⵏ ⵍⵓⴱⵏⴰⵏ

ⵓⵛⴰ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵢⴻⵢⵢⴰⵔ ⵛⴻⴹⵏⴻⵏⵜ ⵅⴰⵙ.

16 ⵙ ⴷⴷⵔⵉⵥ ⵏ ⵓⵡⴻⵟⵟⵓ ⵏⵏⴻⵙ ⵙⵙⴰⵔⵊⵉⵊⴻⵖ ⵍⴻⴳⵏⵓⵙ,

ⵓⵎⵉ ⵜⵜ ⵙⵙⴻⵀⵡⵉⵖ ⵖⴰⵔ ⵍⴰⵅⴰⵔⵜ ⴰⴽ-ⴷ ⵉⵏⵏⵉ ⵉⵀⴻⴽⴽⵡⴰⵏ ⴷⴻⴳ ⵡⴻⵃⴼⵓⵔ ⵏ ⵡⴻⵏⴹⴻⵍ.

ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵄⴰⴷⵏ,

ⵜⵉⵏⵏⵉ ⵉⵄⵉⵥⵥⴻⵏ ⴰⵟⵟⴰⵙ ⴷ ⵜⵉⵏⵏⵉ ⵉⵛⵏⴰⵏ ⵇⴰⵄ ⵥⵉ ⵍⵓⴱⵏⴰⵏ,

ⵜⵉⵏⵏⵉ ⵉⵙⵡⵉⵏ ⴰⵟⵟⴰⵙ ⵏ ⵡⴰⵎⴰⵏ ⵎⴰⵔⵔⴰ,

ⴰⵇⴰ ⵜⵜⵡⴰⵙⴼⴻⵡⵡⵊⴻⵏⵜ ⵙ ⵎⴰⵏ ⴰⵢⴰ ⴷⵉ ⵍⴰⴵⴰⵖ ⵏ ⵜⴻⵎⵎⵓⵔⵜ. ^■  

17 ⵓⵍⴰ ⴷ ⵏⵉⵜⴻⵏⵜⵉ ⵀⵡⴰⵏⵜ ⴰⴽⵉⴷⴻⵙ ⵖⴰⵔ ⵍⴰⵅⴰⵔⵜ,

ⵖⴰⵔ ⵉⵏⵏⵉ ⵉⵜⵜⵡⴰⵏⵖⴻⵏ ⵙ ⵙⵙⵉⴼ,

ⵉⵏⵏⵉ ⵜⵓⵖⴰ ⵓⵖⵉⵍ ⵏⵏⴻⵙ \tl ⵉⵊⴻⵀⴷⴻⵏ\qt*\add*,\qt*

ⵉⵏⵏⵉ ⵜⵓⵖⴰ ⵉⵇⵇⵉⵎⴻⵏ ⴷⵉ ⵜⵉⵍⵉ ⵏⵏⴻⵙ ⴷⵉ ⵍⵡⴻⵙⵜ ⵏ ⵍⴻⴳⵏⵓⵙ.

18 ⴰⴽ ⵡⵉ ⵜⵙⴰⵡⵉⴷ ⴰⵎⵎⵓ ⴷⵉ ⵍⵄⴻⵥⵥ ⴷ ⵍⴻⵎⵖⴰⵔⴻⵜ ⵊⴰⵔ ⵜⵛⴻⵊⵊⵓⵔⴰ ⵏ ⵄⴰⴷⵏ?

ⵡⴰⵅⵅⴰ ⴰⵎⴻⵏⵏⵉ ⴰⴷ ⵜᵉⵜⵜⵡⴰⵙⵙⴻⵀⵡⵉⴷ ⴰⴽ-ⴷ ⵜⵛⴻⵊⵊⵓⵔⴰ ⵏ ⵄⴰⴷⵏ

ⴰⵍ ⵔⴰⴵⴰⵖ ⵏ ⵜⴻⵎⵎⵓⵔⵜ.

ⴰⴷ ⵜⴻⴱⴱⵓⵥⵥⵍⴻⴷ ⴷⵉ ⵍⵡⴻⵙⵜ ⵏ ⵢⵉⵏⵏⵉ ⵡⴰⵔ ⵉⵜⵜⵡⴰⵅⴻⵜⵏⴻⵏ,

ⴰⴽ-ⴷ ⵉⵏⵏⵉ ⵉⵜⵜⵡⴰⵏⵖⴻⵏ ⵙ ⵙⵙⵉⴼ.

ⵡⴰ ⴷ ⴼⵉⵔⵄⵓⵏ ⴷ ⵎⴰⵔⵔⴰ ⵍⵖⴰⵛⵉ ⵏⵏⴻⵙ ⵉⵏⵀⴻⵡⵍⴻⵏ!,

ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ.” ^■