ⴰⵡⴰⵍ ⵏ ⴰⵔⴻⴱⴱⵉ ⵅ ⴷⵉⵎⴰⵛⵇ ⴷ ⵉⴼⵔⴰⵢⵉⵎ
17
1 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⴷⵉⵎⴰⵛⵇ. “ⴰⵇⴰ ⴷⴰ, ⴷⵉⵎⴰⵛⵇ ⵡⴰⵔ ⵜᵉⵜⵜⵉⵍⵉ ⵄⴰⴷ ⴷ ⵜⴰⵏⴷⵉⵏⵜ, ⴰⴷ ⵜⴻⴷⵡⴻⵍ ⴷ ⵍⵅⴰⵔⴱⴻⵜ ⵉⵜⵜⵡⴰⵀⴻⴷⵎⴻⵏ. 2 ⵜⵉⵏⴻⴷⴷⴰⵎ ⵏ ⵄⴰⵔⵓⵄⵉⵔ ⴰⴷ ⴷⴻⵡⵍⴻⵏⵜ ⵅⵍⴰⵏⵜ, ⴰⴷ ⵉⵍⵉⵏⵜ ⵉ ⵜⵃⵉⵎⵔⵉⵡⵉⵏ. ⵜⵉⵏⴰ ⴰⴷ ⴷⵉⵏⵏⵉ ⵥⵥⵍⴻⵏⵜ ⵓⵛⴰ ⵓⵍⴰ ⴷ ⵉⵊⵊⴻⵏ ⵡⴰⵔ ⵜⴻⵏⵜ ⵉⵙⵙⴼⴻⵄⴼⵉⵄ. 3 ⴰⴷ ⵉⵜⵜⵡⴰⵇⴹⴰ ⵅ ⵍⴱⵓⵔⵊ ⵥⵉ ⵉⴼⵔⴰⵢⵉⵎ ⵓⵍⴰ ⵅ ⵜⴰⴳⴻⵍⴷⵉⵜ ⵥⵉ ⴷⵉⵎⴰⵛⵇ ⵓ ⵅ ⵎⵉⵏ ⵉⵇⵇⵉⵎⴻⵏ ⵏ ⴰⵔⴰⵎ. ⵏⵉⵜⵏⵉ ⴰⴷ ⵉⵍⵉⵏ ⴰⵎ ⴰⵢⵜ ⵏ ⵉⵙⵔⴰⵉⵍ!, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ.”
4 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵙⵍⴰⵡ ⵓⵄⵓⴵⵉ ⵏ ⵢⴰⵄⵇⵓⴱ ⵓⵛⴰ ⴰⴷ ⵜⴻⴷⵡⴻⵍ ⵜⴰⴷⵓⵏⵜ ⵏ ⴰⵔⵔⵉⵎⴻⵜ ⵏⵏⴻⵙ ⵜⴻⵇⵇⵉⴵⴻⵜ. 5 ⴰⴷ ⵢⵉⵍⵉ ⴰⵅⵎⵉ ⵉⵜⵜⵇⴻⴱⴱⴻⴹ ⵓⵛⴻⵡⵡⴰⵍ ⵉⵎⴻⵏⴷⵉ ⵉⴱⴻⴷⴷⴻⵏ ⵓⵛⴰ ⵉⵎⴻⵊⵊⴰⵔ ⵓⵖⵉⵍ ⵏⵏⴻⵙ ⵜⵉⴷⵔⵉⵏ, ⴰⴷ ⵢⵉⵍⵉ ⴰⵅⵎⵉ ⵉⵊⵊ ⵉⵍⴻⵇⵇⴻⴹ ⵜⵉⴷⵔⵉⵏ ⴷⵉ ⵜⴻⵖⵥⵓⵔⵜ ⵏ ⵉⵔⴰⴼⴰⵡⵉⵢⵢⴻⵏ. 6 ⴰⴷ ⵉⵇⵇⵉⵎ ⵎⵖⵉⵔ ⵉⵊⵊ ⵏ ⵓⵛⴻⵟⵟⵉ ⵉ ⵡⴻⵍⵇⴰⴹ, ⴰⵎ ⵖⴰⵔ ⵡⴻⵥⵡⴰⴹ ⵏ ⵉⵥⴻⵎⵎⵓⵔⴻⵏ, ⵜⵏⴰⵢⴻⵏ ⵏⵉⵖ ⵜⵍⴰⵜⴰ ⵏ ⵜⵥⵉⵜⵓⵏⵉⵏ ⵖⴰⵔ ⵜⵇⵉⵛⵛⴻⵜ ⵏ ⵜⴰⵙⴻⵟⵟⴰ ⵙⴻⵏⵏⴻⵊ, ⵓⵛⴰ ⴰⵔⴻⴱⵄⴰ ⵏⵉⵖ ⵅⴻⵎⵙⴰ ⵖⴰⵔ ⵜⵉⵙⴻⴹⵡⵉⵏ ⵏ ⵓⵥⴻⵎⵎⵓⵔ!, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ.”
7 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵅⵥⴰⵔ ⴱⵏⴰⴷⴻⵎ ⵅ ⵡⴻⵏⵏⵉ ⵜ ⵉⴳⴳⵉⵏ ⵓ ⵜⵉⵟⵟⴰⵡⵉⵏ ⵏⵏⴻⵙ ⴰⴷ ⵥⴰⵔⴻⵏ ⴰⵎⵇⴻⴷⴷⴰⵙ ⵏ ⵉⵙⵔⴰⵉⵍ. 8 ⵡⴰⵔ ⵉⵜⵜⵡⴰⵍⵉ ⵉⵄⴰⵍⵟⴰⵔⴻⵏ, ⵍⵅⴻⴷⵎⴻⵜ ⵏ ⵉⴼⴰⵙⵙⴻⵏ ⵏⵏⴻⵙ, ⵓⵍⴰ ⴷ ⵎⵉⵏ ⵉⴳⴳⵉⵏ ⵉⴹⴻⵡⴹⴰⵏ ⵏⵏⴻⵙ ⵡⴰⵔ ⵜ ⵉⵥⵥⴰⵔ, ⵜⵉⵔⴻⴱⴱⵉⵏ ⵏ ⵛⵡⴰⵔⵜⵉ ⵍⵍⴰ ⵓⵍⴰ ⴷ ⵉⴱⵉⵍⴰⵔⴻⵏ ⵏ ⴰⵔⴻⴱⴱⵉ ⵏ ⵜⴼⵓⵛⵜ ⵍⵍⴰ.”
9 “ⴷⴻⴳ ⵡⴰⵙⵙ ⵏⵏⵉ ⴰⴷ ⵉⵍⵉⵏⵜ ⵜⵏⴻⴷⴷⴰⵎ ⵏⵏⴻⵙ ⵉⴼⴰⵔⵢⴻⵏ ⴰⵎ ⵓⵎⵛⴰⵏ ⵉⵅⵍⴰ ⴷⴻⴳ ⵡⴻⵥⵖⴰⵔ ⵓ ⵅ ⵜⵇⵉⵛⵛⴻⵜ ⵏ ⵡⴻⴷⵔⴰⵔ ⵏⵏⵉ ⵊⵊⵉⵏ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⴰⵢⵜ ⵏ ⵉⵙⵔⴰⵉⵍ: ⴰⴷ ⵢⵉⵍⵉ ⴷ ⴰⵎⵛⴰⵏ ⵉⵜⵜⵡⴰⵅⴰⵔⵔⴱⴻⵏ.
10 ⵎⴰⵖⴰⵔ ⵛⴻⴽ ⵜᵉⵜⵜⵓⴷ ⴰⵔⴻⴱⴱⵉ ⵏ ⵓⵙⴻⵏⵊⴻⵎ ⵏⵏⴻⴽ, ⵡⴰⵔ ⵜⴻⵄⵇⵉⵍⴻⴷ ⵅ ⵜⴻⵚⴹⴰⵔⵜ ⵏⵏⴻⴽ ⵉⵊⴻⵀⴷⴻⵏ. ⵙ ⵓⵢⴻⵏⵏⵉ ⵜᵉⵜⵜⴻⵥⵥⵓⴷ ⴰⵖⴻⵎⵎⵓⵢ ⵉⴹⴰⵔⴼⴻⵏ ⵓⵛⴰ ⵜⵥⴰⵔⵔⵄⴻⴷ ⵜⵉⵖⴻⴷⴷⵓⵜⵉⵏ ⵜⵉⴱⴰⵔⵔⴰⵏⵉⵢⵢⵉⵏ.
11 ⴷⴻⴳ ⵡⴰⵙⵙ ⵏⵏⵉ ⴷⵉ ⵜⴻⵏⵜ ⵜⴻⵥⵥⵓⴹ, ⴰⴷ ⵜⴻⵏⵜ ⵜⴼⴰⵔⵢⴻⴷ, ⵓ ⵖⴰⵔ ⵓⵜⴻⴼⴼⵓ ⵜⴻⵊⵊⵉⴷ ⵥⵥⴰⵔⵉⵄⴻⵜ ⵏⵏⴻⵎ ⴰⴷ ⵜⴻⵙⵙⴼⵓⴼⴼⵉ: ⴷ ⵎⴰⵏ ⴰⵢⴰ ⴷ ⵜⴰⵎⴻⵊⵔⴰ ⵉⵄⵓⵔⵔⵛⴻⵏ ⴷⴻⴳ ⵡⴰⵙⵙ ⵏ ⵍⴻⵃⵍⴰⵛ ⵏⵏⴻⴽ ⴷ ⵍⴻⵃⵔⵉⵇ ⵡⴰⵔ ⵉⵜⵜⴳⴻⵏⴼⵉⵏ.”
12 “ⵓⵛⵜ ⵅ ⵓⴱⴰⵔⵔⵓ ⵏ ⵍⴻⴳⵏⵓⵙ ⵏⵏⵉ ⵉⵥⴻⵀⵀⴰⵔⴻⵏ ⴰⵎ ⵥⴻⵀⵀⴰⵔⴻⵏ ⵍⴻⴱⵃⵓⵔ, ⵓⵍⴰ ⵓⵛⵜ ⵅ ⴷⴷⵔⵉⵥ ⵏ ⵛⵛⵓⵄⵓⴱ ⵏⵏⵉ ⵉⴳⴳⵉⵏ ⴰⵎ ⵍⴻⵀⵡⴻⵍ ⵏ ⵡⴰⵎⴰⵏ ⵉⵎⴻⵇⵇⵔⴰⵏⴻⵏ ⵉⵏⵀⴻⵡⵍⴻⵏ!
13 ⴰⴷ ⵀⴻⵡⵍⴻⵏ ⵛⵛⵓⵄⵓⴱ ⴰⵎ ⵍⴻⵀⵡⴻⵍ ⵏ ⵡⴰⵎⴰⵏ ⵉⵎⴻⵇⵇⵔⴰⵏⴻⵏ, ⵎⴰⵛⴰ ⵏⴻⵜⵜⴰ ⴰⴷ ⵜⴻⵏ ⵢⴰⵔⴻⴱⴱⴰ ⵓ ⵏⵉⵜⵏⵉ ⴰⴷ ⴰⵔⴻⵡⵍⴻⵏ ⵖⴰⵔ ⵍⴰⴳⴳⵯⴰⵊ. ⴰⴷ ⵉⵜⵜⵡⴰⵄⴰⵔⵏ ⵓⴱⴰⵔⵔⵓ ⵏ ⵍⴻⴳⵏⵓⵙ ⴰⵎ ⵓⵍⵓⵎ ⵅ ⵉⴷⵓⵔⴰⵔ ⵉⵜⵜⵡⴰⵄⴰⵔⵏⴻⵏ ⵥⴻⴳ ⵓⵙⴻⵎⵎⵉⴹ, ⴰⵎ ⵓⵙⴻⵢⵏⵓ ⵏ ⵜⵄⴻⵊⵊⴰⵊⵜ ⵜⴻⵏⵏⴻⴹ ⴰⵙ-ⴷⴷ ⵜⵃⴰⵔⵢⴰⴹⵜ. ■
14 ⵖⴰⵔ ⵍⵡⴻⵇⵜ ⵏ ⵜⵎⴻⴷⴷⵉⵜ, ⵅⵥⴰⵔ, ⴰⵏⴻⵅⵍⵉⵄ! ⵇⴱⴻⵍ ⵎⴰ ⴰⴷ ⵉⵚⴱⴻⵃ ⵍⵃⴰⵍ, ⵡⴰⵔ ⵉⴵⵉ ⵏⴻⵜⵜⴰ ⵄⴰⴷ. ⵜⴰ ⴷ ⵜⴰⵙⵖⴰⵔⵜ ⵏ ⵢⵉⵏⵏⵉ ⴷ ⴰⵏⴻⵖ ⵉⴽⴻⵛⵛⴹⴻⵏ, ⵥⵥⵀⴰⵔ ⵏ ⵢⵉⵏⵏⵉ ⴷ ⴰⵏⴻⵖ ⵢⵓⵛⴰⵔⴻⵏ.”