1 “ ‘ⵙⴻⴽⴽⴻⵎ ⴷⴷⵎⴰⵏⵉ ⵛⵛⵓⵔⴻⵏ ⵙ ⵉⵥⵎⴰⵔⴻⵏ ⵏ ⵍⵃⴰⴽⴻⵎ ⵏ ⵜⴻⵎⵎⵓⵔⵜ, ⵥⵉ ⵙⴰⵍⴰⵄ ⵖⴰⵔ ⵍⴻⵅⵍⴰ, ⵖⴰⵔ ⵡⴻⴷⵔⴰⵔ ⵏ ⵜⵢⴻⴵⵉⵜ ⵚⵉⵀⵢⵓⵏ!’ 2 ⴰⵎ ⵉⵊⴹⴰⴹ ⵢⴰⵔⴻⵡⵍⴻⵏ, ⵉⵜⵜⵡⴰⵙⵙⴻⴹⵡⴻⵏ ⵥⵉ ⵍⵄⵓⵛⵛ, ⴰⵎⵎⵓ ⵉ ⵖⴰ ⴳⴳⴻⵏⵜ ⵢⴻⵙⵙⵉⵙ ⵏ ⵎⵓ’ⴰⴱ ⵖⴰⵔ ⵉⵎⵓⵛⴰⵏ ⵏ ⵓⵥⴻⴽⴽⵡⵓ ⵏ ⵢⴻⵖⵥⴰⵔ ⵏ ⴰⵔⵏⵓⵏ. 3 ‘ⴰⵡⵢⴻⵎ ⵅⴻⵏⵏⵉ ⵛⵛⵡⴰⵔ, ⴽⵙⵉⵎ ⴰⵡⴰⵍ, ⴳⴳⴻⵎ ⵜⵉⵍⵉ ⵏⵏⴻⴽ ⴰⵎ ⴵⵉⵍⴻⵜ ⴷⴻⴳ ⵓⵥⵉⵍ, ⵙⵏⵓⴼⴼⴰⵔ ⵉⵎⴻⵜⵍⴰⵄ, ⵡⴰⵔ ⵥⵏⵓⵥⵉ ⵉⵏⵏⵉ ⵢⴰⵔⴻⵡⵍⴻⵏ!’ 4 ‘ⵊⵊⴻⵎ ⵉⵏⵏⵉ ⵥⵥⴰⵢⵉ ⵅ ⵢⵓⵥⵥⵍⴻⵏ ⴰⴷ ⵖⴰⵔⴻⵎ ⵇⵇⵉⵎⴻⵏ, ⴰ ⵜⴰⵎⵎⵓⵔⵜ ⵏ ⵎⵓ’ⴰⴱ! ⵉⵍⵉ ⴷ ⴰⴷⵓⵔⵔⵉ ⵉ ⵏⵉⵜⵏⵉ ⵥⵥⴰⵜ ⵉ ⵡⵓⴷⴻⵎ ⵏ ⵓⵎⵜⴻⵃⵃⴰⵢ!’ ”

“ⵍⴻⵃⵚⴰⵔⴻⵜ ⵎⴰⵛⴰ ⴰⴷ ⵜⴱⴻⴷⴷ, ⴰⵜⴻⵃⵃⵉ ⴰⴷ ⵉⵇⴹⴰ, ⵉⵏⵏⵉ ⵉⵄⴻⴼⴼⵙⴻⵏ ⵅ ⵜⴻⵎⵎⵓⵔⵜ ⴰⴷ ⵎⵡⴻⴷⴷⴰⵔⴻⵏ ⵥⵉ ⵜⴻⵎⵎⵓⵔⵜ. 5 ⵍⴽⵓⵔⵙⵉ ⵉⴳⴻⵍⵍⴷⴻⵏ ⴰⴷ ⵉⵜⵜⵡⴰⵛⴻⴷⴷ ⵙ ⵜⵎⴻⵅⵙⵉⵡⵜ ⵉⵛⵓⵡⵡⴰⵔⴻⵏ ⵓ ⵏⴻⵜⵜⴰ ⴰⴷ ⵅⴰⵙ ⵉⵇⵇⵉⵎ ⴷⵉ ⵜⵉⴷⴻⵜⵜ ⴷⴻⴳ ⵓⵇⵉⴹⵓⵏ ⵏ ⴷⴰⵡⵓⴷ, ⵏⴻⵜⵜⴰ ⴷ ⵡⴻⵏⵏⵉ ⵉⵃⴻⴽⴽⵎⴻⵏ ⴷ ⵡⴻⵏⵏⵉ ⵢⴰⵔⴻⵥⵥⵓⵏ ⵍⵃⴻⵇⵇ ⵓⵛⴰ ⵉⵙⵙⴻⴼⵍⴻⵃ ⵜⴰⵙⴻⴳⴷⴰ.” ^■  

6 “ⵏⴻⵛⵛⵉⵏ ⵏⴻⵙⵍⴰ ⵅ ⵏⵏⴼⴰⵅⴻⵜ ⵏ ⵜⴻⵎⵎⵓⵔⵜ ⵏ ⵎⵓ’ⴰⴱ, ⴰⵇⴰ ⵏⴻⵜⵜⴰⵜ ⴷ ⵜⴰⵄⴻⴼⴼⴰⵔⵜ ⴰⵍ ⵟⵟⴰⵔⴼ. ⵜⴰⵄⴻⴼⴼⴰⵔⵜ ⵏⵏⴻⵙ ⴷ ⵏⵏⴼⴰⵅⴻⵜ ⵏⵏⴻⵙ ⴷ ⵥⵥⵄⴰⵎⴻⵜ ⵏⵏⴻⵙ: ⴰⵇⴰ ⵎⴰⵔⵔⴰ ⵍⴻⵎⵄⴰⵏⵉ ⵏⵏⴻⵙ ⵅⵡⴰⵏ, ⵡⴰⵔ ⴵⵉⵏ ⵛⴰ ⵏⵉⵛⴰⵏ. ^■   7 ⵙ ⵓⵢⴻⵏⵏⵉ ⵉ ⵖⴰ ⵜⵔⵓ ⵜⴻⵎⵎⵓⵔⵜ ⵏ ⵎⵓ’ⴰⴱ ⵅ ⵎⵓ’ⴰⴱ, ⵎⴰⵔⵔⴰ ⴰⴷ ⵔⵓⵏ. ⵏⵉⵜⵏⵉ ⴰⴷ ⵙⵖⵓⵢⵢⴻⵏ ⵅ ⵥⵥⴱⵉⴱ ⵏ ⵇⵉⵔ-ⵃⴰⵔⵉⵙⴰⵜ, ⴷⴻⵡⵍⴻⵏ ⵜⵜⵡⴰⵖⴻⵍⴱⴻⵏ ⵇⴰⵄ. 8 ⵎⴰⵖⴰⵔ ⵉⵙⵍⴰⵡⴻⵏⵜ ⵜⵥⴰⵢⴰⵔⵉⵏ ⴷⴻⴳ ⵉⵎⴰⵔⵊⴰⵄⴻⵏ ⵏ ⵃⴰⵛⴱⵓⵏ. ⵍⴻⴼⵔⵓⵄ ⵏ ⴹⴹⵉⵍⴻⵛⵜ ⵏ ⵙⵉⴱⵎⴰ ⴰⵔⴻⵏⵏⵢⴻⵏ ⵍⵃⵓⴽⴽⴰⵎ ⵏ ⵍⴻⴳⵏⵓⵙ. ⵍⴻⴼⵔⵓⵄ ⵢⵉⵡⴹⴻⵏ ⵖⴰⵔⴻⵙ ⴰⵍ ⵢⴰⵄⵥⵉⵔ, ⵏⵉⵜⵏⵉ ⵙⵓⵃⴻⵏ ⴷⵉ ⵍⴻⵅⵍⴰ, ⴱⴻⵥⵥⵄⴻⵏ, ⴰⵇⴰ ⵥⵡⴰⵏ ⵍⴻⴱⵃⴰⵔ. ^■   9 ⵙ ⵓⵢⴻⵏⵏⵉ ⵜⵜⵔⵓⵖ ⵅ ⴹⴹⵉⵍⴻⵛⵜ ⵏ ⵙⵉⴱⵎⴰ, ⴰⵎ ⵎⴰⵎⵎⴻⵛ ⵔⵓⵖ ⵅ ⵢⴰⵄⵥⵉⵔ. ⵙⵙⵓⵖ ⵛⴻⵎ ⵙ ⵉⵎⴻⵟⵟⴰⵡⴻⵏ ⵉⵏⵓ, ⴰ, ⵜⵉⵏⴻⴷⴷⴰⵎ ⵏ ⵃⴰⵛⴱⵓⵏ ⴷ ⴰⵍⵉⵄⴰⵍⴰ, ⵎⵉⵏⵥⵉ ⵔⵓⵃⴻⵏ ⵉⵖⵓⵢⵢⴰⵏ ⵏ ⵓⵙⵍⵉⵡⵍⴻⵡ ⵥⵉ ⵜⵉⵏⵉ ⵏⵏⴻⵎ ⵏ ⵓⵏⴻⴱⴷⵓ ⵓ ⵥⴻⴳ ⵡⴻⵍⵇⴰⴹ ⵏⵏⴻⵎ.

10 ⵜⵃⴻⵢⵢⴻⴷ ⵍⴻⴼⵔⴰⵃⴻⵜ ⴷ ⵥⵥⵀⵓ ⵥⴻⴳ ⵉⵢⵢⴰⵔⴻⵏ ⵉⵙⵙⴻⵖⵎⴰⵢⴻⵏ ⵏ ⵜⴼⴻⴵⴰⵃⵜ, ⵡⴰⵔ ⵜⵜⵖⴻⵏⵏⵉⵊⴻⵏ ⵓ ⵡⴰⵔ ⵙⵍⵉⵡⵍⵉⵡⴻⵏ ⵄⴰⴷ ⴷⴻⴳ ⵉⵎⴰⵔⵊⴰⵄⴻⵏ ⵏ ⵓⴹⵉⵍ. ⵡⴻⵏⵏⵉ ⵢⴰⵔⴻⴼⴼⵙⴻⵏ ⵡⴰⵔ ⵢⴰⵔⴻⴼⴼⴻⵙ ⵄⴰⴷ ⴰⴹⵉⵍ ⴷⵉ ⵜⵙⵉⵍⵜ ⵏ ⵓⴹⵉⵍ. ⵙⵙⴱⴻⴷⴷⴻⵖ ⵏⴻⵛⵛ ⵍⴻⵄⵢⵓⴷⴰⵜ ⵏ ⵓⵙⵍⵉⵡⵍⴻⵡ.

11 ⵙ ⵓⵢⴻⵏⵏⵉ ⵙⵖⵓⵢⵢⴻⵏⵜ ⵜⴻⴽⵔⵉⵛⵉⵏ ⵉⵏⵓ ⴰⵎ ⵉⵊⵊ ⵏ ⵍⴳⴰⵎⴱⵔⵉ ⵅ ⵎⵓ’ⴰⴱ, ⵓ ⴷⴰⵅⴻⵍ ⵉⵏⵓ ⵅ ⴽⵉⵔ-ⵃⴰⵔⵉⵙ.

12 ⵍⴰⵎⵉ ⵉ ⵖⴰ ⵢⴰⵃⴻⵍ ⵎⵓ’ⴰⴱ ⵅ ⵍⴳⴻⵄⵄⴷⴻⵜ ⵏⵏⴻⵙ ⵏ ⵜⴻⵡⵀⵉⴱⵜ ⵓⵛⴰ ⴰⴷ ⵢⵓⴷⴻⴼ ⵖⴰⵔ ⵥⵥⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ ⵃⵉⵎⴰ ⴰⴷ ⵉⵥⵥⴰⴵ, ⵅⴻⵏⵏⵉ ⴰⴷ ⵥⴰⵔⴻⵏ ⴰⵇⴰ ⵎⵓ’ⴰⴱ ⵡⴰⵔ ⵉⵜⵜⵉⵡⴻⴹ ⴰⴷ ⵉⴳⴳ ⵡⴰⵍⵓ.” ^■  

13 ⵡⴰ ⴷ ⴰⵡⴰⵍ ⵉ ⵉⵙⵙⵉⵡⴻⵍ ⵙⵉⴷⵉ ⵅ ⵎⵓ’ⴰⴱ.

14 ⵓⵛⴰ ⵍⴻⵅⵅⵓ ⵉⵙⵙⴰⵡⴰⵍ ⵙⵉⴷⵉ, ⵉⵇⵇⴰⵔ: “ⴷⵉ ⵜⵍⴰⵜⴰ ⵏ ⵉⵙⴻⴳⴳⵯⵓⵙⴰ ⵄⵍⴰⵃⵙⴰⴱ ⵉⵙⴻⴳⴳⵯⵓⵙⴰ ⵏ ⵓⵛⴻⵡⵡⴰⵍ, ⴰⴷ ⵉⴷⵡⴻⵍ ⵓⵄⵓⴵⵉ ⵏ ⵎⵓ’ⴰⴱ ⵉⵜⵜⵡⴰⵙⵙⴻⵃⵇⴰⵔ ⴰⴽ-ⴷ ⵎⴰⵔⵔⴰ ⴰⴱⴰⵔⵔⵓ ⵏⵏⵉ ⴰⵎⴻⵇⵇⵔⴰⵏ. ⵎⵉⵏ ⵥⵥⴰⵢⴻⵙ ⵉ ⵖⴰ ⵉⵇⵇⵉⵎⴻⵏ, ⴰⴷ ⵢⵉⵍⵉ ⴷⵔⵓⵙ ⵇⴰⵄ, ⵡⴰⵔ ⵉⴵⵉ ⴰⵟⵟⴰⵙ.”