1 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⵎⵓ’ⴰⴱ.

“ⵡⴰⵀ, ⴷⵉ ⴵⵉⵍⴻⵜ ⵉⵜⵜⵡⴰⵀⴷⴻⵎ ⴰⵔ-ⵎⵓ’ⴰⴱ, ⵉⴷⵡⴻⵍ ⵉⵙⵙⵓⵙⴻⵎ, ⵡⴰⵀ, ⴷⵉ ⴵⵉⵍⴻⵜ ⵉⵜⵜⵡⴰⵀⴷⴻⵎ ⵇⵉⵔ-ⵎⵓ’ⴰⴱ, ⵉⴷⵡⴻⵍ ⵉⵙⵙⵓⵙⴻⵎ! ^■   2 ⴳⴰⵄⵄⴷⴻⵏ ⵖⴰⵔ ⴱⴰⵢⵉⵜ ⴷ ⴷⵉⴱⵓⵏ, ⵖⴰⵔ ⵍⴻⴳⵄⵓⴷⵉ ⵃⵉⵎⴰ ⴰⴷ ⵔⵓⵏ. ⴷⵉⵏⵏⵉ ⴰⴷ ⵉⵔⵓ ⵎⵓ’ⴰⴱ ⵅ ⵏⴰⴱⵓ ⴷ ⵎⴰⵢⴷⴰⴱⴰ. ⵇⴰⵄ ⴰⵥⴻⴵⵉⴼ ⵏⵙⴻⵏ ⵉⵍⵙⴰ ⴷ ⴰⵇⴻⵛⵛⴰⵔ, ⵎⴰⵔⵔⴰ ⵜⵉⵎⵉⵔⴰ ⵜⵜⵡⴰⵃⴻⴼⴼⴻⵏⵜ. ^■   3 ⴱⴻⵢⵙⴻⵏ ⵙ ⵜⵅⵓⵏⵛⴰⵢ ⵏ ⵡⴻⵛⴹⴰⵏ ⴷⴻⴳ ⵉⵥⵏⵉⵇⴻⵏ ⵏⵙⴻⵏ, ⴰⵇⴰ ⴷⵉⵏ ⵎⵖⵉⵔ ⵜⵖⵓⵢⵢⵉⵜ ⵅ ⵜⵥⴻⵖⵡⵉⵏ ⵏⵙⴻⵏ ⵓ ⴷⴻⴳ ⵉⵥⵓⵔⴰⵢ ⵏⵙⴻⵏ, ⵉⵎⴻⵟⵟⴰⵡⴻⵏ ⵡⴻⵟⵟⴰⵏ-ⴷⴷ ⵅ ⵓⵖⴻⵎⴱⵓⴱ. 4 ⵃⴰⵛⴱⵓⵏ ⵉⵙⵖⵓⵢⵢⵓ, ⵓⵍⴰ ⴷ ⴰⵍⵉⵄⴰⵍⴰ. ⵜⵜⴻⵙⵍⴰⵏ ⵉ ⵜⵎⵉⵊⵊⴰ ⵏⵙⴻⵏ ⴰⵍ ⵢⴰⵀⴰⵚ. ⵙ ⵓⵢⴻⵏⵏⵉ ⵙⵖⵓⵢⵢⴻⵏ ⵓⵍⴰ ⴷ ⵉⵔⵢⴰⵥⴻⵏ ⵏ ⵎⵓ’ⴰⴱ ⵏⵏⵉ ⵖⴰⵔ ⵉⴵⴰ ⵍⴻⵙⵏⴰⵃ, ⴱⵓⵃⴱⴻⵍ ⵏ ⵎⴽⵓⵍ ⴰⵔⵢⴰⵥ ⵉⴼⵛⴻⵍ ⴷⴰⵢⴻⵙ.

5 ⵓⵍ ⵉⵏⵓ ⵉⵙⵖⵓⵢⵢⵓ ⵅ ⵎⵓ’ⴰⴱ. ⵜⴰⵔⵡⴰ ⵏⵏⴻⵙ ⵏ ⵜⴰⵚⵉⵍⴻⵜ ⵉⵡⴹⴻⵏ ⴰⵍ ⵜⴰⵏⴷⵉⵏⵜ ⵏ ⵚⵓⵖⴰⵔ, ⵜⴻⵏⵏⵉ ⵉⴵⴰⵏ ⴰⵎ ⵜⵢⴻⵏⴷⵓⵥⵜ ⵏ ⵜⵍⴰⵜⴰ ⵏ ⵉⵙⴻⴳⴳⵯⵓⵙⴰ. ⵎⴰⵖⴰⵔ ⴰⵎ ⵜⵜⵔⵓⵏ ⵜⵜⴳⴻⵄⵄⴰⴷⴻⵏ ⵜⴰⵙⴰⵡⴻⵏⵜ ⵏ ⵍⵓⵃⵉⵜ, ⵡⴰⵀ ⴷⴻⴳ ⵡⴻⴱⵔⵉⴷ ⵖⴰⵔ ⵃⵓⵔⵓⵏⴰⵢⵉⵎ ⵙⵙⴳⴰⵄⵄⴰⴷⴻⵏ ⵏⵉⵜⵏⵉ ⵜⴰⵖⵓⵢⵢⵉⵜ ⵏ ⵜⵅⴻⵙⵙⴰⵔⵜ. 6 ⵎⴰⵖⴰⵔ ⴰⵎⴰⵏ ⵏ ⵏⵉⵎⵔⵉⵎ ⴰⴷ ⴷⴻⵡⵍⴻⵏ ⵉⵎⵓⵛⴰⵏ ⵅⵍⴰⵏ. ⵎⴰⵖⴰⵔ ⴰⵔⵔⴱⵉⵄ ⵉⵙⵍⴰⵡ, ⴰⵖⴻⵎⵎⵓⵢ ⵏ ⴰⵔⵔⴱⵉⵄ ⵉⵇⴹⴰ, ⵡⴰⵔ ⵉⵜⵜⵉⵍⵉ ⵄⴰⴷ ⵓⵖⴻⵎⵎⵓⵢ ⴰⵥⵉⵥⴰ. 7 ⵙ ⵓⵢⴻⵏⵏⵉ ⴰⴷ ⴰⵔⴱⵓⵏ ⵎⵉⵏ ⵉⵛⴻⵟⵟⴻⵏ ⴷ ⵎⵉⵏ ⴽⴻⵙⴱⴻⵏ ⵖⴰⵔ ⵓⵊⴻⵎⵎⴰⴹ ⵏ ⵢⴻⵖⵥⴰⵔ ⵏ ⵉⵚⴻⴼⵚⴰⴼⴻⵏ. 8 ⵎⴰⵖⴰⵔ ⵜⵖⵓⵢⵢⵉⵜ ⵏ ⵓⵛⴻⵜⵛⵉ ⴰⴷ ⴷⴷ-ⵜⴻⴼⴼⴻⵖ ⴷⵉ ⵜⴻⵎⵎⵓⵔⵜ ⵏ ⵎⵓ’ⴰⴱ, ⴰⵡⴻⵄⵄⴻⴹ ⵏⵏⴻⵙ ⴰⴷ ⴷⴷ-ⵉⴼⴼⴻⵖ ⴰⵍ ⴰⵊⵍⴰⵢⵉⵎ, ⴰⵖⵓⵢⵢⵉ ⵙ ⵉⵎⴻⵟⵟⴰⵡⴻⵏ ⴰⵍ ⴱⵉ’ⵔ-ⵉⵍⵉⵎ. 9 ⵎⴰⵖⴰⵔ ⴰⵎⴰⵏ ⵏ ⴷⵉⵎⵓⵏ ⵛⵛⵓⵔⴻⵏ ⵙ ⵉⴷⴰⵎⵎⴻⵏ, ⵎⴰⵖⴰⵔ ⵏⴻⵛⵛ ⴰⴷ ⴰⵡⵢⴻⵖ ⵅ ⴷⵉⴱⵓⵏ ⵄⴰⴷ ⴽⵜⴰⵔ: ⴰⵢⵔⴰⴷ ⴰⴷ ⴷⴷ-ⵢⴰⵙ ⵅ ⵢⴻⵏⵏⵉ ⵢⴰⵔⴻⵡⵍⴻⵏ ⵥⵉ ⵎⵓ’ⴰⴱ, ⵅ ⵎⵉⵏ ⵉⵇⵇⵉⵎⴻⵏ ⴷⵉ ⵜⴻⵎⵎⵓⵔⵜ.”