ⴰⵡⴰⵍⴻⵏ ⵉⵡⴻⵥⵏⴻⵏ ⵏ ⵢⴻⵎⵎⴰⵙ ⵏ ⵍⴰⵎⵓⵢⵉⵍ
31
1 ⴰⵡⴰⵍⴻⵏ ⵏ ⵍⴰⵎⵓⵢⵉⵍ, ⴰⵊⴻⴵⵉⴷ. ⴰⵡⴰⵍⴻⵏ ⵉⵇⴻⵙⵃⴻⵏ ⵉ ⵥⵉ ⵜ ⵜⵄⴻⵍⵎⴻⴷ ⵢⴻⵎⵎⴰⵙ.
2 ⵎⵉⵏ ⴷⵉⵏ, ⴰ ⵎⵎⵉ ⵉⵏⵓ, ⵎⵉⵏ ⴷⵉⵏ, ⴰ ⵎⵎⵉ ⵏ ⵡⴻⵃⵙⵉⵏ ⵉⵏⵓ?
ⵎⵉⵏ ⵉ ⵖⴰ ⵜⴻⴳⴳⴻⴷ, ⴰ ⵎⵎⵉ ⵏ ⵍⵡⵓⵄⵓⴷ ⵉⵏⵓ?
3 ⵡⴰⵔ ⵜⵜⵉⵛ ⵜⵉⵥⴻⵎⵎⴰⵔ ⵏⵏⴻⴽ ⵉ ⵜⴻⵎⵖⴰⵔⵉⵏ,
ⵓⵍⴰ ⵉⴱⵔⵉⴷⴻⵏ ⵏⵏⴻⴽ ⵉ ⵜⵉⵏⵏⵉ ⵉⵜⵜⵀⴻⵍⵍⴰⴽⴻⵏ ⵉⵊⴻⴵⵉⴷⴻⵏ. ■
4 ⵡⴰⵔ ⴷⴷ-ⵜⵓⵙⵉ ⵉ ⵉⵊⴻⴵⵉⴷⴻⵏ, ⴰ ⵍⴰⵎⵓⵢⵉⵍ, ⵡⴰⵔ ⴷⴷ-ⵜⵓⵙⵉ ⵉ ⵉⵊⴻⴵⵉⴷⴻⵏ ⵎⴰⵃⴻⵏⴷ ⴰⴷ ⵙⵡⴻⵏ ⴱⵉⵏⵓ,
ⵓⵍⴰ ⵉ ⴰⵢⵜ ⵏ ⵊⵊⴻⵀⴷ ⵎⴰⵃⴻⵏⴷ ⴰⴷ ⵎⴻⵥⵔⴻⵏ ⴷⵉ ⵛⵛⵔⴰⴱ.
5 ⵏⵉⵖ ⴰⴷ ⵉⵙⵓⵡ ⵓ ⴰⴷ ⵉⵜⵜⵓ ⵍⴼⴰⵔⵉⴹⴰ
ⵓ ⵅⴻⵏⵏⵉ ⴰⴷ ⵉⵙⵙⴼⴰⵔⵖ ⵜⴰⵏⴼⵓⵞ ⵏ ⵎⴰⵔⵔⴰ ⵉⵎⵅⴻⵢⵢⴱⴻⵏ.
6 ⴻⵡⵛ ⵛⵛⵔⴰⴱ ⵉ ⵢⴻⵏⵏⵉ ⵉ ⵖⴰ ⵉⵜⵜⵡⴰⵀⴻⵍⵍⴽⴻⵏ,
ⵓⵍⴰ ⴷ ⴱⵉⵏⵓ ⵉ ⵢⴻⵏⵏⵉ ⴷⵉ ⵉⴵⴰ ⵡⴻⵛⴹⴰⵏ ⴰⵎⴻⵔⵥⴰⴳ ⴷⵉ ⵍⴻⵄⵎⴰⵔ ⵏⵙⴻⵏ.
7 ⴻⵊⵊ ⵉ-ⵜ ⴰⴷ ⵉⵙⵓⵡ ⵓ ⴰⴷ ⵉⵜⵜⵓ ⵥⵥⴻⵍⴹ ⵏⵏⴻⵙ,
ⵓ ⴻⵊⵊ ⵉ-ⵜ ⵡⴰⵔ ⵜⵜⵅⴰⵔⵔⴰⵚ ⴷⵉ ⵜⴰⵎⴰⵔⴰ ⵏⵏⴻⵙ ⵄⴰⴷ.
8 ⴰⵔⵥⴻⵎ ⴰⵇⴻⵎⵎⵓⵎ ⵏⵏⴻⴽ ⵉ ⵉⵥⵉⵢⵏⴰⵏ,
ⵉ ⴷⴷⴻⵄⵡⴻⵜ ⵏ ⵎⴰⵔⵔⴰ ⵉⵏⵏⵉ ⵉⵜⵜⵡⴰⵊⵊⴻⵏ.
9 ⴰⵔⵥⴻⵎ ⴰⵇⴻⵎⵎⵓⵎ ⵏⵏⴻⴽ, ⵃⴽⴻⵎ ⵙ ⵍⵃⵓⴽⵎ ⵏⵉⵛⴰⵏ,
ⵓⵛⴰ ⴰⵖ ⵜⴰⵙⵖⴰⵔⵜ ⵉ ⵓⵎⴻⵥⵍⵓⴹ. ■
10 ⴰⵍⵉⴼ. ⵎⴰⵏ ⵡⴻⵏ ⵉ ⵖⴰ ⵢⴰⴼⴻⵏ ⵉⵛⵜ ⵏ ⵜⴻⵎⵖⴰⵔⵜ ⵉⵎⴻⵃⴹⴻⵏ?
ⵜⵜⴰⵎⴰⵏ ⵏⵏⴻⵙ ⵉⵄⴷⵓ ⵎⴰⵔⵔⴰ ⵍⵎⴰⵔⵊⴰⵏ. ■
11 ⴱⵉⵜ. ⵅⴰⵙ ⵉ ⵉⵜⵜⵛⴰⵍⴰ ⵡⵓⵍ ⵏ ⵙⵉⴷⵉ ⵏⵏⴻⵙ,
ⵡⴰⵔ ⴷ ⴰⵙ ⵉⵜⵜⵅⴻⵚⵚⵉ ⵍⴻⴼⴹⴻⵍ.
12 ⴳⵉⵎⴻⵍ. ⵏⴻⵜⵜⴰⵜ ⵜᵉⵜⵜⴻⴳⴳ ⴰⵙ ⵎⵉⵏ ⵉⵚⴻⴱⵃⴻⵏ ⵓ ⵎⴰⵛⵉ ⵍⵖⴰⵔ,
ⵎⴰⵔⵔⴰ ⵓⵙⵙⴰⵏ ⵏ ⵜⵓⴷⴰⵔⵜ ⵏⵏⴻⵙ.
13 ⴷⴰⵍⵉⵜ. ⵏⴻⵜⵜⴰⵜ ⵜⴰⵔⴻⵥⵥⵓ ⵜⴰⴹⵓⴼⵜ ⴷ ⵜⵉⴼⴼⴻⵙⵜ,
ⵓ ⵜⵅⴻⴷⴷⴻⵎ ⵙ ⵉⴼⴰⵙⵙⴻⵏ ⵏⵏⴻⵙ ⵉⵎⴻⵃⴹⴻⵏ.
14 ⵀⵉ. ⵏⴻⵜⵜⴰⵜ ⵜⴻⴳⴳⴰ ⴰⵎ ⵜⵖⴰⵔⵔⵓⴱⴰ ⵏ ⵓⵙⴻⴱⴱⴰⴱ,
ⵥⵉ ⵍⴰⴳⴳⵯⴰⵊ ⵜᵉⵜⵜⴰⵡⵉ-ⴷⴷ ⵎⴰⵛⵛⴰ ⵏⵏⴻⵙ.
15 ⵡⴰⵡ. ⵏⴻⵜⵜⴰ ⵜᵉⵜⵜⵏⴰⴽⴽⴰⵔ ⵓⵎⵉ ⵄⴰⴷ ⵜⴻⴵⴰ ⴵⵉⵍⴻⵜ,
ⵜᵉⵜⵜⵉⵛ ⵎⴰⵛⵛⴰ ⵉ ⵜⴰⴷⴷⴰⵔⵜ ⵏⵏⴻⵙ,
ⵓ ⵜⴰⵙⵖⴰⵔⵜ ⵏⵙⴻⵏⵜ ⵉ ⵜⴻⵎⵙⴻⵅⵅⴰⵔⵉⵏ ⵜⵉⴱⵍⵉⵖⵉⵏ ⵏⵏⴻⵙ.
16 ⵣⴰⵢⵉⵏ. ⵏⴻⵜⵜⴰⵜ ⵜᵉⵜⵜⵅⴰⵔⵔⴰⵚ ⴷⴻⴳ ⵉⵢⵢⴰⵔ ⵓ ⵜᵉⵜⵜⴻⵟⵟⴻⴼ ⵉ-ⵜ,
ⵥⵉ ⵍⵖⵉⴵⴻⵜ ⵏ ⵉⴼⴰⵙⵙⴻⵏ ⵏⵏⴻⵙ ⵜⴻⵥⵥⵓ ⵜⵉⵥⴰⵢⴰⵔⵉⵏ ⴷⴻⴳ ⵓⵎⴰⵔⵊⵓⵄ.
17 ⵅⵉⵜ. ⵏⴻⵜⵜⴰⵜ ⵜⴱⴻⴽⴽⴻⵙ ⵜⵉⵊⵄⵉⵏⵏⴰⵜⵉⵏ ⵏⵏⴻⵙ ⵙ ⵊⵊⴻⵀⴷ,
ⵓ ⵜⴻⵙⵙⴻⵎⵃⴰⴹ ⵉⵖⴰⴵⴻⵏ ⵏⵏⴻⵙ.
18 ⵜⵉⵜ. ⵏⴻⵜⵜⴰⵜ ⵜⵃⴻⴽⴽⴰⵔ ⵉ ⵍⴻⴼⴹⴻⵍ ⵏ ⵜⵙⴻⴱⴱⴰⴱⵜ ⵏⵏⴻⵙ,
ⵍⴻⴼⵏⴰⵔ ⵏⵏⴻⵙ ⵡⴰⵔ ⵉⵅⴻⵙⵙⵉ ⴷⵉ ⴵⵉⵍⴻⵜ.
19 ⵢⵓⴷ. ⵏⴻⵜⵜⴰⵜ ⵜⴻⵙⵙⵡⵉⵥⵥⴻⴹ ⵉⴼⴰⵙⵙⴻⵏ ⵏⵏⴻⵙ ⵖⴰⵔ ⵜⵔⵓⴽⴽⴰ,
ⵓ ⵉⴼⴰⵙⵙⴻⵏ ⵏⵏⴻⵙ ⵟⵟⴼⴻⵏ ⵜⴰⵥⴹⴰ.
20 ⴽⴰⴼ. ⵏⴻⵜⵜⴰⵜ ⵜⴰⵔⴻⵥⵥⴻⵎ ⴰⴼⵓⵙ ⵏⵏⴻⵙ ⵉ ⵓⵎⴻⵃⴷⴰⵊ,
ⵓ ⵜⴻⵙⵙⵡⴰⵥⵥⴰⴹ ⵉⴼⴰⵙⵙⴻⵏ ⵏⵏⴻⵙ ⵉ ⵓⵎⴻⵥⵍⵓⴹ.
21 ⵍⴰⵎⵉⴷ. ⵏⴻⵜⵜⴰⵜ ⵡⴰⵔ ⵜᵉⵜⵜⴻⴳⴳⵯⴻⴷ ⵥⵉ ⵜⴰⴷⴷⴰⵔⵜ ⵏⵏⴻⵙ ⴷⵉ ⵙⵙⵉⴱⴱⴻⵜ ⵏ ⵡⴻⴷⴼⴻⵍ,
ⵎⴰⵖⴰⵔ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ ⵖⴰⵔⴻⵙ ⴰⵔⵔⵓⴹ ⴰⵔⵊⵓⵡⴰⵏⵉ.
22 ⵎⵉⵎ. ⵏⴻⵜⵜⴰⵜ ⵜⴻⴳⴳⴰ ⵜⵉⵙⵓⵏⵜⴰⵡⵉⵏ ⵏ ⵥⵡⴰⵇ ⵉ ⵢⵉⵅⴻⴼ ⵏⵏⴻⵙ,
ⴰⵔⵔⵓⴹ ⵏⵏⴻⵙ ⵙ ⵍⴻⵇⵟⴻⵏ ⴰⵥⴷⴰⴷ ⵓ ⵙ ⵓⴼⵉⵍⵓ ⴰⵔⵊⵓⵡⴰⵏⵉ.
23 ⵏⵓⵏ. ⴰⵔⵢⴰⵥ ⵏⵏⴻⵙ ⵉⵜⵜⵡⴰⵙⵙⴻⵏ ⴷⵉ ⵜⴻⵡⵡⵓⵔⴰ,
ⵅⵎⵉ ⵉⵜⵜⵖⵉⵎⴰ ⵏⴻⵜⵜⴰ ⴰⴽ-ⴷ ⵉⵎⵖⴰⵔⴻⵏ ⵏ ⵜⴻⵎⵎⵓⵔⵜ.
24 ⵙⴰⵎⵉⵅ. ⵏⴻⵜⵜⴰⵜ ⵜᵉⵜⵜⴻⴳⴳ ⴰⵔⵔⵓⴹ ⵏ ⵍⴻⵇⵟⴻⵏ ⵓⵛⴰ ⵜⴻⵥⵥⵏⵓⵥⴰ ⵉ-ⵜ,
ⵏⴻⵜⵜⴰⵜ ⵜⴻⵥⵥⵏⵓⵥⴰ ⵉⴱⵓⵢⴰⵙ ⵉ ⵓⵙⴻⴱⴱⴰⴱ ⵥⵉ ⴽⴻⵏⵄⴰⵏ.
25 ⵄⴰⵢⵉⵏ. ⵜⵉⵥⴻⵎⵎⴰⵔ ⴷ ⵍⵄⴻⵥⵥ ⴷ ⴰⵔⵔⵓⴹ ⵏⵏⴻⵙ,
ⵏⴻⵜⵜⴰⵜ ⵜⴹⴻⵃⵃⴻⵛ ⵜⴻⵙⴼⴰⵔⵏⵉⵏ ⵅ ⵡⴰⵙⵙ ⵉ ⴷⴷ ⵖⴰ ⵢⴰⵙⴻⵏ.
26 ⴱⵉ. ⵏⴻⵜⵜⴰⵜ ⵜⴰⵔⴻⵥⵥⴻⵎ ⴰⵇⴻⵎⵎⵓⵎ ⵏⵏⴻⵙ ⵙ ⵜⵉⵖⵉⵜ,
ⴰⵇⴰ ⴷⵉⵏ ⵜⴰⵖⵓⵔⵉ ⵙ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵅ ⵢⵉⵍⴻⵙ ⵏⵏⴻⵙ.
27 ⵜⵙⴰⴷⵉ. ⵏⴻⵜⵜⴰⵜ ⵜⵃⴻⵟⵟⴰ ⵅ ⵎⵉⵏ ⵉⵜⵜⴻⵎⵎⵙⴰⵔⴰⵏ ⴷⵉ ⵜⴰⴷⴷⴰⵔⵜ,
ⴰⵖⵔⵓⵎ ⵏ ⵍⴻⵄⴳⴻⵥ ⵡⴰⵔ ⵜᵉⵜⵜⴻⵜⵜ .
28 ⵇⵓⴼ. ⵉⵃⴻⵏⵊⵉⵔⴻⵏ ⵏⵏⴻⵙ ⵜⵜⴻⴽⴽⴰⵔⴻⵏ, ⵙⵙⴻⵎⵖⴰⵔⴰⵏ ⵜⵜ ⵙ ⵍⴻⴼⵔⴰⵃⴻⵜ,
ⵓⵍⴰ ⴷ ⴰⵔⵢⴰⵥ ⵏⵏⴻⵙ ⵉⵜⵜⵎⴻⴷⴷⴻⵃ ⵉ-ⵜⵜ.
29 ⵔⵉⵅ. ⴰⵟⵟⴰⵙ ⵏ ⵜⵢⴻⵙⵙⵉⵜ ⴳⴳⵉⵏⵜ ⵜⵉⵎⴻⴳⴳⴰ ⵊⴻⵀⴷⴻⵏⵜ,
ⵎⴰⵛⴰ ⵛⴻⵎ ⵜⴻⵄⴷⵓⴷ-ⴷⴷ ⵜⴻⵏ ⵎⴰⵔⵔⴰ.
30 ⵛⵉⵏ. ⵍⴻⴱⵀⵓⵜ ⵜⵛⴻⵎⵎⴻⵜ ⵓ ⴰⵥⵔⵉ ⵉⴼⴻⵏⵏⴰ,
ⵎⴰⵛⴰ ⵜⴰⵎⵖⴰⵔⵜ ⵏⵏⵉ ⵉⵜⵜⴻⴳⴳⵯⴷⴻⵏ ⵙⵉⴷⵉ, ⵉⵜⵜⵅⴻⵚⵚⴰ ⴰⴷ ⵜⵜ ⵙⵙⴻⵎⵖⴰⵔⴻⵏ.
31 ⵜⴰⵡ. ⵡⵛⴻⵎ ⴰⵙ ⵥⵉ ⵍⵖⵉⴵⴻⵜ ⵏ ⵉⴼⴰⵙⵙⴻⵏ ⵏⵏⴻⵙ,
ⵊⵊⴻⵎ ⵜⵉⵎⴻⴳⴳⴰ ⵏⵏⴻⵙ ⴰⴷ ⴰⵙ ⵚⴻⴱⴱⵃⴻⵏⵜ ⵖⴰⵔ ⵜⴻⵡⵡⵓⵔⴰ.