1 ⵀⴰⵍⵍⵉⵍⵓ-ⵢⴰⵀ! ⵚⴻⴱⴱⵃⴻⵎ ⵉ ⵙⵉⴷⵉ ⵥⴻⴳ ⵉⵊⴻⵏⵡⴰⵏ,

ⵚⴻⴱⴱⵃⴻⵎ ⵜ ⴷⵉ ⵍⵓⵄⵍⴰ. ^■  

2 ⵚⴻⴱⴱⵃⴻⵎ ⵜ, ⵎⴰⵔⵔⴰ ⵍⵎⴰⵍⴰⴽⴰⵜ ⵏⵏⴻⵙ!

ⵚⴻⴱⴱⵃⴻⵎ ⵜ, ⵎⴰⵔⵔⴰ ⵍⵄⴻⵙⴽⴰⵔⴰⵜ ⵏⵏⴻⵙ!

3 ⵚⴻⴱⴱⵃⴻⵎ ⵜ, ⵜⴰⴼⵓⵛⵜ ⴷ ⵜⵥⵉⵔⵉ!

ⵚⴻⴱⴱⵃⴻⵎ ⵜ, ⵎⴰⵔⵔⴰ ⵉⵜⵔⴰⵏ ⵢⴰⵔⴻⵇⵇⴻⵏ!

4 ⵚⴻⴱⴱⵃⴻⵎ ⵜ, ⴰⵊⴻⵏⵏⴰ ⵅ ⵉⵊⴻⵏⵡⴰⵏ,

ⵓⵍⴰ ⴷ ⴰⵎⴰⵏ ⵏⵏⵉ ⵉⴵⴰⵏ ⵜⵉⵡⴰ ⵉ ⵓⵊⴻⵏⵏⴰ.

5 ⴻⵊⵊ ⵉ-ⵜⴻⵏ ⴰⴷ ⵚⴻⴱⴱⵃⴻⵏ ⵉⵙⴻⵎ ⵏ ⵙⵉⴷⵉ,

ⵎⴰⵖⴰⵔ ⵏⴻⵜⵜⴰ ⵢⵓⵎⵓⵔ ⵓ ⴰⵎⵎⵓ ⵜⵜⵡⴰⵅⴻⵍⵇⴻⵏ-ⴷⴷ. ^■  

6 ⵏⴻⵜⵜⴰ ⵉⴷⴻⴽⴽⴻⵏ ⵉ-ⵜⴻⵏ ⴷⵉⵏ ⵉ ⵍⴻⴱⴷⴰ,

ⵉⵡⵛⴰ ⴰⵙⴻⵏ ⵉⵛⵜ ⵏ ⵜⴻⵡⵚⴻⵢⵢⴻⵜ ⵉ ⵡⴰⵔ ⴳⴳⵓⵔ ⴰⴷ ⵜⵜ ⵏⵄⴻⴷⴷⵓ ⵄⴻⵎⵎⴰⵔⵚ. ^■  

7 ⵚⴻⴱⴱⵃⴻⵎ ⵉ ⵙⵉⴷⵉ, ⵥⵉ ⵜⴻⵎⵎⵓⵔⵜ,

ⴽⴻⵏⵏⵉⵡ ⵍⵀⴰⵢⵛⴰⵜ ⵏ ⵍⴻⴱⵃⴰⵔ ⴷ ⵎⴰⵔⵔⴰ ⴰⵎⴰⵏ ⵢⵓⴵⵖⴻⵏ,

8 ⵜⵉⵎⴻⵙⵙⵉ ⴷ ⵜⴻⴱⵔⵓⵔⵔⵉ ⴷ ⵡⴻⴷⴼⴻⵍ ⴷ ⴷⴷⴻⵅⵅⴰⵏ,

ⴰⵙⴻⵎⵎⵉⴹ ⵏ ⵜⵃⴰⵔⵢⴰⴹⵜ ⵏⵏⵉ ⵉⵜⵜⴻⴳⴳⴻⵏ ⴰⵡⴰⵍ ⵏⵏⴻⵙ,

9 ⵉⴷⵓⵔⴰⵔ ⴷ ⵎⴰⵔⵔⴰ ⵜⵉⵡⵔⵉⵔⵉⵔⵉⵏ,

ⵜⵉⵛⴻⵊⵊⵓⵔⴰ ⵏ ⴼⵔⵓⵜⴰ ⴷ ⵎⴰⵔⵔⴰ ⵜⵉⵛⴻⵊⵊⵓⵔⴰ ⵏ ⵜⴻⵏⴳⴻⵍⵜ,

10 ⵍⴻⵡⵃⵓⵛ ⵏ ⵍⴻⵅⵍⴰ ⴷ ⵎⴰⵔⵔⴰ ⵍⵎⴰⵔ,

ⵉⵎⵓⴷⴷⴰⵔⴻⵏ ⵉⵜⵜⴱⵓⵄⴻⵏ ⴷ ⵉⵊⴹⴰⴹ ⵙ ⵡⴰⴼⵔⵉⵡⴻⵏ ⵏⵙⴻⵏ,

11 ⴽⴻⵏⵏⵉⵡ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ ⴷ ⵎⴰⵔⵔⴰ ⵛⵛⵓⵄⵓⴱ,

ⴽⴻⵏⵏⵉⵡ ⵍⵃⵓⴽⴽⴰⵎ ⴷ ⵎⴰⵔⵔⴰ ⵍⵇⵓⴹⴰⵜ ⵅ ⵜⴻⵎⵎⵓⵔⵜ, ^□  

12 ⵉⵃⵓⴷⵔⵉⵢⵢⴻⵏ ⵓⵍⴰ ⴷ ⵜⵉⵃⵓⴷⵔⵉⵢⵢⴻⵏ,

ⵉⵡⴻⵙⵙⵓⵔⴰ ⵊⵎⵉⵄ ⴰⴽ-ⴷ ⵉⵎⴻⵥⵢⴰⵏⴻⵏ!

13 ⴻⵊⵊ ⵉ-ⵜⴻⵏ ⴰⴷ ⵚⴻⴱⴱⵃⴻⵏ ⵉⵙⴻⵎ ⵏ ⵙⵉⴷⵉ,

ⵎⴰⵖⴰⵔ ⵉⵙⴻⵎ ⵏⵏⴻⵙ ⵡⴰⵀⴰ ⵢⵓⵄⵍⴰⵏ ⵇⴰⵄ,

ⵜⵉⵙⵙⵉⵇⵜ ⵏⵏⴻⵙ ⵜⴰⵍⴻⵇⵇ ⵅ ⵜⴻⵎⵎⵓⵔⵜ ⴷ ⵉⵊⴻⵏⵡⴰⵏ. ^■  

14 ⵏⴻⵜⵜⴰ ⵉⵙⵙⴳⴻⵄⵄⴻⴷ ⵉⵛⵛ ⵏ ⵍⴳⴻⵏⵙ ⵏⵏⴻⵙ,

ⴰⵚⴻⴱⴱⴻⵃ ⵏ ⵎⴰⵔⵔⴰ ⵉⵎⵜⵉⵇⵇⴰⵏ ⵏⵏⴻⵙ, ⵏ ⴰⵢⵜ ⵏ ⵉⵙⵔⴰⵉⵍ,

ⵏ ⵍⴳⴻⵏⵙ ⵉ ⴷⴷ ⴰⵙ ⵢⵓⴷⵙⴻⵏ. ⵀⴰⵍⵍⵉⵍⵓ-ⵢⴰⵀ! ^■