144
1 ⵏ ⴷⴰⵡⵓⴷ. ⴰⴷ ⵉⵜⵜⵡⴰⴱⴰⵔⴻⴽ ⵙⵉⴷⵉ, ⵜⴰⵚⴹⴰⵔⵜ ⵉⵏⵓ,
ⵡⴻⵏⵏⵉ ⵉⵙⵙⴻⵍⵎⴰⴷⴻⵏ ⵉⴼⴰⵙⵙⴻⵏ ⵉⵏⵓ ⵉ ⵓⵎⴻⵏⵖⵉ,
ⵉⴹⴻⵡⴹⴰⵏ ⵉⵏⵓ ⵉ ⵍⵃⴰⵔⴱ. ■
2 ⵛⴻⴽ ⴷ ⵜⴰⵎⴻⵅⵙⵉⵡⵜ ⵉⵏⵓ ⵉⵛⴻⵡⵡⴰⵔⴻⵏ ⴷ ⵍⴱⵓⵔⵊ ⵉⵏⵓ,
ⵍⴱⵓⵔⵊ ⵉⵏⵓ ⵢⵓⵄⵍⴰⵏ ⴷ ⴰⵎⵙⴻⵏⵊⴻⵎ ⵉⵏⵓ,
ⵜⴰⵙⴻⴷⴷⴰⵔⵜ ⵉⵏⵓ ⵉ ⵓⵙⴻⵍⵇⵉ ⴷ ⵡⴻⵏⵏⵉ ⵅⴻⴼ ⵜⵜⴻⵛⵍⴻⵖ,
ⴷ ⵡⴻⵏⵏⵉ ⴷ ⴰⵢⵉ ⵉⵙⵙⵡⴰⴹⴹⵄⴻⵏ ⵍⴳⴻⵏⵙ ⵉⵏⵓ. ■
3 ⴰ ⵙⵉⴷⵉ, ⵎⵉⵏ ⵉⵄⵏⴰ ⴱⵏⴰⴷⴻⵎ, ⴰⵇⴰ ⵛⴻⴽ ⵜⴻⵙⵙⵏⴻⴷ ⵜ,
ⵎⵎⵉⵙ ⵏ ⴱⵏⴰⴷⴻⵎ, ⴰⵇⴰ ⵛⴻⴽ ⵜⵅⴰⵔⵔⵉⵚⴻⴷ ⴷⴰⵢⴻⵙ? ■
4 ⴱⵏⴰⴷⴻⵎ ⴷ ⵍⴻⴼⵡⴰⵔ ⴷ ⵉⵊⵊⴻⵏ,
ⵓⵙⵙⴰⵏ ⵏⵏⴻⵙ ⴰⴷ ⵄⴷⵓⵏ ⴰⵎ ⵜⵉⵍⵉ. ■
5 ⵎⴻⵢⵢⴻⵍ ⵉⵊⴻⵏⵡⴰⵏ ⵏⵏⴻⴽ, ⴰ ⵙⵉⴷⵉ, ⵀⵡⴰ-ⴷⴷ.
ⵃⴰⴷⴰ ⵉⴷⵓⵔⴰⵔ, ⵅⴻⵏⵏⵉ ⴰⴷ ⴳⴳⴻⵏ ⴷⴷⴻⵅⵅⴰⵏ.■
6 ⵥⴰⵔⵢⴻⴹ ⴰⵙⵙⴰⵎⴻⵏ ⵓ ⵥⴻⴵⴻⵄ ⵉ-ⵜⴻⵏ,
ⵙⴻⴽⴽ ⴼⵍⵉⵜⵛⴰⵜ ⵏⵏⴻⴽ ⵓ ⵙⵅⴰⵔⵡⴻⴹ ⵉ-ⵜⴻⵏ. ■
7 ⵙⵡⵉⵥⵥⴻⴹ ⵉⴼⴰⵙⵙⴻⵏ ⵏⵏⴻⴽ ⵥⵉ ⵙⴻⵏⵏⴻⵊ,
ⵙⵓⴼⴼⴻⵖ ⴰⵢⵉ-ⴷⴷ ⵓ ⴼⴻⴽⴽ ⴰⵢⵉ ⵥⵉ ⵍⵃⴻⵎⵍⴰⵜ ⵏ ⵡⴰⵎⴰⵏ ⵜⵉⵎⴻⵇⵇⵔⴰⵏⵉⵏ,
ⵥⴻⴳ ⵓⴼⵓⵙ ⵏ ⵉⴱⴰⵔⵔⴰⵏⵉⵢⵢⴻⵏ,
8 ⵎⴰⵖⴰⵔ ⴰⵇⴻⵎⵎⵓⵎ ⵏⵙⴻⵏ ⵉⵇⵇⴰⵔ ⵉⵅⴰⵔⵔⵉⵇⴻⵏ,
ⴰⴼⵓⵙ ⵏⵙⴻⵏ ⴰⴼⵓⵙⵉ ⴷ ⵉⵊⵊ ⵏ ⵓⴼⵓⵙ ⵉⵛⵛⵓⵔ ⵙ ⵍⵖⴻⵛⵛ.
9 ⴰ ⴰⵔⴻⴱⴱⵉ, ⴰⴷ ⴰⵛ ⵖⴻⵏⵏⵊⴻⵖ ⵉⵊⵊ ⵏ ⵢⴻⵥⵍⵉ ⴷ ⵏ ⵊⴷⵉⴷ ⵉ ⵛⴻⴽ,
ⵙ ⵍⵀⴰⵔⴱⴰ ⵓ ⵙ ⵍⵄⵓⴷ ⵙ ⵄⴻⵛⵔⴰ ⵏ ⵉⴼⵉⵍⴰⵏ ⴰⴷ ⴰⵛ ⵥⴻⵀⵀⴷⴻⵖ.
10 ⵛⴻⴽ ⴷ ⵡⴻⵏⵏⵉ ⵉⵙⵙⴰⵡⴰⴹⴻⵏ ⴰⵙⴻⵏⵊⴻⵎ ⵉ ⵉⵊⴻⵊⴵⵉⴷⴻⵏ,
ⴷ ⵡⴻⵏⵏⵉ ⵉⴼⴻⴽⴽⴻⵏ ⴰⵎⵙⴻⵅⵅⴰⵔ ⵏⵏⴻⵙ ⴷⴰⵡⵓⴷ ⵥⵉ ⵙⵙⵉⴼ ⴰⵄⴻⴼⴼⴰⵏ.
11 ⵙⵓⴼⴼⴻⵖ ⴰⵢⵉ-ⴷⴷ ⵓ ⴼⴻⴽⴽ ⴰⵢⵉ ⵥⴻⴳ ⵓⴼⵓⵙ ⵏ ⵜⴰⵔⵡⴰ ⵏ ⵓⴱⴰⵔⵔⴰⵏⵉ,
ⵥⴻⴳ ⵡⴻⵏⵏⵉ ⵖⴰⵔ ⵉⴵⴰ ⵓⵇⴻⵎⵎⵓⵎ ⵉⵇⵇⴰⵔ ⵎⵖⵉⵔ ⵉⵅⴰⵔⵔⵉⵇⴻⵏ,
ⵓ ⵥⴻⴳ ⵡⴻⵏⵏⵉ ⵖⴰⵔ ⵉⴵⴰ ⵓⴼⵓⵙ ⴰⴼⵓⵙⵉ ⵉⵛⵛⵓⵔ ⵙ ⵍⵖⴻⵛⵛ,
12 ⵃⵉⵎⴰ ⵉⵃⴻⵏⵊⵉⵔⴻⵏ ⵏⵏⴻⵖ ⴰⴷ ⵉⵍⵉⵏ ⴰⵎ ⵉⵖⴻⴷⴷⵉⵡⴻⵏ,
ⵉⵏⵏⵉ ⵉⵎⵖⴰⵔⴻⵏ ⵄⴰⴷ ⴷⵉ ⵜⴻⵎⵥⵉ ⵏⵙⴻⵏ,
ⵢⴻⵙⵙⵉⵜⵏⴻⵖ ⴰⵎ ⵜⵖⴻⵎⵎⴰⵔ ⵉ ⴳⴳⵉⵏ ⵙ ⵓⴽⴻⵛⵛⵓⴹ ⵙ ⵄⵍⴰⵎ ⴽⵓⵍ ⴰⵔⵛⴰⵎⴻⵏ,
ⴳⴳⵉⵏ ⵜⴻⵏ ⵉ ⵢⵉⵛⵜ ⵏ ⵥⵥⴰⵡⴻⵛⵜ ⵉⵇⴻⴷⴷⵙⴻⵏ.
13 ⵎⴰⵄⵍⵉⴽ ⵍⴻⵀⵔⵉⵜ ⵏⵏⴻⵖ ⵛⵛⵓⵔⴻⵏ,
ⴰⴷ ⵡⵛⴻⵏ ⵥⵥⴰⴷ ⴰⵡⴰⵔⵏⵉ ⵥⵥⴰⴷ,
ⴰⴷ ⵢⴰⵔⵏⵉ ⵡⵓⴵⵉ ⵏⵏⴻⵖ ⵙ ⵍⵓⵍⵓⴼ ⵏ ⵜⵙⴻⵇⵇⴰⵔ,
ⵙ ⵄⴻⵛⵔⴰ ⵏ ⵍⵓⵍⵓⴼ ⵏ ⵜⵙⴻⵇⵇⴰⵔ ⴷⵉ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵏⵏⴻⵖ.
14 ⴰⴷ ⵃⴻⵎⵍⴻⵏ ⵉⵎⵡⴰⵏ ⵏⵏⴻⵖ ⵎⵍⵉⵃ,
ⵡⴰⵔ ⵉⵟⵟⵉⵍⵉ ⵄⴰⴷ ⵓⵀⵊⴰⵎ ⵏⵉⵖ ⴷ ⵓⴼⴼⵓⵖ ⵉ ⵓⵎⴻⵏⵖⵉ
ⵓⵍⴰ ⴷ ⵉⵖⵓⵢⵢⴰⵏ ⴷⴻⴳ ⵉⵎⴻⵙⵔⴰⵇ ⵏⵏⴻⵖ.
15 ⵙⵙⴻⵄⴷ ⵏ ⵍⴳⴻⵏⵙ ⵏⵏⵉ ⵉⴵⴰⵏ ⴰⵎⵢⴰ.
ⵙⵙⴻⵄⴷ ⵏ ⵍⴳⴻⵏⵙ ⵏⵏⵉ ⵥⵉ ⴰⵔⴻⴱⴱⵉ ⵏⵙⴻⵏ ⴷ ⵙⵉⴷⵉ.