1 ⵏⴻⵛⵛ ⵜⵜⴻⵅⵙⴻⵖ,

ⵎⴰⵖⴰⵔ ⵙⵉⴷⵉ ⵉⵙⵍⴰ ⵉ ⵜⵎⵉⵊⵊⴰ ⵉⵏⵓ, ⴰⵃⴻⵛⵛⴻⵎ ⵉⵏⵓ,

2 ⵎⴰⵖⴰⵔ ⵏⴻⵜⵜⴰ ⵉⵡⵛⴰ ⴰⵢⵉ ⴰⵎⴻⵥⵥⵓⵖ ⵏⵏⴻⵙ.

ⴰⴷ ⴰⵙ ⵍⴰⵖⵉⵖ ⵎⴰⵔⵔⴰ ⵓⵙⵙⴰⵏ ⵏ ⵜⵓⴷⴰⵔⵜ ⵉⵏⵓ.

3 ⵉⵙⴻⵖⵡⴰⵏ ⵏ ⵍⵎⴻⵡⵜ ⵏⵏⴹⴻⵏ ⴰⵢⵉ-ⴷⴷ,

ⵜⴻⵡⴹⴰ-ⴷⴷ ⵅⴰⴼⵉ ⵜⵉⴳⴳⵯⵓⴷⴰ ⵏ ⵍⴰⵅⴰⵔⵜ.

ⵏⴻⵛⵛ ⵓⴼⵉⵖ ⴰⵇⴰ ⴰⵢⵉ ⵜⵜⵡⴰⵃⵚⴰⵔⴻⵖ ⵓ ⵛⴻⴹⵏⴻⵖ. ^■  

4 ⵍⴰⵖⵉⵖ ⵅ ⵢⵉⵙⴻⵎ ⵏ ⵙⵉⴷⵉ, ⵏⵏⵉⵖ:

“ⴰ ⵙⵉⴷⵉ, ⴼⴻⴽⴽ ⵍⴻⵄⵎⴰⵔ ⵉⵏⵓ!”

5 ⵙⵉⴷⵉ ⴷ ⴰⵃⵏⵉⵏ ⴷ ⴰⵎⵙⴻⴳⴳⴻⴷ,

ⴰⵔⴻⴱⴱⵉ ⵏⵏⴻⵖ ⴷⴰⵢⴻⵙ ⵍⴻⵃⵏⵓⵏⴻⵛⵜ.

6 ⵙⵉⴷⵉ ⵉⵃⴻⵟⵟⴰ ⵓⵍⴰⵡⴻⵏ ⵏ ⵉⵃⴰⴼⵉⵢⵢⴻⵏ.

ⵏⴻⵛⵛ ⵜⵓⵖⴰ ⴰⵢⵉ ⴰⵎ ⵓⵏⴻⵄⴹⴰⴱ, ⵎⴰⵛⴰ ⵏⴻⵜⵜⴰ ⵉⵙⵙⴻⵏⵊⴻⵎ ⴰⵢⵉ.

7 ⵀⵏⴰ ⵄⴰⵡⴻⴷ, ⴰ ⵍⴻⵄⵎⴰⵔ ⵉⵏⵓ,

ⵎⴰⵖⴰⵔ ⵙⵉⴷⵉ ⵉⴳⴳⴰ ⴰⵛ ⵎⵉⵏ ⵉⵚⴻⴱⵃⴻⵏ. ^■  

8 ⵎⴰⵖⴰⵔ ⵛⴻⴽ, ⴰ ⵙⵉⴷⵉ, ⵜⴻⵃⴹⵉⴷ ⵍⴻⵄⵎⴰⵔ ⵉⵏⵓ ⵥⵉ ⵍⵎⴻⵡⵜ,

ⵜⵉⵟⵟⴰⵡⵉⵏ ⵉⵏⵓ ⵥⴻⴳ ⵉⵎⴻⵟⵟⴰⵡⴻⵏ, ⴰⴹⴰⵔ ⵉⵏⵓ ⵥⴻⴳ ⵓⵏⴻⵇⵔⴰⴹ.

9 ⴰⴷ ⵓⵢⵓⵔⴻⵖ ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ,

ⴷⵉ ⵜⴻⵎⵎⵓⵔⴰ ⵏ ⵢⵉⵏⵏⵉ ⵉⴷⴷⴰⵔⴻⵏ.

10 ⵏⴻⵛⵛ ⵓⵎⵏⴻⵖ, ⵙ ⵓⵢⴻⵏⵏⵉ ⵏⵏⵉⵖ:

“ⵏⴻⵛⵛ ⵜⵜⵡⴰⵃⵚⴰⵔⴻⵖ ⴰⵟⵟⴰⵙ!” ^■  

11 ⴷⵉ ⵜⵉⴳⴳⵯⵓⴷⵉ ⵉⵏⵓ ⵏⵏⵉⵖ: “ⵎⴰⵔⵔⴰ ⵉⵡⴷⴰⵏ ⴷ ⴰⵢⵜ ⵏ ⴱⵓ-ⵉⵅⴰⵔⵔⵉⵇⴻⵏ!” ^■  

12 ⵎⴰⵎⵎⴻⵛ ⵉ ⵖⴰ ⵅⴻⴵⵚⴻⵖ ⵙⵉⴷⵉ,

ⵅ ⵎⴰⵔⵔⴰ ⵍⵅⴰⵔ ⵉ ⴷ ⴰⵢⵉ ⵉⴳⴳⴰ?

13 ⴰⴷ ⵙⵙⴳⴻⵄⵄⴷⴻⵖ ⵍⴽⴰⵙ ⵏ ⵓⵙⴻⵏⵊⴻⵎ ⴰⵎⴻⵇⵇⵔⴰⵏ,

ⴰⴷ ⵍⴰⵖⵉⵖ ⵅ ⵢⵉⵙⴻⵎ ⵏ ⵙⵉⴷⵉ.

14 ⵏⴻⵛⵛ ⴰⴷ ⴽⴻⵎⵎⵍⴻⵖ ⵍⵡⵓⵄⵓⴷ ⵉⵏⵓ ⵉ ⵙⵉⴷⵉ,

ⵇⵉⴱⴰⵞ ⵉ ⵎⴰⵔⵔⴰ ⵍⴳⴻⵏⵙ ⵏⵏⴻⵙ.

15 ⴰⵇⴰ ⵉⵖⵍⴰ ⴷⵉ ⵜⵉⵟⵟⴰⵡⵉⵏ ⵏ ⵙⵉⴷⵉ,

ⵍⵎⴻⵡⵜ ⵏ ⵉⵎⵜⵉⵇⵇⴰⵏ ⵏⵏⴻⵙ.

16 ⴰ ⵙⵉⴷⵉ, ⴰⵇⴰ ⵏⴻⵛⵛ ⴷ ⴰⵎⵙⴻⵅⵅⴰⵔ ⵏⵏⴻⴽ,

ⵏⵏⴻⵛ ⴷ ⴰⵎⵙⴻⵅⵅⴰⵔ ⵏⵏⴻⴽ, ⵎⵎⵉⵙ ⵏ ⵜⴰⵢⵢⴰ ⵏⵏⴻⴽ.

ⵛⴻⴽ ⵜⴻⵙⵙⴰⵔⵅⵓⴷ ⵅⴰⴼⵉ ⵉⵛⴻⴷⴷⵉⵢⴻⵏ ⵉⵏⵓ.

17 ⵏⴻⵛⵛ ⴰⴷ ⵛⴻⴽ ⴷⴷ-ⴰⵡⵢⴻⵖ ⵜⴰⵡⵀⵉⴱⵜ ⵏ ⵓⵇⴰⴷⵉ,

ⴰⴷ ⵍⴰⵖⵉⵖ ⵅ ⵢⵉⵙⴻⵎ ⵏ ⵙⵉⴷⵉ.

18 ⵏⴻⵛⵛ ⴰⴷ ⵙⵙⵇⴻⴼⵍⴻⵖ ⵍⵡⵓⵄⵓⴷ ⵉⵏⵓ ⵉ ⵙⵉⴷⵉ,

ⵇⵉⴱⴰⵞ ⵉ ⵎⴰⵔⵔⴰ ⵍⴳⴻⵏⵙ ⵏⵏⴻⵙ.

19 ⴷⵉ ⵍⴻⵎⵔⴰⵃⴰⵜ ⵏ ⵜⴰⴷⴷⴰⵔⵜ ⵏ ⵙⵉⴷⵉ,

ⴷⵉ ⵍⵡⴻⵙⵜ ⵏⵏⴻⵎ, ⴰ ⵓⵔⵛⴰⵍⵉⵎ! ⵀⴰⵍⵍⵉⵍⵓ-ⵢⴰⵀ.