1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⵙⵉⴷⵉ ⵉⵏⵏⴰ ⵉ ⵙⵉⴷⵉ ⵉⵏⵓ:

ⵇⵉⵎ ⵖⴰⵔ ⵓⴼⵓⵙ ⴰⴼⵓⵙⵉ ⵉⵏⵓ,

ⴰⵍ ⴷⴷ-ⵙⵙⴰⵔⵙⴻⵖ ⵍⵄⴻⴷⵢⴰⵏ ⵏⵏⴻⴽ ⴷ ⵜⴰⵏⴻⴱⴷⴰⵜ ⵙⴰⴷⵓ ⵉⴹⴰⵔⴻⵏ ⵏⵏⴻⴽ.

2 ⵙⵉⴷⵉ ⴰⴷ ⵉⵙⵙⴻⴽⴽ ⵜⴰⵖⵖⴰⵔⵛⵜ ⵏ ⵚⵚⵓⵍⵟⴰ ⵏⵏⴻⴽ ⵥⵉ ⵚⵉⵀⵢⵓⵏ,

ⵛⴻⴽ ⴰⴷ ⵜⵚⴻⵍⵍⵟⴻⴷ ⴷⵉ ⵍⵡⴻⵙⵜ ⵏ ⵍⵄⴻⴷⵢⴰⵏ ⵏⵏⴻⴽ.

3 ⵍⴳⴻⵏⵙ ⵏⵏⴻⴽ ⴰⴷ ⵢⵉⵍⵉ ⴷ ⴰⵎⵙⴻⵄⵄⴰⴼ ⴷⴻⴳ ⵡⴰⵙⵙ ⵏ ⵚⵚⵓⵍⵟⴰ ⵏⵏⴻⴽ,

ⴷⵉ ⵜⵉⵙⵙⵉⵇⵜ ⵉⵇⴻⴷⴷⵙⴻⵏ ⵥⵉ ⵍⴻⵎⵍⴰⵡⵍⴻⵜ ⵏ ⵜⵓⴼⴼⵓⵜ,

ⴰⵎⵎⵓ ⵉ ⵖⴰ ⵢⵉⵍⵉ ⵉ ⵛⴻⴽ ⵏⵏⴷⴰ ⵏ ⵢⵉⵏⵏⵉ ⵄⴰⴷ ⵎⴰⵎⵎⴻⵛ ⴷ ⴰⵛ ⴷⴷ-ⵉⵜⵜⵡⴰⵅⴻⵍⵇⴻⵏ.

4 ⵙⵉⴷⵉ ⵉⵊⵊⵓⴵ, ⵄⴻⵎⵎⴰⵔⵚ ⴰⴷ ⵅⴰⵙ ⵉⵏⴷⴻⵎ:

“ⵛⴻⴽ ⴷ ⴰⴽⴻⵀⵀⴰⵏ ⵉ ⵍⴻⴱⴷⴰ ⴷⵉ ⵚⵚⵉⴼⴻⵜ ⵉⵏⵓ, ⵎⴰⵍⴽⵉⵚⴰⴷⵉⵇ. ^■  

5 ⵙⵉⴷⵉ ⴰⵇⴰ-ⵜ ⵖⴰⵔ ⵓⴼⵓⵙ ⴰⴼⵓⵙⵉ ⵏⵏⴻⴽ.

ⵏⴻⵜⵜⴰ ⴰⴷ ⵉⵍⴱⴻⵥ ⵉⵊⴻⴵⵉⴷⴻⵏ ⴷⴻⴳ ⵡⴰⵙⵙ ⵏ ⵡⴻⵖⴹⴰⴱ ⵏⵏⴻⵙ.

6 ⵏⴻⵜⵜⴰ ⴰⴷ ⵉⵃⴰⴽⴻⵎ ⵅ ⵍⴻⴳⵏⵓⵙ, ⴰⵇⴰ ⴷⴰ ⵜⴰⵎⵎⵓⵔⵜ ⵜⴻⵛⵛⵓⵔ ⵙ ⵍⵅⴻⵛⴱⴰⵜ,

ⴰⴷ ⵉⵍⴱⴻⵥ ⴰⵥⴻⴵⵉⴼ ⵅ ⵉⵛⵜ ⵏ ⵜⴻⵎⵎⵓⵔⵜ ⵜⴰⵎⴻⵇⵇⵔⴰⵏⵜ. ^■  

7 ⴰⴽ-ⴷ ⵡⴻⴱⵔⵉⴷ ⴰⴷ ⵉⵙⵓ ⵥⵉ ⵜⴻⵖⵥⴰⵔⵜ,

ⵙ ⵓⵢⴻⵏⵏⵉ ⴰⴷ ⵉⵙⵙⴳⴻⵄⵄⴻⴷ ⴰⵥⴻⴵⵉⴼ ⵏⵏⴻⵙ.