1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵜⴰⵍⵉⵍⵍⴻⵛⵜ ⴷ ⴰⵛⴻⵀⵀⴰⴷ’.

ⵜⵉⵔⴰ ⵉⵏⴻⵇⵛⴻⵏ ⵏ ⴷⴰⵡⵓⴷ ⵉ ⵓⵙⴻⵍⵎⴻⴷ. ^□  

2 ⴰⵡⴰⵔⵏⵉ ⵍⴰⵎⵉ ⵜⵓⵖⴰ ⵉⵜⵜⵎⵎⴻⵏⵖⴰ ⴰⴽ-ⴷ ⵉⵔⴰⵎⵉⵢⵢⴻⵏ ⵥⵉ ⵎⵉⵙⵓⴱⵓⵜⴰⵎⵢⴰ,

ⵓ ⴰⴽ-ⴷ ⵉⵔⴰⵎⵉⵢⵢⴻⵏ ⵥⵉ ⵚⵓⴱⴰ, ⵉⴷⵡⴻⵍ-ⴷⴷ ⵢⵓⵡⴰⴱ

ⵓⵛⴰ ⵉⵡⵜⴰ ⴰⵢⵜ ⵏ ⵉⴷⵓⵎ ⴷⵉ ⵜⴻⵖⵥⵓⵔⵜ ⵏ ⵜⵎⴻⴵⴰⵃⵜ, ⵄⴻⵛⵔⴰ ⴰⵍⴰⴼ ⵏ ⵢⴻⵔⵢⴰⵥⴻⵏ. ^■  

3 ⴰ ⴰⵔⴻⴱⴱⵉ, ⵛⴻⴽ ⵜⴻⵏⴹⴰⵔⴻⴹ ⴰⵏⴻⵖ, ⵜⴰⵔⵥⵉⴷ ⴰⵏⴻⵖ.

ⵜⵓⵖⴰ ⵜⴻⵙⵄⴰⵔⴻⴷ ⴰⵟⵟⴰⵙ! ⵙⴱⴻⴷⴷ ⴰⵏⴻⵖ ⵄⴰⵡⴻⴷ! ^■  

4 ⵛⴻⴽ ⵜⴻⵙⵙⴻⵏⵀⴻⵥⵥⴻⴷ ⵜⴰⵎⵎⵓⵔⵜ, ⵜⴼⴻⴵⵇⴻⴷ ⵜⵜ.

ⵙⴳⴻⵏⴼⴰ ⵜⵉⵔⴻⵥⵥⴰ ⵏⵏⴻⵙ, ⵎⴰⵖⴰⵔ ⴰⵇⴰ ⵜⵜⴻⵏⵀⴻⵥⵥⴰ.

5 ⵛⴻⴽ ⵜⴻⵙⵙⴻⵛⵏⴻⴷ ⵉⵅⴻⴼ ⵏⵏⴻⴽ ⵉ ⵍⴳⴻⵏⵙ ⵏⵏⴻⴽ ⵙ ⵍⴻⵇⵙⴰⵃⴻⵜ.

ⵛⴻⴽ ⵜⴻⵡⵛⵉⴷ ⴰⵏⴻⵖ ⴰⴷ ⵏⵙⵓ ⵛⵛⵔⴰⴱ ⵉⵙⵙⴷⴻⵡⵡⴰⵅⴻⵏ.

6 ⵉⵏⵏⵉ ⵛⴻⴽ ⵉⵜⵜⴻⴳⴳⵯⴻⴷⴻⵏ, ⵜⴻⴳⴳⵉⴷ ⴰⵙⴻⵏ ⵜⴰⵄⴻⴵⴰⵏⵜ

ⵉ ⵖⴰⵔ ⵜⵜⵔⴰⴽⴽⵡⴰⵍⴻⵏ ⵥⵉ ⴼⵍⵉⵜⵛⴰⵜ ⵏ ⵍⵇⴻⵡⵙ. ⵙⵉⵍⴰⵀ.

7 ⵃⵉⵎⴰ ⵉⵎⵄⵉⵥⵥⴻⵏ ⵏⵏⴻⴽ ⴰⴷ ⵜⵜⵡⴰⴼⴻⴽⴽⴻⵏ,

ⴰⵡⵉ ⴰⵙⴻⵏⵊⴻⵎ ⵙ ⵓⴼⵓⵙ ⴰⴼⵓⵙⵉ ⵏⵏⴻⴽ ⵓ ⴰⵔⵔ-ⴷⴷ ⵅⴰⵏⴻⵖ. ^■  

8 ⴰⵔⴻⴱⴱⵉ ⵜⵓⵖⴰ ⵉⵙⵙⴰⵡⴰⵍ ⴷⵉ ⵣⵥⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ,

ⵙ ⵓⵢⴻⵏⵏⵉ ⴰⴷ ⵏⴻⴳⵥⴻⵖ ⵙ ⵍⴻⴼⵔⴰⵃⴻⵜ.

ⵏⴻⵛⵛ ⴰⴷ ⴱⴹⵉⵖ ⵛⴰⴽⵉⵎ ⵓ ⴰⴷ ⵄⴻⴱⴱⴰⵔⴻⵖ ⵜⴰⵖⵥⵓⵔⵜ ⵏ ⵙⵓⴽⴽⵓⵜ.

9 ⵊⵉⵍⵄⴰⴷ ⵉⵏⵓ, ⵎⴰⵏⴰⵙⵙⴰ ⵉⵏⵓ,

ⵉⴼⵔⴰⵢⵉⵎ ⴷ ⴰⵙⴻⵍⵇⵉ ⵉⵊⴻⵀⴷⴻⵏ ⵏ ⵓⵥⴻⴵⵉⴼ ⵉⵏⵓ,

ⵢⴰⵀⵓⴷⴰ ⴷ ⴰⵎⴳⴻⵡⵡⴻⴷ ⵉⵏⵓ.

10 ⵎⵓ’ⴰⴱ ⴷ ⵙⵙⴰⵔⵉⵊ ⵉⵏⵓ ⵉ ⵓⵙⵉⵔⴷ,

ⵅ ⵉⴷⵓⵎ ⴰⴷ ⵏⴹⴰⵔⴻⵖ ⵜⵉⵙⵉⵍⴰ ⵉⵏⵓ,

ⵏⴻⵛⵛ ⴰⴷ ⴷⴷⵓⵇⵥⴻⵖ ⵙ ⵓⵙⵍⵉⵡⵍⴻⵡ ⵅ ⵜⴻⵎⵎⵓⵔⵜ ⵏ ⴼⵉⵍⵉⵛⵉⵜ.

11 ⵡⵉ ⴷ ⴰⵢⵉ ⵉ ⵖⴰ ⵉⵏⴻⴷⵀⴻⵏ ⴷⵉ ⵜⴻⵏⴷⵉⵏⵜ ⵉⴼⴰⵔⵢⴻⵏ?

ⵡⵉ ⴷ ⴰⵢⵉ ⵖⴰ ⵉⴳⴻⵡⵡⴷⴻⵏ ⵖⴰⵔ ⵉⴷⵓⵎ?

12 ⵎⴰ ⵡⴰⵔ ⴷ ⴰⵏⴻⵖ ⵜⴻⵏⴹⴰⵔⴻⴷ, ⴰⵢⴰ, ⴰⵔⴻⴱⴱⵉ,

ⵓ ⴰⴽ-ⴷ ⵍⵄⴻⵙⴽⴰⵔⴰⵜ ⵏⵏⴻⵖ ⵎⴰ ⵡⴰⵔ ⴰⴽⵉⴷⵙⴻⵏ ⴷⴷ-ⵜⴻⴼⴼⵉⵖⴻⴷ ⵄⴰⴷ, ⴰ ⴰⵔⴻⴱⴱⵉ?

13 ⴻⵡⵛ ⴰⵏⴻⵖ ⴰⴼⵓⵙ ⵃⵉⵎⴰ ⴰⴷ ⴰⵏⴻⵖ ⵜⴻⵙⵙⵏⴻⵊⵎⴻⴷ ⵥⵉ ⵍⴻⵃⵚⴰⵔⴻⵜ,

ⵎⴰⵖⴰⵔ ⴰⵙⴻⵏⵊⴻⵎ ⵙ ⵓⴼⵓⵙ ⵏ ⵢⵉⵊⵊ ⵏ ⴱⵏⴰⴷⴻⵎ ⴰⵇⴰ-ⵜ ⴱⴰⵟⴻⵍ.

14 ⴰⴽ-ⴷ ⴰⵔⴻⴱⴱⵉ ⴰⴷ ⵏⴻⴳⴳ ⵙ ⵡⴻⵎⵃⴰⴷ,

ⵏⴻⵜⵜⴰ ⴰⴷ ⵉⵄⴼⴻⵙ ⵅ ⵢⴻⵏⵏⵉ ⴷ ⴰⵏⴻⵖ ⵉⵃⴻⵚⵚⴰⵔⴻⵏ.