ⴰⴷⵍⵉⵙ ⵡⵉⵙⵙ ⵜⵏⴰⵢⴻⵏ - ⵉⵣⴻⵀⵀⵉⴷⴻⵏ 42-71
42
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵅⴻⵎⵎⵉ ⵏ ⴰⵢⵜ ⵏ ⵇⵓⵔⴰⵃ. 2 ⴰⵎ ⵉⵖⴰⵢⴹ ⵏ ⵡⴻⵥⵖⴰⵔ ⵉⵜⵜⵎⴻⵥⵔⵉ ⵖⴰⵔ ⵜⵖⴻⵥⵔⵉⵏ ⵏ ⵡⴰⵎⴰⵏ,
ⴰⵎⵎⵓ ⵓⵍⴰ ⴷ ⵓⵍ ⵉⵏⵓ ⵉⵜⵜⵎⴻⵥⵔⵉ ⵖⴰⵔⴻⴽ, ⴰ ⴰⵔⴻⴱⴱⵉ.
3 ⵍⴻⵄⵎⴰⵔ ⵉⵏⵓ ⵉⵜⵜⴼⴰⴷⴰ ⵖⴰⵔ ⴰⵔⴻⴱⴱⵉ, ⵖⴰⵔ ⴰⵔⴻⴱⴱⵉ ⵉⴷⴷⴰⵔⴻⵏ.
ⵎⴻⵍⵎⵉ ⵉ ⵖⴰ ⴰⴷⴼⴻⵖ ⵓ ⴰⴷ ⴱⴰⵏⴻⵖ ⵥⵥⴰⵜ ⵉ ⵡⵓⴷⴻⵎ ⵏ ⴰⵔⴻⴱⴱⵉ? ■
4 ⵉⵎⴻⵟⵟⴰⵡⴻⵏ ⵉⵏⵓ ⵜⵓⵖⴰ ⴰⵜⴻⵏ ⴷ ⴰⵖⵔⵓⵎ ⵉⵏⵓ ⴰⵙⵙ ⴷ ⴵⵉⵍⴻⵜ,
ⵓⵎⵉ ⴷ ⴰⵢⵉ ⵇⵇⴰⵔⴻⵏ ⴰⵙⵙ ⵉⵎⵓⵏ:
“ⵎⴰⵏⵉ ⵉⴵⴰ ⴰⵔⴻⴱⴱⵉ ⵏⵏⴻⴽ?” ■
5 ⵏⴻⵛⵛ ⵜⵜⵉⴷⴰⵔⴻⵖ ⴷⵉ ⵎⴰⵏ ⴰⵢⴰ ⵓ ⵙⵙⴼⴰⵔⵔⵖⴻⵖ ⵍⴻⵄⵎⴰⵔ ⵉⵏⵓ ⵅⴰⴼⵉ,
ⵎⴰⵖⴰⵔ ⵏⴻⵛⵛ ⵜⵜⵏⵓⵎⴻⵖ ⴳⴳⴻⵄⵄⴷⴻⵖ ⴷⴻⴳ ⵉⵊⵊ ⵏ ⵓⵀⵉⵎⵓⵔ ⵉⵇⵇⴻⵏ,
ⴰⵎ ⴳⴳⵓⵔⴻⵖ ⴰⴽⵉⴷⵙⴻⵏ ⵖⴰⵔ ⵜⴰⴷⴷⴰⵔⵜ ⵏ ⴰⵔⴻⴱⴱⵉ,
ⵙ ⵍⵃⴻⵙⵙ ⵏ ⵓⵙⵍⵉⵡⵍⴻⵡ ⴷ ⵓⵇⴰⴷⵉ, ⵉⵊⵊ ⵏ ⵍⵖⴰⵛⵉ ⵉⵜⵜⵄⴻⵢⵢⴷⴻⵏ.
6 ⴰ ⵍⴻⵄⵎⴰⵔ ⵉⵏⵓ, ⵎⴰⵢⴻⵎⵎⵉ ⵜⵇⴻⵏⴹⴻⴷ ⴰⵎⵎⵓ, ⵜⵀⴻⴽⴽⵡⴻⵍⴻⴷ ⴷⴰⵢⵉ?
ⵔⴰⵊⴰ ⴰⵔⴻⴱⴱⵉ,
ⵎⴰⵖⴰⵔ ⴰⴷ ⵇⵇⵉⵎⴻⵖ ⴰⴷ ⵜ ⵇⴰⴷⵉⵖ ⵄⴰⴷ ⵅ ⵉⵙⴻⵏⵊⴰⵎⴻⵏ ⵉ ⴷⴷ-ⵉⵜⵜⴻⴼⴼⵖⴻⵏ ⵥⵉ ⵥⵥⴰⵜ ⵏ ⵡⵓⴷⴻⵎ ⵏⵏⴻⵙ. ■
7 ⴰ ⴰⵔⴻⴱⴱⵉ, ⵍⴻⵄⵎⴰⵔ ⵉⵏⵓ ⵉⵇⵏⴻⴹ ⴰⵎⵎⵓ ⴷⴰⵢⵉ.
ⵙ ⵓⵢⴻⵏⵏⵉ ⵜⵜⵉⴷⴰⵔⴻⵖ ⵛⴻⴽ ⵥⵉ ⵜⴻⵎⵎⵓⵔⵜ ⵏ ⵍ'ⵓⵔⴷⵓⵏ ,
ⵥⴻⴳ ⵉⴷⵓⵔⴰⵔ ⵏ ⵀⵉⵔⵎⵓⵏ, ⵥⴻⴳ ⵡⴻⴷⵔⴰⵔ ⵏ ⵎⵉⵚⵄⴰⵔⴰ.
8 ⵍⵃⴻⵎⵍⴻⵜ ⵏ ⵡⴰⵎⴰⵏ ⵜᵉⵜⵜⵍⴰⵖⴰ ⵉ ⵍⵃⴻⵎⵍⴻⵜ ⵏⵏⴻⵖⵏⵉ ⵖⴰⵔ ⵥⵥⵀⵉⵔ ⵏ ⵉⵛⴻⵔⵛⵓⵔⴻⵏ ⵏⵏⴻⴽ,
ⵎⴰⵔⵔⴰ ⵉⵖⴻⵥⵔⴰⵏ ⴷ ⵍⴻⵎⵡⴰⵊ ⴽⴽⵉⵏ ⵅⴰⴼⵉ.
9 ⴻⵊⵊ ⵙⵉⴷⵉ ⴰⴷ ⵉⵡⴻⵚⵚⴰ ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵙ ⵡⴰⵙⵙ,
ⵓ ⴰⴷ ⵖⴰⵔⵉ ⵢⵉⵍⵉ ⵢⵉⵊⵊ ⵏ ⵉⵥⵍⵉ ⴷⵉ ⴵⵉⵍⴻⵜ,
ⴰⵇⴰ-ⵜ ⴷ ⵜⵥⴰⴵⵉⵜ ⵉ ⴰⵔⴻⴱⴱⵉ ⵏ ⵜⵓⴷⴰⵔⵜ ⵉⵏⵓ.
10 ⵏⴻⵛⵛ ⴰⴷ ⵉⵏⵉⵖ ⵉ ⴰⵔⴻⴱⴱⵉ: “ⵜⴰⵚⴹⴰⵔⵜ ⵉⵏⵓ ⴷ ⵛⴻⴽ, ⵎⴰⵢⴻⵎⵎⵉ ⴷ ⴰⵢⵉ ⵜᵉⵜⵜⵓⴷ?
ⵎⴰⵢⴻⵎⵎⵉ ⴳⴳⵓⵔⴻⵖ ⴷⴻⴳ ⵡⴻⵔⵔⵓⴹ ⴷ ⴰⴱⴰⵔⵛⴰⵏ ⵥⵉ ⵙⵙⵉⴱⴱⴻⵜ ⵏ ⴷⴷⴻⴵ ⵏ ⵍⴻⵄⴷⵓ?” ■
11 ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⵙⵙⴱⴻⵀⵜⵜⵍⴻⵏ ⴰⵢⵉ ⵙ ⵉⵛⵜ ⵏ ⵜⴰⵊⵊⵓⵜ ⵉⵏⴻⵇⵇⴻⵏ ⴷⴻⴳ ⵉⵅⵙⴰⵏ ⵉⵏⵓ,
ⵓⵎⵉ ⴷ ⴰⵢⵉ ⵇⵇⴰⵔⴻⵏ: “ⵎⴰⵏⵉ ⵉⴵⴰ ⴰⵔⴻⴱⴱⵉ ⵏⵏⴻⴽ?”
12 ⴰ ⵍⴻⵄⵎⴰⵔ ⵉⵏⵓ, ⵎⴰⵢⴻⵎⵎⵉ ⵜⵇⴻⵏⴹⴻⴷ ⴰⵎⵎⵓ, ⵓ ⵜⵀⴻⵡⵡⵍⴻⴷ ⴷⴰⵢⵉ?
ⵔⴰⵊⴰ ⴰⵔⴻⴱⴱⵉ, ⵎⴰⵖⴰⵔ ⴰⴷ ⵜ ⵇⴰⴷⵉⵖ ⵄⴰⴷ ⵅ ⵉⵙⴻⵏⵊⴰⵎⴻⵏ ⵥⴻⴳ ⵡⵓⴷⴻⵎ ⵏⵏⴻⵙ, ⴰⵇⴰ-ⵜ ⴷ ⴰⵔⴻⴱⴱⵉ ⵉⵏⵓ.