ⴰⵔⴻⴱⴱⵉ ⵉⵙⵙⵉⵡⴻⵍ ⴰⴽ-ⴷ ⴰⵢⵓⴱ ⵅ ⵡⴻⵅⵍⴰⵇ ⵏ ⵎⴰⵔⵔⴰ ⵎⵉⵏ ⵉⴵⴰⵏ
38
1 ⴰⵡⴰⵔⵏⵉ ⴰⵙ ⵢⴰⵔⵔⴰ-ⴷⴷ ⵙⵉⴷⵉ ⵅ ⴰⵢⵓⴱ ⵥⵉ ⵜⵃⴰⵔⵢⴰⴹⵜ, ⵉⵏⵏⴰ: 2 ⵎⴰⵏ ⵡⴻⵏ ⵉⵙⵙⴱⴰⵔⵔⵛⵏⴻⵏ ⴰⵛⴰⵡⴰⵔ,
ⵙ ⵡⴰⵡⴰⵍⴻⵏ ⴱⵍⴰ ⵜⵓⵙⵙⵏⴰ? ■
3 ⴱⵢⴻⵙ ⵅⴻⵏⵏⵉ ⵜⵉⵊⵄⵉⵏⵏⴰⵜⵉⵏ ⵏⵏⴻⴽ ⴰⵎ ⵡⴻⵔⵢⴰⵥ.
ⵏⴻⵛⵛ ⵅⵙⴻⵖ ⴰⴷ ⵛⴻⴽ ⵙⵙⴻⵇⵙⵉⵖ ⵓ ⵛⴻⴽ ⴰⵔⵔ-ⴷⴷ ⵅⴰⴼⵉ!
4 ⵎⴰⵏⵉ ⵛⴻⴽ ⵜⵓⵖⴰ ⵓⵎⵉ ⴳⴳⵉⵖ ⵏⴻⵛⵛ ⴷⵙⴰⵙ ⵏ ⵜⴰⵎⵎⵓⵔⵜ?
ⵉⵏⵉ ⵜ ⵎⴰⵍⴰ ⵖⴰⵔⴻⴽ ⵍⴻⴼⵀⴰⵎⴻⵜ ⵙ ⵜⵉⴷⴻⵜⵜ. ■
5 ⵎⴰⵏ ⵡⴻⵏ ⵉⴳⴳⵉⵏ ⵍⴻⵄⴱⴰⵔ ⵏⵏⴻⵙ, ⵡⴰⵀ ⵛⴻⴽ ⵜⴻⵙⵙⵏⴻⴷ ⵜⵜ, ⵎⴰ ⵡⴰⵔ ⵉⴵⵉ ⴰⵎⴻⵏⵏⵉ?
ⵏⵉⵖ ⵎⴰⵏ ⵡⴻⵏ ⵅⴰⵙ ⵉⵎⴻⵃⴹⴻⵏ ⴰⴼⵉⵍⵓ ⵏ ⵍⴻⵄⴱⴰⵔ?
6 ⵎⵉⵏ ⵅⴻⴼ ⵀⵡⴰⵏ ⴷⵙⵓⵙⴰ ⵏⵏⴻⵙ,
ⵏⵉⵖ ⵎⴰⵏ ⵡⴻⵏ ⵉⵙⵙⴰⵔⵙⴻⵏ ⴰⵥⵔⵓ ⵏ ⵜⴻⵖⵎⴰⵔⵜ ⵏⵏⴻⵙ,
7 ⵓⵎⵉ ⵉⵜⵔⴰⵏ ⵏ ⵚⵚⴱⴻⵀ ⵖⴻⵏⵏⵊⴻⵏ ⵊⵎⵉⵄ ⵙ ⵍⴻⴼⵔⴰⵃⴻⵜ,
ⵓⵎⵉ ⵙⵍⵉⵡⵍⴻⵡⴻⵏ ⵎⴰⵔⵔⴰ ⴰⵔⵔⴰⵡⴻⵏ ⵏ ⴰⵔⴻⴱⴱⵉ?
8 ⵎⴰⵏ ⵡⴻⵏ ⵉⴱⴻⵍⵍⵄⴻⵏ ⵍⴻⴱⵃⴰⵔ ⵙ ⵜⴻⵡⵡⵓⵔⴰ,
ⵓⵎⵉ ⴷⴷ-ⵉⴷⴷⵓⵇⵇⴻⵥ ⵓⵛⴰ ⵉⴼⴼⴻⵖ-ⴷⴷ ⵥⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰⵙ, ■
9 ⵓⵎⵉ ⴷ ⴰⵙ ⴳⴳⵉⵖ ⵉⵙⴻⵢⵏⵓⵜⴻⵏ ⴷ ⴰⵔⵔⵓⴹ ⵏⵏⴻⵙ,
ⴷ ⵓⵙⴻⵢⵏⵓ ⵉⴱⴱⵓⵎⴱⴻⵙ ⴷ ⴰⵎⴻⵏⴷⵉⵍ ⵎⴰⵃⴻⵏⴷ ⴰⴷ ⴷⴰⵢⴻⵙ ⵜ ⵙⵙⴻⵀⵏⵓⵏⵏⴹⴻⵖ,
10 ⵓⵎⵉ ⴷ ⴰⵙ ⴰⵔⵥⵉⵖ ⴰⴼⵔⴰⵢ ⵉⵏⵓ ⴰⵎ ⵡⴻⵃⴼⵓⵔ ⵢⵓⴵⵖⴻⵏ,
ⵓ ⵓⵎⵉ ⴷ ⴰⵙ ⴳⴳⵉⵖ ⵥⵥⴻⴽⵔⵓⵏ ⴷ ⵜⴻⵡⵡⵓⵔⴰ,
11 ⵓⵛⴰ ⵏⵏⵉⵖ: ‘ⴰⵍ ⴷⴰ ⵉ ⴷⴷ ⵖⴰ ⵜⴰⵙⴻⴷ, ⵡⴰⵔ ⵄⴻⴷⴷⵓ.
ⴷⴰⵏⵉⵜⴰ ⴰⴷ ⵜᵉⵜⵜⵡⴰⵙⴱⴻⴷⴷ ⵏⵏⴼⴰⵅⴻⵜ ⵏ ⵍⴻⵎⵡⴰⵊ ⵏⵏⴻⴽ.’
12 ⵎⴰ ⵜⵓⵎⵓⵔⴻⴷ ⵛⴻⴽ ⴰⵜⴻⴼⴼⵓ ⵏ ⵚⵚⴱⴻⵃ ⴷⴻⴳ ⵡⵓⵙⵙⴰⵏ ⵏⵏⴻⴽ?
ⵎⴰ ⵜⴻⵙⵙⵛⴰⵏⴻⴷ ⵉ ⵜⴼⴰⵡⵜ ⵏ ⵍⴻⴼⵊⴰⵔ ⴰⵎⵛⴰⵏ ⵏⵏⴻⵙ
13 ⵎⴰⵃⴻⵏⴷ ⴰⴷ ⵜᵉⵟⵟⴻⴼ ⴰⴼⵔⵉⵡⴻⵏ ⵏ ⵜⴻⵎⵎⵓⵔⵜ,
ⵓ ⴰⴷ ⵥⵥⴰⵢⴻⵙ ⵜⴻⵥⵥⴻⵔⵥ ⵉⵄⴻⴼⴼⴰⵏⴻⵏ?
14 ⴰⴷ ⵜⴻⴷⵡⴻⵍ ⵜⴻⵎⵎⵓⵔⵜ ⴰⵎ ⵜⴰⵔⵔⵉⵙⵜ ⵙⴰⴷⵓ ⵟⵟⴰⴱⴻⵄ,
ⵓ ⴰⴷ ⵜᵉⵟⵟⴻⴼ ⴰⴷⴷⵓⴷ ⵏ ⵡⴰⵔⵔⵓⴹ.
15 ⵉⵄⴻⴼⴼⴰⵏⴻⵏ ⴰⴷ ⴰⵙⴻⵏ ⵜᵉⵜⵜⵡⴰⴽⴽⴻⵙ ⵜⴼⴰⵡⵜ ⵏⵙⴻⵏ,
ⵓ ⴰⵖⵉⵍ ⵉⵜⵜⵡⴰⵙⴳⴻⵄⵄⴷⴻⵏ ⴰⴷ ⵉⵜⵜⵡⴰⵔⵥ.
16 ⵎⴰ ⵜⵉⵡⴹⴻⴷ ⵖⴰⵔ ⵍⵄⵓⵏⵚⴰⵔⴰⵜ ⵏ ⵍⴻⴱⵃⴰⵔ,
ⵎⴰ ⵜⵓⵢⵓⵔⴻⴷ ⵅ ⵡⵓⴷⴻⵎ ⵏ ⵜⴻⵎⵎⵓⵔⵜ ⵏ ⵡⴰⵎⴰⵏ ⵢⵓⴵⵖⴻⵏ?
17 ⵎⴰ ⵜⵜⵡⴰⵄⴰⵔⵔⴰⵏⵜ ⵜⴻⵡⵡⵓⵔⴰ ⵏ ⵍⵎⴻⵡⵜ ⵉ ⵛⴻⴽ,
ⵎⴰ ⵜⴻⵥⵔⵉⴷ ⵜⵉⵡⵡⵓⵔⴰ ⵏ ⵜⵉⵍⵉ ⵏ ⵍⵎⴻⵡⵜ?
18 ⵎⴰ ⵜᵉⵜⵜⴰⵡⵉ-ⴷⴷ ⵜⵎⴻⵥⵔⴰ ⵏⵏⴻⴽ ⴰⵍ ⵓⵏⴻⴳⴳⴰⵔⵓ ⵏ ⵜⴻⵎⵎⵓⵔⵜ?
ⵉⵏⵉ ⵜ ⵎⴰⵍⴰ ⵜⴻⵙⵙⵏⴻⴷ ⴰⵢⴰ ⵎⴰⵔⵔⴰ.
19 ⵎⴰⵏⵉ ⵉⴵⴰ ⵡⴻⴱⵔⵉⴷ ⵖⴰⵔ ⵜⵥⴻⴷⴷⵉⵖⵜ ⵏ ⵜⴼⴰⵡⵜ?
ⵓ ⵜⴰⴵⴻⵙⵜ, ⵎⴰⵏⵉ ⵜⴻⴵⴰ ⵜⵥⴻⴷⴷⵉⵖⵜ ⵏⵏⴻⵙ,
20 ⵃⵉⵎⴰ ⴰⴷ ⵜⵥⴻⵎⵎⴰⵔⴻⴷ ⴰⴷ ⵜⵜ ⵜⵏⴻⴷⵀⴻⴷ ⵖⴰⵔ ⵡⴻⵎⵛⴰⵏ ⵏⵏⴻⵙ,
ⵓ ⵅⴻⵏⵏⵉ ⴰⴷ ⵜⴻⵙⵙⵏⴻⴷ ⵎⵍⵉⵃ ⵉⵎⴻⵙⵔⴰⵇ ⵖⴰⵔ ⵜⴰⴷⴷⴰⵔⵜ ⵏⵏⴻⵙ?
21 ⵛⴻⴽ ⴰⵇⴰ ⵜⴻⵙⵙⵏⴻⴷ ⵎⴰⵏ ⴰⵢⴰ ⵏⵉⵖ, ⵎⵉⵏⵥⵉ ⵛⴻⴽ ⵜⵓⵖⴰ ⵜⵅⴻⵍⵇⴻⴷ, ⵏⵉⵖ ⵍⵍⴰ?
ⵓ ⵎⴰ ⵡⴰⵔ ⵉⴵⵉ ⵍⵇⴻⴷⴷ ⵏ ⵡⵓⵙⵙⴰⵏ ⵏⵏⴻⴽ ⴷ ⴰⵟⵟⴰⵙ!?
22 ⵎⴰ ⵜⵓⴷⴼⴻⴷ ⵖⴰⵔ ⵉⵅⵅⴰⵎⴻⵏ ⵏ ⵍⴻⵅⵥⴻⵏ ⵏ ⵡⴻⴷⴼⴻⵍ,
ⵎⴰ ⵜⴻⵥⵔⵉⴷ ⵍⴻⵀⵔⵉⵜ ⵏ ⵜⴻⴱⵔⵓⵔⵉ,
23 ⵏⵏⵉ ⵅ ⵛⴻⵟⵟⴰⵔⴻⵖ ⵉ ⵍⵡⴻⵇⵜ ⵏ ⵍⴻⵃⵚⴰⵔⴻⵜ,
ⵉ ⵡⴰⵙⵙ ⵏ ⴳⴰⵔⵔⴰ ⴷ ⵓⵎⴻⵏⵖⵉ?
24 ⵎⴰⵏⵉ ⵉⴵⴰ ⵡⴻⴱⵔⵉⴷ ⵉⵜⵜⴱⴻⵟⵟⴰⵏ ⵜⵉⴼⴰⵡⵜ,
ⵓⵍⴰ ⴷ ⴰⴱⵔⵉⴷ ⵉⵜⵜⴱⴻⵥⵥⵄⴻⵏ ⴰⵚⴻⵎⵎⵉⴹ ⵏ ⵛⵛⴰⵔⵇ ⵅ ⵜⴻⵎⵎⵓⵔⵜ?
25 ⵎⴰⵏ ⵡⴻⵏ ⵉⴼⴻⴵⴻⵇ ⵍⵎⵉⵥⴰⴱ ⵉ ⵍⵃⴻⵎⵍⴻⵜ ⵏ ⵡⴻⵏⵥⴰⵔ,
ⵓⵍⴰ ⴷ ⴰⴱⵔⵉⴷ ⵉ ⵡⴰⵙⵙⴰⵎ ⵏ ⵡⴰⵊⵊⴰⵊⴻⵏ,
26 ⵃⵉⵎⴰ ⴰⴷ ⵉⵙⵙⴻⴽⴽ ⴰⵏⵥⴰⵔ ⵅ ⵜⴻⵎⵎⵓⵔⵜ ⵏⵏⵉ ⴷⵉ ⵡⴰⵔ ⵉⵥⴷⵉⵖ ⵃⴻⴷ,
ⵅ ⵍⴻⵅⵍⴰ ⵉ ⵡⴰⵔ ⴷⵉ ⵉⵥⴷⵉⵖ ⵓⵍⴰ ⴷ ⵉⵊⵊ,
27 ⵃⵉⵎⴰ ⴰⴷ ⵉⵙⵙⴰⵔⵡⴰ ⵊⵊⵡⴰⵢⴻⵀ ⵉⵅⵍⴰⵏ ⵓ ⵉⵜⵜⵡⴰⵅⵍⴰⵏ,
ⵓ ⵃⵉⵎⴰ ⴰⴷ ⵉⵙⵙⴻⵖⵎⵉ ⴰⵔⵔⴱⵉⵄ ⴷ ⵟⵟⵔⵉ? ■
28 ⵎⴰ ⴰⵏⵥⴰⵔ ⵖⴰⵔⴻⵙ ⵛⴰ ⵏ ⴱⴰⴱⴰⵙ,
ⵏⵉⵖ ⵎⴰⵏ ⵡⴻⵏ ⵉ ⴷⴷ-ⵉⵜⵜⴻⵊⵊⴰⵏ ⵜⵓⴷⴷⵉⵎⵉⵏ ⵏ ⵏⵏⴷⴰ?
29 ⵣⵉ ⵎⴰⵏ ⴰⵄⴻⴷⴷⵉⵙ ⵉ ⵥⵉ ⴷⴷ-ⵉⴼⴼⴻⵖ ⵡⴻⵊⵔⵉⵙ,
ⵓ ⵏⵏⴷⴰ ⵉⵊⴻⵔⵙⴻⵏ ⵏ ⵓⵊⴻⵏⵏⴰ ⵡⵉ ⵉ-ⵜ-ⵉ-ⴷⴷ-ⵢⵓⵔⵡⴻⵏ?
30 ⴷⴷⴰⴽⴽⵡⴰⵍⴻⵏ ⵡⴰⵎⴰⵏ ⴰⵎ ⵡⴻⵥⵔⵓ,
ⵓⵛⴰ ⵉⵊⴰⵔⵙ ⵡⵓⴷⴻⵎ ⵏ ⵡⴰⵎⴰⵏ ⵢⵓⴵⵖⴻⵏ.
31 ⵎⴰ ⵜⵥⴻⵎⵎⴰⵔⴻⴷ ⴰⴷ ⵜⵛⴻⴷⴷⴻⴷ ⴰⴳⵔⴰⵡ ⵏ ⵙⴻⴱⵄⴰ ⵏ ⵢⴻⵜⵔⴰⵏ,
ⵏⵉⵖ ⵜⴼⴻⵙⵙⵢⴻⴷ ⵙⵏⴰⵙⴻⵍ ⵏ ⵢⴻⵜⵔⴰⵏ ⵏ ⵓⵔⵉⵢⵓⵏ? ■
32 ⵎⴰ ⵜⵥⴻⵎⵎⴰⵔⴻⴷ ⴰⴷ ⴷⴷ-ⵜⴻⵙⵙⵓⴼⴼⵖⴻⴷ ⵉⵜⵔⴰⵏ ⵏ ⵣⵓⴷⵢⴰⴽ ⵖⴰⵔ ⵍⵃⴰⵍ ⵏⵙⴻⵏ,
ⵓⵍⴰ ⴷ ⴷⴷⵓⴱ ⴰⵎⴻⵇⵇⵔⴰⵏ ⴰⴽ-ⴷ ⵜⴰⵔⵡⴰ ⵏⵏⴻⵙ?
33 ⵎⴰ ⵜⴻⵙⵙⵏⴻⴷ ⵉⵥⴻⵔⴼⴰⵏ ⵏ ⵓⵊⴻⵏⵏⴰ,
ⵎⴰ ⵜⵥⴻⵎⵎⴰⵔⴻⴷ ⴰⴷ ⵜⴷⴻⴱⴱⴰⵔⴻⴷ ⵅ ⵓⵇⴰⵔⵔⵉ ⵏⵙⴻⵏ ⴷⵉ ⵜⴻⵎⵎⵓⵔⵜ? ■
34 ⵎⴰ ⵜⵥⴻⵎⵎⴰⵔⴻⴷ ⴰⴷ ⵜⴻⵙⵙⴳⴻⵄⵄⴷⴻⴷ ⵖⴰⵔ ⵉⵙⴻⵢⵏⵓⵜⴻⵏ ⵜⵎⵉⵊⵊⴰ ⵏⵏⴻⴽ,
ⴰⵍⴰⵎⵉ ⵛⴻⴽ ⵉ ⵖⴰ ⵜⴷⴻⵍ ⵉⵛⵜ ⵏ ⵍⵃⴻⵎⵍⴻⵜ ⵏ ⵡⴰⵎⴰⵏ?
35 ⵎⴰ ⵜⵥⴻⵎⵎⴰⵔⴻⴷ ⴰⴷ ⵜⴻⵙⵙⴻⴽⴽⴻⴷ ⴰⵙⵙⴰⵎⴻⵏ ⵎⴰⵃⴻⵏⴷ ⴰⴷ ⵇⴻⴵⵇⴻⵏ,
ⵓ ⴰⴷ ⴰⵛ ⵉⵏⵉⵏ: ‘ⴰⵇⴰ-ⵏⴻⵖ ⴷⴰ!’?
36 ⵎⴰⵏ ⵡⴻⵏ ⵉⵙⵙⴰⵔⵙⴻⵏ ⵜⵉⵖⵉⵜ ⴷⵉ ⴷⴰⵅⴻⵍ ⵏ ⴱⵏⴰⴷⴻⵎ?
ⵏⵉⵖ ⵎⴰⵏ ⵡⴻⵏ ⵉⵡⵛⵉⵏ ⵍⴻⴼⵀⴰⵎⴻⵜ ⵉ ⵍⴻⵄⵇⴻⵍ? ■
37 ⵎⴰⵏ ⵡⴻⵏ ⵉⴼⴰⵔⵔⵥⴻⵏ ⵉⵙⴻⵢⵏⵓⵜⴻⵏ ⵙ ⵍⴻⵄⵇⴻⵍ,
ⵓ ⵉⵖⴰⵔⵔⴰⴼⴻⵏ ⵏ ⵡⴰⵎⴰⵏ ⵏ ⵓⵊⴻⵏⵏⴰ ⵡⵉ ⵜⴻⵏ ⵉⵜⵜⵥⴻⴵⴰⵄⴻⵏ,
38 ⴰⵍⴰⵎⵉ ⵉⵜⵜⵡⴰⴼⵙⵉⵢ ⵓⵛⴰⵍ, ⵉⴷⵡⴻⵍ ⴷ ⴰⴱⴻⴵⴰⵄ,
ⵓⵛⴰ ⵍⴻⵙⵇⴻⵏ ⵉⴱⵓⵔⵙⴰ ⵏ ⵜⴻⵎⵎⵓⵔⵜ?
39 ⵎⴰ ⵜⵥⴻⵎⵎⴰⵔⴻⴷ ⴰⴷ ⵜᵉⵟⵟⴼⴻⴷ ⵥⵥⴰⵔⴷⴻⵜ ⵉ ⵜⴰⵢⵔⴰⴷⵜ,
ⵏⵉⵖ ⴰⴷ ⵜⴻⵙⵙⴻⵍⵀⵓⴷ ⵍⴰⵥ ⵏ ⵡⴰⵢⵔⴰⴷⴻⵏ ⵉⵎⴻⵥⵢⴰⵏⴻⵏ, ■
40 ⵍⴰⵎⵉ ⵏⵓⴼⴼⴰⵔⴻⵏ ⴷⴻⴳ ⵉⴼⵔⴰⵏ ⵏⵙⴻⵏ,
ⵓ ⵜⵜⵃⴰⵎⴰⵏ ⵥⵉ ⵍⴻⵎⵔⴰⴳⴻⵃ ⵏⵙⴻⵏ?
41 ⵎⴰⵏ ⵡⴻⵏ ⵉⵙⵙⴻⵡⵊⴰⴷⴻⵏ ⵉ ⵓⴱⴰⵖⴻⵍ ⵎⴰⵛⵛⴰ ⵏⵏⴻⵙ,
ⵅⵎⵉ ⵙⵖⵓⵢⵢⵓⵏ ⵉⵎⴻⵥⵢⴰⵏⴻⵏ ⵏⵏⴻⵙ ⵖⴰⵔ ⴰⵔⴻⴱⴱⵉ,
ⵅⵎⵉ ⵜⵜⴻⵎⵀⴰⴼⴰⵏ ⵏⵀⵍⴰ ⵎⴰⵛⵛⴰ? ■