ⴰⴽⴻⵎⵎⴻⵍ ⵏ ⵍⵀⴰⵔⴷ ⵡⵉⵙⵙ ⴰⵔⴻⴱⵄⴰ ⵏ ⵉⵍⵉⵀⵓ: ⵍⴻⵎⵖⴰⵔⴻⵜ ⵏ ⴰⵔⴻⴱⴱⵉ ⴷⵉ ⵟⵟⴰⴱⵉⵄⴰ
37
1 ⵡⴰⵀ, ⵙ ⵓⵢⴰ ⵉⵜⵜⴰⵔⵊⵉⵊ ⵡⵓⵍ ⵉⵏⵓ, ⵉⵏⴻⵟⵟⵓ ⵥⴻⴳ ⵡⴻⵎⵛⴰⵏ ⵏⵏⴻⵙ.
2 ⵙⵍⴻⵎ ⵎⵍⵉⵃ ⵉ ⵥⵥⵀⵉⵔ ⵏ ⵜⵎⵉⵊⵊⴰ ⵏⵏⴻⵙ,
ⵉ ⵡⴻⵊⴷⴰⴱ ⵏ ⵡⴰⵊⵊⴰⵊ ⵉ ⴷⴷ-ⵉⵜⵜⴻⴽⴽⴻⵏ ⵥⴻⴳ ⵓⵇⴻⵎⵎⵓⵎ ⵏⵏⴻⵙ. ■
3 ⵉⵙⵙⴻⴽⴽ ⵉ-ⵜ ⵙⴰⴷⵓ ⵎⴰⵔⵔⴰ ⴰⵊⴻⵏⵏⴰ,
ⵓ ⵜⴰⴼⴰⵡⵜ ⵏⵏⴻⵙ ⴰⵍ ⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ.
4 ⴰⵡⴰⵔⵏⵉ ⴰⵙ ⵉⵥⴻⵀⵀⴰⵔ ⵙ ⵜⵎⵉⵊⵊⴰ ⵉⵊⴻⵀⴷⴻⵏ,
ⵉⵀⴻⵎⵀⴻⵎ ⵙ ⵜⵎⵉⵊⵊⴰ ⵏ ⵍⵄⴰⴹⴰⵎⴰ ⵏⵏⴻⵙ,
ⵓ ⵡⴰⵔ ⵉⵎⴻⵏⵏⴻⵄ ⴰⵙⵙⴰⵎⴻⵏ, ⵎⴰⵍⴰ ⵜᵉⵜⵜⵡⴰⵙⴻⵍ ⵜⵎⵉⵊⵊⴰ ⵏⵏⴻⵙ.
5 ⴰⵔⴻⴱⴱⵉ ⵉⴷⴷⴰⵔⴷⵉⵃ ⵙ ⵜⵎⵉⵊⵊⴰ ⵏⵏⴻⵙ ⵙ ⵜⴻⴱⵔⵉⴷⵜ ⵏ ⵍⴻⵄⵊⴻⴱ,
ⵉⵜⵜⴻⴳⴳ ⵍⴻⵃⵡⴰⵢⴻⵊ ⵜⵉⵎⴻⵇⵇⵔⴰⵏⵉⵏ, ⵏⴻⵛⵛⵉⵏ ⵡⴰⵔ ⴰⵙⴻⵏⵜ ⵏⴼⴻⵀⵀⴻⵎ. ■
6 ⵎⴰⵖⴰⵔ ⵉⵇⵇⴰⵔ ⵉ ⵡⴻⴷⴼⴻⵍ: ‘ⵡⴹⴰ ⵖⴰⵔ ⵜⴻⵎⵎⵓⵔⵜ!’,
ⵓ ⴰⵎⴻⵏⵏⵉ ⵉ ⵉⵇⵇⴰⵔ ⵓⵍⴰ ⵉ ⵡⴻⵏⵥⴰⵔ.
ⵅⴻⵏⵏⵉ ⵉⵛⵛⴰⵜ ⵡⴻⵏⵥⴰⵔ ⴷ ⵉⵖⴻⵥⵔⴰⵏ. ■
7 ⵏⴻⵜⵜⴰ ⵉⵜⵜⵛⴻⵎⵎⴻⵄ ⴰⴼⵓⵙ ⵏ ⵎⴽⵓⵍ ⴱⵏⴰⴷⴻⵎ,
ⵃⵉⵎⴰ ⵎⴰⵔⵔⴰ ⵉⵡⴷⴰⵏ ⴰⴷ ⵙⵙⵏⴻⵏ ⵍⵅⴻⴷⵎⴻⵜ ⵏⵏⴻⵙ.
8 ⵍⴻⵡⵃⵓⵛ ⵜⵜⵏⵓⴼⴼⴰⵔⴻⵏ ⴷⵉ ⵍⴻⵎⵔⴰⴳⴻⵃ
ⵓ ⵜⵜⵖⵉⵎⴰⵏ ⴷⴻⴳ ⵉⴼⵔⴰⵏ ⵏⵙⴻⵏ.
9 ⵜⴻⵜⵜⴰⵙ-ⴷⴷ ⵜⵃⴰⵔⵢⴰⴹⵜ ⵥⴻⴳ ⵡⴻⵅⵅⴰⵎ ⵏⵏⴻⵙ ⵏ ⴷⴰⵅⴻⵍ,
ⵓ ⴰⴽ-ⴷ ⵓⵙⴻⵎⵎⵉⴹ ⵏ ⵛⵛⴰⵎⴰⵍ ⵜᵉⵜⵜⴰⵙ-ⴷⴷ ⵓⵍⴰ ⴷ ⵜⴻⵙⵎⴻⴹ.
10 ⵙ ⵓⵚⵓⴹⵉ ⵏ ⵏⵏⴻⴼⵙ ⵏⵏⴻⵙ ⵉⵜⵜⴰⵡⵉ-ⴷⴷ ⴰⵔⴻⴱⴱⵉ ⴰⵊⵔⵉⵙ,
ⵊⴻⵎⴷⴻⵏ ⵡⴰⵟⵟⴰⵙ ⵏ ⵡⴰⵎⴰⵏ. ■
11 ⵡⴰⵀ, ⵉⵜⵜⵄⴻⵎⵎⴰⵔ ⵉⵙⴻⵢⵏⵓⵜⴻⵏ ⵙ ⵜⵓⴼⴼⴻⵜ,
ⵉⵜⵜⴱⴻⵥⵥⴻⵄ ⴰⵙⴻⵢⵏⵓ ⵏ ⵜⴼⴰⵡⵜ ⵏⵏⴻⵙ.
12 ⵡⴰⵏⵉⵜⴰ ⵉⵜⵜⵔⴰⵃ ⵉⵜⵜⴰⵙ-ⴷⴷ,
ⵎⴰⵎⵎⴻⵛ ⵜ ⵉⵏⴻⴷⴷⴻⵀ ⵏⴻⵜⵜⴰ,
ⵃⵉⵎⴰ ⴰⴷ ⴳⴳⴻⵏ ⵎⴰⵔⵔⴰ ⵎⵉⵏ ⵉ ⴷ ⴰⵙⴻⵏ ⵢⵓⵎⵓⵔ,
ⵅ ⵡⵓⴷⴻⵎ ⵏ ⵜⴻⵎⵎⵓⵔⵜ, ⵅ ⵜⴻⵎⵎⵓⵔⵜ.
13 ⵏⵉⵖ ⴰⵎ ⵡⴻⵄⵎⵓⴷ ⵏⵉⵖ ⵉ ⵍⴻⴼⴹⴻⵍ ⵏ ⵜⴻⵎⵎⵓⵔⵜ,
ⵏⵉⵖ ⴰⵎ ⵡⴻⵙⵛⴰⵏ ⵏ ⵜⵎⴻⵅⵙⴰ ⵉⵛⵓⵡⵡⴰⵔⴻⵏ,
ⵉⵊⵊⴰ ⵉ-ⵜ ⴰⴷ ⵉⵀⵡⴰ. ■
14 ⴻⵡⵛ ⴰⵎⴻⵥⵥⵓⵖ ⵉ ⵎⴰⵏ ⴰⵢⴰ, ⴰ ⴰⵢⵓⴱ,
ⴱⴻⴷⴷ, ⵙⵇⴰⵔ, ⵓ ⵃⴹⴰ ⵅ ⵍⴻⵄⵊⴰⵢⴻⴱ ⵏ ⴰⵔⴻⴱⴱⵉ.
15 ⵎⴰ ⵜⴻⵙⵙⵏⴻⴷ ⵎⴰⵎⵎⴻⵛ ⵉ ⵅⴰⵙⴻⵏ ⵉⴷⴻⴱⴱⴰⵔ ⴰⵔⴻⴱⴱⵉ,
ⵎⴰⵎⵎⴻⵛ ⵉⵙⵙⵔⵓⵖⴰ ⵜⴼⴰⵡⵜ ⵏ ⵓⵙⴻⵢⵏⵓ ⵏⵏⴻⵙ?
16 ⵎⴰ ⵜⴻⵙⵙⵏⴻⴷ ⵎⴰⵎⵎⴻⵛ ⵜⵜⴻⵃⵔⴰⵔⴰⵏ ⵉⵙⴻⵢⵏⵓⵜⴻⵏ,
ⵎⴰ ⵜⴻⵙⵙⵏⴻⴷ ⵍⴻⵄⵊⴰⵢⴻⴱ ⵏ ⵡⴻⵏⵏⵉ ⵖⴰⵔ ⵜⴻⴵⴰ ⵜⵓⵙⵙⵏⴰ ⵜⵎⵓⵏ.
17 ⵛⴻⴽ, ⵡⴻⵏⵏⵉ ⵓⵎⵉ ⵉⵃⴻⵎⵎⴰ ⵡⴰⵔⵔⵓⴹ,
ⵎⴰⵍⴰ ⵏⴻⵜⵜⴰ ⵉⵙⵙⴰⵔⵙⴰ ⵜⴰⵎⵎⵓⵔⵜ ⵙ ⴰⵔⵔⵉⵃ ⵏ ⵍⵊⴰⵏⵓⴱ,
18 ⵎⴰ ⵜⴱⴻⵥⵥⵄⴻⴷ ⴰⴽⵉⴷⴻⵙ ⵍⵇⵓⴱⴱⴻⵜ ⵏ ⵓⵊⴻⵏⵏⴰ,
ⵜⴻⵏⵏⵉ ⴷⵉⵏ ⵉⴱⴻⴷⴷⴻⵏ ⴰⵎ ⵉⵛⵜ ⵏ ⵜⵉⵙⵉⵜ ⵉⴼⴻⵙⵢⴻⵏ? ■
19 ⵙⴰⵔⴳⴻⴱ ⴰⵏⴻⵖ ⵛⴻⴽ ⵎⵉⵏ ⵉ ⴷ ⴰⵙ ⵖⴰ ⵏⵉⵏⵉ, ⵉ ⴰⵔⴻⴱⴱⵉ,
ⵎⴰⵖⴰⵔ ⵏⴻⵛⵛⵉⵏ ⵡⴰⵔ ⵏⵥⴻⵎⵎⴰⵔ ⴰⴷ ⵏⴼⴻⵙⵙⴰⵔ ⵡⴰⵍⵓ ⵎⵍⵉⵃ ⵥⵉ ⵙⵙⵉⴱⴱⴻⵜ ⵏ ⵜⴰⴵⴻⵙⵜ.
20 ⵎⴰ ⴰⴷ ⴰⵙ ⵀⴰⵊⴰⵏ, ⴰⵇⴰ ⵙⵙⵉⵡⵍⴻⵖ ⴰⵎⵎⵓ?
ⵎⴰⵍⴰ ⵛⴰ ⵏ ⵢⵉⵊⵊⴻⵏ ⴰⴷ ⵜⵜ ⵢⵉⵏⵉ, ⴰⴷ ⵉⵜⵜⵡⴰⵚⴰⵔⴹ ⵏⵉⵛⴰⵏ. □
21 ⵍⴻⵅⵅⵓ ⵡⴰⵔ ⵉⵜⵜⵡⵉⵍⵉ ⴱⵏⴰⴷⴻⵎ ⵜⴰⴼⴰⵡⵜ,
ⵜⴻⵏⵏⵉ ⵢⴰⵔⴻⵇⵇⴻⵏ ⴷⴻⴳ ⵉⵙⴻⵢⵏⵓⵜⴻⵏ,
ⵎⴰⵛⴰ ⵎⴰⵍⴰ ⵉⵄⴷⵓ ⵓⵙⵓⴹⵉ ⵏ ⵓⵙⴻⵎⵎⵉⴹ, ⴰⵇⴰ ⵉⴼⴰⵔⵔⴻⴹ ⵉ-ⵜⴻⵏ.
22 ⵣⵉ ⵛⵛⴰⵎⴰⵍ ⵉⵜⵜⴰⵙ-ⴷⴷ ⵡⵓⵔⴻⵖ,
ⵜⵉⵙⵙⵉⵇⵜ ⵉⵙⵙⴰⴳⴳⵯⴰⴷⴻⵏ ⵜⴰⵔⵙⴰ ⵅ ⴰⵔⴻⴱⴱⵉ.
23 ⴰⵎⵥⴻⵎⵎⴰⵔ ⵅ ⴽⵓⵍⵛⵉ ⵉ ⵡⴰⵔ ⵏⵥⴻⵎⵎⴰⵔ ⴰⴷ ⵜ ⵏⴰⴼ,
ⵡⴻⵏⵏⵉ ⴷ ⴰⵎⴻⵇⵇⵔⴰⵏ ⴷⵉ ⵊⵊⴻⵀⴷ,
ⵏⴻⵜⵜⴰ ⵡⴰⵔ ⵉⵜⵜⴷⴻⴵⵉ ⵍⵃⴻⵇⵇ ⴷ ⵜⵙⴻⴳⴷⴰ ⵜⴰⵎⴻⵇⵇⵔⴰⵏⵜ. ■
24 ⵙ ⵓⵢⴰ ⵜⵜⴻⴳⴳⵯⴻⴷⴻⵏ ⵥⵥⴰⵢⴻⵙ ⵉⵡⴷⴰⵏ,
ⵏⴻⵜⵜⴰ ⵡⴰⵔ ⵉⵅⴻⵥⵥⴰⵔ ⵖⴰⵔ ⵢⴻⵏⵏⵉ ⵉⵃⴻⵙⵙⴱⴻⵏ ⵉⵅⴻⴼ ⵏⵙⴻⵏ ⴷ ⵉⵎⵉⵖⵉⵙⴻⵏ ⵏ ⵡⵓⵍ.