ⴰⵢⵓⴱ ⵉⵙⵙⵉⵡⴻⵍ ⵅ ⵎⴰⵎⵎⴻⵛ ⵜⵓⵖⴰ ⵜⵓⴷⴰⵔⵜ ⵏⵏⴻⵙ ⵇⴱⴻⵍ
29
1 ⵓⵛⴰ ⵢⴰⵔⵏⵉ ⴰⵢⵓⴱ ⴷⵉ ⵍⵀⴰⵔⴷ ⵏ ⵍⵎⴰⵜⴰⵍ ⵏⵏⴻⵙ, ⵉⵏⵏⴰ: 2 ⵎⵍⵉ ⴵⵉⵖ ⴰⵎ ⴷⴻⴳ ⵓⵢⴻⵏⵏⵉ ⵏ ⵉⵢⵓⵔⴻⵏ ⵉⵄⴷⵓⵏ ⴰⵟⵟⴰⵙ ⵥⴻⴳ ⵡⴰⵎⵉ,
ⴰⵎ ⴷⴻⴳ ⵡⵓⵙⵙⴰⵏ ⵓⵢⴻⵏⵏⵉ ⵍⴰⵎⵉ ⴷ ⴰⵢⵉ ⵜⵓⵖⴰ ⵉⵃⴻⵟⵟⴰ ⴰⵔⴻⴱⴱⵉ,
3 ⵍⴰⵎⵉ ⵉⴳⴳⴰ ⵍⴻⴼⵏⴰⵔ ⵏⵏⴻⵙ ⴰⴷ ⵢⴰⵔⴻⵖ ⵅ ⵓⵥⴻⴵⵉⴼ ⵉⵏⵓ,
ⵓ ⵜⵓⵖⴰ ⴳⴳⵓⵔⴻⵖ ⴷⵉ ⵜⴰⴵⴻⵙⵜ ⵙ ⵜⴼⴰⵡⵜ ⵏⵏⴻⵙ.
4 ⵎⵍⵉ ⴵⵉⵖ ⴰⵎ ⴷⴻⴳ ⵡⵓⵙⵙⴰⵏ ⵏ ⵜⴻⵎⵥⵉ ⵉⵏⵓ,
ⵓⵎⵉ ⴰⵎⵓⵏⵉ ⴷⵉ ⵍⴰⵎⴰⵏ ⴰⴽ-ⴷ ⴰⵔⴻⴱⴱⵉ ⵜⵓⵖⴰ ⵉⴱⴻⴷⴷ ⵅ ⵜⵇⵉⴹⵓⵏⵜ ⵉⵏⵓ,
5 ⵓⵎⵉ ⴰⵎⵥⴻⵎⵎⴰⵔ ⵅ ⴽⵓⵍⵛⵉ ⵜⵓⵖⴰ-ⵜ ⵄⴰⴷ ⴰⴽⵉⴷⵉ,
ⵓ ⵉⵃⴻⵏⵊⵉⵔⴻⵏ ⵉⵏⵓ ⵄⴰⴷ ⵏⵏⴹⴻⵏ ⴰⵢⵉ-ⴷⴷ,
6 ⵓⵎⵉ ⵉⵚⵓⵔⴰⴼ ⵉⵏⵓ ⵜⵓⵖⴰ ⵄⵓⵎⵎⴻⵏ ⴷⵉ ⵜⵔⵓⵙⵙⵉ,
ⵓ ⵜⴰⵚⴹⴰⵔⵜ ⵜⵓⵖⴰ ⵜᵉⵜⵜⵥⴻⴵⴰⵄ ⵥⵥⴰⵜⵉ ⵜⵉⵖⴻⵥⵔⴰⵜⵉⵏ ⵏ ⵥⵥⴻⵛⵜ!
7 ⵓⵎⵉ ⴷⴷ-ⴼⴼⵖⴻⵖ ⵖⴰⵔ ⵜⴻⵡⵡⴰⵔⵜ ⵏ ⵜⴻⵏⴷⵉⵏⵜ,
ⵊⵊⵉⵖ ⵙⵙⴱⴻⴷⴷⴻⵏ ⴰⵢⵉ ⵍⴽⵓⵔⵙⵉ ⵉⵏⵓ ⴷⴻⴳ ⵡⴰⵥⵥⴰⵢ,
8 ⵏⵏⵓⴼⴰⵔⴻⵏ ⵉⵃⵓⴷⵔⵉⵢⵢⴻⵏ ⵍⴰⵎⵉ ⴷ ⴰⵢⵉ ⵥⵔⵉⵏ,
ⵓ ⵉⵎⴻⵛⵛⴰⵢⴱⵓⵜⴻⵏ ⴽⴽⴰⵔⴻⵏ, ⵇⵇⵉⵎⴻⵏ ⴱⴻⴷⴷⴻⵏ.
9 ⵉⵎⴻⵇⵇⵔⴰⵏⴻⵏ ⵎⴻⵏⵄⴻⵏ ⴰⵡⴰⵍⴻⵏ ⵏⵙⴻⵏ,
ⵓⵛⴰ ⵙⵙⴰⵔⵙⴻⵏ ⴰⴼⵓⵙ ⵅ ⵓⵇⴻⵎⵎⵓⵎ ⵏⵙⴻⵏ,
10 ⵜⵎⵉⵊⵊⴰ ⵏ ⵍⵃⵓⴽⴽⴰⵎ ⵜⴻⵙⵇⴰⵔ,
ⵉⵍⵙⴻⵇ ⵉⵍⴻⵙ ⵏⵙⴻⵏ ⵖⴰⵔ ⵡⴰⵏⴻⵖ ⵏⵙⴻⵏ.
11 ⵎⴰⵍⴰ ⵉⵙⵍⴰ ⴰⵢⵉ ⵓⵎⴻⵥⵥⵓⵖ, ⵉⵙⵙⴻⵎⵖⴰⵔ ⴰⵢⵉ,
ⵎⴰⵍⴰ ⵜⴻⵥⵔⴰ ⴰⵢⵉ ⵜⵉⵟⵟ, ⵜⴻⵛⵀⴻⴷ ⵅ ⵍⵅⴰⴹⴰⵔ ⵉⵏⵓ.
12 ⵎⴰⵖⴰⵔ ⵙⵙⵏⴻⵊⵎⴻⵖ ⵍⵎⴻⵙⴽⵉⵏ ⵏⵏⵉ ⵉⵙⵖⵓⵢⵢⴻⵏ,
ⴰⵢⵓⵊⵉⵍ ⵏⵏⵉ ⵡⴰⵔ ⵖⴰⵔⴻⵙ ⵜⵓⵖⵉ ⵡⴻⵏⵏⵉ ⵜ ⵉ ⵖⴰ ⵉⵄⴰⵡⵏⴻⵏ. ■
13 ⵍⵅⴰⴹⴰⵔ ⵏ ⵡⴻⵏⵏⵉ ⵉⵀⴻⵍⵍⴽⴻⵏ, ⵢⵓⵙⴰ-ⴷⴷ ⵅⴰⴼⵉ,
ⵓⵍ ⵏ ⵜⴰⵊⵊⴰⵞ ⴳⴳⵉⵖ ⵜ ⵉⵙⵍⵉⵡⵍⴻⵡ ⵙ ⵍⴻⴼⵔⴰⵃⴻⵜ.
14 ⵢⴰⵔⴹⴻⵖ ⵜⴰⵙⴻⴳⴷⴰ ⵓ ⵜⴰⵙⴻⴳⴷⴰ ⵜⴻⵙⵙⵢⴰⵔⴹ ⴰⵢⵉ.
ⵜⵓⵖⴰ ⵛⵛⵔⴻⵄ ⵉⵏⵓ ⴰⵎ ⵓⵙⴻⵍⵀⴰⵎ ⵓ ⴰⵎ ⴰⵔⴻⵥⵥⴻⵜ. ■
15 ⵜⵓⵖⴰ ⴰⵢⵉ ⴷ ⵜⵉⵟⵟⴰⵡⵉⵏ ⵉ ⵉⴷⴰⵔⵖⴰⵍⴻⵏ,
ⵓⵍⴰ ⴷ ⵉⴹⴰⵔⴻⵏ ⵉ ⵉⵇⵉⴹⴰⵔⴻⵏ.
16 ⵜⵓⵖⴰ ⴰⵢⵉ ⴷ ⴱⴰⴱⴰⵜⵙⴻⵏ ⵉ ⵉⵎⴻⵥⵍⴰⴹ,
ⵓⵛⴰ ⴷⴷⴻⵄⵡⴻⵜ ⵏ ⵡⴻⵏⵏⵉ ⵡⴰⵔ ⵙⵙⵉⵏⴻⵖ, ⴱⴻⵇⵇⵛⴻⵖ ⵜⵜ.
17 ⴰⵔⵥⵉⵖ ⵜⵉⵖⵎⴰⵙ ⵏ ⵜⴻⵖⵎⴰⵔⵜ ⵏ ⵡⴻⵏⵏⵉ ⵉⴳⴳⵉⵏ ⵎⵉⵏ ⵡⴰⵔ ⵉⵙⴻⴳⴳⴷⴻⵏ,
ⵓⵛⴰ ⴽⴽⵙⴻⵖ ⵥⵥⴰⵔⴷⴻⵜ ⵉ ⵜⴻⵖⵎⴰⵙ ⵏⵏⴻⵙ.
18 ⵏⵏⵉⵖ: ‘ⴰⴷ ⵙⵙⵓⴼⴼⵖⴻⵖ ⴱⵓⵃⴱⴻⵍ ⵉⵏⵓ ⵅ ⵍⵄⵓⵛⵛ ⵉⵏⵓ,
ⴰⴷ ⴷⴷⴰⵔⴻⵖ ⵜⵓⴷⴰⵔⵜ ⵜⴰⵥⵉⵔⴰⵔⵜ ⴰⵎ ⵓⵊⴹⵉⴷ ⵏ ⴼⵓⵏⵉⴽⵙ.’
19 ⵉⵥⴻⵡⵔⴰⵏ ⵉⵏⵓ ⴱⴻⵥⵥⵄⴻⵖ ⵜⴻⵏ ⵖⴰⵔⴻⵙ ⴰⵍ ⴰⵎⴰⵏ,
ⵓ ⴷⵉ ⴵⵉⵍⴻⵜ ⵉⵇⵇⵉⵎ ⵏⵏⴷⴰ ⵅ ⵍⴻⴼⵔⵓⵄ ⵉⵏⵓ.
20 ⵜⵓⵖⴰ ⵍⵄⴻⵥⵥ ⵉⵏⵓ ⵉⵜⵜⵏⴻⵄⵏⵉⵄ ⴷⴰⵢⵉ ⵍⴻⴱⴷⴰ,
ⵍⵇⴻⵡⵙ ⵉⵏⵓ ⵉⵙⵀⴻⵍ ⴷⴻⴳ ⵓⴼⵓⵙ ⵉⵏⵓ ⵍⴻⴱⴷⴰ.
21 ⵙⵍⵉⵏ-ⴷⴷ ⵖⴰⵔⵉ, ⵔⴰⵊⴰⵏ,
ⵙⵇⴰⵔⴻⵏ ⴷⵉ ⵟⵟⵡⴻⵄ ⵏ ⵛⵛⵡⴰⵔ ⵉⵏⵓ.
22 ⴰⵡⴰⵔⵏⵉ ⵉ ⵡⴰⵡⴰⵍ ⵉⵏⵓ ⵡⴰⵔ ⵙⵙⵉⵡⵍⴻⵏ ⵜⵡⴰⵍⴰ ⵏⵏⴻⵖⵏⵉ,
ⴰⵡⴰⵍⴻⵏ ⵉⵏⵓ ⵓⴷⵓⵎⴻⵏ ⵅⴰⵙⴻⵏ.
23 ⵏⵉⵜⵏⵉ ⵔⴰⵊⴰⵏ ⴰⵢⵉ ⴰⵎ ⵔⴰⵊⴰⵏ ⴰⵏⵥⴰⵔ,
ⴰⵔⵥⵎⴻⵏ ⴰⵇⴻⵎⵎⵓⵎ ⵏⵙⴻⵏ ⴰⵎ ⵜ ⴰⵔⴻⵥⵎⴻⵏ ⵖⴰⵔ ⵡⴻⵏⵥⴰⵔ ⵏ ⵜⴻⴼⵙⵓⵜ.
24 ⵎⴰⵍⴰ ⵙⴼⴰⵔⵏⵉⵏⴻⵖ ⵖⴰⵔⵙⴻⵏ, ⵡⴰⵔ ⵥⴻⵎⵎⴰⵔⴻⵏ ⵄⴰⴷ ⴰⴷ ⵜⵜⵉⵇⵇⴻⵏ,
ⵎⴰⵛⴰ ⵜⴰⴼⴰⵡⵜ ⵏ ⵓⵖⴻⵎⴱⵓⴱ ⵉⵏⵓ ⵡⴰⵔ ⵥⵎⵉⵔⴻⵏ ⴰⴷ ⴽⵉⴷⴻⵙ ⵎⵎⵄⴰⵍⴰⵏ.
25 ⵉⵅⴹⴰⵔⴻⵖ ⴰⵙⴻⵏ ⴰⴱⵔⵉⴷ ⵓⵛⴰ ⴱⴻⴷⴷⴻⵖ ⴰⵙⴻⵏ ⵖⴰⵔ ⵓⵥⴻⴵⵉⴼ,
ⵥⴻⴷⵖⴻⵖ ⴰⵎ ⵓⵊⴻⴵⵉⴷ ⵊⴰⵔ ⵍⵄⴻⵙⴽⴰⵔ,
ⴰⵎ ⵡⴻⵏⵏⵉ ⵉⵜⵜⵄⴻⵥⵥⴰⵏ ⵉⵏⵏⵉ ⵉⵛⴻⴹⵏⴻⵏ.